තුන්වන පරිච්ඡේදය | උනන්දුභාවය

කෝයි මත්ස්‍යයා ගැස්සී අවධි විය.   බදුන වසා තිබූ රෙදි ආවරණය ඉවත් කර තිබුණේ ය. ඌ වේගයෙන් එහි බිතු වලට එරෙහිව පිහිනා ගියේ නුහුරු නුපුරුදු දසුනක් සොයා ගන්නටයි.

ආහ් යී මිදි ආහාරයට ගනිමින් සිය නිකට අතගා උඬගු ලෙස පවසන්නට වූයේ ය.“ඔන්න, ඉස්සරහා දිහා බලනවා. උඹ දන්නවද ඔය කොහෙද කියලා? මෝඩයා, මම ඔට්ටු තියනවා ඔහේ ඒ ගැන දන්නේ නැතුව ඇති කියලා.” ඔහු සිනහවූයෙ නපුරු ලෙස ය. “මේක නැගෙනහිර මුහුදු තීරයේ පුංචි පොකුණක්. ඒක හිතන්නත් බැරි තරම් ගැඹුරුයි , ඒවගේම භයානක මුහුදු සර්පයෙකුත් ඒකෙ ඇතුලේ හැංගිලා ඉන්නවා. ඌ වසර ගණනාවකින් මුකුත් ම කාලා නෑ. ඌට ඕනෙම දෙයක් කන්න පුළුවන් තරමට උී ඉන්නේ බඩගින්නේ. මනුස්සයෙක් ව වුනත්. මම උඹව ඒක ඇතුලට දැම්මොත් , ඌගේ තියුණු දත්වල පරතරයක හිඩැස පුරවන්නවත් උඹව ඇති වෙන එකක් නෑ! ”

කෝයි මත්ස්‍යයා තමාගේම හැඩරඅව ගැන සිතා බැලූ අතර , තවමත් ඒ මුහුදු සර්පයාගේ දත් අතර හිඩැස් පුරවාලනුනට තමන් සෑහෙන බව හැගුණේ ය. නමුත් ඌ ඉපදි ඇත්තේ දත් අතර හිදැස් පුරවා දමන්නට නොවේ. එසේ කළ හැකි වූවද ඌට එවැන්නක් අවශ්‍ය නො​වුනේ ය. මේ නිසා, ඌ ආහ් යි දෙස හැගීම් පිරි මුහුණකින් යුතුව බලමින් ඌ අනාගතයේදී මනුෂ්‍යයෙක් බවට හැරුණොත් , ඌ මේ පියාපත් ඇති අවජාතකයාගේ පෙඳයෙන් පිහාටු උගුල්ලා දමා ඔහුගේ සැබෑ ස්වරූපය උඩු කටිකුරු කරමින් , ඔහුගේ නිරුවත් පිටුපස සමඟ ලෝකය පුරා සැරිසරන්නට සලස්වන ආකාරය පිළිබඳ සිතන්නට වූයේ ය.

කෙසේ වෙතත්, අහ් යීට දැකගත හැකි වූයේ එය අසාමාන්‍ය ලෙස මෝඩ ලෙස බලමින් හිස් බැල්මෙන් තමා දෙස බලා සිටින ආකාරයයි. ඔහු ඌ ඉදිරියට මිදි ගෙඩියක් වීසි කර ඉචිරියට නැමුණේ සියුම් ලෙස උීව පරික්ෂා කරන්නට ය. “ලෝකෙ හැම කෝයි මත්ස්‍යයා ම එකවගේ කියලා කිව්වට , මම නම් හිතන්නේ නැ ජිංලින් අහඹු විදිහට එකෙක් මත්තෙම නැහෙයි කියලා. උඹ ආවේ දිව්‍ය ලෝකෙන්ද? ඔහේ එහෙම වුනත් , අනිවාර්යයෙන් ම ඔහේ ඔත්තුකාරයෙක් වෙන්න ඇති! වර්තමානේ වෙනකොට , චෙං තියන් සාමිවරයා රාජධානීන් ත්‍රිත්වය අතර  පැහැදිලිවම සීමා මායිම් ඇඳලා ස්ථාපිත කරලා දැඩි නාම ධූරාවලියක් පනවලා නමවෙනි ස්වර්ගයටත් වඩා ස්වර්ගට වඩා උසින් වැඩි වෙන විදිහට නිමවලා. ඔහු අපේ ජොංදූ බිමත් පාගා දමලා , ජොංදූ පරික්ෂා කරන්න භට පිරිසක් යෙදෙව්වා.  මේ වගේ වෙලාවක මනුෂ්‍ය රාජධානියෙන් එපිටට පය තියෙන ඕනෙම කෙනෙක් හදුන්වන්නේ ඔත්තුකාරයෙක් හැටියට. ඔබ එහෙමද නැද්ද?”

කෝයි මත්ස්‍යයා විස්මය දනවනවාන් බඳු හුස්මක් පිට කළේ ය. ආහ් යී ඌට තවත් අතුල් පහරක් එල්ල කළේ ය.

“ඇයි උඹ මේ තරම් අලස වගේම මෝඩ? උඹ ජිං ලින් එකුක මේ තරම් කාලයක් ඉඳලත් , උඹට කතා කරන්නවත් බෑ. ඔහේට සහජ කුසලතා නැති එක ඇත්ත වගේ. උඹ නම් ඇත්තටම මෝඩයෙක් ම තමයි.”

**තමුන් තමා මෙතන ඉන්න මෝඩයා. තමුන්ගේ සම්පූර්ණ පවුලෙම ඉන්නේ මෝඩයෝ!.**

කෝයි මත්ස්‍යයා ඔහුට නිහඬවම ශාප කළේ ආහ්යී දෙස බොළද අධමයෙකු සේ නොසැලකිලිමත් අයුරින් ජලය තුල සිට බලා හිදින අතරෙයි. ආහ් යීට එය දැනුනේ නීරස ලෙසය. ඌට පහර දුන්නද බැණ වැදුනද ඌ පෙරලා ඊ​ට විරුද්ධව සටන් නොකළේ ය. එහි කිසිඳු ආකාරයක විනෝදයක් තිබුණේ නැත. ආහ් පාදයක් මත පාදයක් දමා ගල මත හිදගෙන සිටියේ සිය ඉවසීම නැති වන තුරු ය. ඔහු සිතුවේ ඒ වන විටත් මධ්‍යයනය වන නිසා ඔහු ගණන් ගන්නට නැති බවය. මේ අනුව ආහ් යී ගලෙන් පහතට පැන සිය කකුලක් ඔසවා බඳුන තටාකයේ කෙළවරකට තල්ලු කර දැමුවේ ය.

"උඔ මට තුන් පාරක් ගැහුවා."  අහ් යී ඔහුගේ කොපුල අතගාගත්තේ ය.  "මට ඒක කවදාවත් අමතක වෙන්නේ නැහැ. ඉස්සර මම ඒක ඉවසගෙන හිටියෙ ජිං ලින් ට මූණ දෙන්න ඕනෙ නිසා විතරයි. ඒත් ඔහු මට අවමන් කරන හැටි තමුන් දකින එක මට වදයක්.  දැන් ඔබ මගේ කණගාටුදායක තත්ත්වය දැකලා තියෙනවා , මම ඔබට දිගටම ජීවත් වීමට ඉඩ දෙන්නේ කොහොමද?  හොඳයි, කොහොමහරි ඔහු ඒක ගණන් ගන්නෙත් නැ වගෙයි. මට කරන්න තියෙන්නේ අහ් ජිඒ ගෙන් වෙලාවක අහන්න.  ඔහු අකමැති වුනත් ඔහුට මට මුහුණ දෙන්න වෙනවා."

ආහ් යී සිරිමැටි බඳුන ට පා පහරක් ගසද්දී එය ශීතල තටාකය දෙසට පෙරලී ගියේ ය. කෝයි මත්ස්‍යයා ජලය තුලට වැටී ගිලි ගියේ ය.

ආහ් යීට මද අපහසුකාරි බවක් දැනුණු අතර හේ පිටුපසට දෑත් බැඳගෙන තමාටම මුමුණාගන්නට විය.“ඔබට මේ වෙනුවෙන් මට බනින්න බැහැ. මම ජින් ලිංට කාලය දුන්නා. ඒත් ඔහුම තමයි නෑවිත් හිටියේ. මේ මෝඩයගේ ඉරණම තමයි ඕක.”

කෝයි මත්ස්‍යයාට වතුරට වැටුණු වහා දැනුනේ අසාමන්‍ය සීතලකි. මේ තටාකය වටා ආවරණය වී තිබුණු අතර පිටතට යන්නට මාර්ගයක් තිබුණේ නැත. ඌ තවත් ටිකක් ගැඹුරට පිහිනා ගියත් එහි වූ පතුලක් නොපෙනෙන අදුර නිසා නැවතත් ආපසු පීනා ආවේය. කුඩා ආධ්‍යාත්මික ශක්තිය හා බුද්ධිය පාවිච්චියට ගත් ඔහු එයට යටින් සිටි අති විශාල සත්වයෙකු දෙනෙතට හසු කරගත්තේ ය.

මේකනම් මහ ජරාම ඉරණමක්!

කෝයි මත්ස්‍යයා පාෂාන පවුරට ප්‍රතිවිරුධ ලෙස නොසෙල්වී සිටියේ ය. ඌ මීට පෙර මෙවනි වෘක්ෂලතාදිය පසු කරගෙන එනවා දැක නොතිබිනි. නමුත් කෝයි මත්ස්‍යයා තිර අදිටනක සිටියද ඌට තවමත් මේව නැරඹීය යුතු යැයි සිතුවිල්ලක් ඇතිවූයෙ ය. අවට වූ පරිසරය අදුර විසින් ගිලගෙන තිබුන අතර, එබැවින් ඌට පතුලේ සිට යමක් උඩට පිහිනා එන අන්දම ද සංවේදනය වූයේ නැත. ඌ කිසිදු දිනක සිය සවිඥානික මනස ලබා ගත් දා පටන් නොසන්සුන් වී සිට නැත.

පැය හතරකට පසුව, කෝයි මත්ස්‍යයා සිටි ස්තානය අදුරු වී තිබුණේ ය. ඌගේ මුළු ශරීරයම මත තිබූ රත්‍රරන් හා රතු පැහැයන් සෙවණැලි වලින් ආවරණය වී තිබුණේය, එයින් තවත් සහනයක් පමණක් ගෙනාවේ ය. කෙසේවූවද, ඌට තව වැඩි කාලයක් මෙහි ඉන්නට නොහැකිය. මුහුදු සර්පයාගේ රැස් මඬල කෝයි මත්ස්‍යයා ක්ලාන්ත කරවමින්, ඌව මුළුමනින්ම නොසන්සුන් කර දැමුවේ ය,

කෝයි මත්ස්‍යයා පාෂාණ පවුර වටා වෘත්තාකාර ලෙස ගමන් කරන්නට විය.  මෙම පාෂාණ පවුරේ කිසිඳු තැනක විවරයන් තිබුනේ නැත. එයින් පැහැදිලි වන්නේ මුහුදු සර්පයා ව මෙතැන සිරකල කවුරුන්හෝ මෙතැන තෝරා ගන්නට දැඩි පරිශ්‍රමයක් දරන්නට ඇති බවය.  කෝයි මත්ස්‍යයා ට එහි වූ ජලයෙන් පිටවිය නොහැකි වූ බැවින් ඌට ගැලීමට අවස්ථාවක් පැමිණෙන තෙක් බලා හිදින්නට සිදු වුණා. 

කෝයි මත්ස්‍යයා ජලයෙන් ජඥල දෙස බැලු අතර පරාවර්තනය වී පෙනෙන තරු දෙස බලා සිටියේ වැඩි වන ශීතල අතරතුරයි. නිවස තුළට වී සිටිමේ වාසිය කෙතරම්දැයි ඌ​ට වැටහුණේ දැන් ය. ජිං ලින් ජනේලයන් විවෘත කළ විට පවා ඌ මෙතරම් ශීතලක් අත්විඳ තිබුණේ නැත. ඌගේ උදරය හිස් ව තිබුණෙන් ඌට දරාගත නොහැකි තරම් කුසගින්නක් දැනුණා.   ඌ​ට බලා හිදීම පවා දුෂ්කර වී තිබුණා.

ඌ දිගින් දිගටම ජිං ලින් තවමත් අවදිව නැතැයි සිතුවේ ය. නමුත් ජිං ලින් අවදි වුවා නම් , ඔහු ඇත්තෙන්ම ඒ සඳහා ඒවිද? ජිං ලින් ඌ​ට කිසි දිනක සිනහපා තිබුනේ නැත, ඌව සයනය මත හිඳ බදාගෙන තිබුනේ ද නැත. ඔහු ඉදහිට නින්දෙන් අවදි වී ඌ සමග සෙල්ලම් කර තිබුනේ ය. ඌ​ට දැනුණේ අර කුඩා පාෂාණ අනුරුව ජිං ලින් ගේ හදවතට වටිනවා ඇතැයි ඌ සිතුවේ ය.

නමුත් ඌට තවමත් ජිං ලින් අසලින් සිටීමට අවශ්‍ය විය. කිමද යත් ඌට අවශ්‍ය වූයේ ඔහුව ගිල දමන්නට ය.

ඌ නිතරම දුටුවේ ජිං ලින් ඔහුගේ නින්දේදී නළල රැළි ගන්වමින් දහඩිය වගුරුවමින් සිටින ආකාරයයි.  ජිං ලින් හිස් ආලින්දයක තනිවම වාඩි වී සිටිනු ද හේ සැමවිටම දැක තිබුනේ ය.  ජිං ලින් තරම් හුදෙකලා වූ තවත් කෙනෙක් මේ ලෝකයේ සිටීදැයි ඌ දැන සිටියේ නැත.  කෙසේ වෙතත්, ජිං ලින් ඔහුගේ බරපතල තුවාල වලින් තවමත් සුවය ලබා නොමැති බවත්, ඔහු නින්ද ආවරණයක් ලෙස භාවිතා කරන බවත් ඌ තේරුම් ගෙන සිටියේ ය.  ඌට ජිං ලින් ගිල දැමිය හැකි තාක් කල්, වසර සියයක වෙහෙසකර ධ්‍යානවේදි දිවිය මඟ හරින්නට හැක.  ඌ දැනටමත් තමන්ගේ විඥානය වර්ධනය කරගෙන සිටි අතර;  එබැවින් ඌ තවදුරටත් ජලයේ ඉන්නට වීම ගැන සෑහීමකට පත් නොවීය. ඌගේ ආධ්‍යාත්මික ශක්තිය වැඩි වන විට ආශාවන් ද අඛණ්ඩව වර්ධනය විය. ඌ​ට ගොඩබිමට යන්නට අවශ්‍ය විය. ඌට එක් රාත්‍රියක ජිං ලින්ගේ අලංකාර ගෙලට ලං වී එයට දැඩිව හපා දමන්නට අවශ්‍ය විය. ඔහුව අයිති කර ගන්න.  තමාටම ර​ජෙකු ලෙස ආමන්ත්‍රණය කර ගන්න. ඔහුව පාලනය කරන්න.

කෝයි මත්ස්‍යයා සිතුවිලි වල ගිලී සිටියේ ය. ඌ තමාට යටින් නිහඬව අසලට එන සෙවනැල්ල දැක තිබුනේ නැත. ඌ පිහිනා අනෙක්පස හැරෙද්දී ,  ඌ දෙස බලා සිටින තඹ ඝංඨාර ප්‍රමාණයේ රන්වන් ඇස් යුගලයකට මුහුණ දෙන්නට සිදු වුනා .  නිල් පැහැති කොරපොතු වලින් වැසී තිබූ උගේ සිරුර ශිම කුට්ටියේ කෙළවර මෙන්ම ජල මතුපිට අර්ධ වශයෙනුත් දිස් වුනා.  ඒ කොරපොතු සෙමෙන් ලිස්සා යන විට ජලය රැලි ගැසී, අදුරු බවක​ට හැරුණා.  මේ සත්වයා මෙහි කෙතරම් කාලයක් සිටියේ ද යන්න ඌගේ ශරීරයේ දිග මත අනුමාන කිරීමට උත්සාහ කිරීම පටු නලයක් හරහා දිවියෙකු දෙස බැලීමෙන් වෙනස් නොවන්නේ ය;  ඌගේ මිනුම ලබා ගැනීම අපහසු විය.

ශීත ඍතුවේ රාත්‍රිය ද අවට පරිසරය ද නිහඬ විය.

කෝයි මත්ස්‍යයා දැඩි ආතතියෙන් තුවාල ලැබුවේ ය. බිය විසින් ඌව යටපත් කර දැමුණු අතර ජලය මත දරණ ගැසෙන මේ අතිවිශාල සිරුර දැකීමෙන් යම් උද්වේගකාර හැගීමක් ද ජනිත වූයේ ය. ජලයේ වෙව්ලීම මධ්‍යයේ, මුහුදු සර්පයාගේ අධ්‍යාත්මික ශක්තියේ අසීමිත බව  අනපේක්ෂිත ලෙස ඌගේ පරීක්ෂාවට ලක් විය.  මුහුදු සර්පයාගේ නළලෙන් මස් කැබලි නෙරා පිටතට විත් තිබිණි.  එය පැහැදිලිවම ජ්‍යාඕ අයෙකු බවට පරිණාමය වීමට නියමිතය. කෝයි මත්ස්‍යයා තණ්හාවෙන් සහ උඩඟු ලෙස මෙසේ සිතුවේය:

**මම ඌව ගිල්ලොත් ...**

මුහුදු සර්පයා කුසගින්නෙන් පෙළුණු අතර එය හදිසියේම තම හකු පළල් කළේය.  ගොදුරට උසුළු විසුළු කිරීමටවත් මනෝභාවයක් ඌට තිබුණේ නැත. මේ ස්ථානය මුහුදු සර්පයා දමනය කර මර්ධනය කර තිබුණි.  පහුගිය දිනවලදී මෙතැන කලබලයක් ඇති කරන්න ආපු ඒ කුරුල්ලා ඇරෙන්නට වෙන කිසිම ජීවියෙක් ඌ දැකලා තිබුණේ නැහැ.  ඉතින් ඌගෙන් පිටවන ආධ්‍යාත්මික ශක්තියෙන් කෝයි මත්ස්‍යයා දුටු සැණින් ඌට ඇති එකම සිතුවිල්ල ඒ කෝයි පැටවා ගිල දමන්නටයි.

තමා අනතුරේ බව හදුනාගත් කෝයි මත්ස්‍යයා හැරී පලා ගියේ ය. ඌ අනෙකාගේ විශාලත්වය ප්‍රයෝජනයට ගනිමින් මුහුදු සර්පයාගේ සිරුර අතර වේගයෙන් පිහිනා ගියේය. ඌ කඩිසර හා වේගවත් විය.  ගල් බැම්මේ  ගැටෙන විට විශාල ශබ්දයක් ඇති විය.  මුහුදු සර්පයා මේ තටාකයේ සිරවී සිටියේ මායා මුද්‍රාවකින් එය වළක්වන ලෙස ඉහළින් බලයක් .යෙදීමෙනි  ඉතිං , එහි චලනයන් දැඩිව සීමා වී තිබුනේ ය. එය ජ්‍යාඕ බවට පරිණාමය වීමේ තීරණාත්මක කාල පරිච්ඡේදයද මෙය වූ අතර, එම නිසා එයට කැමති පරිදි එහි ප්‍රමාණය හැකිලීමට නොහැකි ව තිබිණි.  එය පසුකර යන විට උගේ ශරීරය බිත්තිය ප්‍රචණ්ඩ ලෙස ගැලවී වාෂ්ප වන්නට තරම් තදින් ඇතිල්ලුණේ ය.  එහි වලිගයේ දරුණු පැද්දීමකින් බිත්තියේ පතුලේ ඉරිතැලීම් මතු වූයේ ය.

කෝයි මත්ස්‍යයා කඩා වැටෙන ගල් පතුරු වලින් දිවි බේරා ගන්නට පිහිනා ගියේ ය. මුහුදු සර්පයාගේ විශාල ශරීරය අවට ත විශාල ප්‍රමාණයක් අල්ලා ගනිමින් සිටි අතර, ඌ කෝයි මත්ස්‍යයා ට සැඟවීය හැකි ඉඩ ප්‍රමාණය අඩු කළේ ය. ජල ධාරාව ඌ පටු පරතරයක් දෙසට තල්ලු කළ අතර, මුහුදු සර්පයා කෝයි මත්ස්‍යයා ව ඒ අතරට හසු කර ගැනීම සඳහා උගේ ශරීරය ඉහළට නැමුවේ ය.  මුහුදු සර්පයා තම හකු විවෘත කළ සැණින්, කෝයි මත්ස්‍යයා උගේ දත්වල තියුණු දාර හරහා ගොස් ජල මතුපිට දෙසට පැන ගත්තේ ය.

කෝයි මත්ස්‍යයා ගේ සමහර කොරපොතු මුහුදු සර්පයාගේ දිගු දත්වලින් ගැලවි ගොස් තිබුනි.  නමුත් ඌ ආපසු හැරි බැලුවේ නැත. ඌ හැකි උපරිමයෙන් පිටතට පිහිනන්නට වෑයම් කළේ ය. මුහුදු සර්පයා ඉදිරියට ගොස් ඇසිපිය හෙලන සැණින් ඌ අල්ලා ගන්නා විට ඌට යටින් වූ ජල ධාරාව කැළඹී ගියේය.

විශාල මුව වඩාත් විශාල ලෙස විවර වී තටාකයේ ජලය උරා බොන්නට විය. සියල්ල නැවත එම හකු දෙසට වේගයෙන් ඇදී ගියේය. කෝයි මත්ස්‍යයා ඒ ජල ප්‍රවාහයට එරෙහිව පිහිනා ගියේ අපහසුවෙනි.  මතුපිට අත ළඟ ම වූ නමුත් ඌ කෝයි මත්ස්‍යයා ව වේගයෙන් මුව  තුළට ඇදගනිමින් සිටියේ ය.

** මාව කන්නයි යන්නේ!**

මුහුදු සර්පයා හකු වසාගෙන සිටිනු දකින විට කෝයි මත්ස්‍යයා ඒ වන විටත් මුවට උරාගෙන තිබුණි.  ශක්ති ප්‍රවාහයකින්, ඌ වැසීමේ පරතරය දෙසට මංමුලා සහගත අයුරින් ගමන් කරන්න ට විය.

ඉදිරියෙන්, සුදු සන්ධි සහිත අතක් හදිසියේම මුහුදු සර්පයාගේ හකු තුළට වැටී එය අමානුෂික ලෙස විවර කර, ඇතුළත සිටි කෝයි මත්ස්‍යයා නිරාවරණය කළේ ය.  කෝයි මත්ස්‍යයා ජිං ලින්ගේ ළයට කඩා වැටී, ඔහුගේ ලිහිල් කරපටිය පහළට ලිස්සා, ඔහුගේ සමට ළං වී, නැවත හිස පිටතට දැමීම ප්‍රතික්ෂේප කළේය.

මුහුදු සර්පයාගේ ඇස් අතරට ඇඟිල්ලක් දිගු කළ ජිං ලින්ගේ මුහුණ සුදුමැලි විය.  මුහුදු සර්පයා මොහොතකට තිගැස්සී, පසුව ජිං ලින්ට හැරී යාමට බියගුලු ලෙස ඉඩ ලබා දුන්නේ ය.  නමුත් ජිං ලින් පිටුපසට හැරුණු මොහොතේ ඌ ඌගේ සැබෑ වර්ණය පෙන්වමින් ඔහු මතට පහර දෙන්නට හැරුණේ ය.  ජිං ලින්ගේ අධ්‍යාත්මික ශක්තිය සම ගැඹුරින් තිබුනේ ය.  එය සාමාන්‍ය ආත්මයන් බිය ගැන්වීමට යොදා ගත හැකි මවාපෑමක් වූ නමුත් ජ්‍යාඕ කෙනෙකු බවට පරිණාමය වීමට යන මුහුදු සර්පයෙකු ඉදිරියේ එය නිෂ්ඵල විය.

ජිං ලින් මේ ක්‍රියාව අපේක්ෂා කර තිබුනෙන් , ඔහු පාෂාණ බිත්තියට විරුද්ධව පා පහරක් ගසා අනෙක්පස හැරුණේ ය. ඔහුට බාධා කිරීම සදහා සර්පයා උෟගේ වලිගය එසැවූ නමුත් ,   ජිං ලින් එය මගහැර එම වලිගයේ ගැස්ම යොදාගෙන ජලයෙන් පිටතට පැමිණියේ ය. මුහුදු සර්පයා ඔහු පසුපස හඹා යමින් මුව විවර කරගෙන පැමිණෙද්දී , ඔහුගේ ඝන ශරීරය අප්‍රසන්න සහ පිළිකුල් සහගත වූ අතර අඩ වශයෙන් ඔහු පසු පස හඹා එමින් සිටියේ ය

තටාකයේ තිබූ මුද්‍රාව දිලිසෙන අතර හදිසියේම මුහුදු සර්පයා මතට ​​පතිත වී ඌ නැවතත් වතුරට තල්ලු කළේය.  ජිං ලින් ගොඩ බිමට පැමිණ පැත්තක බලා සිටි කුඩා පාෂාණ අනුරුව වෙතට කෝයි මත්ස්‍යයා විසි කරන විට ජලය විසිරී ගියේ ය.

කුඩා පාෂාණ අනුරුව හිස ඔසවා දිව යන්නට පටන් ගත්තේ ය. ඔහු කෝයි මත්ස්‍යයා ගත් අතර ඌ හිම මතට පතිත වූයේ ය. කෝයි මත්ස්‍යයා එය නැගිටින තෙක් බලා සිටියේ ය. නමුත් සෑහෙන වෙලාවක් ගත වන තුරුම චලනයක් සිදු නොවුණු හෙයින්ඉඌ අවිශ්වාසයෙන් යුතුව සිටියේ ය. කුඩා පාෂාණ අනුරුව හිමෙන් ආවරණය වී තිබුණ අතර එහි චලනයන් මන්දගාමී වී තිබුනේ ය.

ජිං ලින් හිසකෙස්වත් ගැට ගසා නොතිබුණු අතර තෙතබරිත වූ ඇත් දළ පැහැ ඇදුම සිරුරටම ඇලී තිබුණි.   ඔහු තද කොළ පැහැති පළල් අත් ඇති ඇඳුමක් අතට ගෙන උඩුකය මතින් ඔතා ඉණ වටා සළුව ලිහිල්ව ගැටගසා ගත්තේය.  ඔහුගේ ශ්වේත පැහැ ගෙලෙහි වූ ජල බිංදු ඔහුගේ කරපටිය දිගේ සෙමෙන් ගලා ගොස් ඔහුගේ සමට දිය වී ගියේය.

ජිං ලින් ඔහුගේ මුව වසාගෙන කිහිප විටක් කහින්නට වූයේ ය. ඔහුගේ සිරුර කෙසග හා බිඳි යනසුළු වූ අතර , දැඩි හා ශීත කළ භූ දර්ශනය තුළ ඔහු වඩාත් දුර්වල ලෙස පෙනුනි.

ඔහු මුමුණන්නට විය, “යන්න.”

ඔහුට යමක් සංවේදනය වුනාක් මෙන් ආපහු හැරී බැලුවේ ය. එහි කෝයි මත්ස්‍යයෙක් සිටියේ නැත. එහි හිම මත වාඩිවී සිටියේ කුඩා තර පිරිමි ළමයෙකු ය!

නෙළුම් මුල් වැනි අත් දැකීමෙන් කෝයි මත්ස්‍යයා බියෙන් හිස පහත් කර කරගනිමින් සුදුමැලි විය.  නොසිතා එය ජිං ලින් වෙත දිව ගොස් ජිං ලින් ගේ දෑතට විසි විය. දෙවරක් නොසිතාම ඌ ජිං ලින් ගේ ගෙල වටා දෑත් තද කර, ජිං ලින්ගේ කොපුලක් මතට සිය මුහුණ ගෙන ආවේ අපැහැදිලි උරුවකින් “ජී..... ජී ලී!” ලෙස පවසමිනි.

වසර සිය ගණනකින් ජිං ලින් කිසිවෙකුත් සමග සම්බන්ධතාවයක් පවත්වා නොතිබුණ අතර හේ ක්ෂණික ව පසුබැස්සේ ය. මොහොතකට , ඔහු අතරමං වූවෙක් සේ බෙනුණේ ය. කෝයි මත්ස්‍යයා ජිං ලින් ගේ ගෙලෙහි එල්ලී ඌගේ කඳුළු ධාරානිපාත වර්ෂාවක් සේ ගලා ගියේ ජිං ලින් දෙස දුක්ඛිතව සහ අසරණව බලා හිදින අතරේයි.  ජිං ලින්ට ඔහුගේ නළලතෙහි ගැස්මක් දැනුණු අතර දිගු කලක් ඔහුට නොතිබුණු හිසරදය නැවතත් හ​ටගෙන තිබුණේ ය.

කෝයි මත්ස්‍යයා මේ අවස්ථාවෙන් ප්‍රයෝජන ගෙන අහිංසක ලෙස නැවතත් ජිං ලින් ගේ ගෙලෙහි එල්ලී සිටියේ ය.  ජිං ලින් ගේ ගෙල සීතල වූ අතර, එම නිසා​ කෝයි මත්ස්‍යයා ට ජිං ලින් මත රැදී ඉන්නට අකමැති බවක් පෑවේ ය.

මේ හමු​වීමෙන් ඌ සැබවින්ම බියට පත් ව සිටි අතර ඌ සිය ස්වරූපය වෙනස් කර තිබුණේ ය! 

උෟ - ඔහුගේ මනෝභාවය තවමත් සම්පූර්ණයෙන් වර්ධනය වී නොතිබුණි;  එබැවින් ඔහු අහිංසක ප්‍රකාශනයක් අඩු වැඩි වශයෙන් අනුකරණය කිරීමට ඉගෙන ගෙන තිබුණි.  ඔහු ජිං ලින් වෙත හේත්තු වූයේ ජිං ලින්ගේ පපුව මත උණු වූ උණුසුම නිසා ය, ඒ සංවේදනය ජිං ලින් හරහා සිදුරු කළේ මෙය ජීවිත කාලයකට පෙර සිදු වූ දෙයක් ආකාරයෙනුයි.

ජිං ලින් හිස වනමින් නළල රැලි කළේය.  කෝයි මත්ස්‍යයා ඇසිපිය ගසා ඔහුගේ ප්‍රකාශය තේරුම් ගැනීමට උත්සාහ කළේය.  ඔහු මෘදු ලෙස පවසන්නට විය."ජි ලි... අපි... ගෙදර" 

ඔහුට පැහැදිලිව ප්‍රකාශ කිරීමට නොහැකි වූ අතර ඔහුට කතා කිරීමට ද අපහසු විය.  ඔහු පැහැදිලිවම විකාර සහගත ලෙස "මනුෂ්‍යයන්ව" අනුකරණය කළේය.  ජිං ලින්ට මත්ස්‍යයෙකුට ඔහු සමඟ සිටීමට ඉඩ දිය හැකි නමුත් ඔහු සමඟ මිනිසෙකුට සිටීමට ඔහුට නොහැකි විය.  මෙයට හේතුව ඔහුගේ හැඟීම් සහ ලෞකික ආශාවන් වසර සිය ගණනකට පෙර සම්පූර්ණයෙන්ම කපා හැර තිබූ බැවිනි.  අද දක්වාම ඔහු කිසිවෙකුට ආදරය කර නැති අතර යමෙකුට ආදරය කරන්නේ කෙසේදැයි ඉගෙන ගැනීමට ආශාවක් ද නොතිබුණි.  "මිනිස්" සබඳතා ඔහුට වරක් දැඩි ලෙස වධ දී ඇති තිබුණ අතර, ඒ සඳහා ඔහු විශාල මිලක් ගෙවා තිබුනේ ය.  ඔහු කවදා හෝ අවබෝධ කරගත් චිත්තවේගයක් තිබේ නම්, ඒ හැඟීම "වෛරය" විය හැකිය.

"වෛරය" වෙනුවෙන් ඔහු අසිපතක් අතට ගෙන ලේ විලක් ආරම්භ කරන්නට පසුබට නොවීය.

 එමනිසා ඔහුට , මේ සජීවී සහ උණුසුම් දරුවා ඔහු මත යැපීම හමුවේ බියෙන් වෙව්ලීම වළක්වා ගත නොහැකි විය.

₪₪₪₪₪₪₪₪₪₪₪₪₪₪₪₪₪₪₪₪₪₪₪₪₪

අරුත් පැහැදිලි කිරීම

1.) රාජධානින් ත්‍රිත්වය:  ස්වර්ග රාජ්‍යය, නරකාදිය සහ මනු ලොව  

2.)  管中窥豹 පටු නලයක් හරහා දිවියෙකු දෙස බැලීම;  යමක් පිළිබඳ සීමිත ලෙස පටු ලෙස බැලීම.

3.) ජ්‍යාඕ, නොහොත් ජ්‍යාඕලොං (ජ්‍යාඕ මකරා) යනු කුණාටු සහ ගංවතුර ඇති කළ හැකි මිථ්‍යා, ජලජ ජීවියෙකි;  සමහර විට ගංවතුර මකරා ලෙසද හැඳින්වේ. 

 පෙර පරිච්ඡේදය | සියළුම පරිච්ඡේද | පසු පරිච්ඡේදය