පළමුවන පරිච්ජේදය : ශීතල සුළඟ

 

  ♦ අමානුෂික හිංසන ♦ ඝාතන

“ජ්‍යංෂිං වල කුමරු ශෙන් වෙයි ගේ හේවායින්ට, ඊසානදිග චශී ගංගාව අසබඩ දී අන්ත පරාජයකට මුහුණ දෙන්න සිද්ධ වුණා. දුන්ජෞ ප්‍රාන්තයේ ඉදිරි ප්‍රදේශය සතුරන් අතට පත් වුණා. සොල්දාදුවන් තිස්දහසක් පමණ චශී වලදී පණ පිටින් වළලලා දැම්මා. ඔබත් හිටියේ ඔවුන් සමඟ, ඉතින් ඔබ විතරක් කොහොමද කිසිම අනතුරක් නොවී බේරිලා ආවේ?”

ශෙන් ස'චුආන්  ගේ දිලිසෙන දෑස්වල ඒ පිළිබඳව කිසිඳු අවධානයක් නොවී ය. ඔහුගෙන් පිළිතුරක් නො ලැබිණි.

ප්‍රශ්න කරන්නා මේසය මතට පහරක් ගසා ඉදිරියට නැමී, ද්වේෂ සහගත බැල්මකින් යුතුව ඔහුගෙන් විමසීමට විය,

“ මොකද කිව්වොත්, ශෙන්වෙයි, බ්‍යන්ෂා(1) සේනාංක දොළහ එක්ක රහසේ පණිවිඩ හුවමාරු කරගෙන, චොංබෝ ප්‍රාන්ත හය අපේ බාහිර සතුරන්ට පාවා දෙන අරමුණ ඇතිව හිටපු නිසා. උඹලාට අවශ්‍ය වෙලා තිබෙන්නේ සතුරෝ එක්ක රහස් මන්ත්‍රණ පවත්වලා චූදූ වල ආරක්ෂාව පිටතින් වගේම ඇතුළතිනුත් බිඳ දමන්න. බ්‍යන්ෂා අශ්වාරෝහක හමුදාව ඔබව මරා නො දැමුවෙ ඒ නිසයි. මම හරිද?"

 ශෙන් ස'චුආන්  ඔහුගේ වියළි, ඉරි තැළුණු තොල් සැලුවේ ය. ඔහු, ප්‍රශ්න කරන්නාගේ ප්‍රශ්නයට ඇහුම්කන් දීමට යම් උත්සාහයක් දැරුවේ ය. ඔහුගේ ස්වරාලය ඉහළ පහළ යද්දී ඔහු නැවතෙමින් පිළිතුරු දුනි, “ නැහැ… නැහැ.”

ප්‍රශ්න කරන්නා රළු හඩින් කෑගැසුවේ ය, “දඬුවමට බයවුණු ශෙන් වෙයි සියදිවි නසා ගත්තා. රාජකීය ආරක්ශකයින් (1) දැනටමත් ඔවුන්ගෙ රහස් සම්බන්දකම් වලට සම්බන්ධ ලිපි අධිරාජ්‍යයා අතට ලබා දී අවසන්. එහෙම වෙලත් තමුන් තාමත් ඒක ප්‍රතික්ෂ්ප කරන්න තරම් නිර්භීතයි. උඹ ඇත්තට ම මොන වගේ අධමයෙක්ද?

ශෙන් ස'චුආන්  ට සිහි මඳ බවක් දැනුණි. ඔහු මේ වනවිට, තමන් අවසන් වතාවට දෑස් පියාගෙන කොපමණ කාලයක් ගත වී වෙත්දැයි ඔහු නො දැන සිටියේ ය. එය, ඔහුව වාතයේ ඉතා ඉහළින් එල්ලෙන තනි නූලකින් එල්වා තිබෙනවාක් බඳු විය; මොහොතක නොසැලකිලිමත් බවකින් ඔහුව පොළොවට වැටී කැබලිවලට කැඩී යනු ඇත.

ප්‍රශ්න කරන්නා පාපොච්චාරණ ප්‍රකාශය විවෘත කර ඒ දෙස බලා මෙසේ පැවසී ය. “තමුන් ඊයේ රාත්‍රියේ කිව්වේ, තමුන්ගේ වැඩිමහල් සහෝදරයා තමුන්ව බේරාගත් නිසා චෂි වලේ සිදුවීමෙන් ජීවිතේ ගළවාගෙන පණ ඇතිව එන්න තමුන්ට පුළුවන් වුණා කියලා. ඒක නිවැරදි ද?”

එදින සිදු වූ දේ ශෙන් ස'චුඇන්ගේ දෑස් ඉදිරිපිට අපැහැදිලි ලෙස මැවී පෙනෙන්නට විය. ඔවුන් එම ආගාධය ගැඹුරේ සිර වී සිටි අතර, ඔවුන් කුමක් සිදු කළත්,  ගිණිය නො හැකි තරම් සෙබළුන් ගණනක් එතුළට මැදි වී සිටියත්, එහි බිතු දිගේ නැග, පිටතට පැමිණීමට හැකියාවක් ඔවුන්ට නො වූයේ ය. ඔවුන්ගේ දෙපා වලට යටින් ඇති මළ සිරුරු ස්තරය තව තවත් ඝන වූ නමුත් එය ඔවුන්ට එහි විවරය වෙත ළඟා වීමට හැකිවන තරම් ප්‍රමාණවත් වූයේ නොවේ. එම ආඝාධය බ්‍යන්ෂා සෙබළුන් විසින් මුර කළ අතර, රාත්‍රී ශීතාධික සුළඟ හී තල පියාසර කරන හඩින් විනිවිදින ලද්දේ ය. ඔහුගේ බත්කෙණ්ඩෙන් රුධිරය වැඟිරෙමින් තිබිණි: මරණ මංචකයේ සිටින්නවුන්ගේ වේදනාත්මක විලාප හඬවල් ඔහුගේ සවන් මත ගිගුම් දුනි.

ආසනයේ සිටියදී ම ශෙන් ස'චුඇන්ගේ ආශ්වාස ප්‍රාශ්වාස වේගය ඉහළ ගියේ භීතියෙන් වෙළී ගිය සේ ය. තවදුරටත් තමාව පාලනය කර ගැනීමට අපොහොසත් වූ ඔහු, සිය හිසකෙස්වලින් ඇදගත්තේ සිය අභ්‍යන්තරයේ සිරවූ ඉකිය මැඩ පවත්වා ගැනීමට අපොහොසත්ව ය.

“තමුන් කියන්නේ බොරු.”

ප්‍රශ්න කරන්නා, පාපෝච්චාරණ ප්‍රකාශය ඔසවා එය ශෙන් ස'චුආන්  වෙත දමා ගැසුවේ ය.

“ඔබේ වැඩිමහල් සහෝදරයා තමයි ජ්‍යංෂිං කුමාරයාගේ ගේ නීත්‍යානුකූල පුත්‍රයා ශෙන් ෂෞජි. ඔහු චෂි ආගාධය අසළදි කපටිකමින් හේවායෝ තිස්දහසක් විතර අතහැරලා දාලා තමන්ගේ පෞද්ගලික සෙබළු එක්ක රහසිගතව ම පලා ගියා. නමුත්, බ්‍යන්ෂා අශ්වාරෝහක හමුදාව ඔහුව අල්වාගෙන, කඹයකින් ගැටගහගෙන චෂී ගග අසළ වීදිය දිගේ ඇදගෙන ඇවිත් ඔහුව මරණයට කැදවගෙන ගියා. බ්‍යන්ෂා සේනාංක  දොළහ ඇවිත් ඒ සොල්දාදුවෝ සමූල ඝාතනය කරද්දීත් ඔහු මිය ගිහින්. ඔහු ඔබව බේරා ගත්තා වෙන්න බෑ. “

ශෙන් ස'චුඇන්ගේ මනස අවුල් ජාලයක් වී තිබිණි. ප්‍රශ්න කරන්නාගෙ හඬ ඇසුණේ ඈතින් සිටින අයෙකුගේ සේ ය. ඔහුගේ සවන් මත පිරී පැවතියේ එම නො නවතින අදෝනා හඩ පමණකි.

මෙයින් ගැළවෙන්නේ කෙසේ ද? ඔවුන්ව දිරිමත් කරන්නේ කවු ද? මියගියවුන් එකා මත එකා වැටී සිටියෝ ය. ඔවුන්ගේ කුණුවෙමින් පවතින දුගඳ හමන මාංශ ඔහුගේ දෑත් පහළට අදිමින් තිබිණි. වැතිර සිටියේ ය. ඔහු ලේ වැකුණු මළ සිරුරු මත අත් පා විදා වැතිරී සිටිද්දී, මු-ග’ ඔහුට ඉහළින් සිට ඔහුව පළිහක් සේ ආවරණය කරන ලද්දේ ය.  ඔහු මූ-ග’ගේ වේගවත් ආශ්වාස ප්‍රශ්වාසවලට සවන් දුනි, නමුත් ඒවා අපේක්ෂා භංගත්වයේ හැඬුම් හඬවල් පමණක් ම විය.

“ඔබේ ග’අතිදක්ෂයෙක්.” ජි මු සිනාසීමට උත්සහ දැරූ නමුත් ඒ වන විටත් ඔහුගේ වත මතින් කඳුළු බිදු ගලා හැලෙමින් පැවතිණි. ඔහු හැඬුම් අතරින්ම පැවසුවේ ය, “මම අපරාජිත බලකොටුවක්, මම මෙතන ම රැඳිලා ඉන්නවා, ඒක ගැටළුවක් නෑ. අපි කොහොමහරි මෙතන ම රැදිලා ඉඳිමු. ඉක්මනින් ම උපකාර පැමිණේවි. කාලය ආවම මම ඔබත් එක්ක නිවසට ගිහින් මෑණියන්වයි පියාණන්වයි මුණගැහෙනවා. මොකද මම තවමත් ඔබට නෑනන්ඩියක් ගැන සොයා බලන්න අවශ්‍යයි.”

ප්‍රශ්නකරන්නා ශබ්ද නැගෙන සේ මේසය තල්ලු කලේය, “ඇවිත් මේක අස්කරල දානවා.”

ශෙන් ස'චුආන්  අරගල කිරීම ආරම්භ කළේ ය. බැලූ බැල්මට ඔහුට, නොපෙනෙන විලංගුවකින් මිදීමට අවශ්‍ය බවක් පෙනෙන්නට තිබුණත්, රාජකීය ආරක්ශකයින් වේගයෙන් දිව ගොස් ඔහුව මේසය මතට තල්ලු කර දැමුවේ ය.

“ඔබ ඉන්නෙ අපේ රාජකීය බන්දනාගාරයේ. ඔබේ තරුණ වයස ගැන හිතලා මම තවමත් ඔබට දරුණු වද හිංසා පැමිණුවේ නැහැ. නමුත් ඔබ හොදින් හැසිරෙන්න දන්නෙ නැත්නම්, අපි දරුණු වුණා කියලා දොස් කියන්නත් එපා. වධකයිනි, ඔහුට වධහිංසා පමුණුවන්න!"

කාමරයේ වූ විවෘත ප්‍රදේශයක් වෙත ඇදගෙන යාමට පෙර, ශෙන් ස'චුඇන්ගේ දෑත් ලණු වලින් බැඳ දමා තිබුණි. අයෙක් බංකුවක් ගෙන එය  හඩ නැගෙන සේ පොළොව මත තබා, ඉන්පසු ඔහුගේ දෙපා එයට තබා තදින් බැඳ දැමුවේ ය. රුදු වතැති අයෙක්, වධක රිටක් සිය අතට ගෙන, එය ඔහුගේ අතක් වෙත තද කළේ ය.

“ මම ඔබෙන් තවත් එක වතාවක් අහනවා” ප්‍රශ්න කරන්නා තේ පැන් බදුනෙහි වූ වා බුබුළු එහි පියනෙන් පසෙකට පිස දැමුවේ ය. ඔහු නැවතත් හඬ නැගුවේ ඉන් උගුරු කිහිපයක් පානය කිරීමෙන් අනතුරුව පමණි, “⁣ශෙන් වෙයි සතුරන් සමඟ එකතු වෙලා රජුට ද්‍රෝහී වෙන්න සැලසුම් කළා ද නැද්ද?” 

ශෙන් ස'චුආන්  කෝපයෙන් යුතුව එය ප්‍රතික්ෂේප කළේ ය. ඔහු වධදීම අතරේ ම කෑ ගසන්නට විය, “නෑ, නෑ!’

ප්‍රශ්න කරන්නා තේ කෝප්පය පසෙකට දමා පැවසුවේ ය, “ඔබ යුධ පිටියේදී මෙම ධෛර්යය භාවිතා කළා නම් ශෙන් වංශය අද මේ වගේ තත්වයක ඉන්නෙ නැහැ. ඔහුට දිගටම වධ දෙන්න!”

ශෙන් ස'චුඇන්ට ක්‍රමයෙන් එය’දුර්වල විය. ඔහු හිස පහළට එල්ලෙමින් පවතිද්දී ම ඔහු රළු හඬින් පැවසුවේ ය, “ශෙන් වෙයි කිසිම වෙලාවක සතුරන්ට උපකාර කළේ නෑ…”

“චෂි ගංඟාව අසළදි අපිට අන්ත පරාජයක් අත් වුණේ ශෙන් වෙයි කිසිම පැකිළීමක් නැතිව ලෙස සතුරාට එරෙහිව මුහුණට මුහුණ සටන් වැදුන නිසා. චෂි ගඟ අසළ පරාජයෙන් පස්සේ වුණත් දුචෝ පෙරමුණේ තත්වය මුදවා අවස්ථාවක් තිබුණා. අපේ හමුදා සහ ඔවුන්ගේ භටයන් අතර විශාල විෂමතාවයක් තිබුණ නිසා ඔහු කිසිම හේතුවක් නොමැතිව ඔහුගේ හමුදා ඉවත් කර ගත්තා. ඒ නිසා, දචෝවල ප්‍රාන්ත තුන සතුරාගේ අතට පත්වුණා. ඒ නඟරවල ජීවත් වුණ සාමාන්‍ය මිනිස්සු දස දහසක් විතර බියැංෂා හේවායන්ගෙ අසිපත්වලින් මිය ගියා.”

 මේ අවස්ථාවේදී, දිගු සුසුමක් හෙළූ ප්‍රශ්න කරන්නා වෛරී සහගත ලෙස පැවසුවේ ය, “එය චොංබෝවල ප්‍රාන්ත හයේ ලේ වැගිරීම. ශෙන් වෙයි තමන්ගේ හමුදා මෙහෙයවලා දකුණෙන් ඉවත් වුනා. දෙන්ජෞහි සටන තමයි දරුණුම! චීදොං චිජුන් අණදෙන නිලදාරියා ඒ වන වෙද්දිත් තියැන්ෆෙයි මුරටැඹ තරණය කරලා සහය ලබා දීලා තිබුණත්, ඔහු උපායක් යොදනවා වෙනුවට දහස් ගණනක් අශ්වාරෝහකයෝ අරගෙන තමන්ගේ පවුල ආරක්ෂා කරන්න දන්චෙන්වලට ගියා. මේ ක්‍රියාවේ ප්‍රතිපලය විදිහට, දෙන්චෝවල ආරක්ෂාව මුළුමනින් ම බිඳ වැටුණා - මේ කිසිම දෙයක් ඔහු හිතා මතා හරපු දේවල් නෙවෙයි කියලා ද උඹ කියන්නේ? ලීබෙයි අශ්වාරෝහකයෝ හිම මිදුණු ගංගාව හරහා රාත්‍රි තුනක් පුරා ගමන් කළ නිසා නෙවෙයිනම්, බියැංෂා අශ්වාරෝහකයන් දැනටමත් චුදු දොරටුවටත් ඇවිත්!”

ශෙන් ස'චුඇන්ට හිස කරකැවිල්ලක් දැනුණි. ඔහුගේ ගත සීතල දා බිඳුවලින් තෙමී ඇත්තේ ය. ප්‍රශ්න කරන්නා අපහාසාත්මක ලෙස, පාපොච්චාරණ ලේඛනය ඔහුගේ හිස වෙත දමා ගසන්නට විය.

“ඔබ චොංබෝ මනුස්සයෙක් වුණාට වඩා බල්ලෙක් වෙන්නයි වටින්නෙ. මේ වතාවේ, ශෙන් වෙයි දචෝවල අපරාධකාරයෙක් වෙලා ඉවරයි. උඹ තාමත් ඒක ප්‍රතික්ෂේප කරනවා ද? තමුන්ට කරන්න ඉතිරි වෙලා තිබෙන්නේ වරද පිළිගන්න එක විතරයි.”

⁣ශෙන් ස'චුආන්  සිටියේ කෙතරම් වේදනාවෙන් ද යත්, නම් ඔහුගේ ශරීරයේ අර්ධයක් අඩපණ වී පැවතියේ ය. ඔහු බංකුව මත වැතිරී, ඔහුගේ දෑස් ඉදිරිපිට තිබෙන පාපොච්චාරණය දෙස බලා සිටින්නට විය. එහි තීන්ත ලිවීම් පැහැදිලි ය. එහි වූ සෑම අකුරක්ම ඔහුගේ මුහුණට එල්ල කස පහරක් මෙන් විය. එය සියලු ලෝකයාට දන්වා සිටීම⁣ට සූදානම් ය:

ශෙන් වෙයි සිය මාතෘ භූමියට ද්‍රෝහී විය. ඔහු, මහමඟ සිටින සුනඛයෙක් වීමටවත් නො වටින්නේ ය.

ඔහු, චොංබෝහි ප්‍රාන්ත හය තුළින් පිටව ගොස් තිබුණේ මළසිරුරු මතිනි. චෂී ආගාධයේ වැළලී ගිය සිරුරු ගැනීම සඳහා තවමත් කිසිවෙක් හෝ පැමිණ නැත්තේ ය. එයට හේතුව වූයේ දුන්චෝහි නඟරවල සියලුම වැසියන් සමූහ ඝාතනයට ලක්කර තිබීමයි.

ශෙන් වෙයි, තමාවම ගිනි තබාගෙන සියදිවි නසා ගත්තේ ය. නමත් ඔහුගේ ලෙයින් තෙත්වුණු ණය තුරුස්, තවත් අයෙක්ව පණ පිටින් පුළුස්සා දැමීමට සමත් වන්නේ ය. ශෙන් වෙයි ට, බිරින්දෑවරු රැසක් ඇති අන්තඃපුරයක් හා ඔවුන්ට දාව ඉපදුණු පුත්‍රයින් රාශියක් ද විය. නමුත් බියැංෂා අශ්වාරෝහකයන් දචෝහි ප්‍රාන්තය ආක්‍රමණය කිරද්දී ඔවුන් සියල්ලෝම මිය ගියහ. ශෙන් ස'චුඇන්⁣ට එයින් ගැළවී පළා යාමට හැකි වූයේ ඔහු පහත් කුලයක උපත ලැබූ නිසාත්, පිටත දී හැදී වැඩුණු නිසාත් පමණි.

ශෙන් ස'චුඇන්ව නැවතත් සිය සිරකුටි පසුපසට ඇදගෙන ගොස් දැමු අතර, ඔහුව ගෙන ගිය මඟ දිගේ ඔහුගේ විලුඹින් ගලා ගිය රුධිරය තැවරී තිබිණි. බිත්තියට මුහුණ ලා සිටි හේ එහි වූ එම පටු කවුළුව දෙසට නෙත් හෙළුවේ ය. සීතල සුළඟ හමා ආ අතර එයින් කුඩා හිම පියළි පොළෝ පතිත වෙමින් පැවතිණි. අනන්තය දක්වා ම පැතිරුණු ඝන අන්ධකාරයක් විය.

ඔහුගේ හිස අවුල් ජාලයකට මැදිව තිබුණේ ය. සුළඟ හමායන නාදය මධ්‍යයේ ඔහුගේ සිත නැවතත් ආගාධයේ සිදුවීම පිළිබඳව වූ සිතිවිලි වල නිමග්න විය.

ජී මූ මිය යමින් සිටියේ ය. ඔහු ආශ්වාස ප්‍රශ්වාස කිරීමට දරණ වෙහෙස වැඩි වී තිබිණි. රුධිරය ඔහුගේ සන්නාහය මතින් ගලාගොස් ශෙන් ස'චුඇන්ගෙ ගෙල මතට වැටුනු වහාම අධික ශීතල නිසා එය විගසින්ම සීතල ලෙස දැනුණි. ඔහු වටා ඇති විලාපයන් පහව ගොස් තිබුණි. ඉතිරිව ඇත්තේ වේදනාවේ නොනවතින කෙඳිරිගෑම සහ සීතල සුළඟේ හඬ පමණී.

ශෙන් ස'චුආන්  තවදුරටත් ඒ කවරෙකු වන්නේ දැයි හදුනාගත නොහැකි මියගිය මිනිසෙකුට මුහුණලා සිටියේ ය. ඔහුගේ දෙපා බරැති මිනිස් සිරුරු අතරට සිරවී තිබෙද්දී උදරය තෙරපවමින් පැවති පළිහක් මඟින්ද වේදනා ගෙන දුනි. ඔහු හුස්ම ගන්නා විට ඔහුට දැනුණේ රුධිරයේ දුර්ගන්ධය පමණි. ඔහුගේ මුහුණේ කඳුළු වැගිරෙත්ම ඔහු දත්මිටි කෑ නමුත් ඔහු ඔහුගේ හඬාවැළපීම නතර කරගැනීමට මහත් උත්සහයක් දැරීය. කලකිරුණු ඔහු මෙම හඳුනාගත නොහැකි  පාගා දැමූ මුහුණ දෙස බලා සිටියේය, නමුත් මේ ඔහු පෙරදී දැක ඇති සෙබළෙක් වන්නේ දැයි සොයා ගැනීම අසීරු විය.

“ ග' ” ශෙන් ස'චුආන් කම්පා සහගත ලෙස විමසුවේ ය. “මට, මට බයයි…"

ජී මූ ගේ උගුර වියළීගොස් තිබුණේ ය. ඔහු ශෙන් ස'චුඇන්ගේ හිස මෘදු ලෙස අතින් තල්ලු කළේ ය,

“ඒක කමක් නෑ…අපිට කිසිම දෙයක් වෙන්නේ නෑ."

ශෙන් ස'චුඇන්ට මරණයේ දොරකඩ ගයන රණවිරු ගායනය ඇසෙමින් පැවතිණි. මාරුතය පරයා පැතිරි ගී නාදය මඟින් එම ශීතාධික රාත්‍රිය විනිවිදින ලද්දේ ය.

“දක්ෂිණ නඟරයේ සංග්‍රාමයයි… 
පුරවර පවුරට උතුරින් මරණයයි… 
නො වැළලී පිවිසුමට පියනගන්න… 
ජය ඝෝෂා සියල්ල මුදාගන්න."

“ග'.” ශෙන් ස'චුආන්  ඔහුට පහළින් සිටිමින් කෙදිරීය. “ග' මම ඔබව මගේ පිටේ තබා⁣ගෙන අරගෙන  යන්නම්.”

ජී මූ ගේ සිරුර විකෘති පලිහක් මෙනි. ඔහු සිනාසෙමින් බැරැණ්ඩි වූ හඬකින් යුතුව පැවසුවේ ය, “මට තනියම ඇවිදින්න පුළුවන්” යැයි කීවේය.

“ඔබට ඊතලයක් වැදුණාද?”

"නැහැ.." ජී මූ ගේ කඳුළු වියළී තිබුණි. ඔහු වික්ෂිප්තව පැවසුවේය, “බ්‍යන්ෂා අශ්වාරෝහකයන්ට ඉලක්කයට වෙඩි මුරයක්වත් තියා ගන්න බැහැ..”

ශෙන් ස'චුඇන්ගේ අතැඟිලි රුධිරයේ පෙඟෙමින්  තිබිණි. ඔහු යම් අපහසුවක් ද සමඟ සිය වත පිසදමා ගත්තේ ය, “ශීන්‍යං(3) වොන්ටන්(4) සෑදුවා. අපි ආපහු ගෙදර ගියාම, අපේ කුස් පිරිරෙනකල්ම ඒවා ගිලිමු."

ජි මු සුසුම්ලමින් පැවසුවේ ය, “...මම හරිම හෙමින් ආහාර ගන්න කෙනෙක්. උදුරන්න... එපා.”

ශෙන් ස'චුආන්  ඔහුට පහළින් සිට හිස මඳක් සලන්නට විය.

ක්‍රමයෙන්, මු'ග ගේ සිරුර එහි වූ ශීතල මඟින් වෙළාගත්තේ ය. අධික වෙහෙසකින් යුතුව නිදිබර වී සිටි ඔහුගේ හඩ කෙඳිරිල්ලක් තරමටම කුඩා වූයේ ය. සිය අතැඟිලි චලනය කිරීමට තරම් හෝ ශක්තියක් ඔහුට තිබුණේ නොවේ. ඉතා පහත් හඬින් ගැයෙමින් තිබුණු ගීය, “එඩිතර අසරුවන් සටනේ දී මියගියහ” යන පද පේළියට ළඟා වෙද්දී ජී මූ සිය දෑස් වසාගන්නට විය.

ශෙන් ස'චුආන්  පැවසුවේ ය, “මම… ඔබට මගේ නෑණන්ඩියව විවාහ කර ගන්න මුදල් දෙන්නම්."

“ග'.”

“ග'.”

ජි මු නිහඬ ය. එය, ඔහුගේ වදන් අසා සිටීමෙන් වෙහෙසට පත්ව නින්දට වැටුණු සේ ය.

ශෙන් ස'චුආන්  වෙව්ළන්නට විය.. බ්‍යංෂා අශ්වාරෝහක කණ්ඩායම පිටත්ව ගිය ආකාරයත් තමන් පිටතට නැඟ ආ ආකාරයත් ඔහුගේ මතකයේ නොවිණි. හේ සිරුර ඔසවාගෙන පිටතට පැමිණීමට සමත් වෙද්දී, දරුණු හිම පතනයක් මධ්‍යයේ මරණීය නිහඩතාවක් පමණක් ඉතිරි ව පැවතියේ ය. ඔහුගේ දණහිසට යටින් තිබුණු මළ සිරුරු සියල්ලම ඉවතලන බර්ලප් ගෝනි මෙන් දිස්විනි.

නැවත හැරී බැලූ ශෙන් ස'චුඇන්ගේ ඉකියක් බින්දේ ය.

ජි මුගේ පිටුපසට ඊතල පොකුරක් වැදී තිබුණු අතර ඔහුගේ මුළු සිරුරම විකෘති ගොඩැල්ලක්  බවට පත්ව තිබිණි. ඔහුගේ රුධිරයෙන් වැඩි ප්‍රමාණයක් ශෙන් ස'චුඇන්ගේ පිටමතට ගලාවිත් තිබුණු නමුත් කිසිවිටකත් ශෙන් ස'චුඇන්ට එය අවබෝධ වී නොතිබිණි.

අශ්ව කුරවල වේගයෙන් ගිගුරුම් දෙන හඩකින් ඔහු හදිස්සියේම අවදි විය.

ඔහුගේ මැණික් කටු දෙකම තදින් බැඳී ඇති බව ඔහුට දැනුණු අතර, ඔහුගේ සිරුර මත පස් පිරවූ බර්ලොප් ගෝනියකි.

එම ගෝනිය ඔහුගේ ළය මත බරින් වැඩි වෙමින් පැවතුණේ ළය තුළට කිඳාබසින සේ ය. ඔහුට සිය මුවින් හඬක් හෝ නැගීමට හැකි වූයේ නොවේ. සිරකරුවන්ට වධකාගාර වලදී සාමාන්‍යයෙන් භාවිතා කරන ලද “පස්පිරුණු ගෝනියකින් තලා මරා දැමීමේ” විධි ක්‍රමය මෙයයි. සාමාන්‍යයෙන් මෙය යම් සිරකරුවෙක් ඔහුව ඝාතනය කිරීමේ තැතින් බේරීමට හෝ තුවාලයක් සමඟ එහි හෝඩුවාවක් ඉතිරි කර ජීවත්ව සිටීමට හෝ අවශ්‍ය නොවූ කල සිදුකරන්නකි. ශෙන් ස'චුආන්  නිසි මොහොතේ දී ම අවදි නොවූයේ නම්, ඔහු සීතල මළ සිරුරක් බව⁣ට පත්ව සිටීමට ද ඉඩ තිබිනි.

කවරෙකුට හෝ හෝ ඔහුව ඝාතනය කිරීමට අවැසි වී ඇත!

2022.01.22

New Update

 සියළුම පරිච්ජේද | පසු පරිච්ජේදය 

_____________________

පරිවර්තන සටහන්

බ්‍යන්ෂා: සතුරු සේනාංකය

රාජකීය ආරක්‍ෂකයින් :  නොහොත් වචනාර්ථයෙන් උසස්  ආරක්ෂකයින් යනු මිං අධිරාජ්‍යයන්ට සෘජුවම සේවය කළ ප්‍රභූ ආරක්ෂකයින් සහ රහස් පොලිසියකි. වංශාධිපතීන් සහ අධිරාජ්‍යයාගේ .ඥාතීන් ඇතුළු ඕනෑම අයෙකු අත්අඩංගුවට ගැනීම, ප්‍රශ්න කිරීම සහ දඩුවම් කිරීම සම්බන්ධයෙන් පූර්ණ ස්වාධීනත්වයක් ලබා දී නඩු පැවරීම් වලදී අධිකරණ කටයුතු අවලංගු කිරීමට පවා, ඔවුන්ට බලය තිබුණි.

ශීන්‍යං: ඇඳුරුතුමාගේ(ශිසුන්ගේ) බිරිඳ

වොන්ටන්: පිටි වලින් සාදන ලද පැටිස් වැනි ආහාරයකි. ඒවා සුප් ආකාරයට පිසියි.

එදා දරුවන් වර්ග කළේ ඔවුන් ප්‍රධාන භාර්යාවට දාව උපන් දරුවකු ද, උපභාර්යාවන් ට දාව දරුවෙකුද යන්න අනුව ය.  නීත්‍යානුකූල භාර්යාව විසින් නීත්‍යානුකූල පුතෙකුට උපත ලබා දෙයි. ( පවුල තුළ නිල වශයෙන් විවාහ වී ඇති බිරිඳ, ප්‍රධාන බිරිඳ ලෙසද හැඳින්වේ).  නීත්‍යානුකූල බිරිඳගේ වැඩිමලා වීමෙන් ඔහු නීත්‍යානුකූල උරුමක්කාරයා බවට පත් කරයි.  උපභාර්යාවන් විසින් උපදින අනෙකුත් පොදු පුතුන් හා සසඳන කළ ඔවුන්ට උසස් සමාජ තත්වයක් ද බොහෝ විට ලැබුණි.  මෙය නවකතාවේ වඩා වැදගත් තේමාවක් වන බැවින් මෙය මතක තබා ගැනීමෙන් ඔබට පහසුවක් වනු නියත ය.

රාජකීය බන්ධනාගාරය, පුරාතන චීනයේ ඉහළම මට්ටමේ බන්ධනාගාරයක් වන අතර එහිදී බොහෝ අපරාධකරුවන් ජ්‍යෙෂ්ඨ හෝ ඉහළ පෙළේ නිලධාරීන් වූ අතර ඔවුන් වරදකරුවන් කිරීමට අධිරාජ්‍යයාට අධිරාජ්‍ය ආඥාවක් නිකුත් කිරීමට අවශ්‍ය වූ නඩුවලට සම්බන්ධ විය.

 අශ්වාරෝහක සන්නද්ධ සේනාංකය යනු සන්නද්ධ අශ්වයන් මත සටන් කරන විට බර අවි දරා සිටි අශ්වාරෝහක වර්ගයකි.  ඔවුන් පුරාණ යුද්ධවල බලවත් බලවේගයන්ගෙන් එකකි.  මේ අතර, සාමාන්‍ය අශ්වාරෝහක හෝ අසරුවන් යනු හුදෙක් අශ්වාරෝහකයන් හා සටන් කළ සොල්දාදුවන් ය.

ශ්‍රෙෂ්ඨ දචෞ : අධිරාජ්‍යයේ නම

අෂ්ඨක සංකේත ගීය  - දකුණු නගරයේ සටන් බිමේදී මිය ගිය අය වෙනුවෙන් ලියැවුණු ජන ගීයකි.  එය යුද්ධයේ කුරිරු බව විස්තර කළ අතර කවියාගේ විරුද්ධත්වය ප්‍රකාශ කළේ , පොදු ජනයා යුද්ධයේ පරිත්‍යාගය පමණක් බව ප්‍රකාශ කරමිනි.