දහ අටවන පරිච්ඡේදය : තේරීම

 දුරස්ථකරණය සම්පූර්ණ වීමෙන් අනතුරුව අවට වූ මීදුම විසිර ගියේ ය. ක්‍රමයෙන් පියවි සිහියට එත්ම අපහසුවට පත් නියායෙන් යැන් ජින්, ශෙන් ජිෂියෑන්ගේ ග්‍රහණයෙන් සිය අත මුදවා ගැනීමට තැත් කළේය. ඔහු කිසිවෙකුත් සමඟ මේ තරම් සමීප ඇසුරක් පවත්වා නොතිබිණි.

ඒ හා ම ශෙන් ජිෂියෑන් ප්‍රවේශමෙන් සිය ග්‍රහණය දැඩි කළේය. මෙම මෙවලම නිර්ලජ්ජිතව මෙවන් උපක්‍රමයක් අනුගමනය කරාවි යැයි ද, තමන් පිළිබඳ ව ද හේ මද කෝපයකිනි පසු වූයේ. වෛරයක් සිත දරමින් යැන් ජින් නැවත උපන් බව දැන සිටි තමන් ප්‍රවේශම් නොවූයේ ඇයි?

ශෙන් ජිෂියෑන් ඒ පිළිබඳ කල්පනා කළ අතර, මිනිසාගේ සුන්දරත්වය ඔහුව නොමඟ යවන බැව් තීරණය කළේ ය.

ආරම්භයේ පටන් මේ දක්වා ම යැන් ජින් සිටියේ නිහඬව ය. මේ මොහොතේ දී ඔහු, නිසලව හුන් අතර හැඟීම් විරහිත වතින් කෙළින් ඈත බලා සිටියේ දෙතොල් තදින් වැසී තිබිණි.

ඔහු පසෙකින් සිටගෙන හුන් ශෙන් ජිෂියෑන් ඔහුගේ පැතිකඩ දෙස බලා සිටියේ ය.

බැලූ බැල්මට ම ඔහු, තමන් සිතා සිටි කතා නායකයා ම විය. පොත කියවද්දී, එහි වූ විස්තරයෙන් ම ඔහු සිතා සිටියේ කතා නායකයා ඉතා කඩවසම් බවයි. දැන්, ඇත්ත පුද්ගලයා දෙස බැලීමේ දී, කිසිදු ඇදයක් නොපෙනුන ඔහු 360° න් ම එසේ ම විය. මේ ඔහුගේ ප්‍රියතම ආකාරයයි.

සිය ගුරුතුමා තමන් දෙස නෙත් හෙළා සිටින බැව් දැනුණු යැන් ජින් හට තවදුරටත් එය දරා සිටිය නොහැකි විය. හිස මදක් හැරවූ ඔහු සිහින් සරින් " ෂිෆු " යි ඇමතීය.

ඔහු පසුබෑ අතර, බැල්ම, සවි වී ඇති හස්තයන්ට යොමු විය. " අත්.. "

ශෙන් ජිෂියෑන් සන්සුන්ව ඔහු දෙස බලා සිටියේ ය. යැන් ජින්ගේ ඇඟිලි මදක් දැඩි වී ඇති බවත්, ඔහු වෙහෙසට පත් ව ඇති බවත් දුටු ශෙන් ජිෂියෑන් සැහැල්ලුවෙන්, " මොකක්ද ගැටලුව? මම ඔබේ අතින් අල්ලාගෙන සිටිනවා පමණයි. "

යැන් ජින්ගේ තද හකු දෙසට බැල්ම යොමු කළ ශෙන් ජිෂියෑන් මද සිනාවක් හෙළා සැහැල්ලුවෙන් පැවසූවේ, " ගුරුතුමාත් ගෝලයාත් එක සිතින් එක් අරමුණකටයි වැඩ කරන්නේ. අ'ජින්, ෂිෆුව හැරයන්න එපා. හරිද? "

යැන් ජින්ගේ උගුර සෙලවුණේ නමුදු කිසිත් නොපැවසීය.

සිව් වසරක් පුරා ශෙන් ජිෂියෑන්ගේ ඇසුරෙහි හිඳ ලද අත්දැකීම් පැහැදිලි ව ම කියා සිටියේ ඔහු කෝපයෙන් බවයි.

කෝපයට පත් වහා ම ශෙන් ජිෂියෑන් සැහැල්ලුවෙන් හා සාමකාමී ව සිනාසෙනු ඇත. ඔහුගේ ඇහිබැමි මදක් ඉහළට යනු ඇත, යම් ආකාරයක සමච්චල් සහගත සිනහවකින් ඔහුගේ දෙතොල් මදක් ඉහළ යනු ඇත. සමස්ත පුද්ගලයා පැහැදිලි ව ම සුන්දර සහ සන්සුන් පෙනුමක් ගන්නා නමුදු එය මිනිසුන්ට සීතලක් ගෙන දෙන අතර ඔවුනගේ ලොමු ඬැහැගන්වන්වයි.

ඔහු මෙලෙසින් නිකාය නායක සොන් හටත්, යන් ශෙන් හටත්, ඔහුව කෝපයට පත් කළ සෙස්සන්ටත් සැලකුවේ ය.

නමුත්, පෙනී ගියේ...  ශෙන් ජිෂියෑන් ඔහු හා සැබැවින්ම කෝපයට පත් වූ ප්‍රථම අවස්ථාව මෙය බවයි.

අතීතයේ දී ශෙන් ජිෂියෑන් ඔහු හට කාරුණික හා සෞම්‍ය විය.

හදිසියේ ම යැන් ජින්ගේ හදෙහි අමුතු, විස්තර කළ නොහැකි හැඟීමක් හට ගැනිණි. පසුගිය වසර කිහිපයේ දී ශෙන් ජිෂියෑන් ඔහු හට ඉතාමත් හොඳ වූයේ, සිය බාල වියේ දී ඔහු පැතූ ගුරුතුමාගේ චරිතය හා සමපාත වන පරිද්දෙනි.

සීතල ලොව දිගු කලක් කල් තනිව සැරිසැරූවෙකු මෙන් උණුසුමට සැලකූයේ වටිනා නිධානයකට මෙනි. රැයෙහි මැදියමේ දී ඔහු තමන්ට ම පුනරාවර්තනය කළේ එම සිහිනය අමතක කරන්නැයි කියාමුත්, එය කළ නොහැකි විය.

ඒ සඳහා දැඩි අදිටනක් ගන්නා සෑම විටෙක දී ම සිහිනයෙන් ඔහුව අමතන ශීතල ගැඹුරු හඬක් ලෝකය විනාශ කරන ඕනෑම දෙයක් කරන්නට ඔහුට පවසනු ඇත.

එවිට ඔහු ශීතල ලෙසින් දහඩිය වගුරවමින් එක්වරම අවදි වූයේ, ජීවිතයත් මරණයත් අතර දෝලනය වූ නියායෙන් හද ගැහෙන්නට වෙයි. කුඩා අකමැත්ත සහ වෛරය ඔහුගේ අස්ථීන් පුරා ඔඩු දුවන්නාක් මෙන් විය. එය මදක් පොත්ත ඉවත් කරන්න, එය නැවතත් ඔහු පැටලවීමට වහා යළි වර්ධනය වේ.

" අ'ජින්, ඔබට මගේ ප්‍රශ්නය ඇහුණ ද? " ශෙන් ජිෂියෑන්ගේ මද හිනහව වඩ වඩාත් කාරුණික විය. " ඔබට මෙහි අපි වයසට යන තුරු ෂිෆුත් සමඟ ඉන්නට අවශ්‍යයි ද? "

යැන් ජින් ආපිට ඔහු දෙස බැලුවේ, තමන් මද වේලාවක් සිය සිතිවිලි අතර ගිලී හුන් බැව් වටහා ගත්තේ ය. ඔහුට ශෙන් ජිෂියෑන්ගේ පළමු වචන අර්ධය පවා නෑසිණි. ප්‍රථම වරට ඔහුට කළ යුත්ත හෝ කිව යුත්ත පිළිබඳ තීරණයක් ගත නොහැකි විය.

" ෂිෆු " ශෙන් ජිෂියෑන් විමසූවේ කුමක්දැයි දැන නොසිටි යැන් ජින් සිහින් සරින් පවසා සිටියේ, " මේ යෙදවුම අධ්‍යාත්මික බලය සීමා කොට පුද්ගලයා බාහිර ලොවෙන් වෙන් කොට හුදෙකලා කරනවා. දින පහකට පසු නැවතත් දුරස්ථකරණය ක්‍රියාත්මක වී ඔබට පිටතට යාමට හැකි වේවි. "

මෙවර ශෙන් ජිෂියෑන්ගේ ගිණුම් පියවීමට වඩාත් බියකරු මගක් ගන්නට නම් යැන් ජින් හට කොහෙත්ම අවැසි නොවුණි. පසුවූ වසර කිහිපය මුළුල්ලේ ශෙන් ජිෂියෑන් තමන් කෙරෙහි විවිධාකරයෙන් පළ කළ සැලකිල්ල අවසානයේදීත් ඔහුගේ හද තුළ විය.

ඔහුට අඳුරු සිහිනය අමතක කළ නොහැකි වූයේ, එලෙසින් ම පසුගිය වසර කිහිපයේ දී ශෙන් ජිෂියෑන් ඔහුට සැලකූ අන්දමත්. අවසානයේ දී ඔහු ගිවිසියේ; දින කිහිපයකට ශෙන් ජිෂියෑන් සිර කොට තබන්නට ය; එවිට ඔහුට ඔවුනතර වූ බැඳීම බලහත්කාරයෙන් බිඳ දමමින් නිහඬව ම පිටව යන්නට හැකි වනු ඇත.

අවසනාවකට, එය අසාර්ථක විය.

දින පහක්.

යැන් ජින් සිය අන්තයේ හිඳිමින් ගැඹුරින් කල්පනා කළේ ය. නමුත් මේ අන්තයේ හිඳි ශෙන් ජිෂියෑන් සිටියේ දින ගණන පිළිබඳව සිතමිනි. දින පහක් යනු ඉතා කුඩා හෝ ඉතා දිගු ගණනක් නොවීය. ඔහු සතුව අධ්‍යාත්මික බලයක් නොවුණ ද, ඔහු ප්‍රවේශමෙන් ක්‍රියා කළහොත්, ජීවතුන් අතර හිඳීම එතරම් අපහසු නොවිය යුතු ය.

ඉන් පෙනී ගියේ සිය ගුරුවරයා මුලාවේ හෙළා සිය මුතුන්මිත්තන් විනාශ කරන්නට තරම් මේ කුඩා පැටවාගේ හෘද සාක්ෂිය නැති වී නොමැති බවයි.

පිහිටුවීම ඇත්තේ කොහිදැයි ඔහුගේ මතකයේ වේ දැයි අසන්නට සූදානමිනි, ශෙන් ජිෂියෑන් සිටියේ; එසේ නම් එය වෙනස් කොට ආපිට යා හැකි වනු ඇත. නමුත්, යැන් ජින්ගේ ඊළඟ වදන ඔහුගේ එම බලාපොරොත්තුව මරා දැමීය.

" ෂිෆු මුලින් ම සිටගෙන සිටි ස්ථානය සම්බන්ධ කර තිබුණේ යක්ෂයින්ගෙන් තොර ආරක්ෂිත ස්ථානයකටයි. ඒත් දැන් ඉන්නා තැන කොහේද කියා මේ ගෝලයා දන්නේ නෑ. "

ශෙන් ජිෂියෑන්: " ...... "

ශෙන් ජිෂියෑන් නිහඬව ම අවට බැලුවේ ය. අවට තුරු ගොමු ඝන සහ සාරවත් වූවේ, තවමත් ඔවුන් ෂිලියන් කන්දෙහි ම සිටින බවක් දිස්විය. කෙසේවෙතත්, තමන් සිටින්නේ කුමන මුදුනේ ද යන්නවත්, වෙනස් කරන ලද ව්‍යුහයට දැන් සිටින ස්ථානයේ සිට ඇති දුර කොපමණදැයි කියාවත් ඔහු නොදැන සිටියේ ය.

යැන් ජින්ගේ දිගු වැකිය අවසානයේ දී, නැවත වතාවක් ඔහු නිහඬ විය. සන්සුන් වන්නට ශෙන් ජිෂියෑන් ගැඹුරු හුස්මක් ගත්තේ ය. " සාමාන්‍යයෙන් හතරවෙනි වැඩිහිටියා දින කිහිපයකට වතාවක් පස්වන මුදුනට එනවා. ඒ  වෙද්දි..... "

සිව්වන සටන් මාමා ඔහු එහි නොමැති බැව් වටහාගෙන නිසැකව ම ඔහුව සොයන්නට පටන් ගනීවි.

යැන් ජින් සිය බැල්ම පහත හෙළුවේ ය. " ඊයේ මේ ගෝලයා හතරවෙනි වැඩිහිටියා මුණගැහිලා කිව්වා, ඔබ ෂිලියන් කන්දෙහි වැඩ අවසන් වූ පසු මාස බාගයක් හෝ අඩුම තරමේ දින දහයක්වත් හුදෙකලා වාසය සඳහා ‍යන්නට සැලසුම් කර තිබෙන බව. "

ශෙන් ජිෂියෑන්: " ....... "

යැන් ජින් නැවතත් එක් කළේ, " ඒ වෙලාවේ දී, තුන්වෙනි වැඩිහිටියාත් එතැන හිටියා. තුන්වෙනි වැඩිහිටියා කිව්වේ ටික කාලෙකට ඔබට බාධා නොකරන බවයි. "

ශෙන් ජිෂියෑන්, " ........ "

ශෙන් ජිෂියෑන් අතිශයින් ම කෝපයට පත් විය. ඔහු දත්මිටි කමින් සිනාසුණි. " ඔබ හොඳින් සැලසුම් කළා නේද? "

ඔහුගේ මද සීතලක් දැනවූ හැඟීම් ප්‍රකාශනය සමඟ යැන් ජින්ගේ අත දිගටම අල්වා ගෙන සිටි ශෙන් ජිෂියෑන්, දැන් සිටිනා ස්ථානය පිළිබඳ සැලකමින් ඔහුව ඉදිරියට ඇද ගෙන ගියේ ය.

සිය කුස, කුසගින්නෙන් ගොරවන තුරු, ශෙන් ජිෂියෑන් හෝරා දෙකකට වැඩි කාලයක් ඇවිද තිබිණි. ආධ්‍යාත්මික බලයෙන් තොරව ඔහු සාමාන්‍ය පුද්ගලයෙකු මෙන් වූ අතර, අහර ගැනීමෙන් වැළකී සිටින්නට අපොහොසත් විය. එමෙන් ම, ඔහු උදෑසන අවදි වූයේ ප්‍රමාද ව වූ අතර අහර ගන්නට වේලාවක් ද නොමැති විය.

එහෙයින්, සිය සිරුරේ අවශ්‍යතාවන්ට ද කන්දෙන්නට සිදුවීම ඔහුව තව තවත් කෝපවත් කළේ ය.

අවසානයේ දී මෙතෙක් වේලා ඇලී තිබූ අත, අතහැරි ඔහු සැහැල්ලුවෙන් තර්ජනයක් කළේ, " අ'ජින්, ඔබ ආයෙ මෙවන් දෙයක් කළොත්, ෂිෆු ඔබව එළවා දමනවා. "

" ...... " පියවර කිහිපයක් ඉදිරියට ආ යැන් ජින්, කල්පනාබරිත ව ශෙන් ජිෂියෑන් දෙස හැරී බැලුවේ ය.

ශෙන් ජිෂියෑන් වහා ම සිහි එළඹ ගත්තේ, මේ ගෝලයාට පොදු ක්‍රමවේදයකින් නොසැලකිය යුතු බැව් වටහා ගත්තේ ය. ඔහු දැඩි ලෙස පසුතැවිලි විය. " මම එය කීවේ වැරදියට. අ'ජින්, ඔබ ආයෙ මෙවැනි දෙයක් කළොත්, ඔබේ ජීවිතයේ ඉතිරි කාලයට ම මේ ෂිෆුගේ ඉගැන්වීම්වලින් පලායන්නට සිතන්නට එපා. "

යැන් ජින් මොහොතකට නිහඬ වූයේ, ආපිට හැරී පලතුරු නෙළීමෙහිත්, වියළි දර එකතු කිරීමෙහිත් කාර්‍යබහුල විය. එය නිම වූ කෙණෙහි මෑතක දී නිදහස් කරන ලද විසල් සාවෙකු මරාගත්තේ, ඔහු සතුව පවත්නා තත්ත්වය පිළිබඳ  නිසියාකාර අවබෝධයක් නොවීය.

මන්ත්‍රයන් භාවිතා කළ නොහැකි බැවින් හඬ ඔස්සේ යමින් ඔවුහු දිය උල්පතක් සොයාගත්හ. ශෙන් ජිෂියෑන් සිය ගබඩා මල්ලෙන් යම් යම් ද්‍රව්‍යයන් පිටතට ගන්නට උත්සාහ කළ ද ආධ්‍යාත්මික බලයක් නොමවීමෙන් එය විවර කර ගත නොහැකි විය. එහෙයින් ඔහුට කළ හැකි වූයේ හිඳගෙන වියළි දර එකට ගොඩ ගැසීම පමණි.

මේ අතර, යැන් ජින් දිය උල්පත අසලට ගියේ සාවා පිරිසිදු කිරීමට ය.

මෙවන් කාර්‍යයන් ඔහු අතීතයේ දී බොහෝ වාරයක් සිදු කොට තිබිණි. වසර කිහිපයකින් කර නොතිබුණත්, ක්‍රියා පටිපාටිය ඔහුට තවමත් හොඳින් හුරු වූයේ, විගසින් සාවා පිරිසිදු කළේ ය. ප්‍රතිඵලයක් ලෙසින් ඔහු සාවා රැගෙන එනවිටත් ශෙන් ජිෂියෑන් දර ගොඩ සමඟින් වද වෙමින් හුන්නේ ය.

සංක්‍රමණය වීමට පෙරාතුව ශෙන් ජිෂියෑන් සතුව ගෑස් උඳුනක්, ප්‍රේරක උඳුනක් වැනි බොහෝ මුළුතැන්ගෙයි උපකරණ තිබිණි. සංක්‍රමණය වූවායින් පසුව ඔහුගේ සේවය පිණිස ගෝලයින් රැසක් විය. එබැවින්, මෙවන් දෑ ඔහු මින් පෙර කිසිදා කර නොතිබිණි.

යැන් ජින් යළි පැමිණි බැව් දුටු ඔහු සෙමින් කැස්සේ ය. අත වූ වියළි අතු කැබැල්ල බිම හළ ඔහු සාවා වටා බැඳ තිබූ වැල් අතට ගත්තේ ය. ගිනිකූරු සහිත සටහන් පොතක් පිටතට ගන්නට පෙර යැන් ජින් සන්සුන්ව හා දක්ෂ ලෙස දර ගොඩ සකසන අයුරු දෙස ඔහු බලා හුන්නේ ය.

යැන් ජින් හට කිසිවක් කරගත හැකි වීම සම්බන්ධයෙන් සුසුම් ලන්නට ද, යැන් ජින් තමන් සමඟ ගිනිකූරු ගෙන යාම සම්බන්ධයෙන් පුදුම වන්නදැයි ශෙන් ජිෂියෑන් නොදත්තේ ය. අවසානයේ දී ඔහු නිහඬතාවය පිළිගෙන යැන් ජින් නිහඬව ම සාවා පිසින අයුරු දෙස බලා සිටියේ ය. කුළුබඩු නොමැති ව රසය මදක් මඳක් මෘදු වුව, වාසනාවකට මෙන් මාංශය බොහෝ ප්‍රණීත විය. යැන් ජින්ගේ සූපවේදය ඉතා හොඳ විය. නරක ම නැහැ.

සම්පූර්ණයෙන් පිරී යන්නට පෙර ශෙන් ජිෂියෑන් සා කකුලක්, අනතුරුව අනෙක් මාංශ කැබැල්ලක් අවසන් කළේය. අවශේෂ සාවා යැන් ජින්ගේ කුස තුළින් අවසන් විය.

ප්‍රමාණවත් තරමින් අහර කිස නිමවූ ඔවුනට ව්‍යුහයේ පිහිටීම සොයාගෙන හැකි ඉක්මනින් පිටව යා යුතුව තිබිණි. එලෙස කිරීමෙන් ඔවුනට දුක් විඳින්නට සිදු වනු ඇත්තේ අඩුවෙනි.

කෙතරම් දුරක් ඔවුන් ඇවිද්දා ද යන්නවත් ඔවුන් කෙතරම් දුරක් ගියා ද යන්නවත් නොදැන සිටියහ. අවසානයේ දී ඔවුන් දුටුවේ කඳුකර පඳුරු සහ වනාන්තරය කඳු බෑවුමක් දක්වමින් වැටී ඇති ආකාරයයි.

ඔවුන් බොහෝ වේලාවක් ඇවිද ගොස් තිබිණි. ශෙන් ජිෂියෑන් අසීරුවෙන් හුස්ම ගත්තේ, ඔහුගේ හෘදය වූයේ  තදින් ස්පන්දනය වෙමිනි. නැවතුණු ඔහු ගෙරවූයේ, කිහිප වාරයක් කැස්සේ ය. " ටිකක් ඉන්න. " යි පවසද්දී ඔහුගේ හඬ මදක් ගොරෝසු විය.

මේ වේලාවේ, මෙතැන්හි දී හෘදයාබාධයක් වැළඳුණහොත්, ඔහු මියෙනු ඇත.

සිය කබා අත් අතරට අත පෙවූ ශෙන් ජිෂියෑන් කුඩා ජේඩ් බඳුනක් පිටතට ගත්තේ ය. වාසනාවකට මෙන් ඔහු බියව තිබුණේ ඔහුගේ ගබඩා මල්ලට අත පෙවීමට තරම් කාලයක් ඔහුට නොවෙනු ඇතැයි කියායි. පෙර දී ඔහු ඔසු බඳුනක් ගෙන එය ඔහු සමඟ ම ගෙන ආවේ ය.

ශෙන් ජිෂියෑන් පියන විවර කර කන්නට ඔසු ගුලියක් පිටතට ගත්තා පමණි, සිය නෙත් කොණින් යමක් ග්‍රහණය කර ගත්තේ ය. ඔහුගේ මුහුණේ ප්‍රකාශණය වෙනස් වූයේ, ජේඩ් බඳුන බිම හෙළා යැන් ජින් පසෙකට තල්ලු කර දැමීය. " පරෙස්සමින්. "

මිනිස් බාහුවක තරමේ මහතකින් යුත් අළු පැහැ විසල් සර්පයෙක් අසල ගසක සිට එක්වරම පහළට පාවී ආවේ, යැන් ජින් පෙර සිටි ස්ථානයට බැස්සේ ය.

ශෙන් ජිෂියෑන් ඒ සර්පයා හඳුනා ගත්තේ ය. ඌ අප්‍රකට බවක් පෙනුණ ද, ඇත්තෙන් ම එතරම් ලජ්ජාශීලී සතෙක් නොවීය ඌ. ඌ ගස්වල අතුවල දරණ ගසා හිඳින්නට කැමැත්තක් දැක්වූවෙකි. ගොදුරක් හමු වූ වහා ම ඌ නැගිට ඉමහත් වේගයකින් හා ශක්තියකින් ඒ කරා එයි. සම්පූර්ණ පහරක් සමඟ ඌට අඩි විෂ්කම්භයකින්‍ යුත් මහත් ගසක් පවා බිම හෙළිය හැකි විය.

මෙම සර්පයා කිසිදු ආධ්‍යාත්මික බලයක් රහිත වූ යැන් ජින් හට පහර දෙන්නට සමත් වූවේ නම්, ඔහු තුළ සිදුරක් නිර්මාණය කරන්නට ඉඩ තිබිණි.

වාසනාවකට, යැන් ජින් ද මහත් වේගයෙන් ප්‍රතිචාර දැක්වූයේ, ශෙන් ජිෂියෑන් කතා කළ වහා ම සිය අසිපත මුළුමනින්ම වාගේ පිටතට ඇද ගත්තේ ය. වහ වහා සිදුවන්න වටහා ගත් ඔහු පැකිළීමකින් තොරව අසිපතෙන් කපා දැම්මේ ය.

අළු පැහැ සර්පයා ඉඟ පෙදෙසින් දෙකඩ ව සිටියේ ය. කෙසේවුවත්, ඉන් හටගත් කම්පනයක්, ආධ්‍යාත්මික බල රහිත යැන් ජින් හට පියවර කිහිපයක් පසුපසට යන්නට බල කොට තිබිණි. ඔහුගේ අසිපත පවා දෙදරුම් කෑවේ ය.

මුදුන ආසන්නයේ බිම පවා මෙම බලයෙන් ප්‍රකම්පනය විය. යැන් ජින් පියවරක් පසුපසට යත් ම, ලිහිල් ගලක් මත පා තැබුණු යැන් ජින්, කෙළින් ම ප්‍රපාතයෙන් පහළට පෙරළී ගියේ ය!
ශෙන් ජිෂියෑන්ගේ ප්‍රකාශනය විකෘති විය.  සහජාසයෙන් ඔහු යැන් ජින් වෙතට පිනූ අතර කඳු ගැට්ටේ දී ඔහුගේ අත අල්වා ගන්නට සමත් විය.

යැන් ජින් ප්‍රපාතයේ මුවවිට බියකරු අන්දමින් එල්ලී සිටියේ ය. එය කෙතරම් මටසිළුටු ද යත්, යැන් ජින් හට යළි ඉහළට නැඟීමට අල්වා ගත හැකි කිසිවක් නොතිබිණි. ඔහුට රඳා පැවතිය හැකි වූයේ ශෙන් ජිෂියෑන්ගේ අත මත ම පමණි.

අළු පැහැ සර්පයා තවමත් මියැදී නොසිටියේ ය. සර්ප හිස නොකඩවා ම ඇඹරෙමින් පැවතුණේ, දුගඳ ගමන උගේ රුධිරයෙන්, යටින් වූ පොළොව සංතෘප්ත කරමිනි. එය කෙතරම් ඇඹරුණා ද යත්, එය ප්‍රායෝගිකව ශෙන් ජිෂියෑන් මතට  වැටිණි.

ශෙන් ජිෂියෑන් නෙත් කොණින් දුටුවේ සර්පයා ක්‍රම ක්‍රමයෙන් ඔහුට ළඟාවන ආකාරයයි. ඊළඟ මොහොතේ දී, සර්පයාගේ ඇඹරුණු සිරුර කුඩා ජේඩ් බඳුනට එරෙහිව ගැටුණේ, සැණෙකින් එය බෑවුම් මායිම දෙසට පෙරළී ගියේ ය!

එක් පසෙකින් හෘදයාබාධය වළකමින් ඔහුගේ දිවි රැක දෙන්නට සමත් ඔසුව ය. අනෙක් පසින් ගැට්ටේ අඩමාන ව එල්ලී සිටින යැන් ජින් ය.

ශෙන් ජිෂියෑන්ගේ කළු ඉංගිරියාව තියුණු ව විස්තාරණය විය.

 

පෙර පරිච්ජේදය | සියළුම පරිච්ජේද | පසු පරිච්ඡේදය