ලි ජ්‍යැංහෙන් දෙස නොබලා ෂ්‍යාඕ චීයේ තම ඇඟිලිවලින් තේ කෝප්පයේ පියන සෙමෙන් නිවැරදි කළේය. ඔහු පැවසුවේ ය. “කලබල වෙන්න එපා”
ලී ජ්‍යැංහෙන් බුද්ධිමත් ව තම අසුනේ නැවතත් අසුන්ගත්තේ ය. “අධිරාජ්‍යයාණෙනි, ඔබතුමා මෙහි සිටිනවා වගේම, මුරකාවලුත් දැඩියි. කිසිම හේතුවක් නැතුව පුද්ගලයෙක් දියේ ගිලී මිය යන්නේ කොහොමද?
ජි ලෙයි පැවසුවේ ය, “උතුමාණන්ට පිළිතුරු දෙනවානම්, මේ නිහතමානී පුද්ගලයා මරණ පරීක්‍ෂකවරයාගේ පරීක්‍ෂණය සඳහා මිනිය රැගෙන එන්න අයෙක් දැනටමත් යවා අවසන්. අපි ඉක්මනින්ම විස්තර දැනගන්නම්. ”
"ඔබ අදහස් කරන්නේ මොකක් ද?" නිදන්ගත රෝගාබාධයක් හේතුවෙන් ෂියන්දේ අධිරාජ්‍යයාගේ ඇහිබැමි අඳුරකින් පිරී තිබුණි. ඔහු කීවේ “මට කියන්න එපා ඔහු මියගියේ දියේ ගිල්වා මරාදමලා කියලා.?”
ජි ලෙයි පැවසුවේ, “උතුමාණෙනි, අපි ඔහුව වතුරෙන් ගොඩ ගනිද්දී ඔහු මුළුමනින් ම තුවාල ලබා සිටියා. ඔහුට පහර දී ඇති බව පැහැදිලියි. ෂ්‍යාඕෆුසී මාලිගාවේ රාජ්‍ය නපුංසකයෙකු වුනත්, ඔහු විසිහතර තුළ කිසිදු වැදගත් තනතුරක් දැරුවේ නැහැ. ඔහු හුදෙක් උතුමාණන්ගේ පෞද්ගලික නපුංසකයා විතරයි. ඔහු මිය යාමට පෙර ඔහුට වධ හිංසා පමුණුවා ඇත්නම්, මිනීමරුවා විශාල දෙයක් සැලසුම් කරලා ඇති කියලා මට හිතෙනවා."
මේසය මත තමාට වාරු වෙමින්, ෂියන්දේ අධිරාජ්‍යයා නැගී සිට සීතල හඬින් පැවසුවේ ය, "මම මාලිගාවෙන් එළියට පැමිණියා විතරයි, දැනටමත් බලාගෙන ඉන්න බැරි අය ඉන්නවා."
"උතුමාණනි." හයි ලියැංයී පිටතට ගොස් දණින් වැටී, “අධිරාජ්‍ය ආරක්ෂකයික් සහ අෂ්ඨ මහා පුහුණු සේනාංක අද මුර සංචාර පැවැත්වීම සඳහා එකිනෙකා සමඟ මාරුවීම් ලබා ගන්නවා. මිනීමරුවා ඇත්තටම යමක් කුමන්ත්‍රණය කළා නම්, ඔහු එවැනි අශෝභන වැඩක් කරන්න නිර්භීත වෙන්නේ කොහොමද ? ෂ්‍යාඔෆුසී සාමාන්‍යයෙන් මිලදී ගැනීම් සිදු කිරීම සඳහා මාලිගාවෙන් පිටවෙනවා. වෙනත් තැන්වලදී අන් අයගෙන් පුද්ගලික සතුරන් ඇති කර ගැනීම ඔහුට කළ නොහැකි දෙයක් නෙමෙයි."
මහලේකම් කාර්යාලයේ වැඩිහිටි හුවා, හුවා සීචන, සෙලවීමකින් තොරව කෙළින් වාඩි වී සිටි අතර, “රෙන්ෂි, ඔබට එහෙම පවසන්න බැහැ. උතුමාණන් ඉදිරියේ පහර දෙන්න නිර්භීත කෙනෙක් පැහැදිලිවම උතුමාණන් සහ එහි සිටින අනෙක් නිලධාරීන් ගැන කිසිදු සැලකිල්ලක් දක්වන්නේ නැහැ. මාලිගාවෙන් පිටත සිටින සාමාන්‍ය මිනිසුන් අතර මෙවැනි ධෛර්යයක් තියෙන්නෙ කාටද?"
ෂ්‍යාඕ චීයේ ඔහුගේ මනසේ සිදුවන හැලහැප්පීම් හමුවේ නොසැලී සිටින්න ට විය.
වූ පැයේ තුන්වන කාර්තුවේදී,චෙන් යැං ෂ්‍යාඕෆුසී ව වනාන්තරයට ඇදගෙන ගොස් තිබුණේ ය. පැයකින් පමණ පවත්වන ලද භෝජන සංග්‍රහය ආරම්භයේදී පිඟන් කෝප්ප සපයන නපුංසකයන් සහ මුර සංචාරය භාර ගන්නා අෂ්ඨ මහා පුහුණු සේනාංක පසුකර යනු ඇත. අද පැමිණ සිටි සියල්ලෝ ම වංශවත් උගතුන් ය. තම වස්ත්‍ර වෙනස් කරන්න, තේ පැන් පානය කරන්න , එසේත් නැත්තං තමන්ගේ පෞද්ගලික කටයුතු සඳහා තම අසුන්වලින් නැගිට යන ඔවුන් ට කිසි විටෙකත් එවන් දෙයක් මතක සිටින්නේ නැත. එපමණක් ද නොව, ඔවුන් සමඟ පැමිණි සොල්දාදුවන් සහ නපුංසකයන් සියල්ලන්ට ම උද්‍යානය වටා ගමන් කිරීමට අයිතියක් තිබුණි. එම පැයක කාල සීමාව තුළ යමෙකුට ෂ්‍යාඕෆුසී හට සැහැල්ලු පහරක් දීමට පමණක් අවශ්‍ය වී නම්, ඔහු පොකුණේ ගිලී මියයනු ඇත.
දැන් තත්ත්වය දෙස බලන විට, ප්‍රශ්නය වඩාත් බැරූරුම් වූයේ ෂ්‍යාඕෆුසී ගේ සිරුරේ තැලීම් ඇති වූ ආකාරය පැහැදිලි කිරීම නොවේ. ඒ වෙනුවට ජී ලෙයි විසින් විමර්ශනය වෙනස් කර මෙම මිනීමැරුම් නඩුව කුමන්ත්‍රණකාරී සැක සහිත නඩුවක් බවට පත් කර තිබීමයි.
ෂ්‍යාඕ චීයේ තේ බඳුනේ පියන මතට අතැගිලි මගින් තට්ටු කරන්න ට විය. මේ ගිනිදැල් කිසි විටෙක චූ කුමරු වෙත ගමන් කළ යුතු නොවේ.
අධිරාජ්‍යයා මේ වන විට දැඩි ලෙස රෝගාතුරව සිටි අතර අධිරාජ්‍ය වෛද්‍යවරයාට අනුව ඔහුගේ මනස ඒකාකාරී නොවනු ඇත. ඔහුගේ අභාවය සිදුවන දිනය කිසිවෙකුටත් අනාවැකි කිව නොහැකි විය. කෙසේ වෙතත්, ෂියන්දේ අධිරාජ්‍යයාට උරුමකරුවන් සිටියේ නැත. අනපේක්ෂිත සිදුවීමක් සිදු වූ පසු, සිංහාසනයේ ඊළඟ පුද්ගලයා වන්නේ ලී ජියැන්හෙං ය.
අද ඔහු ඒ ගැන වැඩිපුර නොහිතු නිසා සිදුවී ඇත්තේ කුමක් ද. ලී ජ්‍යැංහෙන් හට තම අසුනෙන් පිටවීමට නොහැකි තරම් නිර්ලජ්ජිත විය. මෙය ඔහුට සරල නිදහසට කරුණකින් බැහැර කළ නොහැකි දෙයක් විය.
ෂ්‍යාඕ වංශය දැනටමත් බිදෙනසුළු හිම ස්ථර මතින් පා නගා තිබුණේ ය. ඔවුන් නැවතත් අධිරාජ්‍ය සිංහාසනය සඳහා වන අරගලයට සම්බන්ධ බවට සැක කළහොත්, ලිබෙයි හි එක් ලක්ෂ විසි දහසක් හමුදා බලකායන් ෂ්‍යාඕ ජිමිංගේ ජීවිතය මත මරණයට නියම වනු ඇත.
මෙම කාරණය ඔහු මතට ක්ෂණිකව කඩාගෙන වැටුණි. ඒ අග්නි ජාලාව වන විටත් ඔහුගේ මුහුණ දෙස බලා සිටියේය. ඔහුට එය දිගටම දැල්වීමට ඉඩ දිය නොහැකි විය.
ෂ්‍යාඕ චියේ එක්වරම තේ කෝප්පය බිම හෙළමින් එය සුනුවිසුනු කළේය. භෝජන සංග්‍රහයේ සිටි සියල්ලන්ගේම අවධානය ඒ වෙතට ගනිමින් ක්ෂණික, බිඳෙනසුලු ශබ්දයක් නැඟී ගියේය.
ලී ජ්‍යැංහෙන් බියෙන් ඔහු දෙස බලා, "ස…. ස'අන් ..."
ෂ්‍යාඕ චීයෙ නැගී සිට අධිරාජයා දෙසට වේගයෙන් ගමන් කළේය. ඔහු දණින් වැටී පැහැදිලි හඬින්, “උතුමාණෙනි! මෙම නිහතමානී විෂය ඔබෙන් මෙය සැඟවීමට එඩිතර වෙන්නේ නැහැ. මම තමයි මගේ මිනිස්සුන්ට ඔහුට ගහන්න අණ දුන්නේ.”
ෂියන්දේ අධිරාජ්‍යයා ඔහු දෙස බලා මෙසේ ඇසුවේය.
"ඔබ ඔහුට මෙතරම් අනුකම්පා විරහිත වීමට තරම් ඔහු ඔබ සමඟ ඇති කරගත් අමනාපය කුමක්ද?"
ජි ලෙයි ද ඔහු දෙස විමසිල්ලෙන් බලා මෙසේ කීවේය, “ගෞරවනීය ෂ්‍යාඕ, මෙය ඉතා වැදගත් කාරණයක්. යම් පෞද්ගලික සම්බන්ධයක් නිසා ඔබ වෙනත් කෙනෙකුගේ දොස් පැවරිය යුතු නැහැ."
"ඇත්තටම ඒක ලොකු දෙයක් නෙවෙයි." ෂ්‍යාඕ චියේ නිහතමානීව කීවේය.
“අනික ඒ දේ මේ යටහත් පහත් සේවකයා අපරාධයක් කියලා හිතන්නේ නැහැ. ඉතින් මම නොවැදගත් සහ පහත් නපුංසකයෙකුට පහර දී මරණයට පත් කළා කියලා මොනවා කරන්න ද? මම අධිරාජ්‍ය හමුදාවේ දෙවන ශ්‍රේණියේ හමුදාපතිවරයෙක්. මට කියන්න එපා මට තවමත් මේ පහත් සුනකයව ඉවසන්න ඕනේ කියලා? ”
හුවා සිචියන් පැවසුවේ “දෙවන තරුණ ස්වාමියා මේ තරම් කෝපයට පත්වෙලා නම්, එය සාමාන්‍ය අමනාපයක් වෙන්න බැහැ කියලා මට හිතෙනවා. ෂ්‍යාඕෆුසී ඔබ සමඟ සාමාන්‍යයෙන් ගනුදෙනුවක් කරන්නේ නැහැ කියලයි මමනම් දන්නෙ. ඉතින් ඇයි ඔබ මේ තරම් තරහෙන් ඉන්නේ?"
"ලේකම් කාර්යාලයේ වැඩිහිටියා මෙය දන්නෙ නැතුව ඇති , නමුත්..." ෂ්‍යාඕ චීයේ පැවසුවේ, "මාස කිහිපයකට පෙර මම මගේ අශ්වයාව හමුදා අභ්‍යාස භූමියට ගෙනයද්දි, මෙම සුනඛයාගේ ගමන් රථය මගේ මාර්ගය අවහිර කළා. ඔහු විශාල වෙඩිල්ලක් වගෙයි දිස්වුනේ. ඔහු තිරය එසවූයේ නැත්නම්, ඔහු පැන් ගොංගොං යැයි මට හිතෙන්න ඉඩ තිබුණා. මම ඔහුට වචන කිහිපයකින් බැන වැදුනා. මමත් ඇත්තටම මනුස්සයෙක්, නමුත් පාරේ සිටින කාලකණ්ණි කුලප්පු වූ නපුංසකයෙකු විසින් මාව නින්දාවට පත් කළා. ඒ වෙන කෙනෙක් වුණා නම් ඒ පුද්ගලයටත් මේ නින්දාව දරාගන්න පුළුවන් වෙැයිද කියලා මට සැකයි.”
පෑන් රුගුයි අධිරාජ්‍යයා පැමිණෙන තෙක් බලා සිටින්නට විය. ෂ්‍යාඕ චීයේ "නින්දාවක්" යැයි පවසනු ඇසුණු විට භෝජන සංග්‍රහයට පැමිණි සියල්ලෝම ඔහු වෙනුවෙන් තම දහඩිය පිස දැමූහ.
ෂියන්දේ අධිරාජ්‍යයා එය පිළිබඳ ව කල්පනා කරන විට, වැන්දඹු අධිරාජිනිය අදහස් දක්වන්න ට විය, “එහෙම වුනත්, ඒ වගේ සුළු කෝපයකට ඝාතනය කිරීම මහත්මයෙකු විසින් නොකළ යුතු දෙයක්.”
ඔවුන්ගේ වදන් පෑන් රුගුයිගේ වේදනාව උත්සන්න කළා සේය. අළු හිසකෙස් ඇති මිනිසා කඳුළු පිරි දෙනෙතින් දණින් වැටෙන්නට විය. “අපි වගේ වහලුන් සියල්ලෝ ම පහත් ජීවිත. දෙවන තරුණ ස්වාමියාට අපව සමාන කරන්න පුළුවන් වෙන්නේ කොහොමද ? උත්තමාවිය දැනටමත් ඇගෙ අනුකම්පාවෙන් අපට සලකනවා. ෂ්‍යාඕෆුසී කොයිතරම් නොසැලකිලිමත් ද කියා කියනවානම්, උසාවියේ හමුදා නිලධාරීන් හමුවීමේදී ආචාර විධි අනුගමනය කිරීමටවත් ඔහු දැනගෙන සිටියෙ නැහැ. දෙවෙනි තරුණ ස්වාමියාගේ උපදෙස් ලැබුණත්, ඔහු පසුතැවිලි වුනෙ නැහැ... මේ සියල්ල මේ දාසයාගේ වරදක්, මම දරුවාට ඉගැන්වීමට ප්‍රමාද වීමයි සියල්ලටම මුල"
ඔහු එසේ සන්සුන්ව හා අවස්ථානුරූපීව කතා කළේය. එහෙත්, නීතියේ නියම වූයේ නපුංසකයන්ට ඇමතිවරයකු හෝ ප්‍රධාන අධිකරණ නිලධාරියෙකු දුටු විට ආචාර කිරීම සඳහා බැස ගොස් දණින් වැටී ආචාර කළ යුතු බවයි.
වැන්දඹු අධිරාජිනිය දැඩි බෞද්ධයෙකු වූ නිසා ජීවිත බිලිගැනීම ගැන ඇය නොසතුටට පත් වූවාය. ඒ නිසා ඇය ෂියන්දේ අධිරාජයාට මෙසේ පැවසුවාය.
"ෂ්‍යාඕ ජීමිං ඉතා ප්‍රචණ්ඩ වගේම පාලනය රහිතයි. සියලු හැඟීම් සහ හේතු අනුව, අපට ඔහුව සැහැල්ලුවෙන් අත්හැරීමට ඉඩ දිය නොහැකි. ඊට අමතරව, ෂ්‍යාඕ වංශය සියල්ලෝම පක්ෂපාතී සහ අවංක මිනිසුන් ය. ලිබෙයිහි කුමාරයා තම පුත්‍රයා චූදු වෙත එව්වා. ඔහු තමා ගැන මෙතරම් ඉහළින් සිතන තරමට අපි ඔහුට රිදෙව්වොත්, ඔහු අපට භාර දුන් ලිබෙයි කුමරුව අප විසින් පහත හෙළුවා වගේ වේවි කියලා මට හිතෙනවා".
ජි ලෙයි කෝපයට පත් විය. ඔහු මේ කාරණය පහසුවෙන් විසඳා ගැනීමට අකමැති වූයේ ය. “දෙවන තරුණ ස්වාමියා සෑම විටම චූ කුමරු සමඟ මිත්‍රශීලීව කටයුතු කළා. දැන් ඔහු එවැනි දෙයක් සිදුකර ඇති නිසා, උතුමාණනි-"
“මේ නිහතමානී යටහත් පහත සේවකයාට තවම කියන්න දෙයක් තියෙනවා. ඔහුට පහර දුන්නේ මම වෙන්න පුළුවන්, නමුත් මම ඔහුව මැරුවේ නැහැ. මහරජතුමනි, මේ නිහතමානී පුද්ගලයාට මගේ කෝපය පිට කිරීම සඳහා ඔහුව මරා දැමීමේ චේතනාව මුලින් පැවතියා තමයි. නමුත් චූ කුමාරයා මේ කාරණය දැනගත් විට, ඔහු එයට විරුද්ධව මා පෙළඹෙව්වා. මේ නිහතමානී යටත්වැසියා තමයි අද මුරකරුවන්ට ඔහුව ඇදගෙන ගොස් නිශ්ශබ්දතාව පහර දෙන ලෙස නියෝග කළේ. සිදුවෙමින් පවතින දේ අතරමගදී දැනගෙන ෂියාඕෆුසිගේ ජීවිතය බේරාගන්න චූ කුමරු අසුනෙන් පිටව යාවි කියා කවුද සිතුවේ? උතුමාණන් උපදෙස් දීමත් සමඟ, මෙම නිහතමානී විෂය කෙතරම් නිර්භීත වුවත්, මෙම නිහතමානී විෂයය අධිරාජ්‍යයාගේ ගෞරවය නැති කිරීමට කිසිවක් සිදු කරන්නේ නැහැ . ඉතින්, මෙම නිහතමානී විෂයට ඉඩ දෙන්න. ඔහු දියේ ගිලී මියගිය ආකාරය ගැන, මෙම නිහතමානී සේවකයාට ද අමුතු දෙයක් ලෙස හැඟෙනවා. මා වෙනුවෙන් මගේ වෛරය මතින් මෙවැනි අවදානාත්මක දෙයක් කිරීමට කැමති වෙන්නේ කවුද? ජී ස්වාමිණි!.”
ෂ්‍යාඕ චීයේ ජී ලෙයි වෙත හැරෙද්දි ඔහුගේ දෑස් යන්තමින් ප්‍රීතියෙන් බැබලුණි.
“අධිරාජ්‍ය ආරක්ෂකයින් සාමාන්‍යයෙන් ඔවුන්ගේ කටයුතු වලදි ඉතා සූක්ෂමයි සහ නිර්දෝෂීයි. අද ඔහු මාර්ගය අභියස වැතිර සිටියා. එහෙත් ඔහුට තවමත් මුර සංචාර කණ්ඩායම් මඟහැර පොකුණට වැටෙන්නට හැකි වුණා. සමහර විට හිස වසාගෙන සිටි නිසා ඒ ඔහුම ද කියලා අදුනගන්න නොහැකි වෙන්න ඇති.”
හයි ලියැංයී පවසන්නට විය, “ඒක ඇත්ත. මෙතරම් වැඩුණු පුද්ගලයෙක් පොකුණට වැටිලත් මුර සංචාරයේ යෙදී සිටි අධිරාජ්‍ය ආරක්ෂකයින්ට එය කිසි විටෙකත් වැටහුණේ නැහැ. අද ඝාතකයන් ෂියුවාන් වලට ආවත්, අධිරාජ්‍ය ආරක්ෂකයින් එය නොදකීවි!"
ජි ලෙයි තවදුරටත් ජලය මඩ කරන්නට නිර්භීත වන්නේ කෙසේද? ඔහු කිහිප වතාවක්ම කලබලයට පත් වූයෙ ය, “උතුමාණෙනි! රාජකීය ආරක්ෂකයන් ට කිසිවක් සිදු කරන්න බැහැ. රාජකීය ආරක්ෂකයන් අෂ්ඨ මහා පුහුණු සේනාංක සමඟ මුර සංචාර පැවැත්වීම සඳහා ස්ථාන මාරු ලබා ගන්න නිසා එක් එක් සංචිතය මුදා හැරීමේදී අපට මිනිස් බලය ප්‍රවේශමෙන් සංවිධානය කළ යුතු වෙනවා. අංශු මාත්‍රයක හෝ දෙයක් නොසලකා හරින්න අප එඩිතර වෙන්නේ නැහැ! ”
අෂ්ඨ මහා පුහුණු සේනාංක සේනාධිනායක ෂී ගුආන් ද දණ ගැසීය “ඇත්ත වශයෙන්ම එය නීතියක්. අෂ්ඨ මහා පුහුණු සේනාංක එය සැහැල්ලු කිරීමට එඩිතර වෙන්නේ නැහැ. මුර සංචාරයේ මාරු වීම් ස්ථාවර කාලසටහනකට අනුව සිදු වේනවා. කාටහරි කටපාඩම් කරගෙන ෂ්‍යාඕෆුසී ව මරන්න තියෙන අවස්ථාවක් හොයාගන්න බැරි නැ. මෙය උසාවි නිලධාරියෙකු සහ නපුංසකයෙකු අතර ඇති පෞද්ගලික ආරවුලක්. මේ ෂ්‍යාඕෆුසී ගැන කී දෙනෙකුට වෛරයක් තියෙනවද කියලා හරියටම විමර්ශනය කරන්න කාට හරි බාර දෙන්න ඕන.”
"විමර්ශනය කරන්න." ෂියන්දේ අධිරාජ්‍යයා නින්දා සහගත ලෙස සිනාසුණු අතර හදිසියේම තේ කෝප්පය ගූ ෂි'අන් වෙත විසි කළේය. ඔහු දැඩි කෝපයෙන් පැවසුවේ ය, “ඔබේ නාසයට යටින් අයෙක් මියගියා. ස්වයං-ආවර්ජනය කරනවා වෙනුවට, ඔබට අවශ්‍ය වන්නේ වගකීමෙන් මිදෙන්න විතරයි! ඇත්තටම මම මගේ, මගේ ආරක්‍ෂාව තමුන්ලා හැමෝගෙම අතේ තියනවා කියලා හිතන්න… තමුන්..."
ෂියන්දේ අධිරාජ්‍යයා නැවතත් අතින් මුව වසා ගනිමින් කහිද්දි ඔහුගේ කටහඬ ගොරොසු විය. ඔහු කොතරම් කෝපයට පත් වී ඇත්ද යත්, ඔහු පසුපසට පෙරළීමට පෙර ඔහුට මේසය වාරු කර ගැනීමට සිදු විය.
"උතුමාණනි!"
ඔහු වටා සිටි අධිරාජ්‍ය උපභාර්යාවන් ඝෝෂාකාරී කෑගැසීම් පිට කළහ. භෝජන සංග්‍රහය සම්පූර්ණ අවුල් ජාලයකට ඇද දමන ලදී.
"අධිරාජ්‍ය වෛද්‍යවරයා ඉක්මනින් කැඳවන්න!" වැන්දඹු අධිරාජිනිය උපකාරය සඳහා යමෙකු අල්ලාගෙන නින්දා සහගත ලෙස කීවාය.
◈ ◈ ◈
ෂ්‍යාඕ චීයේ ව දුටු ලී ජ්‍යැංහෙං ට තම මෑණියන් දුටුවාක් මෙන් හැඟුණි. ඔහු, “මගේ ආදරණීය සහෝදරයා! ඔබ මාව හොඳටම බය කළා!"
ෂ්‍යාඕ චීයේ පැවසුවේය, “මම මෙච්චර වෙලා දණ ගහගෙන හිටියා දැන් මට බඩගිනියි. මට කෙටි ආහාර ටිකක් ගෙනත් දෙන්න."
ලී ජියැන්හෙං අත වනමින් යමෙකුට ඉක්මන් කර කෙටි ආහාර ලබා දෙන ලෙස ඉල්ලා සිටියේය. ඔහු ෂියුඇන් හි දිගු වාහල්කඩ පාමුල ෂ්‍යාඕ චීයේ සමඟ සිටගෙන මාලිගා ශාලාවේ දීප්තිමත් ආලෝකය දෙස බලාගෙන සිටින්නට විය.
"උතුමාණන්ට සිහිය ආවොත්, ඔහු ඔබව කැඳවයි."ලී ජ්‍යැංහෙන් පැවසුවේ ය, "ඒ වුනත් ෂ්‍යාඕෆුසී මිය ගියේ කොහොමද? මම ඇත්තටම අවාසනාවන්තයි වගේ! "
ෂ්‍යාඕ චීයේ ඖෂධීය තේ සමඟ ඔහුගේ කෙටි ආහාර අනුභව කරන්නට විය.
"මේ කාරණය ගැන කියන්න අමාරුයි."
පැන් රුගුයි සෑම විටම ෂ්‍යාඕෆුසී වෙත අනුග්‍රහය දක්වයි. යමෙකුට හිතාමතාම ෂ්‍යාඕෆුසී ගේ ජීවිතය නැති කිරීමට අවශ්‍ය වූයේ නම්, ඔහුගේ කාලය ලී ජ්‍යැංහෙන් ගේ පහරදීම සමඟ මෙතරම් පරිපූර්ණ ලෙස සමපාත වන්නේ කෙසේද? එය ෂ්‍යාඕෆුසී ඝාතනය කිරීමට හිතාමතා කළ උත්සාහයක් නොවේ නම්, එය ඒ මොහොතේ ගත් තීරණයක් විය. එහෙත්, ඔහුව මරා දැමීමට වඩා ඔහුව ලිහා දැමීම වඩා වාසිදායක වනු ඇත. කාරණය වූයේ පැන් රුගුයි සහ ජී ලෙයි ඉතා වේගයෙන් ප්‍රතිචාර දැක්වීමයි. පුද්ගලයා ඒ වන විටත් මිය ගොස් සිටි නිසා, ඔවුන් ඔහුගෙන් උපරිම ප්‍රයෝජන ගැනීමටද ඉඩ තිබේ. චූ කුමරුට එය රාමු කළ හැකි නම්, ඔවුන් එක ගලෙන් කුරුල්ලන් දෙදෙනෙකු මරා දමනු ඇත.
"මහරජතුමා මෑතකදී රාත්‍රිය ගත කිරීම සඳහා ඔහුගේ කුටියට කාවහරි කැඳවලා තියෙනවා ද?" ෂ්‍යාඕ චියේ අහේතුකව ඇසුවේය.
"ඔව්." ලී ජ්‍යැංහෙන් පිළිතුරු දුන්නේය. “ඔහු මෑත කාලයේ වඩාත්ම කැමති වන්නේ වෙයි වංශයේ කාන්තාවට. වැන්දඹු අධිරාජිනියත් ඇයට කැමතියි.”
ෂ්‍යාඕ චීයේ කල්පනාකාරීව බලා සිටියේය.
ඒ වන විටත් අඳුර වැටී තිබුණත් කිසිවකු පිටව යාමට එඩිතර වූයේ නැත. ඔවුන් සියල්ලෝම කුඩා කණ්ඩායම් වශයෙන් ආලින්දය තුළ සිටගෙන, ෂියන්දේ අධිරාජයාට සිහිය එනතුරු බලා සිටියහ.
ෂී ගූ'අන් වත්ත මැදින් පිටව ගියේය. ඔහු ආපසු පැමිණි විට, ඔහු අධිරාජිනියගේ අණ ලබාගැනීමට පිටත් විය. තවත් පැයකට පසු, ෂ්‍යාඕ චීයේ හදිසියේම දුටුවේ අට මහා පුහුණු අංශයේ ආරක්ෂකයින් පිරිසුදු කපු ඇඳුමකින් සැරසී සිටි, පැති ගේට්ටුවෙන් දඩයම්කරුවෙකු මෙහෙයවන ආකාරයයි.
"ඒ කව් ද?" ෂ්‍යාඕ චීයේ විමසීය.
ලී ජියැන්හෙන් ඔහුගේ ගෙල කසමින් පවසන්නට විය. ෂායුඅන් වල ධාවකයන් එතරම් නැහැ. නමුත් ඔවුන් මේ ධාවකයෙක්ව ගෙනයන්නෙ මොකටද? ”
පහන් කූඩුවේ ඇති අඳුරු ආලෝකයේ ආධාරයෙන්, තියුණු ඇස් ඇති ෂ්‍යාඕ චීයේ දුටුවේ, එම ධාවකයාට පිළිස්සුම් කැළැල් සහිත අවලස්සන පෙනුමක් ඇති බවයි. ඒ මන්දැයි ඔහු නොදත් නමුත්, අසුබ උපකල්පනයක් ඔහුගේ සිතේ තදින් පැළපදියම් වූ විට ඔහුගේ හදවත හදිසියේම වේගවත්ව ස්පන්දනය විය.
"ෂියුවාන් වල ධාවකයෙක්." ෂ්‍යාඕ චීයේ පැවසීය. “ෂියුඇන් යනු අධිරාජ්‍යයා පිළිගැනීමට භාවිතා කළ උතුම් භූමියක්. ඔහු දෙස බලන්න අවසර තිබෙන්නේ පිරිසිදු අයට පමණයි. මේ වගේ කෙනෙක් කොහොමද ඇතුළට ආවේ?”
ටික වේලාවකට පසු, පෑන් රුගුයි දොරෙන් පිටතට ගොස් හඬ නැගීය, “ෂෙන් වංශයේ අටවන පුත්‍රයාව කැඳවන්න! අධිරාජ්‍යයා හමුවට ඉක්මනින් යාමට අවශ්‍යයි."
නිලධාරීන් පිරිස මැද මහත් ඝෝෂාවක් ඇති විය. සාකච්ඡාවේ හඬ කිහිප ගුණයකින් ඉහළ ගියේය.
ෂෙන් වෙයිගේ මරණයෙන් පසු රාජද්‍රෝහීත්වයට වරදකරු වූයේද යන්න පිළිබඳ අවසන් තීන්දුවක් නොතිබුණද, ෂෙන් වෙයිගේ නම ඒ වන විටත් රට පුරා ව්‍යාප්ත වී තිබුණි. ෂොංබෟහී තුවාල කැළැල් තවමත් සුව වී නොතිබූ අතර, හමුදා පරාජයේ වරද තවමත් පවතී. ෂෙන් වංශයේ ඉතිරි සාමාජිකයාට නුසුදුසු ලෙස තම ජීවිතදානය ලැබීම ඔවුන්තුළ අමනාපයක් ඇති කර තිබුණි. ඉතින් ඔහුට දැන් එළියට එන්න අවසර දුන්නේ ඇයි?
" කුමක් ද සිද්ධවෙන්නේ?" තුෂ්නිම්භූත වූ ලී ජියන්හෙන් ඇසුවේය. “ඔවුන් යමක් සොයා ගත් බව මට කියන්න එපා? ස'අන්, ඔබ සහ ඔහු අතර වෛරයක් තියෙනවා. ඔහු හමුවන සෑම විටම ඔබ දෙදෙනාම රතු පැහැයෙන් දිස්වෙනවා. ෂ්‍යාඕ වංශයේ අභිමානය වෙනුවෙන්, ඔවුන් ඔහුව එළියට නොදැමිය යුතුව තිබුණා නේද!"
ෂ්‍යාඕ චීයේ කිසිවක් කීවේ නැත. ඔහු හුදෙක් දොරටුව දෙස සමීපව බලා සිටියා පමණි.
පැය බාගයකටත් අඩු කාලයකදී, ඉදිරියෙන් සිටි මුරකරු පා ගමනින් ඇතුලට ගියේය.ඔහු පසුපසින් පුද්ගලයෙක් පැමිණියේය.
අවුරුදු පහකට පසු මේ මිනිසාගේ කොණ්ඩය දිගු වී ඇත. එය කොණ්ඩ පටියකින් සුරක්ෂිත කර ඔහුගේ හිසට පිටුපසින් බැඳ තිබිණි. ඔහු *ඔටුන්නක්* පැළඳ සිටියේ නැත. ඔහුගේ පැරණි පළල් අත් ඇති වස්ත්‍රය ඔහුගේ මැණික් කටුව තෙක්ම වසාගෙන සිටි අතර, එම හස්තයන්ගෙන් විහිදුණු ඉතිරි කොටස සුදු පෝසිලේන් මෙන් පැහැපත් සහ මෘදු විය. ලන්තෑරුම ෂ්‍යාඕ චීයේ ගේ පෙනීම බොඳ කළේය. මිනිසා පිටතට යන විට, ලී ජ්‍යැංහෙන් ගේ අතෙහි වූ තේ බදුන අතහැරි බිම පතිත විය.
ලී ජ්‍යැංහෙන් අවධානය වෙනතකට යොමු කරමින් ශබ්ද නඟා මිමිණුවේය. "ඔබ මට කවදාවත් කිව්වෙ නෑ ඔහුගෙ පෙනුම මෙහෙමයි කියලා..."
ෂ්‍යාඕ චීයේ ගේ මාපටැඟිල්ල තරමක් වකුටු විය.
ශෙන් ස'චුආන් ආලින්දය ඉදිරිපසින් ගමන් කළේය. ඔවුන් දෙදෙනාම මාවත් හරස් කළ සැණින්, ෂ්‍යාඕ චීයේ මේ පුද්ගලයා දෙස බැලුවේ සීතල හා තියුණු ආකාරයෙනි. එම තත්පරය බිඳී ගිය මොහොතේම ඔහු ගැඹුරු මතකයන් රැගත් දෑස් අගුළු ලා වැටුණි.
මෙම ඇස් පටු සහ දිගු වූ අතර, කෙළවර ඉහළට නැමී වක්‍රව තිබුණි. ඒ දැස් තුළ දිව්‍ය ආලෝකය බැබළුණි. පහන් කූඩුවේ මඳ එළිය යට පවා ඒ දෑස් පෙනුනේ අභ්‍යන්තරයේ ශේෂ වූ තරු සඟවාගෙන සිටින්නාක් මෙනි.
ක්ෂණිකව, ශෙන් ස’චුආන් ෂ්‍යාඕ චියේ වෙත මඳ සිනහවක් පාන බවක් පෙනෙන්නට තිබුණි. නමුත් එය කෙතරම් දුර්වලද යත්, රාත්‍රියේ මෘදු සහ සීතල සුළඟ මෙන් ශෙන් ස’චුආන් ඔහු පසුකර ගිය පසු එහි කිසිදු හෝඩුවාවක් ඉතිරි නොවීය.
පෙර පරිච්ජේදය| සියළුම පරිච්ජේද| පසු පරිච්ජේදය
අරැත් පැහැදිලි කිරීම
二十四衙门විසිහතර යනු මිං රාජවංශයේ අධිරාජ්‍යයාට සහ ඔහුගේ පවුලේ අයට සේවය කරන නපුංසකයන්ගේ ආයතනයකි. එය අධ්‍යක්ෂ මණ්ඩල දොළහකින්, කාර්යාල හතරකින් සහ සේවා අටකින් සමන්විත විය - මේවා සාමූහිකව විසිහතර ලෙස හැඳින්වේ .
හායි ලියැංයී ගේ ගෞරවනීය නම
午时 වූ පැය, එනම්, පෙර කාලවල භාවිතා කරන ලද පැය දෙකක උප බෙදීම් පද්ධතියේ පෙරවරු 11 සිට ප.ව. 1 දක්වා.
තම පුතාගේ වැරදි වලට පියා වගකිව යුතුය (ඔහු ඔහුට හොඳින් ඉගැන්වූයේ නැති නිසා). ගුරුවරයෙකු හෝ උපදේශකයෙකු පියෙකු මෙන් යැයි කියනු ලබන බැවින් එය ගුරුවරයෙකුට හෝ උපදේශකයෙකුට අදාළ වේ.
Comments
Post a Comment