අසූ තුන්වන පරිච්ජේදය | වසත් දසුන

 වලාකුළු වලින් සඳ වසාගත් අතර සෙලවෙන තුරුලතා පෙනුනේ ආත්මයන් ලෙසය. අසිපත් කොපුවෙන් පිටතට ගන්නා විට එකිනෙක ඇතිල්ලෙමින් සීරි යන ශබ්දය සුළඟ මධ්‍යයේ ලෙළදෙන සේද ආවරණයක් බඳු වූයේ ය. ඒවා ඉරා දැමීමෙන් ඉතා භයානක අනතුරක සේයාවක් දනවන්නට සමත් විය. ශාලාවේ උණ ලී විජිනිපතක හඬ ත්‍රිත්වයක් ඇසුණේ ය. ශෙන් ස'චුආන් තවමත් සන්සුන් ලෙස සිටි අතර තමන් සඳහා තවත් මත්පැන් කෝප්පයක් පුරවාගන්නට මත්පැන් බඳුන ඔසවාගෙන සිටියේ ය. 

“ඔබ නිවැරදියි.” ශෙන් ස'චුආන් මත්පැන් කෝප්පය පුරවා ගත්තේ ය. “අපිට අද රාත්‍රියේ විසඳගන්න බොහෝ දේවල් තියෙනවා.”

ෂී හොංෂුආන් සිය දෑත් පහත් කර ශිලාව දෙසට රැස්වී සිටි පිරිස දෙස බැල්මක් හෙළුවේ ය. “ ඔබ මොනතරම් දක්ෂච ,ඔබ විධ්විධාන වලට අනුව කටයුතු කරන්න කැමති වුනොත් ඔබට ඒතරම් දුක් විදින්න වෙන එකක් නැහැ.”

“ඔබ චූදු වලට ඇතුළු වුන මොහොතේ ඉඳලා ඔබ මණ්පයක් සිරකළ විහගෙක් වගේ , ඔබ පැතිරෙන් ගිනිදැල් වත් අනතුරු දාහක් දේවල් ගැනවත් කිසිම තැකීමක් කරන්නේ නැහැ. ඔබ ඇත්තටම අවාසනාවන්ත වාසනාවන්තයෙක්. අනිත් අතට, ඔබ එදා රළ එක්ක ජීවත් වෙන්න අවස්ථාවක් හොයාගන්න සටන් කළා, ඒ වෙනුවෙන් , මම ඔබට සව්දිය පුරනවා.” ශෙන් ස'චුආන් කතා කරන අතරේම , ඔහු මන්දගාමී ව මත්පැන් පොළව මතට වත්කර දැමුවේ ය. (1.)  "පෙරදි දුෂ්කරතාවලට හසු වූ අයත් කීකරු වීමට බොහෝ දුරට ඉඩ තියෙන බව ඔබත් මමත් දෙදෙනාම වටහාගෙන තියෙනවා - මොකද කීකරු පුද්ගලයන් දහ දෙනෙකුගෙන් නමයක් සිටියත් ස්වර්ගය ස්වර්ගය ඔවුන්ට මාර්ගය සලසන තෙක් ඉවසා සිටින්නේ නැහැ."

“මම රළ පහරට එරෙහිව සටන් කළා , ඔබත් එයට විරුද්ධව සටන් කරනවා.  ලෝකයේ කිසිවෙක්ගේ ජීවිතවල ඇත්තටම වටිනාකමක් නැහැ. ශෙන් ස'චුආන් , මමත් ඔබ වෙනුවෙන් සව්දිය පුරනවා!  එදා මොනතරම් වධ හිංසා  මධ්‍යයේ වුනත් ඔබ දිවි ගලවා ගන්න සමත් වුනා ඒත් අද රාත්‍රියේ ඔබ ඔරුවක් කාණුවකට පෙරලෙන්න යනවා වගේ අවාසනාවන්ත වගේම අසාර්ථක තත්වයකට මුහුණපාලා තියෙනවා, හහ්!”  ෂී හොංෂුආන් උපහාසාත්මක ලෙස සිනාසී, පසුව හදිසියේම උදාසීන ලෙස පසෙකට හැරුණේ ය, "ඔබ සහ මම අතරින් ජීවත් වෙන්න පුළුවන් එක් අයෙකුට විතරයි."

“ඔබ හොඳින් ස්නානය කර අවසන් වුනාට පස්සේ මත්පැන් පානය කළා.” ශෙන් ස'චුආන් මත්පැන් කෝප්පය මෘදු ලෙස ඉවතට වීසි කරමින් ද්වාරය දෙසට හැරෙන්නට නැගී සිටියේ ය. ඔහු තම හස්තය යැං ශන් ෂුඒ දෙසට ගෙනගොස් එහි මිට අල්වාගත් අතර ඔහු මෘදු ලෙස සිනහවන අතරවාරයේ එහි ශ්වේත පැහැ මුතු ඇටය ඇගිල්ලකින් තෙරපුවේ ය, “ ඔබ ඔබේ මාර්ගයේ ගමන් කරන්න කලින් මට චී හුයිලියන් කොහෙද කියලා පවසන්න අදහසක් නැද්ද ?”

ඉදිරිපස තිබූ මළුවෙහි එක්වරම ලිනි ජාලාවක් හටගත්තේ ය. ෂී හොංෂුආන් තම හිස හරවා ඒ දෙස බැලුවේ ය ; ඒ වන විටත් වාසස්ඛානය ගිනි ගනිමින් තිබුණේ ය., “ඔහු සමග තර්ක කරන්න කරදර වෙන්න එපා! ඔහුගේ හිස ගසා දමන කාට වුනත්, රත්රන් ටේල් සියයක් වගේම රීදී සේද සියයක් පිරිනමනවා.!”

වෘකයන් මෙන් බොහෝ සෙවණැලි කඩා වැටුණු අකර දොරවල් සහ ජනෙල් ක්ෂණිකව කැඩී ගියේය.  ශෙන් ස'චුආන්ගේ ගේ තලය ඒ වන විටත් එහි කොපුව හැර ගොස් තිබු​ණි.  ඔහු පියවර ද්විත්වයක් ඉදිරියට තැබූ අතර, ඔහුගේ තලයෙහි චලනයන් සමඟ රුධිරයන් වැගිරෙන්නට විය.  යැං ශන් ෂුඒ නම් දිගු අසිපත් තලය, මිනිසුන්ගේ උගුරු දඩු කපා දමද්දී ශීතල හිම සහිත දිලිසීමකින් ලෙල දුන්නේ ය. එය කෙතරම් වේගවත්ද යත්, ජනෙල් කඩදාසි මත ලේ බිංදු විසිර ගියද අසිපත් තලයේ කෙළවර රුධිර බිදුවක් හෝ රැදි තිබුණේ නැත.

යැං ශන් ෂුඒ හා ලංලී අසිපත් අතර සමානතා ද විය. ඔවුන් මේ චූදු තුළ දූවිලි අවුස්සා තිබුණේ ය, තමන්ගේ අසිපක් කොපු තුළට වී සුවිනීත තරුණ ස්වාමීවරුන්  දෙපලකගේ ඉණ ආභරණයන් වන්නට වරම් ලැබුවෝ ය. නමුත් ඔවුන්ගේ කොපුවලින් පිටතට යන්නට ඔවුන්ට අවස්ථාව ලබා දෙන්න, ඒ සීතල අසිපත් වල දිලිසීමෙන් පමණක් ඔවුන්ගේ ස්වාමිවරුන්ගේ ලේ පිපාසිත ම්ලේච්ඡ ස්වභාව​ය ඕනෑම දැකගත හැකි වනු ඇත.

ගිනිදැල් ජීහ්වයන් කෝපයෙන් ලෙවකමින් ඉදිරියට පැමිණි අතර, ඇසිපිය හෙලන සැණින්, ෂී වාසස්ථානයෙන් අඩක් ගිනි ජාලා සයුරේ ගිලී ගියේය.  ච්‍යාඕ ත්‍යැන්යා වහලය මතට පැන මුදුන එක මත වේගයෙන් පියාසරන පා පහරවල් සමඟින් ඉදිරියට එන මිනීමරුවන්ට පහරදි සියල්ලම උඩු යටිකුරු කර දමමින්මධ්‍යම ශාලාව මතට පෙරළා දැමුවේ ය.  ඔහු වහලය මත සිටගෙන ශෙන් ස'චුආන් ගේ රන් ආලේපිත අවසරපත , ඉණ පලදනාව දැල්වීය.

“රාජකීය ආරක්ෂකයින් අධිරාජ්‍ය නියෝග මත නඩුවක් විමර්ශනය කරනවා.  ෂී වංශය විසින් දිවුරුම් දුන් සහෝදරත්යන් සියයකට වඩා නිර්භීත මිනිසුන් පිරිසක්ව පෞද්ගලික රැස්වීමක් සඳහා ස්වර්ග පුත්‍රයාගේ නාසය යට එක්රැස් කරලා තියෙනවා.  ඔවුන් අතර නිදැල්ලේ ඉන්න අපරාධකරුවන් සහ නීතිවිරෝධී පුද්ගලයන් සිටින බව අපේ විමර්ශනවලින් අනාවරණය වෙලා කියෙනවා.  ෂී හොංෂුආන් ගේ අභිප්‍රාය සුළුපටු කාරණයක් නෙමෙයි.  මේ වෙනුවට ඔහුව මරා දමන්න වෙනවා! ”  ච්‍යාඕ ත්‍යැව්යා පැහැදිලි සහ උස් හඬින් පැවසීය.  “මේ නඩුව අදාළ වෙන්නේ ස්වර්ග පුත්‍රයා අනතුරට පත් කළ සිද්ධියටයි. ඒ හා සම්බන්ධ ඕනෑම අයෙක් රාජකීය බන්ධනාගාරයේදී අත්අඩංගුවට ගන්නවා.  රක්ත අශ්වාරෝහක සේනාංකය (2)  දැනටමත් ෂෘ වාසස්ථානය වටලා තිබෙන්නේ.  ඔබ සටනකින් තොරව යටත් වීම වඩාත් සුදුසුයි! ”

"ඔහුගේ විකාරවලට සවන් දෙන්න එපා!"  ෂී හොංෂුආන් කෑගැසුවේය.  “මම ස්වර්ගයේ පුත්‍රයා, ඔහු සමඟ ජීවිතය සහ මරණය හරහා ගිය කෙනෙක්. රාජකීය ආරක්ෂකයන්ට ඔවුන්ගේ අපරාධ වසන් කිරීම වෙනුවෙන් විශ්වාසවන්ත ඇමතිවරුන් ඝාතනය කිරීමේ අභිප්‍රාය තියෙනවා.  අද රාත්‍රියේ මට උදව් කරන හැමෝම අවංක වීරවරයෝ!  ඔබේ ත්‍යාග ලබා ගන්න ඔබ සියල්ලෝම හෙට උදෑසන මාලිගාවේ දොරටු වෙත මා පසුපස පැමිණේවි!"

ගිනිගෙන දැවෙන අට්ටාලය ගිගුරුම්  හඬකින් කඩා වැටුණි.  ෂී හොංෂුආන් උණුසුම් රළ මධ්‍යයේ එක් පියවරක් හෝ පසුබැස්සේ නැත, ඔහු ශාලාවේ ඇති රූපය දෙස සමීපව බලා සිටියේය.

“ඒ නපුංසක පාර්ශවය දැන් මුලිනුපුටාදමලා අවසන්. උකුමාණෝ කතා කිරීමේ නිදහස වෙනුවෙන් පෙනී සිටිනවා , ඔහු වැඩිපුරම වෛර කරන්නේ මහජනයා රවටා සියල්ල පාලනය කරන්න තම බලය අනිසි ලෙස භාවිතා කිරීමට කැමති ශෙන් ස'චුආන් වගේ ද්‍රෝහී නිලධාරීන්ට යි!  මහත්වරුනි, ඔහුව මරණ තැනැත්තාගේ කුසල් ක්‍රියාවන් ඉදිරි කාලය තුළ ඉතිහාසයේ සටහන් වලා ප්‍රසිද්ධ වීරයෙක් බවට පත්වේවි!”

ච්‍යාඕ ත්‍යැන්යා රහසින් කෙළ ගැසුවේ ය.  මෙම මහත ෂී ස්වාමියාගේ කථන ස්වභාවය සැබවින්ම විශිෂ්ට විය.  ඔවුන්ගේ ඔහුගේ කට වසා දමන්නට නොහැකි වුවහොත් , ඔහුට කළු කපුටත් සුදු වර්ණයට පවා හරවන්න හැකියාව ලැබෙනු ඇත!  ච්‍යාඕ ත්‍යැන්යා වහාම අවසරපත සගවාගෙන පහතට පැන්නේ ය, එහිදී ඔහු සතුරන්ට මුහුණ දෙන්නට තමන්ගේ අසිපත ඇද ගත්තේය.

මළුවේ ගිනිදැල්වලට වඩා රුධිරයේ දීප්තිය කැපී පෙනුණි.  ඉදිරියෙන්, දර්ශනය ඒ වන විටත් අවුල් සහගත විය, සෑම තැනකම කෑගැසීම් සහ මොරදීම් සමඟ සාප්පු හිමියන්, පොත් ළග තබාගන්නන් සහ සේවකයින් හිස් ලූ ලූ අත දිව ගියහ.  පිටතින් රක්ත අශ්වාරෝහක සේනාවෝ වේගයෙන් ගමන් කළ අතර, ඒ වන විටත් සියලු දොරටු අවහිර කර තිබුණේ ය.

ශාලාවෙන් තුළින් එක්ව​රම  හැඩි දැඩි රුවක් මැවී පෙනුණි.  ෂී හොංෂුආන් උදාසීන ලෙස බලා සිටියේය.  ඒ ශරීරය කඳක් සේ සෘජුව පිටුපසට නැමී, පඩිපෙළ මතින් පෙරළී ආයේ ය, එහි ගෙලින් නොනවත්වා රුධිරය ගලා ගියේය.  ශෙන් ස'චුආන් තම අසිපත ඉවත් කර එය ඔහුගේ කොපුව මත රඳවා, පසුව මෘත දේහය මතින් ගමන් කර එකින් එක පියවර තබමින් පඬිපෙල පහළට ගියේය.

ෂී හොංෂුආන් එක්වරම සිනහ හඬ නැගුවේ ය. ඔහුවම වෙව්ලා යන තරමට හේ සිනහවුයේ ය.  ඔහු පැවසුවේ ය, “මාව තවමත් ඔබ සමඟ සැසඳන්න බැහැ.  ඒත් මේ හේතුව නිසා මාව ඝාතනය කළොත් , මහරජාණෝ පවා ඔබට දොස් පවරන්න සහ දෝෂාරෝපණය කරන්න එඩිතර නොවේවි."

 ශෙන් ස'චුආන් හිස හරවා තවමත් ඇවිලෙමින් පවතින ගින්න දෙස බැල්මක් හෙළුවේ ය. “ඔබ මුලින් ම මෙතරම් ඉක්මනින් මිය යන්න අදහස් කළේ නැහැ.”

ෂී හොංෂුආන් අහස දෙස බලා දිගු සුසුමක් හෙලුවේය.  ඔහු අසාමාන්‍ය ලෙස සන්සුන් වුයේ ය;  ඒ ප්‍රීතිමත් සිනහව සහ කෝපාවිෂ්ඨ ශාප සියල්ල අතීතයට අයත් දෙයක් බවට පත් විය.  ඔහු පැවසුවේ ය.

 “මම කලින් මැරුණත් පසුව මැරුණත්, මම තවමත් ඔබේ අතේ සිටින අධමයෙක් වෙනුවෙන් ක්‍රීඩා කරනවා.  ඒක ඕනැවට වඩා මාව තරහා ගස්සනවා!  ඒත් ඔබට පැරදුනාට මට පාඩුවක් වෙන්නේ නැ.  ශෙන් ස'චුආන් මම පරාජය පිළිගනෟනවා.  ඒ වගේම, මට ඒක නිකම් ම අතහැරලා දාන්නත් බැහැ. වානේ රත් කරන්න කම්මල්නරුවන් සියයක් අවශ්‍ය වෙනවා (3) —ඔබ දැනටමත් ඒ තත්ත්වයට පැමිණිපා ඉන්නවා කියලා ඔබ සිතනවාද?  අද රාත්‍රියේ මට මගේ අවසානය දකින්න හේතු වුණේ මම මගේ සතුරා අවතක්සේරු කළ නිසයි.  කොහොම වුණත් ඔබව තමන්ගේ ඇඟේ තියෙන විෂ සහිත කට්ටක් විදියට දකින අය ඕන තරම් මේ ලෝකේ ඉන්නවා.  ඔවුන් හැමෝම පෝලිම් ගැහිලා ඔබ එනතුරු බලා ඉන්නවා.  ඔබට එකෙකුව මරා දැමිය හැක, පසුව තවත් කෙනෙකුව, නමුත් ඔබට ඔවුන් හැමෝවම මරා දමන්න කවදාවත් හැකියාවක් ලැබෙන්නෙ නැහැ. මොනතරම් කණගාටුදායකද..."

ඔහු නිහඩව රාත්‍රි අහස සිසාරා බැලුවේ ය.

“ඔබත් මමත් උපත ලැබුවේ අනුග්‍රහය ලබන්න නෙමෙයි.  අනිත් අයට පහසුවෙන් ලබා ගත හැකි දේවල් තවමත් ඔබටත් මටත් අපේ ජීවිත සමඟ සටන් කර ලබා ගත යුතු දේවල් වෙනවා.  ප්‍රධාන භාර්යාවන්ගෙන් සහ උපභාර්යාවන්ගෙන් උපදින දරුවන් අතර අගතිය ගැඹුරින් මුල් බැසලා කියෙනවා. පැහැදිලිවම ප්‍රධාන භාර්යාවගෙන් උපත ලැබුවත් , උපභාර්යාවන්ගෙන් උපන් අනෙකුත් වංශවල පුතුන්ට වඩා නරක ජීවිතයක් ගත කරන්න ලැබුණ එක මට කෙතරම් අපහාසාත්මක දෙයක් වෙනවා ද?  මගේ ජීවිතය නොවටිනවා වගේම ඔබේ ජීවිතය ඊටත් වඩා වටිනවා.  ඔබට ඉදිරියෙන් චෝදනා කරන්න, සටන් කරන්න , අල්ලා ගන්න අවශ්‍ය අය ඕනැ තරම් අය ඉන්නවා. නමුත් ඉදිරි දිනවලදී හරියටම සාර්ථක වෙන්නේ , අසාර්ථක වන්නේ කවුද කියලා කියන්නෙ කොහොමද? ”  ෂී හොංෂුආන් ඔහුගේ දෑත් විවර කළේ , ඔහු ස්වර්ගයෙන් ඉල්ලා සිටින්නාක් මෙන්.  ඒ අතරම, ඔහු ශෙන් ස'චුආන්ගෙන් මෙසේ අසනවාක් මෙන් විය: “ආරවුල්වල කෙළවරක් නැහැ.  ඉදිරි දිනවලදී අසාර්ථක හෝ සාර්ථක වන්නේ කවුද?  මා මියගිය පසු ඔබට ඔබේ ජයග්‍රහණය තහවුරු කර ගත හැකිද?  ඔබ අනිත් අයව මරා දමනවා, අනිත් අය ඔබව මරණවා. හාහා!”

ෂී හොංෂුආන්ගේ සිනහ හඩ ඝෝෂාකාරි සහ නොදැමුණු විය. ඔහු හදිසියේම බිම වැතිර සිටි මළ කදෙන් අසිපතක් පිටතට ගන්නට නැමී ශෙන් ස'චුආන් දෙසට සමීප විය.

“මම ෂී වංශයේ මිනිසෙක්.  මේ ජීවිතයේ දී, මම ෂී ගූ'අන්ට වඩා තුන් ගුණයක් ජයග්‍රහණය කර තියෙනවා;  මම ඔහුට වඩා අඩු තැනක නෙමෙයි ඉන්නේ. අන්ධ වූ මගේ දෙමාපියන්!  මම මගේ ආදරය වැරදි පුද්ගලයාට දීලා , මගේ හැම ආදරයක්ම හා වෛරයක්ම අවසන් කළා .  මම-” ෂී හොංෂුආන් ඔහුගේ ගෙල කපා ගන්නට අසිපත දිගු එල්ල කරගත්තේ ය. ශෙන් ස'චුආන්ගේ සිරුර පුරා උණුසුම් රුධිරය ගලා ගියේය.  අසිපත් තලය බිම පතිත වූ අතර ඔහු එයත් සමඟ දණහිසින් වැටෙන්නට ලිස්සා යද්දී ශෙන් ස'චුආන්ගේ කබා අත ඇද ගත්තේය, බලහත්කාරයෙන් ගත් සිනහවකින් යුතුව ඔහුගේ වදන්වල අවසාන කොටස සම්පූර්ණ කරන විට ඔහුගේ වසන් මැකී ගියේය, “... නැවතිලා ඉන්නම්, ඔබ එනතුරු ඉන්නම්.  නිරයට යන මාර්ගයේ..."

ෂී හොංෂුආන් ඔහුගේ පාමුල වැටෙන අයුරු හේ බලා සිටියේය.  ඔහුගේ අතැඟිලි දිගේ උණුසුම් රුධිරය ගලා ගියේය.  ගිගුරුම් නඟන ගිනි ජාලාවක් මැද බොහෝ වේලාවක් නිශ්ශබ්දව සිටි ඔහු ලේ බිඳු ගසාදමන්නට අත එසවූයේ ය.

◈     ◈     ◈

ෂී වාසස්ථානය සම්පූර්ණයෙන්ම ගිනිබත් වී ගිය අතර එයින් දිවි ගලවාගත් ඇතැමුන්ව රාජකීය ආරක්ෂකයන් විසින් සිරභාරයට ගෙන බන්ධනාගාරගත කළේ ය. ශෙන් ස’චුආන් සතුව ෂී හොංෂුආන් කළ සියල්ලෙහිම දෑ තිබුණි– ඔහු කුලියට ගත් පුද්ගලයන් සහ අතඩංගුවට ගන්නට විරෝදය දැක්වූ අවස්ථා ඇතුළුව  –  ඒ සියල්ලම මතක වාර්තා සටහනේ ඇතුළත් වූ අතර හේ ඒ සියල්ලම ලී ජ්‍යන්හෙං පුද්ගලිකව මුණගැසී වාර්තා කළේ ය.

ලී ජ්‍යන්හෙං මහන් සේ කම්පනයට පත් වූයේ ය. නමුත් ෂී හොංෂුආන් ඔහුගේ නිවසේ මිනිසුන් එක්රැස් කළ බවට ප්‍රතික්ෂේප කළ නොහැකි තරමේ සාක්ෂි තිබූ අතර රාජකීය  ආරක්ෂකයින් අධිකරණ අමාත්‍යාංශය හරහා මේ පුද්ගලයින්ගේ පසුබිම හොඳින් පරීක්ෂා කර තිබුණි.  රාජකීය වාරකයන්ට පවා එහි වරදක් සොයා ගන්නට නොහැකි වන පරිදි මේ කාරණය කිසිදු ලිහිල් අන්තයකින් තොරව මනා ලෙස හසුරුවන ලද්දේ ය.

වෙයි හුඅයිගූ කපටි උපක්‍රමශිලී අයෙක් විය. මෙයදැකීමෙන් පසු , ඔහු තම සිසුන්ට ස්වර්ගයේ පුත්‍රයාගේ මනසට විෂ කවා නොමග යැවූ ද්‍රෝහී පිළිලයක් ලෙසට ඒත්තු ගන්වන ලෙස පැවසුවේ ය. ඔහු ෂී හොංෂුආන් උතුමාණන්ට හානි කිරීමට උත්සහ කිරීම ගැන හෙළා දුටුවේ ය. ඖහුආ මණ්ඩපයේ කඩා වැටීම ඇත්ත වශයෙන්ම ඔහු විසින්ම සම්පූර්ණයෙන් සැලසුම් කරන ලද්දකි.  වෙයි වංශය තම වරදින් නිදහස් වෙන්නට සියලුම උත්සහයන් සැරුවෝ ය. මේ පිළිදර අවසන තේ පැන් සිසිල් වනවා බදු තත්යකි. (4.)

එහෙත්, ග' චිංචිං චූදු හි වීදිවල සහ මංතීරුවල අස්සක් මුල්ලක් නෑර සෙවීමට හා සියලුම ඇතුල්වීම් සහ පිටවීම් ලේඛන පරීක්ෂා කරන්නට මිනිසුන් යෙදවූ විට පවා , චී හුයිලියන් සහ ජී ගැංව සොයා ගන්නට ඔවුන් කිසිම විටක සමත් වූයේ නැත.

 "ඔවුන් නිසැකවම තවමත් චූදු වල ඇති."  ශෙන් ස'චුආන් ලේඛන සියල්ලම මේසය මත තබා වසා දැමුවේ ය.  “ඔහුගේ අරමුණ ඇදුරුතුමා ලවා මට තර්ජනය කරන එකයි.  ඔවුන් චූදු වලින් පිටතට යැව්වොත් - ඔහු එහෙම කළොත් නම් - ඔහුට ඔවුන්ව පාලනය කරන්න සහ හසුරවන්න අපහසු වේවි."

"ඇදුරුතුමා විශාරදයෙකි, නමුත් ෂිෆු පුද්ගලයන් කිහිප දෙනෙකුට සමාන වටිනා විරුද්ධවාදියෙක්."  ච්‍යාඕ ත්‍යැන්යා පැවසුවේ ය, “මේ දවස්වල මම දැනටමත් ඔවුන්ව රහසිගතව සොයන්න මිනිසුන් යවලයි තියෙන්නේ.  එයින් කුමක් හරි දෙයක් හෙළිවේවි. ”

 ශෙන් ස'චුආන් කිසිවක් පැවසුවේ නැත.

 ශෙන් ස'චුආන් තමාගේම සිතුවිලි තුළ ගැඹුරින් ඇලී සිටිනු දුටු ච්‍යාඕ ත්‍යැන්යා පිටව සූදානම් වෙද්දීම , ශෙන් ස'චුආන් ඔහුට කතා කළේය, "අද රාත්‍රියේ වෙනත් දේවල්  නැති නිසා මම මෙයිහුආ වාසස්ථානයට යනවා.  සාකච්ඡා කළ යුතු කරුණු රාශියක් තියෙනවා.  ඔබ මුලින්ම පිටත් වෙලා මා එනතුරු බලා ඉන්න.  ෂ්‍යැන්යුන් තානායමේ ෂුඒ ෂ්‍යුජුඕට ට විකුණපු පුද්ගලයින්ගේ කණ්ඩායමේ අය කවුද කියලා ගූ ජින් ගෙන් අහලා දැන ගන්න.

ච්‍යාඕ ත්‍යැන්යා එය පිළිගනිමින් පිටවී ආයේ ය.  ඔහු දොරෙන් පිටත​ට පැමිණෙද්දී විට මළුවෙහි කිහිප දෙනෙකු විවේක ගනිමින් සිටිනු දුටුවේය.  හතරවන ශ්‍රේණියේ සහ ඉහළ රාජකීය ආරක්ෂක අංශයන්හී හි සියලුම ජ්‍යෙෂ්ඨයන් සිටියහ.  ඔවුන් අතර, මුතුන් මිත්තන්ගෙන් පැවතෙන්නන් හා දේපල ලබා දී ඇති අය සිටි අතර , පිඹුරන් ගෙත්තම් කළ නිළ වස්ත්‍ර පැළඳීමට සහ ෂ්‍යුචුන් අසිපත් තල රැගෙන යා හැකි කිහිප දෙනෙක් පවා සිටියහ.  සෑම කෙනෙකුම රාජකීය ආරක්ෂකයින් වුවද, ච්‍යාඕ ත්‍යැන්යාට ඔවුන් ත කණ්ඩායම් වලට සියුම් ලෙස බෙදන්නට හැකි විය.

ශෙන් ස'චුආන් පසුගිය මාස හය තුළ ඉතා ඉක්මනින් ශ්‍රේණිගත කිරීම් හරහා ඉදිරියට ගොස් මිටි අතර, එය අනිවාර්යයෙන්ම අනෙක් අය ඊර්ෂ්‍යාවෙන් හරිත පැහැ ගන්වාලූයේ ය.  තවද, ඔහු සෑම පැත්තකින්ම බලයේ සිටින මිනිසුන්ට සමීපව සිටීමත් සමඟ, ඔහු උතුරු විනිසුරුගේ සළුව භාරගෙන සිටියේ ය,  එය සැබෑ ලෙසම රාජකීය ආරක්ෂකයන් අතර ඉහළම තලයේ සුනඛයෙක් ලෙස ඔහුව ස්ථාපිත කර ගැන්මක් ලෙස සලකන්නට පුළුවන.  මිනිසුන් අතර සම්බන්ධතා ජාලය වංකගිරියක් මෙන් ව්යාකූල විය;  සෑම කෙනෙකුම අහඹු ලෙස තෝරා ගත්තද, වරප්‍රසාද ලත් පසුබිමක් සහ මාතෘකාවක් ලද අය වූහ. පැරණි දේ වෙනුවට අලුත් දේ ආදේශ කරන විට, ඔවුන් එකිනෙකා සමඟ ඉඟි හුවමාරු කර ගැනීම සිරිතක් විය.  ශෙන් ස'චුආන් ඔහුගේ නිල රාජකාරි සමඟ කාර්යබහුල වූ නිසා පමණක් ඔහුට තවමත් ඔවුන්ට සමීප වීමට නොහැකි විය.  නමුත් කාර්යබහුල වසන්ත ගොවිතැන් සමය පසු වූ පසු, සෑම කෙනෙකුම ඔවුන්ගේ ඊළඟ දූත මණ්ඩල වලදී එක් ආකාරයකින් හෝ වෙනත් ආකාරයකින් එකිනෙකා දකින්නට බැඳී සිටියහ.

ච්‍යාඕ ත්‍යැන්යා ගේ හදවත මදක් ගැහෙන්නට විය.  ඔහු තිරය අතහැර ශෙන් ස'චුආන් ඉදිරියෙන් පිටත් විය.

ෂ්‍යාඕ චීයේ තවමත් ෆෙං කඳුකරයේ හමුදා අභ්‍යාස භූමියෙන් ආපසු පැමිණ නොතිබූ අතර ගූ ජින් පමණක් තවමත් මෙයිහුආ පුෂ්ප වාසස්ථානයේ සිටියේය.  ච්‍යාඕ ත්‍යැන්යා ඔහු සමඟ මත්පැන් බදුන් භාගයක් පානය කළ අතර ෂ්‍යැන්යුන් තානායම සම්බන්ධයෙන් යම් විමසීමක් සිදු කළේය.

“එකම වයස්වල පුද්ගලයන් දහසය දෙනෙක්.  ඒ හැම අයෙක්ම වයස අවුරුදු විස්සට අඩු තරුණ පිරිමි ළමයින් සහ ගැහැණු ළමයි. "  ගූ ජින් සහ ච්‍යාඕ ත්‍යැන්යා වැහි පීල්ල මත වාඩිවුණා.  හරිත පැහැ පතු ඔවුන්ගේ දර්ශනය හරහා යමින් කාලගුණය යහපත් බව කියාපෑවා. ඔහු පවසන්නට විය. “ඔවුන්ගේ නිශ්චිත පසුබිම් සහ සම්භවය ගැන, මම දැනටමත් තාඕ ස' ට කිව්වා ඒවා පිළිවෙලට ලියලා ස්වාමියාට භාර දෙන්න කියලා.  ඔබේ ස්වාමියාට එය ටිකක් ප්‍රමාද වෙලා බලන්න ලැබේවි.  නොහොමවුනත්, මේකවිමර්ශනය කරන එක පහසු කටයුත්තක් නෙමෙයි.   මේ අය තණකොළ පදුරක් වගේ පිරිසක්.  ඔවුන්ගේ වයස හැර වෙනත් සමානකම් කිසිම දෙයක් ඔවුන් අතර පේන්න නැහැ."

"මේකෙන් දැනටමත් ගැටළුව ගැන ඉගියක් දෙන්නෙ නැද්ද?"  ච්‍යාඕ ත්‍යැන්යා සාමාන්‍ය කෝප්පයක ප්‍රමාණයෙන් අඩක් වූ එම කුඩා සිරිමැටි කෝප්පය අතට ගෙන මත්පැන් පානය කළේය.  එහි රසය විඳගනිමින් හේ තම නළල රැලි කළේය.  “මේ පුද්ගලයින් කණ්ඩායම විමර්ශනය කරන එක දුෂ්කර වන තරමට, ඔවුන් වඩාත් වැදගත් වෙනවා.  මේ මත්පැන් හුඟක් අනර්ඝයි, මේ වගේ කෝප්පයක් ඒකට පාවිච්චි කරන්නේ ඇයි? ඒක මගේ ඇඟිල්ල තරම්වත් නැහැනේ. ”

“මත්පැන් ඔබේ කාර්යයන් වලදි මන්දගාමි කරවනවා.  ස්වාමිවරුන් ආපසු පැමිණෙද්දිත් ඔබ මත්පැන් පානය කරමින් හිටියොත් ඔබට බැණුම් අහන්න සිදුවේවි."  අවසන් වරට ෂ්‍යාඕ චීයේගෙන් අවලාද ඇසූ  ගූ ජින් මේ දින කිහිපය තුළ වෙනත් අවස්ථාවල මෙන් නිදහස් ලෙස පානය කරන්නට එඩිතර නොවූයේ ය.  ඔහු මොහොතක් හිදගෙන සිටියේ ය.  මෙයිහුආ පුෂ්ප වාසස්ථානයේ මුර සංචාර ඔහුගේ භාරය යටතේ වූ නිසා ඔහු ටික වේලාවකට පසුව පිටත්ව ගොස් ච්‍යාඕ ත්‍යැන්යාට තනිවම විනෝද වෙන්නට ඉඩ දුන්නේය.

ච්‍යාඕ ත්‍යැන්යා තනිව වැහි පීල්ල මත හිදිමින් වසන්තයේ පරිසර දර්ශනය අගය කරමින් ම මත්පැන් පානය නළේ ය.. මෙහි කිමිවෙකු නොසිටියද ඔහු තනිවම විනෝදවූයේ ය. මෙඑි ඔහුගේ ගූචිනය ඇති බව ඔහුට මතකයට නැගුණේ ය ; ඉතිං ඔහු එය වාදනය කිරීම පිණිස පිටතට ගන්නට සිතුවේ ය. ඔහු පලගනාවද අතෙහි තබාගෙන තම දෙපා වලින් නැගී සිට හරිත පැහැ මීදුමක් සේ පෙනෙන කොළ අතු පසු කරමින් ඉදිරියට ඇදුනු අතර ඔහුට හදිසියේම ගූචිනයේ හඬ ඇසෙන්නට විය. ච්‍යාඕ ත්‍යැන්යා හඩ ඔස්සේ යමින් එය හඹා ගියේ ය. ඔහු ඕනැවට වඩා ඉක්මන් වෙන්නට ගියේ නැත  , හේ හරිත පැහැ මීදුම් වැනි කොළ අතු පසෙකට කරමින් දෑස් කොණින් ඒ දෙසට එබී බැලුවේ ය.

දීර්ඝ ඇවිදීමේ මාර්ගය ස්වභාවික සූර්යාලෝකයට මුහුණ ලා තිබුණු අතර, එහි වාඩි වී සිටියේ දෙපා එකිනෙක මත තබාගෙන සිටි දීප්තිමත් මිනිසෙකි.  මේ පුද්ගලයාගේ කළු හිසකෙස් ඉතාමත් අලංකාරව සරසා තිබු​ණේ ය. ඔහු ඔටුනු පළදනාවක් පැළඳ නොසිටි අතර, ඔහු ඉණෙහි එල්ලා තිබූ ෂාඕවන් බෑගයත්  අහස් -නිල් පැහැති පළල් අත් ඇති සළුවක් පැළඳ සිටියේය.

ච්‍යාඕ ත්‍යැන්යාට ඔහුගේ පැහුණ පැහැදිපිවම දැකගන්නට නොලැබුණේ ය ; ඔහුට පෙනුනේ හේ නිස්කලංකව තත් වයනවා පමණකි. ඔහු එය තාලයකට වාදනය කළ අතර පසුව නවතා දැමුවේ ය. එය සංගීත සංදර්ශණයක් වැනිය. ඔහු ඒ ගැන කල්පනා කරමින් සිටිද්දී සුදු අළු පැහැ පූස් පැටවෙක් හදිසියේම ඔහුගේ පිට මතට පැන හිසකෙස් සමඟ සෙල්ලම් කරමින් අවුල් කර දැමුවේ ය.

හේ බළලාව පහළට ගෙන ඔහුගේ වස්ත්‍රය තබා ගත්තේය, ඔහුගේ මනස තවමත් තිබුණේ ගූචිනය මත ය. ච්‍යාඕ ත්‍යැන්යා ගූචිනය තමාගේම බව හඳුනා ගත්තේය.  ඔහු සෙමෙන් ඉදිරියට ගොස් ඔහුගේ කෝණය මාරු කර ක්‍රමයෙන් මේ පුද්ගලයාගේ මුහුණ පෙනෙන මානයට පැමිණියේ ය.

වසන්තයේ සිව්වන චන්ද්‍ර මාසයේ විලෝ පුච්ජයන් ගසාගෙන ගිය අතර හරිත වෙල්වට් අංකුර සියල්ලම දීප්තිමත් හිරු එළිය යට වේලී ගියේ ය. ශීතල හිම කතරෙහි ගිලී සිටින ශෙන් ස'චුආන්ගේ  ශීතල ස්වභාවය මෙන් නොව, මේ පුද්ගලයා පෙනුනේ සූර්යයා යට තැබූ මාණික්‍යයෙක් මෙන් පෙනුණේ ය. ඔහුට ශෙන් ස'චුආන් සේ අති නවීන තියුණු බවක් හෝ  විශ්මයජනක ආකර්ෂණයක් නොතිබුණි.  නමුත් ඔහුට තිබුණේ ඔහුටම ආවේණික වූ සුන්දරත්වයකි. 

ච්‍යාඕ ත්‍යැන්යා නිලධාරි පවුලක තරුණ ස්වාමිවරයෙක් විය.  මේ මොහොතේ ඔහුට තම වැඩිමහල් නෑනා කලින් කියූ කවියක් සිහිපත් විය.

 මාණික්‍යයන් වැනි පර්වත කන්ද එබඳු ය;  මාණික්‍යන්ගෙන් සෑදී තිපෙන පයින් වනාන්තරය මෙන්ම.

ඔහුගේ ඇදහීය නොහැක අලංකාර ස්වභාවය, ඒක ආකාරයකි; කිවිවෙකුටත් දෙවැනි නොවන්නකි. දිව්‍යමය පුද්ගලයෙකි. (6.)

 ඔවුන් දෙදෙනාම එකිනෙකා හා කතාබස කර නොතිබූ අතර, ච්‍යාඕ ත්‍යැන්යා දැනටමත් ඔහු කවුදැයි දැන සිටියේය.

"ඇත්ත වශයෙන්ම විවේකී පුද්ගලයෙකුගේ සාරාංශය."  ච්‍යාඕ ත්‍යැන්යා වාහල්ක​ඩින්  ඉහළට ගොස් පලගනාව බිම තැබුවේ ය.  “මේ වගේ තාලයක් වයන දිහා ඔයතරම් බලා ඉන්න ඕනේ නැහැ.  ඔබ ඉගෙනගන්න උනන්දු නම්, මට ඔබට උගන්වන්න පුළුවන්.

හේ ඔහුගේ දෑස් ඔසවා ඔහු දෙස බැලුවේය.  ඔහු සිනාසෙමින් පවසන්නට විය, “මම මත්පැන් ගැන හිතුවා විතරයි. ඒවා පැමිණියා  මම තාලය සෙව්වා , තාලයඅත ළඟටම ආවා.  යාළුවා, ඔබ තමයි ඇත්තටම මගේ වාසනාවන්ත තාරකාව."

“මේ වාසස්ථානයේ වසත් කාලය විශිෂ්ටයි.  කාවුරුවත් ම එය අගය නොකරන එක කණගාටුවට කරුණක්.  වසන්තයේ දසුන් විඳිමින් සිටියදී මට ඔබ හමුවීම දෛවෝපසහගතයි.  ඒ වගේම මට මේ තනුවට සවන් දෙන්න ලැබීමත් දෛවෝපසහගතයි. සමීප ආගන්තුකයට මෙලොවට පැමිණීම දුෂ්කර දෙයක්.  මම හොඳින් ගූචිනය වාදනය කරනවා ඇරෙන්න වෙන කිසිම දෙයකට දක්ෂ නැහැ.  මම කියන අවස්ථාව ඔබට මඟ හැරුණොත්, ඔබට උගන්වන්නට තරම් වෙන කිසිවෙක් නොසිටීවි." ච්‍යාඕ ත්‍යැන්යා හිටගෙන තමාටම මත්පැන් වත් කරගත්තේ ය.  බදුනක් පානය කිරීමෙන් පසු ඔහු තම නිකට ඇලකර මිනිසා දෙස බැලුවේ ය. "ඉතින් ඔබ ඉගෙන ගන්නවාද නැද්ද?"

“කෙනෙකුගේ ගුරුවරයාට සේවය කිරීම කෙනෙකුගේ පියාට සේවය කිරීම හා සමානයි.” මෙම පුද්ගලයා තම බළලාට උසුළු විසුළු කරන්නට ගූචිනය බිම තබා ඔහුගේ මාණික්‍යයෙන් නිමවූ පලදනාව එල්ලා ගත්තෙ ය.  ඔහු ධෛර්යවන්ත හා නොපසුබට ලෙස පැවසුවේ ය. "මට ඔබව මගේ ගුරුවරයා ලෙස පිළිගන්න පුළුවන්. නමුත් අයෙකුගේ ගුරුවරයෙක් වෙන්න නම්, ඔබ පළමුව ඒ ​කෙනාට ඒ ගැන ඒත්තු ගන්වන්න ඕනේ."

ච්‍යාඕ ත්‍යැන්යා තම මදක් රැවුලවැවී තිබූ නිකට පිරිමැද්දේ ය., “මම, ච්‍යාඕ ත්‍යැන්යා, කවදාවත් බොරු කියන්නේ නැහැ.  ඔබ මාව විශ්වාස කරන්න කැමති නම් මාව පිළිගන්න.  නැත්තම් ඒක අමතක කරන්න."

ඔහු මාණික්‍ය පලඳනාවේ ග්‍රහණය ලිහිල් කර ඔහු දෙස බැලුවේ ය. ටික වේලාවකට පසු ඔහු සිනාසෙමින් ඔහු පවසන්නට විය  "මම ඔබව විශ්වාස කරනවා" 

◈     ◈     ◈

ෂ්‍යාඕ චීයේ නැවත මෙයිහුආ නිවසට පැමීණෙන විට රෑ බෝවී තිබුණි. චෙන් යැං ට ඒ පිළිබඳ මතක් වූයේ අශ්වයා ගෙනියන අතරවාරයේදී ය. “ස්වාමීනි, ඔවුන් දින කිහිපයකට පෙර තරුණ ස්වාමී යාඕ ආපසු පැමිණි බව පැවසුවා.  ඔහු භෝජන සංග්‍රහයෙන් වැළකුණත් , ඔහු අපිට පැවසුවා බලන්න පැමිණෙන්න කියලා."

“ඔහු හොයා ගන්න අපහසු කෙනෙක්. කවුද දන්නේ ඔහුගේ සංචාරය කරීමේ වුවමනාව කවදා ඒවිද කියලා?” ෂ්‍යාඕ චීයේ තම දූවිලි හා දහඩියෙන් තෙත් වූ පිටත සළුව ගලවා ද්වාරය හරහා ඇතුල් වීමට ඇතුල් විය.  “ඔහු ආවොත් මුළුතැන් ගෙයට කියන්න ඔහු වෙනුවෙන් සැහැල්ලු ආහාර ටිකක් හදන්න කියලා.  ඔහු ලේකම් කාර්යාලයේ වැඩිහිටි හායි එක්ක හුඟ කාලයක් ඉදලා තියෙනවා. ඔහු එයට පුරුදු වෙලා ඉන්න නිසා මාංශ ආහාරයට ගන්නේ නැතිම තරම්." 

ගූ ජින් ඔවුන් වෙතට පැමිණි අතර , ෂ්‍යාඕ චීයේ පසුපස ඇතුලට පිවිසියේ ය. ෂ්‍යාඕ චීයේ තම උරහිස මත සිට් මෙං ව අතගාමින් පවසන්නට විය. “සුදු පැහැති මාංශ සහ ජලය ගෙනෙන්න. අද ඌටත් හුගක් වෙහෙසයි—මගේ පුද්ගලයා මෙහෙ​ද?”

ගූ ජින් හිස වනා පැවසුවේ ය, “ඔහු ඇවිත් දැන් පැයකට වඩා අඩු කාලයක් වෙනවා. ඔහු දැනට අධ්‍යයනයේ නිල කටයුතු මෙහෙයවන අතරයි ඉන්නේ. ”

 “ඔහු ආහාර ගත්තද?” ෂ්‍යාඕ චීයේ ඇසුවේ ය.

ගූ ජින් පිළිතුරු දෙන්නට විය. “නැහැ. විනිසුරුතුමා විශේෂයෙන්ම මුළුතැන්ගෙයට දැනුම් දුන්නා තරුණ ස්වාමියා පැමිණෙනකල් බලාගෙන ඉන්න බව. එකට ආහාර ගන්න.”

ෂ්‍යාඕ චීයේ තම මහපටැගිල්ලේ වූ මුදුව කරකවන අතරේ ඔහු දෙස බලාගෙන සිටියේ ය. ගූ ජින් ට අපහසුකාරි බවක් දැනුණු අතර තම බැල්ම හකුලා ගත්තේ ය. හේ තවදුරටත් ෂ්‍යාඕ චීයේ දෙස බලා හිදින්නට නිර්භීත වූයේ නැත. නමුත් ෂ්‍යාඕ චීයේගේ මනෝභාවය ඇත්තෙන්ම හොද අතට හැරී තිබුණේ ය. ඔහු කාමරයට ඇතුළුවන්නට පෙර, ලංලී අසිපත ගලවා ගූ ජින් වෙත වීසි කළේ ය.

“අසිපතහොදින් පිස දමන්න.” ෂ්‍යාඕ චීයේ නැවඅම් හුස්මක් ඉහළට ඇද ගනිමින් තමාගේ සිරුරේ වූ සුවද විඳගත්තේ ය.   “ඒවගේම ඒකට ටික වේලාවක් මුවහත් කරන්න. ඒ තලය මම අතට ගත්තහම ඔබ දමපු කැඩපතක් වගේ වෙන්න ඕනේ. ආහාර පිළිගන්වන්නන් දිහා ඇහැ ගහගෙන ඉන්න. අද රාත්‍රියේ හුගක් දේවල් සිද්ධවේවි. ඒවගේම ජලයත් හොදින් රත් කරලා තියෙන්න ඕනේ. ච්‍යාඕ ත්‍යැන්යා කොහෙද? ඔහු තමන්ගේ ස්වාමියාගේ පිඹුරන් ටගත්තම් කළ නිල ඇදුම හොදාන් සෝදා හඳුන් වලින් සුවඳවත් කරලා හෙට උදෑසන සැසිවාරයට පෙර සූදානම් කරලා තියන්න ඕනේ. දැනට එච්චරයි.  ඔබට යන්න පුළුවන්.”

ගූ ජින් තම අණ ලබාගෙන පිටව යන්නට විය. ඉන්පසු ෂ්‍යාඕ චීයේ ද්වාරය තල්ලු කර දැමුවේ ය.

ශෙන් ස'චුආන් සෑහෙන කාලයක් තිස්සේ කාමරයේ හිද නිහඬව එය අසසින් සිටියේ ය. ඔහු හිස ඔසවන්නට කරදර නොවෙමින් ම පින්සල තීන්තවල ගිල්වා පවසන්නට විය. “කොයිතරම් ​යහපත් අයෙක් ද? දෙවන තරුණ ස්වාමියා ඇත්තෙන්ම මගේ හදවතට අනුව නියම පුද්ගලයෙක්."

අරුත් පැහැදිලි කිරීම.

1.) චීන සිරිත් විරිත්වලදී, සහල් මත්පැන් හෝ තේ බිමට වත් කරයි, (සාමාන්‍යයෙන් පූජාසනයක් හෝ සොහොන් ගලක් ඉදිරිපිට) දෙවිවරුන්ට හෝ මියගිය පුද්ගලයාට ගෞරව කිරීමක් ලෙස.

2.)  රාජකීය ආරක්ෂකයන්ගේ යටත් නිලධාරීන්.  ඔවුන් රතු නිල ඇඳුමින් සැරසී සිටින රාජකීය ආරක්ෂකයන්ගෙන් සෑදුම්පත් අශ්වාරෝහක හමුදාවක් වන අතර සාමාන්‍යයෙන් නිලධාරියෙකුගේ පිරිවර හෝ පිරිවර ආරක්ෂා කිරිම සිදු කරයි.

 3. ) දුෂ්කරතා හා බාධක මඟින් ඔබ දමනවා යන්න හගවන පදයකි.

4.)  බලයෙන් පහ කළ මිනිසුන් කෙරෙහි තවදුරටත් ඔවුන් (මිත්‍රයන්) නොඇලෙයි. 

පෙර පරිච්ජේදය | සියළුම පරිච්ජේද | පසු පරිච්ජේදය

ආයෙත් බ්ලොග් එකට ආවා. ආයේ අයින් කරන්නෑමයි. අනිත් ටික ඉක්මනින් link කරන්නම් හරිද? දාලා තියෙන්නේ මේකට. ලින්ක් කරන්න විතරයි තියෙන්නේ චැප්ටර්ස් වලට.