පරිච්ඡේදය 08: සඳ සෙවණැලි

මාරාන්තික ද්‍රෝහී චේතනා කැටි ව සෑම දිශාවකින්ම එන්නාවූ මකුළු දැලක නූල් මෙන් සිතාරයෙන් නිකුත් කරන ලද ශබ්දය ඇදහිය නොහැකි තරම් සිහින් විය.

ගු ශන්ග් ටද එම හඬින් ඇගේ සිරුරේ අභ්‍යන්තරය සලිත වන බවක් දැනුණත්, ඇය ඉක්මනින්ම තත්ත්වය අවබෝධ කර ගනිමින්, වහාම සන්සුන් වීමට සිය සිතට බල කළාය.

මොහොතකට පෙර සයනය මත නින්දේ සිටි වෙන් ක'ෂින් ඒ වන විටත් අවදි වී තිබුණේ කවුළුව අසලට ගොස් නිහඬවම පිටත බලා සිටියේය. සඳ එළිය වැටීමෙන් ඔහුගේ වුවන මත වූ අභිනය මෘදු ලෙසින් දිස් විය. ඒ දෑස් ඇසිපිය හෝ නොහෙලාම, අඳුරේ කොතැනක හෝ සෘජුවම බලා සිටියේය.

ඒ සෙවණැල්ල ඔහුට පිටුපසින් දිගු ලෙස වැටී තිබුණි. හේ නොසැලෙන ප්‍රකාශනයකින්ම සිටියේය. එය හිස්බව සහ ප්‍රීතිය අතර දෝලනය වන නමුත් ඊට හාත්පසින් ම වෙනස් වූ අද්භූත සෙල් පිළිරුවක ස්වරූපයක් නිර්මාණය කළේය. ඉදින් රාත්‍රියේ අඳුරට මුවා වී, ඔහුගේ සිත තුළ වූ ඒ භයානක ප්‍රබෝධය බාධාවකින් තොරව නිදහස් වන්නට විය.

හේ දිස් වූයේ මනුශ්‍යත්වයෙන් තොර වූ අවතාරයක් මෙන් ය.

කිසියම් අසාමාන්‍ය දෙයක් දැනුණු, ශ්‍රවණය වූ මොහොතේම සිය සවන් වසා ගැනීමට තරම් ගු ශන්ග් නුවණැති වූවාය. ඈ එලෙසට පිටතින් සිය සවන් කරා එන හඬ අවහිර කිරීමට උපරිම උත්සාහයක් දැරීය. මිනිත්තු කිහිපයක භාවනාවෙන් පසු ඔක්කාරය නැති කර ගත් ඇය සෘජු ලෙස අසුන් ගත්තාය.

වෙන් ක'ෂින් ගේ සිහින් ඇඟිලි කවුලුව අවහිර කරමින් රඳවා තිබූ කූරු මතින් රටා අඳින්න ට විය. හේ සිහින් මඳහසක් නඟා ගන්නා අතරම මෙසේ කීය.

"ඔවුන් බැඳුම් ගී පවා යොදාගන්නවා.... මෙයට නිසැකයෙන්ම විශාල මුදලක් වැය වන්නට ඇති. නමුත් ගැටලුව ඔවුන්ට ගණුදෙනු කිරීමට අවශ්‍ය කා සමඟද යන්නයි"

සැණෙකින්, ඔහුට වාතය හරහා යමක් හඹා යනු ඇසිණ. ශබ්දය ඝන වූවද යන්තමින් හෝ එය හඳුනාගත නොහැකි විය. පැරණි සහ භාවිතයට නොගත් උපකරණයක තන්තු වලින් පැමිණියාක් බඳු හඬකිය ඒ නැඟුණේ. මේ අතර නිමක් නැති රාත්‍රී අහසට කුඩා ගල් කැට විසි කරන තවත් පුද්ගලයෙක් ද පසෙක විය.

පියාසර කරන වස්තූන් සඳහා ශබ්දයක් නැති තරම්ය. නමුත් කිසිදා නිම නොවන මේ සිතාරයේ ගීය එතරම් සියුම් ලෙස කපා හැරීමට එම අපැහැදිලි කැට කැබිලිති සමත් වී තිබුණි. එයත් කිසිවකුට නොපෙනෙන හෝ අල්ලා ගත නොහැකි ස්ථාන කරා ක්ෂණිකව ළඟා වෙමින් දිය මත රැළි නිර්මාණය වන සේ, යමෙක් ජල තලය මතට ගල් කැටයක් විසි කළ ආකාරය මෙන් නම් නොවුණි.

කෙසේ වුවත් පොරොත්තු වූ පරිදිම ගීතය නතර විය.

වෙන් ක'ෂින් අවධානයෙන් සවන් දීමට කවුලුවට වාරු වෙමින් ම දෑස් පියා ගත්තේය. ඔහුගේ ලවන් කොන සිනහවකට නැගී තිබුණි.

ගංවතුර සහ යෝධ මෘගයන් සමඟ ප්‍රතිවාදී ගීතයෙන් ගෙන ගිය ශක්තිය හදිසියේම හදිසියේම නැවත ගිගුම් දුන්නේය. එහි වාදකයා ඝාතක පියවරකට යොමු වී ඇති බවක් පෙනෙන්නට තිබුණි. ප්‍රායෝගිකව ඒ සමඟම කන් දෙදරවන තියුණු හඬක් අසල කුටිය වෙතින් නික්මිණ. එය වස්දඬුවකින් පැමිණි බවක් පෙනුණේ ය. එනමුදු සාමාන්‍යයෙන් වස්දඬු කිසිදාක එතරම් තියුණු, යමක් ඉරා දැමිය හැකි අන්දමේ තරම් තීව්‍ර ස්වර නිකුත් නොකරන ඒවා.

තීව්‍ර හඬ නැංවූ වස්කුළ සහ භූත සිතාරය අතර දෙපාර්ශවයටම අප්‍රකට වූ ප්‍රත්‍යාවර්තයක් සහිත ද්වන්ධ සටනක් ඇති විය.

ඇසිපිය හෙලන සැණෙකින් සිතාර තත් බිඳුණි.

අනතුරුව අවට පරිසරයම නිශ්ශබ්දතාවයේ ගිලී ගියේය.

වෙන් ක'ෂින් තවමත් ඔහු සිටි තැනම සිටගෙන, හිස සොලවමින් මුමුණන්නට විය.

“අපේ මුතුන්මිත්තන් ටකිසිදා වැරදී නැහැ. අසිපත් කරුවෙකුට සිය අසිපතේ මරණීය චේතනා වැළැක්විය නොහැකියි"

සියල්ල ගෙවී ගිය පසු ගු ශන්ග් ඇගේ නළලේ මතුව තිබූ සීතල දහදිය පිසදමමින් හුස්මක් පිට කළාය.

"කියන්න, ගුරුතුමනි, ඒ ශක්තිය මාරාන්තික දෙයක්ද?"

වෙන් ක'ෂින් ගේ කටහඬ මෘදු විය.

"ඔහු තවමත් ජීවතුන් අතර සිටියත්, ඔහුගේ සියලු මෙරිඩියන බිඳී ගොසින්! ඉදින් ඔහුගෙන් දැන් පලක් නැහැ. මරණයත් ඔහුට නම් වඩා සතුටුදායක අවසානයක්."

ඔහු හදිසියේම කවුලු පියන තල්ලු කර දමා පෙරටත් වඩා පහත් හඬකින් ගු ශන්ග් ට කතා කරන්න ට වූයේ යමක් වෙත බාධා කිරීමට අකමැති වූවාක් මෙනි.

“සවන් දෙන්න, අ' ශන්ග්, ජීවිතය සැමවිටම සිත් ඇදගන්නා සුළු වුවත්, ඔබට යමක් අවශ්‍ය නම්, එහි මිල ගෙවීමට ඔබ සූදානම් විය යුතුයි. මිනිසුන් ඝාතනය කිරීම උදෙසා සංගීතය භාවිතා කිරීම නිසැකවම විනෝදජනක වග සැබැයි. නමුත් ආපසු හැරී දෂ්ඨ කළ හැකි අයවලුන් ගැන ඔබ අවධානයෙන් සිටිමත් කළ යුතුයි."

ගු ශන්ග් ඇගේ හිස පසෙකට ඇල කළාය.

"ඔවුන් ආපසු දෂ්ඨ කරනවා නම්, ඒ කවදාද?"

වෙන් ක'ෂින් ගේ හඬ ඉවසිලිවන්ත විය.

"ඔවුන් ඔබට වඩා ශක්තිමත් වූ විට."

"තමාට දුර්වල අය තෝරා ගත හැකි විට පවා වඩා ශක්තිමත් කෙනෙකු සමඟ තරඟ කළ යුත්තේ ඇයි?"

මඳක් කල්පනා කිරීමෙන් පසු යුවතිය නැවතත් ඇසුවාය.

ඔහු හිස හරවා ඇය දෙස බැලුවේය. චන්ද්‍රයාගේ පිටුපස ආලෝකය නිසා, ඒ පූර්ණ සිරුරම රිදී ආලෝකයෙන් ස්නානය කරන බවක් පෙනෙන්නට තිබුණි. ඔහුගේ භාව ප්‍රකාශනයන් කියවීමට අපහසු විය. තවත් මඳ වේලාවකට පසු ඔහු පිළිතුරු දුන්නේය.

"එසේත් නැත්නම් ඔබට කිසිවෙකු හෝ තෝරා නොගෙන මා වැනි හොඳ පුද්ගලයෙක් විමටත් හැකියි."

'යහපත්' වෙන් ක'ෂින් පසුව කවුලුවෙන් පිටව ගියේ ගොළු වූ ගු ශන්ග් ඔහු දෙස බලා සිටිද්දී ය.

චෝ සිෂු ගේ තත්වය ද පූර්ණ ලෙසින් පරමාදර්ශී නොවීය. ඔහු මේ වස්කුළ සෑදුවේ ගමන අතරමඟ දී ඉතා දුර්වල හා අලස ලෙසිනි. එහි ස්වර පිහිටුම් ද නිවැරදි නොවීය. සෑම තැනකමදීම එය බොහෝ විට සුසර කිරීමට ද විය. එබැවින් ඔහු කිසි විටෙකත් එය භාවිතා කිරීමට නොසිතුවේය. අද රාත්‍රියේ එය ප්‍රයෝජනවත් වනු ඇතැයි ඔහු කිසි විටෙකත් අපේක්ෂා නොකරන්නට ඇත. තනි භාවිතයෙන් පසුවම එහි විශාල ඉරිතැලීමක් දිස් විය. ප්‍රතිවාදියාට එරෙහිව වන සේ සියල්ල ලබා දෙන ලෙස එය හැසිරවීමට හැකිවීම ම ඔහුගේ භාග්‍යයක් විය. මන්ද යත් එයින් මාරාන්තික පහරක් දීමට ඔහු සමත් වූ බැවිනි. එසේ නොවන්නට ප්‍රතිඵල බෙහෙවින් වෙනස් වනු ඇත.

ෂැන් චෙන්ග් ලින් ව පෙනුනේ වතුරෙන් ගොඩට ගත් මත්ස්‍යයෙකු මෙනි. පිරිමි ළමයා සතුව ප්‍රමාණවත් තරම් දක්ෂතා නොවූ නිසා, චෝ සිෂු ඔහුගේ කන් වසා ගැනීමට උදව් කර තිබුණත්, සිතාර ශබ්දය ඔහුට අභ්‍යන්තර තුවාල ඇති කළේය. ඔහුගේ මුහුණ ඉවත ලූ කඩදාසියක් මෙන් සුදුමැලි වී තිබුණි.

තමාට තනිවම සිත එකඟ කිරීමට නොහැකි වන තරම් තරුණ හා දුර්වල වීම ගැනචෝ සිෂු කනස්සල්ලට පත් වූ අතර, ඔහු තම අත් දෙක බාලයාගේ පිට මත තැබුවේ තම කටහඬ පහත් කර මුමුණමිනි.

"සමාධිගත වන්න!"

පසුව ඔහු තම අභ්‍යන්තර බලය යොදාගෙන පිරිමි ළමයාට සහය වූ අතර, ඔහුගේ රුව තරමක් යහපත් වූ පසුව පමණක් ඉවත් විය. ඔහුගේ පූර්ණ සිරුරම අවසානයේ දහදියෙන් තෙත් විය.

ඔවුන් දැන් තායි හුආ වෙතට ඉතා සමීපව සිටීම ආශීර්වාදයක් බව ඔහු සිතුවේය. එසේ නොමැතිනම් ඔහු කිරීමට පොරොන්දු වූ මෙහෙයුම ඉටු නොකිරීම ගැන ඔහුට ඇදහිය නොහැකි තරම් නින්දාවක් දැනෙණු ඇත. ඔහුගේ ගෙවී ගිය ජීවිතයේ විශාල කොටසක් සඳහා කිසි දිනක යහපත් ක්‍රියාවක් නොකළ ඔහුට දැන් තමා සිදු කරන්නා වූ පළමු එකින්ම අසාර්ථක විය නොහැකි ය. එය සැලකෙන්නේ බොහෝ විට අවාසනාව ඇති කරන බවයි.

ජියැන්ග් හි, ඔහු තරම් තොරතුරු සන්තකයේ තබාගත් කිසිවෙක් සිටියේ නැත. හේ ගගනත ආලෝකය හි හිටපු නායකයාය. ඔහු හා සටන් කළ පුද්ගලයා කවුරුන්දැයි ඔහු හරියටම හඳුනා ගත්තේ ඔවුන් සිය හිසට පහර දුන් මොහොතේය.

ජනප්‍රවාදවලට අනුව ශක්තිය බඳවන බැඳුම් ගීය යනු ස්ත්‍රියක ලෙස ඇඳීමට ප්‍රිය කළ පාලකයෙකු විසින් නිර්මිත එකක් බවත්, ඔහු ඇඳ සිටි වර්ණවත් ඇඳුම් ඔහුගේ භයානක ස්වභාවය ගැන මිනිසුන්ට අනතුරු අඟවා ඇති බවත්ය. කිසිදු හෝඩුවාවක් හෝ නොමැතිව මිනිසුන් ඝාතනය කිරීමට ඔහුට හැකිවීම නිසා බොහෝ දෙනා ඔහුව ඉතා අගය කරන ලදී. ඔහුගේ ප්‍රතිපත්තිය වූයේ වැටුපට සමානුපාතික ලෙස සේව්‍ය පුද්ගලයාට පක්ෂපාතී වීමයි.

නිහඬතාවය උදා වී ඇති බැවින්, ඔහු මිය ගොස් හෝ එයට ඉතා ආසන්න බව චෝ සිෂු අනුමාන කළේය. ඔහු පෙර මෙන් බලවත් නම්, අනෙකාව සැණෙන් අවසන් කරනු ඇත්තේ ය. නමුත් දැන් ඔහුගේ ජීවිතයෙන් අඩක් පමණක් ඉතිරිව ඇති බැවින් එහි වන සාර්ථකත්වය පිළිබඳ නිශ්චිත බවක් ඔහුටද නොතිබුණි. ඊට අමතරව, එය ඉතා කුරිරු ද විය හැකිය.

එවිට ඔහුට පිටතින් යමෙකු ප්‍රශංසා කරන අන්දමේ අත්පුඩි හඬක් ඇසුණි.

“මෙම රාත්‍රීයේ වන තනු නිර්මාණය චිත්තවේගීය ලෙස කෙතරම් නම් ප්‍රකෝපකාර ද?!, එය ඇසීමෙන් පසු කිසිවෙකුටත් තම උපන් ගම මග හැරිය නොහැකි නෙ?! සොහොයුරා සඳ සහ තරු යට වස්කුළේ හඬ, සිතාර් ශබ්දය සමඟින් අලංකාර ලෙස මිශ්‍ර කළා. අද රෑ මේ දැක්වුණු දක්ෂතාවය, මේ ලාලිත්‍යය අයිති විය යුත්තේ අලංකාර අයෙකුටම පමණයි!"

මෙතරම් විකාර රූපි වදන් කතා පවසන කිසිවෙකුත් චෝ සිෂු දැක තිබුණේ නැත.

චෝ සිෂු කල්පනා කළේ කවුලුවෙන් පිටත සිටින අනෙකා කිසිවක් හෝ කිසි ලෙසිකින් නොදකින ආකාරය ගැන ය. මේ අනපේක්ෂිත වදන් නිසා කෙනෙකුට ඔහු උපරිම විනීත අයුරකින් සිටින විට පවා ඔහු සමඟ කටයුතු කිරීමට අපහසු වනු ඇත. හේ සිතුවේ එවැනි බලයක් ඇති පුද්ගලයන් තුනක් හා අර්ධයක් ගැන පමණි. ඉදින් එවැනි වූ ඔවුන්ගෙන් කිසිවකුට අමනාප වීම මෝඩකමක් වනු ඇත.

කවුලුව විවර කරමින් ම හේ ආයාසයෙන් හුස්ම ගත් හේ මාරාන්තික සුදුමැලි සම සහ අඳුරු ඇස් ඇති අනෙකා ගේ රෝගී මුහුණ දෙසට ඇඟිල්ල දිගු කරමින් මෙසේ විමසන්නට විය.

"මේ සුන්දරත්වය?!"

වෙන් ක'ෂින් හුස්ම හිර කරවාගෙන එතරම් අප්‍රසන්න නොවූ නමුත් මිනිසුන් දෙවරක් බැලීමට කැමති නැති ඒ මුහුණ දෙස බැලීය. ඔහු සඳ දෙසට හැරුනේ ඉන් පසුවය.

චෝ සිෂු ද අනෙකාගේ බැල්ම අනුගමනය කරමින් කවුලු ගැට්ට මත හිඳ ගැනීමට ඔහුගේ දෙපා එසවීය. අද රාත්‍රියේ පූර්ණ චන්ද්‍රයා විශේෂයෙන් දීප්තිමත් විය. සඳ එළිය ජලය මෙන් සිසිල් වූ අතර පොළොව මීදුමෙන් වැසී ඇති බවක් පෙනෙන්නට තිබුණි.

චෝ සිෂු පුදුමයට පත් වූ අතර, එම භයානක පුද්ගලයන් තිදෙනා හා අඩක් අතරින් වෙන් ක'ෂින් කවුද යන වගත් ඔහුව අනුගමනය කිරීමට තරම් මේ මිනිසාගේ චේතනාවන් ගැනත් අවිනිශ්චිතව පසුවිය. ඔහුට ඒ ගැන සිතන තරමට ව්‍යාකූලත්වය වැඩි වන බවය.

ඔහුට මෙම මිනිසාගෙන් විශේෂ ප්‍රබෝධයක් දැනුණි. එය ඔවුන් පිහාටු සහිත කුරුල්ලන් විය හැකි බවට ඔහුගේ ම සිත යෝජනා කළේය. අනෙකා ප්‍රයෝජනයක් නොවන්නේ නම් අනිවාර්යයෙන්ම යමක් නොකරනු ඇත. ඔහු වෙනත් මිනිසෙක් පසුපස හඹා යමින් සිටියේය. නැතහොත්, ඔහු සැබවින්ම ෂැන් චෙන්ග් ලින් තායි හූ වෙත අනුගමනය කරමින් සිටියේය. මේ පිටුපස කුමක් හරි යටි සැලැස්මක් තිබිය යුතුමය. කිසිදු ස්ථිර නිගමනයකින් හෝ තොරව බොහෝ සිතුවිලි වලින් පසුව, චෝ සිෂු තමාටම සමච්චල් කර ගත්තේ ය. පැරණි පුරුදු දැඩි ලෙස යටපත් ව ගියේය.

හේ උනන්දුවෙන් අනෙකාව අධ්‍යයනය කරන වෙන් ක'ෂින් දෙස බලා, සිනාසෙමින් මෙසේ කීය.,

“වෙන් සහෝදරයා සැබැවින්ම කුතුහලයෙන් සිටින්නේ , මගේ හමට යටින් වූ ඇතුළත මස් දැකීමට ද/!"

වෙන් ක'ෂින් ඔහුගේ ඇහිබැම එසවීය.

"මම?! එ⁣වැන්නක් නොවේ!"

'නොවේ' යන වචනය උච්චාරණය කිරීමෙන් පසුව යන්තම් ඔහුගේ දෑත් චෝ සිෂුගේ මුහුණ දෙසට යොමු විය. නමුත් දෙවැන්න සූදානම් වූයේ, පිටුපසට හේත්තු වෙමින් ම සිය පය ඔසවා, වෙන් ක'ෂින් ගේ මැණික් කටුව වෙත පයින් ගැසීමට ය.

තත්පර කිහිපයකින්, බොහෝ චලනයන් සිදු වූ අතර ඒවා ඕනෑම නරඹන්නෙකු තුළ හිස කරකැවිල්ල ඇති කරවිය හැකි ඒවාම විය.

කවුලු ගැට්ට මත සිය ඉරියව්වට මූලිකත්වය දීමෙන් තමා අවාසියක් වී ඇති බවක් චෝ සිෂුට හැඟුණි. ඒ එම ඉරියව්වට මූලිකත්වය දෙමින් සිටීම නිසා ඔහුගේ චලනයන් විශාල ප්‍රමාණයක් සීමා වී ඇති බැවිනි. හේ තවත් පියවරක් මග හැරීමට සිතා බිමට පැන්නේය. කෙසේ වෙතත්, රාත්‍රිය ඔහුට එතරම් හොඳ කාලයක් නොවූ අතර, පෙර වධයට අමතරව, ඉඳිකටුවක් ද ඒ මොහොතේ දැඩි වේදනාවක් ඇති කළේ ඔහුගේ වේගය අඩු කරමිනි.

වෙන් ක'ෂින් ගේ අත්ල කොතැනකින් හෝ ඔහුගේ ගතට සමීප වූ නමුත්, සිය ශක්තියෙන් පහර දීමට පෙර මිනිසා හදිසියේම නතර විය.

චෝ සිෂු සිය ළය ස්පර්ශ වන අත්ල දෙස බැලීමට හිස නැඹුරු කර ගත්තේය. ඔහුගේ භාව ප්‍රකාශය වෙනදා මෙන් සන්සුන් විය. ඔහු සිනාසෙමින්ම මෙසේ කියන්න ට විය.

“මට අනුකම්පා කළාට වෙන් සහෝදරයාට ස්තූතියි !”

තම මුහුණ ස්පර්ශ කිරීමට තරම් එම අත්ල දිගු වීමම ඔහුට බාධාවක් ලෙස හැඟුණි. වෙන් ක'ෂින් එතැනින් නොනැවතුණු අතර ඔහුට සෙමෙන් සිය ඇඟිලිවලින් පිරිමැද, පෙනෙන පරිදි එය සැබවින්ම මිනිස් සම දැයි තීරණය කිරීමට අවශ්‍ය විය.

චෝ සිෂුට ගු ශන්ග්ට පෙර පියවරක් පසු පස්සට යාමට නොහැකි විය. ශබ්දය ඇසීම නිසා කවුලුවෙන් බිම බලා හුන් ඕ ඇගේ හිස වහාම වාගේ ඇතුළට ඇදගත්තාය.

"අනේ, මම කොච්චර රළුද!"

ඔහු සිතූ දේ නිවැරැදි ය.

වෙන් ක'ෂින් බැරෑරුම් මුහුණකින් ඔහුට ඉතා සමීපව සිටියේය. සඳ එළිය යටතේ එය අපැහැදිලි දෙයක් බවට පත් වූ අතර, එය ඔහු ඇත්ත වශයෙන්ම රළු යැයි කෙනෙකුට හැඟීමක් ඇති කළ හැකි දෙයක් විය.

ගු ශන්ග් නිශ්ශබ්දව සිටීමට උත්සාහ කළේ නැත.

"අනේ⁣ දෙවි⁣යනේ මම අන්ධ වූවා නම්!"

චෝ සිෂු ඉක්මනින් කැස්සක් මවා ගෙන දිගු පියවරක් නඟා ඉවතට යමින්ම, සන්සුන් විය. ඔහුට මේ තත්ත්වය තුළ යම් හාස්‍යජනක මෙන්ම ලැජ්ජා සහගත බවක් ද දැනුණි.

"වෙන් සහෝදරයා දුටුවාද මගේ මුහුණ සාදා තිබෙන්නේ කුමකින්ද කියා?"

"මිනිස් සමක්."

වෙන් ක'ෂින් පිළිතුරු දුන්නේ සුළු මොහොතකට පසුවය.

චෝ සිෂු නොසිතාම එයට එකඟ වූ බවක් පෙනෙන්නට තිබුණි.

වෙන් ක'ෂින් ඔහුගේ දෑත් දෙස බලා සිටියේය.

"අමුතුයි... මොනතරම් අමුතු දෙයක්ද?, එය ඔබේ ශරීරය සමඟ එක් වී ඇති බවක් දැනෙන්නේ!"

චෝ සිෂු ද නොසැලකිලිමත් ලෙස පිළිතුරු දුන්නේය.

"මෙය පිළිගැනීම ලැජ්ජාවක් වග සැබැයි. නමුත් ඇත්ත වශයෙන්ම මම උපත ලැබුවේම එය සමඟයි."

ගූ ශන්ග් හැර වෙනත් පුද්ගලයෙක් මොවුන් ව නිරීක්‍ෂණය කළේ වි නම් ඔහු නියත වශයෙන්ම මෙම මිනිසුන් දෙදෙනාගෙන් එක් අයෙක් උමතු වී ඇති බවට නිගමනය කරනු ඇත.

වෙන් ක'ෂින් ට එය ඔහුගේ සිතේ මඳක් ගැඹුරට දැනෙන්නට විය. හේ පිටත්ව යාමට පෙර අවසන් වරට චෝ සිෂු දෙස බලා සිටියේය. ඒ ඔහුගේ කුටිය දෙස නොව අන් දෙසක් මෙන් විය. ගු ශන්ග් නැවතත් ඇගේ හිස එසවූ අතර, ඇගේ දෑස් දිලිසෙන්නට විය.

“හහ්! උතුමාණන්ට මේ මොහොතේ යථාර්ථය පිළිගැනීමට නොහැකිවා වාගෙයි. මා ඔට්ටුව තබනවා ඔහු ගූ ලාන් බෝර්ඩෙලෝ හි සිටින ඔහුගේ ලස්සන මිතුරා බැලීමට යන බවට! ඔහු ගිය එකත් හොඳයි. හැමෝටම දැන් නිදහසේ නෙත් පියා ගන්න සූදානම් වෙන්න පුළුවන්!"

ඔවුන් සහ වෙන් ක'ෂින් අතර සැලකිය යුතු දුරක් තිබූ නමුත් ආපසු හැරී හෝ නොබලාම ඔහුගේ කටහඬ ගු ශන්ග් වෙත සෘජුව සහ පැහැදිලිව ගුවනින් නිකුත් විය.

"ඔබ දැන් කුමක් හෝ පැවසුවා ද, අ' ශන්ග්?"

"සුළඟට එරෙහිව කෑ ගැසුවා පමණයි!"

එසේ කී පසු ඇය ඉක්මනින්ම ආපසු ඇතුලට ගියාය. ඒ ඇය පිළිතුර තමාටම තබා ගැනීමට කැමති සේය.

චෝ සිෂු ඔහුගේ සිරුරෙන් ආතතිය මුදා හරිමින් හුස්ම හෙළුවේ ද ඉන් පසුවය. ඔහු දත්මිටි කමින් කිසිදු හඬක් නොනැඟෙන සේ බිත්තියට වාරු විය.

ඔහුගේ වේදනාව අදියරින් අදියරට ඇති වීම ම වාසනාවකි. ඔහු නැවත ඇතුළට යාමට පෙර සුවයක් දැනෙන තෙක් බලා සිටියේය.

අද රාත්‍රිය වෙනදාට වඩා දිගු වූ බවක් පෙනෙන්නට තිබුණි.

දින තුනකට පසු,

චෝ සිෂු සහ දින කිහිපයක් තුළ පුදුම සහගත ලෙස කෙසඟ වූ ෂැන් චෙන්ග් ලින් තායි හූ වෙත ළඟා විය.

ඔහු ද්වාරයට මිටින් තට්ටු කළේය.නමුත් ඔහු කිසිවක් පැහැදිලි කිරීමට පෙරම ප්‍රධාන සේවකයා ෂැන් චෙන්ග් ලින් දෙස බලා, කෑගසන්නට විය.

“ඔබ.. ඔබ චෙන්ග් ලින් ද? ඔබ සැබැවින්ම චෙන්ග් ලින් ද?"

ඉන්පසු ඔහු තම හිස හරවා සේවකයන්ට ද කෑගසමින් එය දන්වන්න ට විය.

“යන්න උතුමාණන් ට දන්වන්න, තරුණ ස්වාමි චෙන්ග් ලින් ඇවිත්! තරුණ ස්වාමි චෙන්ග් ලින් තවමත් ජීවතුන් අතර!"

තායි හූ හි ශ්‍රීමත් ෂ්‍යාඕ ජින්ග් ඔවුන්ව පිළිගැනීමට ද්වාරය තෙක් එනතුරු කෙටි වේලාවක් එහි ගෙවී ගියේය. ෂැන් චෙන්ග් ලින් දණින් වැටුණි. එය පෙනුණේ ආරංචිය සෑමතැනම පැතිරි ගියාක් මෙනි. ඔවුන්ව ඇතුලට කැඳවාගෙන යාමට හෝ උනන්දුවක් නොමැතිව ම ඝෝෂාවක් ඇති කරමින් ඒ අය එකට හඬමින් සිටියෝය.

චෝ සිෂු කල්පනා කළේය. 'හොඳ පුද්ගලයෙකු වීම ඇත්තෙන්ම වෙහෙසකරයි.' නමුත් දැන් අවසාන වශයෙන්, ඔහුගේ මුතුන් මිත්තන් තවදුරටත් සැරිසරමින් ඔහුට කරදර නොකරනු ඇත.