විසි පස්වන පරිච්ජේදය | නව දිනයක ආරම්භය

 

 

පුද්ගලයෙකුගේ පා හඬක් පඳුරු වලට ඔබ්බෙන් ඇසුණි.

දඬයම් සුනකයාට යමක් ඇසුනාක් මෙන් ඌ එහි වූ තණ පඳුරු ඉව කරමින් ඇවිදින්නට විය.

ශෙන් ස'චුආන්  ගේ ගෙල පුරා අපිරිසිදු කුණුගෑවි තිබුණි.   ඉහළට හෝ පහළට ගමන් කිරීම යන දෙකම ප්‍රශ්නයෙන් බැහැර වූ බැවින් ඔහුට රැඳී සිටීමට හැකි වූයේ ශීතල ආකාරයෙනි.

එයින් ෂ්‍යාඕ චීයේ ට තව තවත් අපහසුකාරී විය.. මේ ආකාරයෙන් හිඳගෙන සිටීම නිසා ඔහුට ලිහිල් වීම අපහසු විය.

හැම මොහොතකදීම , ඔහු ඒ මෘදු උණුසුම් සිරුර සමඟ සම්බන්ධ විය.

ඔවුන්ගේ හිසට ඉහළින් සිටි මිනිසා අවසානයේ ඉවතට ගිය නමුත් ෂෙන් ස'චුඇන්ගේ නොසන්සුන් සිරුර ලිහිල් නොවීය.  මෙම අවදානම් සහගත ස්ථානයේ මුල්ලක හිඳ එකිනෙකාට එරෙහිව පීඩනය යෙදීමෙන් නිසා වෙනත් ආකාරයකින් ඔවුන් තම ආරක්ෂාව පිළිබඳ තවත් අවිනිශ්චිත භාවයකට බවට පත් විය.

තම ශීතල භාවය රඳවාගිමින්ම සිටි ෂ්‍යාඕ චීයේ ඔහුගේ දෑස් ඉවතට නොගෙන සිටින්නට විය.

 ඔහුට වෙනතකට දෑස් යොමු කිරීමට නොහැකි විය.  ඔහුට මඟහැරීමට උත්සාහ දරණ බව පෙන්වීමට සිදුවූ අතර එනමුත් ඔහුට ඇත්තෙන්ම ශෙන් ස'චුආන්  පිළිබඳ යම් හැගීමක් ඇති වූ බව පෙනෙන්නට තිබුණි.

 "ඔබ මාව හොඳටම තද කරනවා."  ෂ්‍යාඕ චියේ නොසැලකිලිමත් ලෙස පැවසීය.

 ශෙන් ස’චුආන්  පිළිතුරු නොදුන්නේ ය.

 පළමු වතාවට, ෂ්‍යාඕ චීයේ ට "කොටියා පිට ධාවනය කරන්නෙකුට බැස යාම අපහසුය (1)" යන " පිරුළෙහි අර්ථය අත්විඳින්නට ලැබී තිබුණි.  ඔහුට හිස ඔසවා  හුස්ම ගැනීමට අවශ්‍ය වූ නමුත් ඔහු එසේ නොකළේ එසේ කිරීමෙන් ඉවසීමක් නොමැති අපයෝජනය කරන්නෙකු මෙන් පෙනෙන නිසායි.

 ඔහු තමන්ට එවැනි සිතුවිල්ලක් නොමැති බව හොඳින් ම දැනසිටියේ ය.

ඒ ඔවුන් එකිනෙකාට ඉතා සමීප වූ නිසා පමණි.  මෙම මිනිත්තු කිහිපයක ස්පර්ශයෙන් සහ ආවේණික සුගන්ධය නිසා  ඔහු සහජයෙන්ම මනබැඳී සිටි අතර, ඔහුගේ ශරීරය ඔහුගේ කාමාශාවන්හී ආවේගයන්ට යටත් ව තිබුණි.

ෂ්‍යාඕ චීයේ ට ශෙන් ස'චුආන්  සිය ළය මතින් ලිස්සා යන බව දැනෙන්නට විය. ශෙන් ස'චුආන්  ඔහුගෙන් ඉවත් වූ සැණින් විශාල බරකින් නිදහස් වූවාක්මෙන් විශාල සුසුමක් හෙලන්නට විය. 

නමුත් සැනසුම් සුසුම් හෙළීමට මත්තෙන් ඔහුගේ වස්ත්‍රයේ කරපටිය තද වෙන්නට විය. එම පුද්ගලයා අනතුරු ඇඟවීමකින් තොරව ඔහුව ඇළපාරට තල්ලු කලද වැටීමට මත්තෙන් ඔහු නැගී සිටීමට සමත් විය.

වතුරට වැටීමට පෙර ෂ්‍යාඕ චීයේ ශෙන් ස'චඇන්ගේ අතින් අල්ලාගත්තේ ය.ඔහු සිය පාදය ඔසවා එය ශෙන් ස'චුඇන්ව සිර කරගැනීමට භාවිත කළේ ය. ශෙන් ස'චුආන්  ද ජල පහරට පතිතවූ අතර  ෂ්‍යාඕ චීයේ පරලී ඉදිරියට ආවේ ය. ඔෙන් ස'චුඇන්ගේ දෑත් අල්ලා ඔසවමින් ඔහුගේ සිරුරට යටින් තද කරන්නට විය.

“ඉතිං අපි දැනටමත් රාගික දේවල් සිදුකරලා ඉවරයි.” මුරණ්ඩු ලෙස ෂ්‍යාඕ චීයේ ශෙන් ස’චුආන් චලනය වීම වළක්වාලූයේ ය.  “ඔබ දැන් මට අත උස්සන එක ඒ තරම් හොඳ නෑ නේද?”

ශෙන් ස'චුඇන්ගෙ දෑගිලි දහයම තද ව පැවති අතර ඔහුගේ කේෂ කලාපය ජලය මත පාවෙමින් තිබුණි.. ඔහුට හුස්ම ගැනීමට හැකි වූයේ සිය නිකට මඳක් ඔසවා සිටි බැවිනි. සිය දෙතොල් වල කොන් දෙපසට කළ ඔහු පවසන්නට විය.  “ඔබ අනිත් අයව පොළඹවාගන්නට උත්සහ කිරීම ඒ තරම් හොඳ තේරීමක් නෙමෙයි .”

“මට එහෙම අරමුණක් නැහැ.” ෂ්‍යාඕ චීයේ ​ට ඒ සෑම වචනයක්ම සිය ත් වලින් ඉරා දමන්නට දැඩි වුවමනාවක් මතු විය.

ශෙන් ස'චුආන්  සිය දණහිස් ඔහු මතට තෙරපා අර්ථාවිත බැලුමක් හෙළුවේ ය.

ෂ්‍යාඕ චීයේ ගේ ප්‍රකාශනයේ ඉවසීමේ ඉඟියක් සමඟ, ඔහු තම හිස පහතට කර ජලයෙන් සිය හිසකෙස් තෙමා ගන්නට විය.  ජල බිඳිති ශෙන් සචුඇන්ගේ මුහුණ පුරා විසිරී ගියේය.  ශෙන් ස'චුආන්   ප්‍රතිචාර දක්වන තෙක් බලා නොසිට, ඔහු තම අත දිගු කර ශෙන් ස'චුආන්  ගේ ගෙල පිටුපස දැඩි හා මුරණ්ඩු ලෙස අතුල්ලමින් සිටියේ ඔහුගේ සිතේ නිතරම හොල්මන් කළ ඒ මඩ කැටය සම්පූර්ණයෙන්ම සේදි දියවන

 තුරුය.  ඉන්පසු ඔහු ශෙන් ස'චඇන්ගේ වස්ත්‍රය ඔහු වටා තදින් හා ආරක්ෂිතව දැමුවේ ය

 "වැසි සහිත රාත්‍රීන් තෙත් සහ සීතලයි."  ෂ්‍යාඕ චීයේ ශෙන් ස’චුආන් මත වූ ඔහුගේ ග්‍රහණය ලිහිල් කර ඔහුගේ ශරීරයෙන් ඉවත් වූයේ ය.  "ඔබේ ශරීරය ගැන සැලකිලිමත් වන්න!"

 එසේ කියමින් ඔහු ශෙන් සචුඇන්ට පිළිතුරු දීමට අවස්ථාවක් නොදී සිය හිස වතුරේ ගිල්වා ගත්තේය.  ඔහු නැවත හිස ඔසවන විට ජල බිඳිති පහළට ලිස්සා ගොස් බිංදු වැටුණු අතර ඔහු ඒ වන විටත් අඩු වැඩි වශයෙන් සන්සුන් වී සිටියේ ය.

 දෝතක් කරම් වූ ජලය ඉසිමින්, ෂ්‍යාඕ චීයේ විනිවිද යන ඇස්වලින් ඔහුගේ අසිපත අල්ලාගෙන පවසන්නට විය .  " දැන් ප්‍රශ්නයක් නැහැ. අපි යමු."

◈     ◈     ◈

නව දිනයක් උදා වීමට ආසන්න බව ජි ලෙයි දුටු නමුත් ඔවුන්ට තවමත් මිනිසා සොයා ගැනීමට නොහැකි ව තිබුණි.  තව තවත් කළබල වීම ඔහුට වැළැක්විය නොහැකි විය.

 ච්‍යාඕ ත්‍යැන්යා මියගිය සොල්දාදුවාගේ වස්ත්‍රය ගලවා දැමූ නමුත් ඔහුට කිසිදු හෝඩුවාවක් හමු නොවීය.

 "මෙම පිරිමි කණ්ඩායම ච්‍යාඕ ස්වාමියගේ ආරක්ෂකයෝ."  ච්‍යාඕ ත්‍යැන්යා බිම වාඩි වී ඒ ගැන කල්පනා කරන්නට විය.  “චූදු වල ඔහුගේ සෑම චලනයක්ම අපගේ ඇස්වලින් ගැලවෙන්න බෑ.  මරණයටවත් බිය නැති මේ ආකාරයේ බලවත් සොල්දාදුවන් ඔහුට සිටියේ කවදා ඉදන් ද? ”

 “දැන් වැදගත්ම දේ ඔහුව සොයාගන්න එකයි!”  ජි ලෙයි හි වයඹ දිශාව දෙස බැලුවේය.  “අෂ්ඨ මහා පුහුණු අංශ දැනටමත් චූදු වල සියලුම ප්‍රධාන නගර දොරටු පාලනය කර තිබෙන්න ඕනේ.  අපි අපේ හිස අහිමි කරගන්න බැහැ. ”

 අසිපත් කොපුවෙන් ඉවතට නොගත් ජී ලෙයිගේ හස්තය දුටු ච්‍යාඕ ත්‍යැන්යාට හැඟුනේ ඔහු නොසන්සුන් ව සිටින්නේ දෙවන ෂ්‍යාඕ හා චූ කුමාරු සොයාගැනීමට අපොහොසත්වීම නිසා බවයි. නමුත් මෙහි  තවත් හේතුවක් ඇති බවක් පෙනෙන්නට තිබුණි.

 "දෙවන ෂ්‍යාඕ හරියට ජීවිතාරක්ෂක අවසරපතක් (2) වගේයි." ච්‍යාඕ ත්‍යැන්යා සිය සන්සුන්කම පවත්වා ගෙන ජී ලෙයි දෙස බලා සිටියේය.  “නමුත් අද රාත්‍රියේ වනාන්ක රයට යැවූ තවත් ඝාතකයෝ ඉන්නවා.  ඔබතුමාට යම් අදහසක් තියෙනව ද?”

 “ෂ්‍යාඕ වංශය අමනාප කරගෙන තිබෙන ත පුද්ගලයින් සංඛ්‍යාව සුළු පටු නැහැ.  කෙනෙකුට කැළඹිලි සහිත ජලයේ මසුන් ඇල්ලීමට අවශ්‍ය වෙලා තිබෙනවා. ජී ලෙයි එක්වරම ච්‍යාඕ ත්‍යැන්යා දෙස බලන්නට විය.  "ඒ කවුද කියලා මම දැනගන්නේ කොහොමද?"

 ච්‍යාඕ ත්‍යැන්යා ස්වභාවිකව ම තම දෑත් දිගු කරමින් පැවසුවේ ය, “අපිට දැනට දෙවන ෂ්‍යාඕ ව සොයාගන්න බැහැ.  හොයාගන්න බෑ.  උතුමාණෙනි, ඔහු පිටත​ට පැමිණෙන්නේ විමසුම් සහගතවයි, ඒ නිසා ඔහු මුළු රාත්‍රිය පුරාම අපගේ ඇඟිලිවලින් ලිස්සා ගියා.  දැන් ආලෝකය පැතිරෙන්න ආසන්නයි, ඔහු අපිට එකතැන ධාවනය කරන්න සැළැස්සුවා.  අපි ඔහුගේ උගුලට හසු වෙලා බව පෙනෙනවා. ”

 "අපි ඔහුගේ උගුලට හසුවෙලා ද?"  ජි ලෙයි සිය ඇහිබැමි රැලි කළේය.

 "ඔහු අනතුරට පත් වීමට හේතුව කාලය නැති වීම කියලයි මම හිතන්නේ."  ච්‍යාඕ ත්‍යැන්යා නැඟිට ඈත තණබිම දෙස බලන්නට විය.  "මගේ අනුමානය නම් ඔහුට ශක්තිමත් උදව් කරුවෝ ඉන්න බවයි."

 “ප්‍රදෙශ හතරෙම හමුදා සෙලවෙන්නෙවත් නාහැ.  ඉතින් ඔහුගේ ශක්තිමත් කිරීම් පැමිණෙන්නේ ​ කොහෙන්ද?"

 ච්‍යාඕ ත්‍යැන්යා ද පිළිතුරු නොදුන්නේ ඔහු ද එය නොදන්නා බැවිනි.

◈     ◈     ◈.

ෂී ගු'අන් තම අශ්වයා පිට නැඟී නැවත අගනුවරට ගිය අතර ඔහු නගර දොරටුවෙන් ඇතුළු වූ විට අවට නිහඬව පවතින බව දකින්නට ලැබුණි.  ඔහුගේ සැකය අවුස්සමින්, ඔහු අශ්වයා හසුරවමින් ම තම අසිපත ගෙන ඔහුගේ නියෝජ්‍ය ජෙනරාල්වරයාගෙන් ඇසුවේ ය. “අද රාත්‍රියේ චූදු වල මොනවහරි දෙයක් වුනා ද?”

 අශ්වයා මෙහෙයවීමට නියෝජ්‍ය ජෙනරාල්වරයා පැමිණියේය.  ඔහුගේ නොසන්සුන් ඉරියව්ව දුටු ඔහු, "නැහැ, සියල්ල සුපුරුදු විදිහට වෙනවා" යනුවෙන් පිළිතුරු දුන්නේය.

 ෂී ගු'න් පැවසුවේ, “මිනිසුන් එක්රැස් කරන්න.  විවිධ නගර දොරටුවල දැඩි මුර සේවයේ යෙදී සිටින අය හැර, අනෙක් හැමෝම මාලිගාව වටකර ආරක්ෂා කරන්න මා පසුපස පැමිණෙන්න!"

 එසේ කියමින් ඔහු තම අශ්වයා මාලිගාව දෙසට හරවාගන්නට විය.  ඔහුගේ බිරිඳ සහ පුතා තවමත් මාලිගාවේ සිටියහ.  රාත්‍රිය අවසන් නොවන තාක් කල්, වැන්දඹු  අධිරාජිනිය අනිවාර්යයෙන්ම ඔහුට තම බිරිඳ සහ පුතා බැලීමට ඉඩ නොදේනු ඇත.  එබැවින් ඔහුට තම ජීවිතය පරදුවට තැබීමට සිදු වුවද, අධිරාජිනියගේ ආරක්ෂාව සහතික කිරීමට ඔහුට සිදු විය.

 නියෝජ්‍ය ජෙනරාල්වරයා ඔහුගේ මිනිසුන් යෙදවීමට ගිය නමුත්, ඔහු මුර සංචාර කණ්ඩායමට නායකත්වය දෙන විට, ඔහුට අධිරාජ්‍ය හමුදාවේ බීමත් මිනිසුන් පිරිසක් හමු විය.

 අෂ්ඨ මහා පුහුණු අංශ සෑම විටම අධිරාජ්‍ය හමුදාව දෙස පහත් කොට සැලකූහ.  ඔහු තම අශ්වයෙන් බැස නොගොස්, කසය දිගු කරමින් “පලයං!” යනුවෙන් ශාප කළේය.

 අධිරාජ්‍ය හමුදාවේ උප අණ දෙන නිලධාරියා මුහුණේ අසිපත් කැළලක් ඇති මිනිසෙකි.  පහර වැදීමෙන් පසු, ඔහු අනපේක්ෂිත ලෙස සිනාසෙමින් අශ්වයාගේ කුර දෙසට පෙරළී ගියේය.  ඔහු කෑගැසුවේ ය“අපි දෙන්නම ආරක්ෂක මුර ක්‍රමයේ (3) කොටසක්. මගේ තරාතිරම ඔබට වඩා ටිකක් වැඩියි.  ඇයි මට පහරදුන්නේ?  ඔබ කොහොමද මට පහර දුන්නේ!"

 නියෝජ්‍ය ජෙනරාල්වරයා සමච්චලයට ලක් කළේ ය, “රජයේ මුදල් භාණ්ඩාගාරයේ පහත් ජීවී පළිබෝධකයයෝ!(4) වැදගත් දේවල් වලදි අෂ්ඨ මහා පුහුණු අංශ පහතට දමන්න එපා! "

 මිනිසා වේගයෙන් හැරී එක් චලනයකින් දෙපයින් නැඟීසිට නියෝජ්‍ය ජෙනරාල් දෙස නපුරු ලෙස සිනහවෙමින් බැලුවේ ය..  ඔහු පැවසන්නට විය  “වැදගත් කරේයයක් ද?  අධිරාජ්‍ය හමුදාව තමන් ඔබට අද රාත්‍රියේ රස විඳීමට ලැබෙන වැදගත් දේ!"

 බීමත්ව විවිධ තරාතිරම්වල සිටි අධිරාජ්‍ය හමුදාව එකාවන්ව අසිපත අදින විට ඔහු පවසා තිබුණේ එය පමණකි.  නියෝජ්‍ය ජෙනරාල්වරයා කම්පනයෙන් තම අශ්වයා බදාගෙන සිටියේය.  ඔහුට පිටුපසින් සිටි භට පිරිස් ඒ වන විට හිස කදෙන් වෙන්ව බිම වැතිරෘ සිටියේ ය.

 නියෝජ්‍ය ජනරාල්වරයා කඩා පැන්නේ ය, “මෙක කුමන්ත්‍රණයක් ද?!  අෂ්ඨ මහා පුහුණු. .."

 අසිපතක දීප්තිය ඔහු ඉදිරියෙහි දැල්වෙන්නට විය, ඔහු ක්ෂණිකව තම අශ්වයාගේ පිටුපසින් පොළවට පතිත විය.  ඔහුගේ රුධිරයෙන් බිම තෙත්වී ගියේ ය.

 එම පුද්ගලයා නියෝජ්‍ය ජෙනරාල්වරයාගේ හිස පසෙකට දමා ඔහුගේ අසිපතෙහි වූ රුධිරය නියෝජ්‍ය ජෙනරාල්වරයාගේ පපුව මත පිස දැමුවේය.  ඔහු ස්ථිර හඬින් පැවසුවේ ය. “දිගටම දවල් සිහින දකින්න.  දේශපාලන තත්ත්වය වෙනස් වෙලා.  මගේ අධිරාජ්‍ය හමුදාව ඉහළ සිට ඔබේ හිස් ගසා දමන කාලය ඇවිත්!”

 සිහින් සුදු රේඛා ක්ෂිතිජයේ දිස් විය.  හිරු උදාව වේගයෙන් ළඟා වෙමින් තිබුණි.

◈     ◈     ◈

ච්‍යාඕ ත්‍යැන්යා කඩිමුඩියේ වතුර ටිකක් පානය කර වතුර බෑගය(5) ඔහු පිටුපස සිටි පුද්ගලයා වෙතට විසි කළේ ය.  ඔහු මුව පිසදමා “දිගටම සොයන්න” කියා කීවේය.

 නමුත් ඔහු පියවර කිහිපයක් තැබූ පසු ඔහුගේ මනසෙහි යමක් ඇදෙන්නට විය.  ඔහු එක්වරම හිස හරවා තමා පිටුපසින් සිටි යටත් නිලධාරීන් ප්‍රවේශමෙන් පරික්ෂා කළේය.

 චූ කුමාරයා සැඟවී සිටියේ කොහේද?

 ඔහුට මෙතැනින් පැන යාමට ක්‍රමයක් නොතිබුණි, එබැවින් ඔවුන්ට ඔහුව සොයා ගැනීමට නොහැකි වූයේ මන්ද?  මක්නිසාද යත් ඔවුන් මුළු රාත්‍රිය පුරාම “චූ කුමරු” පසුපස හඹා ගිය නමුත් චූ කුමරු ඒ වන විටත් අධිරාජ්‍ය ආරක්ෂකයෙකු බවට පත් වී ඇති බැවිනි!

 ච්‍යාඕ ත්‍යැන්යා ක්ෂණිකව ඔහුගේ නියෝගය ලබා දුන්නේය.  “ඉණ අවසරපත්(6) පරීක්‍ෂා කරන්න! අද රාත්‍රියේ රාජකාරි වාර්තාවේ සිටින සියලු දෙනා තහවුරු කළ යුතුයි.  දැන් පරීක්ෂා කරන්න! ”

 අධිරාජ්‍ය ආරක්ෂකයින් ඔවුන්ගේ ඉණ අවසරපත් ඉවත් කර ඔවුන්ගේ මුහුණුවලට ඉදිරියෙන් තබාගනිමින් විනිසුරුවරයා තෙට ගොස් පෙනී සිටින්නට විය.  විනිශ්චයකරු එක් එක් අවසරපත පරීක්ෂා කර එය අයත් එක් එක් පුද්ගලයා දෙස බැලූවේය.  ඔහු රේඛාවේ අවසානය දක්වා ඔහුගේ මතකය සමඟ ඔහුගේ පරික්ෂාව සිදු කළේය.

 "ඉණ අවසරපත."  විනිසුරුවරයා(7) දෑස් ඔසවා රාජාලියෙකු මෙන් අනෙක් පාර්ශවය දෙස බලා සිටියේය.  "ඔබේ ඉණ අවසරපත භාර දෙන්න."

 අනෙක් පුද්ගලයා ඔහුගේ ඉණ අවසරපත බන්දේසිය මතට තල්ලු කළ අතර, ඔහු අසලට හේත්තු වී සිටි අධිරාජ්‍ය ආරක්ෂකයා හදිසියේම වෙව්ලන්නට විය.  දෙවැන්නා ඔහුගේ හිස පහතට එල්ලා ගත්තේය, එය ඔසවන්නට එඩිතර නොවීය.

 විනිසුරුවරයා එය දුටු බවක් නොපෙනුණි.  ඔහු තම බුරුසුව භාවිතයෙන් පොතේ ලකුණක් ඇඳ “මොන කාර්යාංශයද?” කියා ඇසුවේය.

 චෙන් යැං පිළිතුරු දුන්නේ, "උත්සව අසිපත් කාර්යාලය(8)"

 "සටනකදි මම ඔබව දැකලා නැහැ."  විනිසුරුවරයා “පළමු වතාවටද?”

 ලී ජ්‍යැංහෙන් කොතරම් වෙව්ලුවේ ද යත්  චෙන් යැං ඔවුන් ට මෙයින් ගැලවිය නොහාකි බව හොඳාකාරවම දැන සිටියේ ය..  ඔහු නොසන්සුන්ව සිටියේ ය , “පළමු රැස්වීමේදී ආගන්තුකයන්, දෙවන රැස්වීමේදී මිතුරන්.  තවත් කිහිප වතාවක් මාව දුටුවට පස්සේ ඔබට මා හුරුපුරුදු වේවි.

 විනිසුරුවරයා බුරුසුවකින් ලී ජියැන්හෙං දෙසට පෙන්වා, “ඉන අවසරපත” යැයි පැවසීය.

 උත්සාහයන් කිහිපයකින් පසුව වුවද එය ඇද ගැනීමට ලී ජ්‍යැංහෙන් සමත් වූයේ නැත.  විනිසුරුවරයා සිනාසෙමින් අත දිගු කළේ ඔහුගේ අවසරපත ඉවත් කිරීමට මෙනි.

 විනිසුරුවරයා අත දිගු කළ මොහොතේ චෙන් යැංගේ සිරුර නොසන්සුන් විය.  ලී ජ්‍යැංහෙන්ට දැනටමත් හදවත අහිමි වී ඇතැයි අපේක්ෂා කළේ කවුද?  විනිසුරුවරයා ගමන් කරන විට, ලී ජ්‍යැංහෙන් ඔහුගේ හිස අල්ලාගෙන ආපසු හැරී, "මට රිදවන්න එපා!"

 -අපොයි!

 මේ තීරණාත්මක මොහොතේදී ඔවුන්ට හදිසියේම විසිල් හඬක් ඇසුණි.  ඉක්බිතිව, සුදු පැහැ තිතක් සහිත ළයකුත්  කළු පිටක් ඇති අශ්වයෙක් අනපේක්ෂිත ලෙස වනාන්තරයෙන් පිටතට පනින්නට විය.  දවස උදාවත්ම, උකුස්සෙකු වාතලයේ පියාසර කරමින් ඔවුන් වෙතට පැමිණෙන්නට විය.

හුආ සීචියන් එම චලනයන් අසා තිබූ අතර, ප්‍රහාර දීමට සූදානම් ව තෘණ බිම් හරහා ඔවුන් දෙසට ගමන් කරන හමුදා භට කණ්ඩායමක් දුටුවේය.  ඔහු දැඩි ස්වරයෙන් ඇසුවේය.  “අෂ්ඨ මහා පුහුණු සේනාංක?”

 නමුත් මෙම මිනිසුන්ට ඔවුන්ගේ සන්නාහයේ ලාංඡනයක් නොතිබුණි.  ඔවුන් නාමපුවරු පවා රැගෙන ආවේ නැත.

 කාලය පැමිණ ඇති බව දැනගත් චෙන් යැං වහාම චූ කුමරුට සහය දක්වමින් උස් හඬින් පැවසුවේ ය, “අධිරාජ්‍ය හමුදාවේ ආරක්ෂාව යටතේ, ඔටුන්න හිමි කුමරු ඉදිරියට අසිපත ගෙනෙන සියලු දෙනා මරා දමනවා.  දැන් ආපසු යන්න! ”

 හුආ සීචියන් අවිශ්වාසයෙන් පියවර දෙකක් ඉදිරියට තැබීය.  ඔහු ආපසු හැරී කෑගැසුවේ, “චූ කුමාරයව ද්‍රෝහීන් විසින් ප්‍රාණ ඇපයට තබාගෙන සිටිනවා.  ඔබ හැමෝම බලා සිටින්නේ කුමක් වෙනුවෙන් ද?! ”

 ජී ලියැංහෙන් හට පසුබැසීමට මාර්ගයක් නොතිබුණි.  විනිසුරුවරයා ඔහුට පහර දෙන අයුරු දුටු ඔහුට කෑගැසීම වළක්වා ගත නොහැකි විය.  හදිසියේම වනාන්තරයෙන් ඉවතට විසි කරන ලද දිගු තලයක් ලී ජියැන්හෙංට ඉදිරියේ බිමට ඇනුණි.

 ෂ්‍යාඕ චීයේ බිමට පැන, ඔහුගේ ඉණ අවසරපත ගලවා බන්දේසියට විසි කළේය.  ඔහු ගැඹුරු හඬක් කීවේ ය, “ප්‍රධාන බලවේග පසුපස ඉහළට එද්දී, තවමත් චලනය වීමට එඩිතර වෙන්නේ කවුද?”

 ජි ලෙයි ඔහුගේ අශ්වයා පිට නැගී පැමිණ තිබුණි.  මෙය දුටු ඔහු ද “මොන විකාරයක් ද!  හුදෙක් අධිරාජ්‍ය හමුදාවක්—”

උකුස්සා ෂ්‍යාඕ චියේ ගේ උරහිස මත පතිත වැසුවේ.  ෂ්‍යාඕ චියේ උකුසිසාව අතගෑවේ ඌට පිළිණ කළ ගෙවිම එය ලෙසය.  ඔහු පැවසුවේ ය, "වැඩිමහල් ජීට විශ්වාස නම්, උත්සාහ කරලා බලන්න."

 ජි ලෙයි නැවතත් තණ බිම දෙස බැලුවා.  අධිරාජ්‍ය හමුදාවේ පෙරටුගාමීන් ඒ වන විටත් පැමිණ තිබුණි.  එහෙත් පිටුපසින් දිගුකාලීන හමුදා බලඇණිවල අවසානයක් පෙනෙන්නට නොතිබුණි.  චීදොං සංජුන් බලඇණියේ නාමපුවරුව හදිසියේම දිග හැරුණු අතර, ඔහු දුටුවේ වේගයෙන් දිව යන අශ්වයන්ගේ ඉදිරියෙන් සිටින තැනැත්තා චී ජූයිංයන බවය.

 හුආ සීචියන් පියවර කිහිපයක් පසුබැස්සේ ය. ඔහු පෑන් රුගුයිව අල්ලාගෙන ගොරෝසු හඬින් කීවේය, “චීදොං වලට ලියූ ලිපිය හමුවෙලා.  ඔවුන් මෙතරම් ශබ්දයක් නැතිව කොහොමද..."

 "චූදු වල සියළුම දේවල් අධිරාජ්‍ය ආරක්‍ෂකයින් අතට දෙන්න සිදුවුවහොත්," ෂ්‍යාඕ චියේ ඔහුගේ අසිපත් තලය ඉවතට ගත්තේය.  "එහෙනම් ඒක කොච්චර කරදරයක් වෙයිද?"

 තත්වය ගැලවීමේ සීමාවෙන් ඔබ්බට ගොස් ඇති බව දුටු හුවා සීචියන් බිම වාඩි වී මැසිවිලි නැගුවේය, “වැන්දඹු අධිරාජිනිය තවමත් ළඟයි...”

 “වැන්දඹු අධිරාජිනිය වසර ගණනාවක් මහළුයි.  ඇයගේ සෞඛ්‍යය ගැන සැලකිලිමත් වීම නිනා, ඇය දැනටමත් චූදු වල මුර සංචාරය සහ ආරක්‍ෂාව සම්බන්ධ සියලු කාරණා අධිරාජ්‍ය හමුදාවට  භාර දී තිබෙනවා. "  ෂ්‍යාඕ චියේ මුළු රාත්‍රිය පුරාම දිව යමින් සිටි අතර, දැන්, ඔහු ලී ජ්‍යැංහෙන් ව අසලට ගත්තේ ය, “ගෞරවනීය ස්වාමියා මුළු රාත්‍රිය පුරාම ගමන් කරමින් සිටියා.  එය ඔබට අපහසු වෙන්න ඇති! ”

චී ජූයින් ගේ අශ්වයා ඒ වන විටත් පැමිණ තිබුණි.  ඇය බිමට බැස හැරී ලී ජ්‍යැංහෙන් වෙත දණින් වැටී ඔහුට නමස්කාර කළාය.  ඇය උස් හඬින් කීවාය, “උතුමාණෙනි, කරදර නොවන්න.  චිදොංයී අණ යටතේ 200,000 හමුදා භටයන් පූර්ණ සීරුවෙන් සිටිනවා.  මේ සේවිකාව, චී ජූයිං, ඔබතුමාගේ ආරක්ෂාව සහතික කිරීම සඳහා සියලු කටයුතු සිදුකරනවා!"

 ඔහු සිහිනයකින් මෙන්,ලී ජ්‍යැංහෙන් චී ජූයින් දෙස හිස් බැල්මක් හෙළා, පසුව ඔහුගේ වම් සහ දකුණු දෙස බැලුවේය.  ච්‍යාඕ ත්‍යැන්යා වඩාත්ම විචක්ෂණශීලී සහ තීක්ෂණ විය.  එහි ප්‍රතිඵලය පෙර නිගමනයක් බව දුටු ඔහු වහා දණින් වැටුණේය.  ඔහු එසේ කළ විගස, රාජකීය ආරක්ෂකයන් ඔවුන්ගේ අසිපත් ඉවත ලූ අතර අනුපිළිවෙලින් එකා පසුපස එකා දණින් වැටුණහ.

 "… මම…"

 ලී ජ්‍යැංහෙන් ජීවිතාරක්ෂක පිදුරු තදින් අල්ලාගෙන සිටින්නාක් මෙන් ඔහුගේ හිස් අත්ල තද කර ගත්තේය.  ඔහු ප්‍රායෝගිකව ප්‍රීතියෙන් හඬන්නට ආසන්නව සිටියේ ය.  ඔහු මුමුණද්දී ඔහුගේ ඇස්වල කඳුළු බිංදු වැටෙමින් තිබුණි.

 “දැන් මම ඔටුන්න හිමි කුමාරයා(9) විදිහට … ඉදිරියේදී සෑම කෙනෙකුගේම උපකාර වලට අනිවාර්යයෙන්ම කෘතගුණ දක්වනවා!”

 

 

පරිවර්තන  සටහන්

1. 骑虎难下, සාහිත්‍ය .  ව්‍යාඝ්‍රයෙකු පිට නැඟී යන තැනැත්තාට බැසීමට අපහසුය, එනම්, පසුබැසීමට ක්‍රමයක් නොමැති වීම.  (නැතහොත් කරන දෙය නැවැත්වීමට අපහසු වීම).

 2. 令牌 අධිකාරීමය හමුදා අවසරපත

 3. 卫所(编制) හෝ 卫所(兵制), වයිසුඕ, හෝ (හමුදා) (ආරක්ෂක) පද්ධතිය මිං රාජවංශයේ හමුදා ස්ථාපිතයක් විය.  එය එක් එක් බලකොටුවක භට පිරිස් බලකොටුවට අයත් කෘෂි ජනපදවලින් පෝෂණය කර සොල්දාදුවන් විසින් සේවය කරන අතර ඔවුන්ගේ වැටුප මධ්‍යම රජයෙන් ලැබෙන ක්‍රමයකි.

 4. 皇粮 එනම් භට පිරිස් සඳහා ලබාදෙන අධිරාජ්‍ය අරමුදල් .

 5. ⽔囊 ජල මල්ල, සාමාන්‍යයෙන් සතුන්ගේ සම්වලින් සාදන ලද අතේ ගෙන යා හැකි ජල මල්ලකි.

 6. 腰牌 වචනාර්ථයෙන් ඉණ අවසරත, එය කෙනෙකුගේ අනන්‍යතාවය සනාථ කිරීම සඳහා ඉණෙහි එල්ලා ඇති කුඩා නාම පුවවිරුවකි.  ශේෂයෙන් රජයේ තනතුරුවල හෝ නිල වශයෙන් ක්‍රියා කරන පුද්ගලයින් සඳහා.

 77. 镇抚 අධිරාජ්‍ය බන්ධනාගාරයේ විනිසුරුවරයා, දූෂිත නිලධාරීන් මැඩපැවැත්වීම සඳහා වධහිංසා පැමිණවීම පිළිබඳ විශේෂඥයෙක්.  මිං රාජවංශ සමයේදී, අධිරාජ්‍ය ආරක්ෂකයින්ට යටත් වූ දකුණු සහ උතුරු බන්ධනාගාරයක් (镇抚司) විය.  දකුණු බන්ධනාගාරය හමුදා නීති අර්ථ නිරූපණය කිරීම සහ හමුදා ශිල්පීන් කළමනාකරණය කිරීම භාරව සිටි අතර උතුරු බන්ධනාගාරය අධිරාජ්‍යයා විසින් භාර දෙන ලද නඩු සඳහා ඔහු වගකිව යුතු විය.

 8. 班剑司 උත්සව අසිපත් යනු චිං රාජවංශ සමයේ චාරිත්‍රානුකූල ධජ හා පුවරු, චාරිත්‍රානුකූල ආයුධ සහ භාණ්ඩ භාරව සිටි අධිරාජ්‍ය පෙරහැර ආරක්ෂකයන් යටතේ වූ යටත් සංවිධානයකි.

 9. ඔහු ඇත්තටම කීවේ "මම නැගෙනහිර මාලිගාව" යනුවෙනි. නැගෙනහිර මාලිගය යනු ඔටුන්න හිමි කුමරු සම්ප්‍රදායිකව වාසය කරන ස්ථානයයි.  එය ඔටුන්න හිමි කුමරු ගැන සඳහන් කිරීමටද භාවිතා කරයි.

පෙර පරිච්ජේදය |  සියළුම පරිච්ජේද | පසු පරිච්ජේදය