🔞 හතළිස් වන පරිච්ජේදය | ඉරා දැමීම සහ සපා කෑම ⚠️

 

නැවුම් එළවළු ශීත සමයේ ඉතා දුර්ලභ දසුනක් විය. ඒ නිසා ම චූදු වල ඉහළ මිළකට හරිත පැහැ එළවළු අලෙවි විය. ලී ජ්‍යැංහෙන් ගෙන් ත්‍යාගයක් ලෙස ලැබූ ෂ්‍යාඕ චීයේ ගේ රාත්‍රී කෑම මේසයට හැපෙනසුළු, ඉරා දැමූ පිපිඤ්ඤා පිඟානක් ඇතුළත් විය.

 “ප්‍රධාන ආහාර සමඟ ඇති අතුරු කෑම ප්ලීහාව පිරිසිදු වෙන්නත් විෂ ඉවත් කරන්නත් උපකාරී වෙනවා.”  ෂ්‍යාඕ චීයේ උණුසුම් සුප් බඳුනක් ගෙන එය ශෙන් ස'චුආන්  දෙසට තල්ලු කළේය.  "ඔබ හුගක් වෙලා පිටත සිටගෙන සිටියා.  විවේක ගන්න කලින් ඔබව උණුසුම් කරවන ප්‍රබෝධමත් ආහාරයක් ගන්න. ”

 “කියමනේ තියෙන විදිහට” ශෙන් ස'චුආන්  දෑත් පිසදා අසුන් ගත්තේය.  "පැහැදිලි කිරීමට නොහැකි තරම්  උනන්දුවක් දක්වන තැනැත්තාට නපුරු චේතනා සඟවීය හැකියි. එහෙනම්, දෙවන තරුණ ස්වාමියා ට ඇති උපදෙස් මොනවාද?"

 "ගොඩක්."  ෂ්‍යාඕ චීයේ පැවසීය.  "අපි ආහාර ගන්න ගමන් කතා කරමු."

 දෙදෙනාම එක්ව තම ආහාර කූරු එසවූහ.

කුටියේ වෙන කිසිවෙකුත් නොසිටියේ ය.  බත් බදුන් ද්විත්වය ඉක්මනින් පිරිසිදු වූ අතර, ඔවුන් එකිනෙකා අතරට බෙදා ගත් පිපිඤ්ඤා පිඟානද ඉක්මනින් අනුභව කර අවසන් විය.  දෙදෙනා​ගෙන් කිසිවෙකුත්  මාංශ බදුන ස්පර්ශ නොකළේ ය.

“වසත් සමය ඉක්මනින් පැමිණෙනවා, ඒ වගේම මගේ ෂීෆූත් අඟනුවරට පැමිණෙනවා.” ෂ්‍යාඕ චීයේ සූපය පානය කළේ ය. “ජී ගැං ශීෆූ නිදහස් නම් , අපිට පුළුවන් වැඩිහිටියෝ දෙන්නව මුණ ගස්වන්න.”

“අළුත් අවුරුද්ද සැමරුමක් ද , නැත්තං හොංමෙන් භෝජන සංග්‍රහයක් ද? (1.) ඔබ ඒක පැහැදිලි කරගන්න ඕනේ.” ශෙන් ස'චුආන්  ආහාරබකූරු පසෙකින් තැබුවේ ය.. “මගේ ෂීෆූ ඔහුගේ ජීවිත කාලය ක්‍රීඩා වලට වැය කරන්නේ නැහැ.”

“අළුත් අවුරුදු සැමරුමක්.” ෂ්‍යාඕ චීයේ පැවසුවේ ය. “මේ පරම්පරාවේ අයගෙන් ඉතුරු වෙලා ඉන්නේ ඔවුන් දෙන්නා විතරයි, ඒ වගේම ඔවුන් එක්නෙනාව අවුරුදු ගණනාවකින් හමුවෙලා නැහැ.”

“සහතිකවම. මම විශාල ත්‍යාගයක් සූදානම් කරලා ශීෆූගෙන් පිටතට පැමිණෙනවද කියලා අහලා බලන්නම් ” ශෙන් ස'චුආන්  සිත් සේ ආහාර ගෙන තිබුණි

ඔහු නැගිට යන ආකාරය දුටු , ෂ්‍යාඕ චීයේ පවසන්නට විය, “අද රාත්‍රියේත් සුපුරුදු විදිහට මගේ කුටියේ නවතින්න.”

ශෙන් ස'චුආන්  ආපසු හැරී සිනහවක් පා පවසන්නට විය, “ඇත්තෙන්ම, මම පැනයන්නේ නැහැ. අපි ස්නානය කරනකොට අපේ වාරය ගමු. ඔබ කාලය අරගන්න. මම මුලින්ම යන්නම්.

එසේ පැවසු ඔහු තිරය ඔසවා ඇතුළතට පිවිසියේ සිය මුහුණත් මුවත් සෝදා ගන්නට ය.

ෂ්‍යාඕ චීයේ මේසය පිරිසිදු කරන්නට සේවකයන්ට පැවසුවේ ය.  ඔහු ජනේලය අසල සිටගෙන සිටින විට, පිටත හිම වැටෙන බව දකින්නට ලැබුණි.  ඔහු හිස හරවද්දී, අඳුරු තිර රෙදි අතරින් වූ ශෙන් ස'චුඇන්ගේ හෙවණැල්ල දුටුවේ ය.

ශෙන් ස'චුආන්  ඔහුගේ පිටත ඇදුම ඉවත් කළේ ය. එය ඔහු සිය මෘදු හොඳින් වැඩුණු සම නිරාවරණය කළේ රළු සිප්පිකටු කවචයක් ඉවත් කරන්නාක් මෙනි. ඔහු සිය ඉණ පටිය ලිහා දැමීමට හිස පහත් කරද්දි ,ඔහුගේ ගෙලෙහි වූ නැමුම් වක්‍රය ජමනාරං පැහැයෙන් දිලෙමින් නටන්නට වූයේ ඒ කොටස මෘදුව ස්පර්ශ කරන්නාක් මෙනි.

තිරය අතරින් ඔහු දෙස බැලීම හරියට පාවහනකින් කැසීමක් හෝ සීරීමට සමාන විය. එය ඔහුගේ පෙළඹවීම වැඩි කර , ආශාවෙන් පුරවාලමින්,  ඔහුගේ අත් පා සහ අස්ථි හරහා ඉල්ලක්කයක් නොමැතිව විසිරී ගොස් තිබුණි.  එය ඔහුට කොතරම් දරුණු ලෙස කිති කැව්වේ ද යත්, එය ඔහුව කෝපයට පත් කළ අතර ඔහුට යම් ප්‍රචණ්ඩකාරී සිතුවිලි පවා ඇති වෙන්නට විය.  ඔහු වැනි දැඩි අයෙකු වෙන කිසිවක් ගණනකට නොගනු ඇත.  ෂ්‍යාඕ චීයේ වඩාත්ම වද දුන් දෙය වූයේ ශෙන් ස'චුආන්  තුල වූ ආශාවයි.

 ඒ දෙඇස.  එමෙන්ම ඒ හිත්ඇදගන්නා සුළු සිනහව.  සැලසුමකින් හෝ අහම්බයකින් වේවා, ඔහු තම ලිංගික ආශාවන් පෙන්වාලන බවක් පෙනෙන්නට තිබුණි.

“පැමිණ මා වැළඳගන්න.”

“පැම්ණ මා ස්පර්ශ කරන්න.”

“පැමිණ මා සමඟ ඔබේ දහදිය වගුරුවා ඔබේ හදවතේ තෘප්තිය පතුරවන්න.”

මේ ආශාව පොද වර්ෂාවක් සේ නොසැලකිලිමත් වූවත් ඔහුටත් නොදැනීම එය ඔහුගේ සිත ආක්‍රමණය කර තිබුණි.  ශෙන් ස'චුආන්  එය නොසලකා හරින බවක් පෙනෙන්නට තිබුණි.  ඔහු මෙම පරස්පර විරෝධී ප්‍රහේලිකාව අන් අයට සිතන්නට කියා ඉවතට දමද්දීඔහු ආශාවට සම්පූර්ණයෙන්ම විරුද්ධ ලෙස උදාසීන අභිනයක් වතලාගෙන සිටින්නට විය.

 ෂ්‍යාඕ චීයේ ට එතරම් සිතීම​ට අවශ්‍ය නොවුනේ ය.  මෙවර “රාජාලියා” මෙල්ල කිරීම එතරම් පහසු නොවන බව ඔහු හොඳින්ම දැන සිටියේය.  ඔහු තමාගේම ස්වාමියා පමණක් විය හැකිය;  ඔහුගේ ආවේගයන් නිසා ඔහු ඉතා පහසුවෙන් සහ නැවත නැවතත් අවදි වීම ඔහුට දරාගත නොහැකි විය.

 ෂ්‍යාඕ චීයේ හිස පිටුපසට හරවා ජනේලය වසා දමා ස්නාන කුටියට පිවිසෙන්නට විය.

◈     ◈     ◈

 දෙදෙනාම නින්දට ගියේ ඔවුනතර බාධකයක් දැමීමෙන් පසුව ය.  ඔවුන්ගේ පිටුපස එකිනෙකා මත වූ අතර, ඔවුන් දැනටමත් නිදාගෙන ඇති සේ ඔවුන්ගේ හුස්ම ගැනීම ස්ථාවර විය.

 ෂ්‍යාඕ චීයේ ඔහුගේ මාපටැඟිලි මුද්ද ළඟ තබාගෙන බොහෝ කාරණා ගැන කල්පනා කළේය.

 මෙම මාපටැඟිලි අස්ථි මුද්ද ඔහුට අයත් නොවීය.  මුලදී, එය සෞතියන් දුර​්ගයේ ෆෙං යීෂෙන් ට අයත් විය.  ෆෙං යීෂෙං සටනේදී මිය ගිය විට, ඔහු සුඕ ච්‍යැන්ච්‍යු

 වෙත මේ මුද්ද ලබාදුන්නේ ය.  මෙම මාපටැඟිලි මුද්ද පැළඳ, සුඕ ච්‍යැන්ච්‍යු තියැංෆෙයි මුරටැඹ සටනේදී තමාගේම නමක් දිනා ගත්තේය, එහිදී ඔහු තම බිරිඳට ඊතලයක් විදිමින් ඇයව මරා දැමීය.

 සුඕ ච්‍යැන්ච්‍යු ගේ හිසකෙස් සුදු වූයේ මේ නිසා වන අතර, මේ හේතුවෙන් ඔහු කිසි විටෙකත් පසුබෑසීමෙන් යථා තත්ත්වයට පත් නොවීය.  ඔහු කීර්තිය හා ගෞරවය අත්කර ගෙන තිබූ නමුත් ඔහු තුළ සිටි පුද්ගලයා මිය ගොස් තිබුණි.  සුඕ ච්‍යැන්ච්‍යු ට නැවතත් යුධ පිටියට යාමට ක්‍රමයක් නොතිබුණි.  වරක් තියැන්ෆෙයි මුරටැඹ හිදී සැලකිය යුතු ජයග්‍රහණයක් අත්කරගත් ඔහුගේ දෑත්වලට තවදුරටත් දුන්න නිදහසේ හැසිරවිය නොහැකි විය.

කුඩා අවධියේදී, ෂ්‍යාඕ චීයේ සුඕ ච්‍යැන්ච්‍යු පසුපස ගොස්, "ඔබ ඔබේ බිරිඳට පහරදිලා ඝාතනය කළේ කොහොමද?"යැයි වරින් වර අසන්නට විය.

 සුඕ ච්‍යැන්ච්‍යු දුන්නෙහි නූල අතහැරියේ ය, "ඔබට ඇත්තටම හමුදා ප්‍රධානියෙක් වෙන්න අවශ්‍යද?"

 ෂ්‍යාඕ චීයේ හිස වැනිය.

 සුඕ චියැංච්‍යු පැවසුවේ ය, "එහෙනම් කවදාවත් පවුලක් ගැන නොහිතා ඉන්න.  සෙන්පතියෙකු සටන් සියයක් සිදුකරලා මිය ගියත් ඇත්තටම එතරම් බියජනක නැහැ.  භයානක දෙය නම්, සාමාන්‍යයෙන්, බොහෝ දුරට, තේරීම්වලට මුහුණ දෙන්න සිදුවන එකයි.  ඔබට අවශ්‍ය දේවල් සහ ඔබ උරදිය යුතු සියල්ලම වෙනස් ​දේවල් බවට පත්වෙනවා."

ඔහු හිස් වූ දුන්න දෙස බලා සිටියේ ය.  හුළඟ ඔහුගේ සුදු කෙස් වැටිය පිරිමැද්දේය.  ඔහු තුෂ්නිම්භූතව පැවසුවේ ය “ඔබ කවදාවත් මේවගේ අසරණ තත්ත්වයකට හසු නොවේවි කියලා මම බලාපොරොත්තු වෙනවා.  පුද්ගලයෙක්  ඒ තත්ත්වයට පත් වුනාට පස්සේ , ඔහු කුමක් තෝර ගත්තත් ඔහු මිය යාවි."

 "ඔබ තියැන්ෆෙයි මුරටැඹේ දි දස දහස් ගණනක් මිනිසුන් බේරා ගත්තා."  ෂ්‍යාඕ චීයේ අත්වැටට හේත්තු විය.  "ඇයි ඔබ ගෞරව නාමට අවශ්‍ය නොවූනේ?"

 සුඕ ච්‍යැන්ච්‍යු සිනාසෙමින් පැවසුවේ ය, "මම සටනේදී මිය ගිය නිසා."

 ෂ්‍යාඕ චීයේ තරුණයෙකු බවට පත් වන තෙක්ම සුඕ ච්‍යැන්ච්‍යු ගේ වචන ඔහුට වැටහුණේ නැත.  තියැන්ෆෙයි මුරටැඹ සටනේදී සුඕ ච්‍යැන්ච්‍යු ගේ ආදරණීය බිරිඳ සිරභාරයට පත් විය.  යටත් වීමට දොරටු විවෘත කිරීම හෝ මරණය දක්වා සටන් කිරීම වෙනුවෙන් ගේට්ටු වසා දැමීමට සිදුවිය , ඔහුට තෝරා ගත හැක්කේ එක ක්‍රමයක් පමණක් වූයේ ය.

 සුඕ ච්‍යැන්ච්‍යු කිසිවක් තෝරාගත්තේ නැත.  ඔහු තනිවම නගරයෙන් පිටතට ගොස් තම ආදරණීය බිරිඳට පහර දී මරා දැමීමට දුන්නක් ඇද ගත්තේය.

 පුරාවෘත්තයට අනුව එම හීය ඔහුගේ ජීවිතයේ මෙතෙක් එල්ල කළ වඩාත්ම ස්ථාවර පහරයි.  ඔහු අසංඛ්‍යාත මිනිසුන් අතර තම ඉලක්කයට පහර දුන්නේය.  එදා රාත්‍රී වර්ෂාව ඇද හැලෙමින් තිබුණ ද ඔහු ගොරෝසු හඬින් කෑගසමින් හැඬුවේ ය, එසේ ම ඔහුගේ හිසකෙස් සුදු වූයේ කවදාදැයි කිසිවෙකු දැන සිටියේ නැත.  සොල්දාදුවන් අලුයම ගෙවී යන විට, සූඕ ච්‍යැන්ච්‍යු  ඔහුගේ බිරිඳගේ මෘත දේහය රුගෙන ඇයව භූමදාන කිරීම සඳහා සුදු පැහැති අස්ථි මත සිටගෙන සිටිනවා දකින්නට ලැබුණේ ය.

 එතැන් සිට, "අකුණු වළාගැඹේ මාණික්‍ය , සුඕ ච්‍යැන්ච්‍යු " ලෙස ඔහුගේ කීර්තිය බොහෝ දුරට පැතිර ගියේය.  ඔහුට ගරු කරන අය ඔහුට ඇතුලතින් ද ශාප කරන්නට විය. ' ඒ තරම් හිත් පිත් නැති අයෙක්' සාමාන්‍ය ජනයාට ඔහු ගැන සිතුනේ ඔහු වැනි සේනාධිනායකවරුන් සියල්ලෝම මේ සීතල ලේ ඇති අය වීමට නිරායාසයෙන් උපන් අය බවයි.

 

ෂ්‍යාඕ චීයේ මේ මාපටැඟිලි මුද්ද ඉතා අගය කළේය.  නමුත් ඔහු එයට යම් ආකාරයකින් බියක් ද දැක්වීය.  තමා ද යම් දිනක අනතුරකට හසු වේ යැයි ඔහු බිය විය.  ඒ නිසා ඔහු කිසිමදිනක ‘ආශාවන්’ ගැන සැහැල්ලුවෙන් කතා කර තිබුණේ නැත.

 

 චෙන් යැං මෙතරම් කාලයක් ඔහු සමඟ සිටියද, ෂ්‍යාඕ චීයේ සැබවින්ම ආශා කරන්නේ මොනවටද යන්න ඔහු තවමත් දැන සිටියේ නැත.  ඔහු ආදරය කලේ මත්පැන් වලට ද ?.  ඔහු කැමති ආහාර.  ඔහු කැමති ඇඳුම්.  කිසිවෙකුටත් පැවසී​ය නොහැකි තරම් ඇත්තත් බොරුවත් සමඟ මිශ්‍ර ව පැවතියේ ය.

 

 ලිබෙයි!

 ලිබෙයි!

 

 ඔහුට සැඟවීමට මගක් නොමැති ඉරණම මේ වචනය පමණක් වූවා සේය.  ආශාව නිසා වෙනත් කෙනෙකුගේ පාලනයේ සිටීමේ රසය ඔහුට දැනටමත් ලැබී තිබුණි.  එසේනම් ඔහු නැවතත් තමාවම කරදරයට පත් කරගන්නේ කෙසේද?

 

ෂ්‍යාඕ චීයේ ශබ්දයක් නොනගින ලෙස සයනයේ හිඳගත් අතර ශෙන් ස'චුආන්  දෙස බලාසිටියේ ය. ඔහු සිය හස්තය එසැවූයේ ය. ඔහුට එයට යම් බලයක් යොදවන්නට සිදුවිය, ඒ වගේම ඔහු මේ ආශාව සෙමින් මරා දැමීය යුතුව තිබුණි.

 

ශෙන් ස'චුඇන්ගෙන් පෙනුනේ ඔහු සිහිනයක් දකින සෙයකි. ඔහු සිය නළල රැළි කරද්දි , ඔහුඟේ නළල දෙපසින් දහදිය වැගිරෙන්නට විය. ඔහුගේ පිටද දහදියෙන් තෙමි තිබුණි.

 

ෂ්‍යාඕ චීයේ ඔහුව බලන්නට නඅමෙද්ද්ි ඔහු මෙලෙස වෙන කවදාකවත් දැක නැතිබව ඔහුට සිතුණි.

 

ශෙන් ස'චුආන්  රුධිර සැඩ පහරට හසු ව තිබුණි.  ඔහු මුළුමනින් තෙමෙමින් සිටියේය.  ඔහු තමාව ස්පර්ශ කළේය. ඔහු රුධිරයෙන් නැහැවී සිටියේ ය.  සිහිනය සෑම දිනකම නැවත නැවතත් දුටුවේ ය.  ඔහුට සිහි විකල් වී ඇති සෙයක් දැනුනි

 

 හදිසියේම, ශෙන් ස'චුආන්  සයනයේ ඇතිරිල්ල තදින් ග්‍රහණය කරගන්නට විය.  ඔහුගේ තදින් ඇඹරී ගිය දෙතොල් ලිහිල් ව යමක් මුමුණන්නට වූයේ ශීතල දහදිය මුහුණ මත ගලා යද්දී ය.

 

ඔහු මේ තරම් පහතට ඇද වැටී තිබුණි.

 

එම ගැඹුරු, දැඩි භීතිය හදිසියේම ෂ්‍යාඕ චීයේ ට දැනෙන්නට පටන් ගත්තේ ය.  ඔහු සිය ගොදුර නිරීක්ෂණය කරන දැවැන්ත මෘගයෙකු මෙන් ශෙන් ස'චුආන්  ව පරීක්ෂා කළේය.

 

 ශෙන් ස'චුආන්  විනාශ කළ නොහැකි විය.  ඒ විස්තර කළ නොහැකි වූ නිරික්ෂණය කිරීම් සහ එකිනෙකා බිය ගැන්වීම හැරුණු විට, ඔවුන්ට තිබුණේ සෙසු වින්දනයන් ලබන්නන්ටත් වඩා පැහැදිලි කළ නොහැකි සංවේදනයකි.

 

 ශෙන් ස'චුඇන්ට වෙහෙසකර  බවක් දැනුනි.  ඔහු තවදුරටත් සිහිනෙන් හැඬුවේ නැත, මළ සිරුරු හාරා දැමීමට උත්සාහ නොකළේ ය.  ඔහු ඒ බියකරු සිහිනය විනිවිද දැක තිබුණි.  ජි මූ මිය ගිය බව ඔහු හොඳාකාරවම දැන සිටියේය.

ඉක්මන් කරන්න.

ශෙන් ස'චුආන්  උදාසීන ලෙස ඒ දෙස බලාගෙන සිටියේ ය.

දැන් මෙය සම්පූර්ණයෙන් කරලා අවසන් කරමු.

 

 එහි වූ රුධිරය  තව තවත් වැගිරෙන්නටත්, එහි වූ හිම තව තවත් තෙමා දමන්නටත් කියා ඔහු ​මිලෙච්ජ වෛරී හගත ලෙස ඉල්ලා සිටියේ ය.  ඔහු මේ බියකරු සිහිනය මත නිදා සිටින්නේ කෙලෙසද?  ඔහුට තවදුරටත් බියක් දැනුනේ නැත.  ඔහුගේ මාංශයත් සහ ඇට මිදුළු ඒ වන විටත් ලෙයින් අපිරිසුදු ව තිබිණි!  ඔහු කුණු වූ මාංශයන් අනුභව කරන අයාලේ යන සුනකයෙකි.  අපිරිසිදු ජලය සහ පිළිකුල් සහගත ශරීරය ඔහුගේ පැවැත්ම පිළිබඳ සාක්ෂි පමණක් විය.

 ශෙන් ස'චුආන්  හදිසියේම සිය දෑස් විවර කළ අතර සිය දෑතක් ෂ්‍යාඕ චීයේ ගේ ළය මතින් තැබුවේ ය.  සුළු මොහොතකට පසු , සීතල දහදිය බිංදු ගලන අතරතුර ඔහු සන්සුන්ව ඇසුවේ ය “නිදාගන්න බැරිද?”

 ​ෂ්‍යාඕ චීයේ ගේ ළය උණුසුම් විය.  සිහින් රෙදිපිළි අතරින් ශෙන් ස'චුඇන්ගේ අත්ලෙහි ශෘතල ඔහුට දැනෙන්නට විය.  ඔහු පිළිතුරු දුන්නේ ය, "මම ඕනෑවට වඩා ආහාර අරගත්තා වගෙයි."

 ශෙන් ස'චුආන්  පැවසුවේ ය.  “මේ වගේ මහ රෑ කවුරුහරි දෙනෙත් විවර කරලා බැලුවොත්, බියගුලු අයෙක් වුනා නම් මරණයට පත්වෙලයි නවතින්නේ.”

"මට ඇහුණා ඔබ මට කතා කරනවා" ෂ්‍යාඕ චීයේ ඇසිපිය නොහෙලා පැවසුවේය.  "ඔබ මට ශාප කළාද නැද්ද කියලා සැක හැර දැනගන්න වුවමනා වුනා. "

“මම ඔබට ශාප කළත්, ඒ මගේ සිහින කුළදි නම් නෙමෙයි.” ෂ්‍යාඕ චීයේ ගේ සිරුරේ උණුසුම ලද, ශෙන් ස'චුඇන්ට සිය ඇගිලි ආපසු ගැනීමට අවශ්‍ය විය.

අනපේක්ෂිත ලෙස, ඔහුගේ දෑගිලි තද කරගත් ෂ්‍යාඕ චීයේ අසන්නට විය, “ඔබට ශීතලයි ද?”

ශෙන් ස'චුඇන්ගේ නළලත තෙමි තිබුණි. ඔහු මදහසක් පා පවසන්නට විය, “ඔව්. මට හුගක් ශීතලයි.”

 ඔහු එ් මනබඳනා ශෙන් ලන්චෞට වහ වැටී සිටියේ ය.  ෂ්‍යාඕ චීයේ ඔහුට පෙළඹී ඇත්ද යන්න ඔහු අවම වශයෙන් ගණන් ගත්තේ හෝ නැත.  මේ හැකියාව සහජයෙන්ම පැමිණියක් විය;  එය ඔහුට ආවේණික දෙයක් විය.  ඔහු අපිරිසුදු අයෙක් විය.

 ෂ්‍යාඕ චීයේ ඔහුගේ දෑත් අල්ලා සයනයේ එළිපත්තෙහ් තද කළේය.  අඳුරේ ඔහුගේ වූ සුවඳ ආඝ්‍රාණය කරමින් ඔහු පැවසුවේ ය. “ඔබ මගේ සයනයේ නිදාගන්න හැම රෑකම මට හිතෙන දේ ගැන ඔබ හොඳටම දන්නවා.  ඔබ කිව්වා මම ආකර්ෂණීයයි කියලා.  ශෙන් ලන්චෞ, ඇත්තටම ආකර්ෂණීය කෙනා තමයි ඔබ! "

“උහ්… එහෙනම් දැන් මොනවද කරන්නේ?” ශෙන් ස'චුආන්  විමසුවේ මඳක් ගොරෝසු හඬිනි. ඔහු උදාසීන ලෙස පවසන්නට විය, “මම කිසිවක් කරන්නේ නැහැ.”

“මට එය කරන්න ඕනේ.” ෂ්‍යාඕ චීයේ සිය හිස පහත් කළ ඔහු දෙස බලා හිදින්නට විය. “මට එය ඔබට කරන්න ඕනේ.”

“මාව මරා දමන්න වෙන ක්‍රමයක් තෝරගන්න.” ශෙන් ස'චුආන්  ඔහුට තම දෙඅත් අල්ලා ගැනීමට ඉඩ දුන්නේ ය. “සයනයේ දි මේ විදිහට මියයන එක ලොකු අවනම්බුවක් වේවි නේ”

“මම මගේ අදහස වෙනස් කරගත්තා.”

ෂ්‍යාඕ චීයේ නිදහස් වූ අතකින් ශෙන් ස'චුආන්  ගේ තෙත් කොණ්ඩය පසෙකට දමා ඔහු දෙස බැලුවේ ඔහු මිලදී ගත් මැණිකක් පරීක්ෂා කරන්නාක් මෙනි.  "මම කැමති නෑ ඔබ මියයනවට."

 

 ශෙන් ස'චුආන්  පැවසුවේ ය , "මම ඔබට උපදෙස් දෙනවා, මගේ ගෙල සපාදමන්න එපා."

 

 "ලන්ජෞ."  ෂ්‍යාඕ චීයේ සුසුමන් හෙලමින් ඔහුගේ නම පැවසන්නට වූයේ ය, "මම එහෙම නොකළොත් ඔබ මට යන්න දෙනවාද?"

 

 ශෙන් ස'චුආන්  ඔහු දෙස බැලුවේ ය.

 

 ෂ්‍යාඕ චීයේ අසන්නට විය, “මට සරදම් කිරීම එතරම් විනෝදජනක දෙයක් ද?”

 

“ඔව්.” ශෙන් ස'චුඇන්ට ෂ්‍යාඕ චීයේ ටිකෙන් ටික තමාට ළං වන අයුරු දැනෙන්නට විය. “පරාජිත පුංචි වෘකයෙකුගේ අනුකම්පා සහගත බැල්ම දකින්න ලැබෙන එක මට සතුටක්

 

“එහෙනම් , අපිට තවත් සතුටු වෙන්න පුළුවන්.” ෂ්‍යාඕ චීයේ පැවසුවේ ය,

 

  “වැන්දඹු අධිරාජිනිය කිසිදු චලනයක් නොකරම තොරව එය ඉවසා සිටියා.  ඇය ඔබට දෙන්න පොරොන්දු වුනේ මොනවද?  ඒවා ඉවතට විසි කරලා දමන්න.  මම ඔබට බොහෝ දේවල් ලබා දෙන්නෙම්, තවත් බොහෝ දේවල් , අවශ්‍ය ඕනැම දෙයක්. ”

 

 "අහ්-හහ්..." ශෙන් ස'චුආන්  මදහසක් නැගීය, "ඔබ මට ලබා දෙන දේවල් ලැයිස්තුවට නිදහස ඇතුළත් නොවේවි කියලා මට සිතෙනවා.  ෂ්‍යාඕ'එර් , ඔබට අවශ්‍ය සියල්ලම ඔබේ ඇස්වල ලියවි තියෙන බව ඔබ නොදැන හිටියේ කොහොමද?  ඔබට ඕන මේ වෙලාවේ මාව හිර කරලා දමන්න, මම හරිද?"

 

“මට රත්‍රන් මාලයක් හදන්න ඕනේ.” ෂ්‍යාඕ චීයේ පැවසුවේ ට, “ඔබේ ගෙලවටා කිසිවක් නොමැති වීම ඇත්තටම කණගාටුවට කරුණක්.”

 

   "සුනකයන් දම්වැල් පාවිච්චි කළේ වෘකයන් ව දඩයම් කරවන්නයි." ශෙන් ස'චුආන්  ෂ්‍යාඕ චියේට කෙතරම් සමීප වූවාද යත් ඔහුට ඔහුගේ හුස්ම ගැනීමේ ශබ්දය පවා ඇසෙන්නට විය.  ඔහු පැවසුවේ ය “මටත් ඔබේ ගෙලට රන් මාලයක් දාන්න ඕන.  ඔබ කියන හැම වචනයක් පාසාම මම එය තදින් පිටුපසට අදිනවා."

 

 "එහෙම නෙමෙයි."  ෂ්‍යාඕ චීයේ ඔහුගේ ඇහි බැම එසවීය.  "ඔබේ වැටුප ගත්තොත්, ඔබට ඔබේ පසුම්බිය හිස් කළත් ඔබට එය දරාගත නොහැකි වේවි."

 

 ඔවුන්ගේ නාසයන් අග එකිනෙක ගැටෙන්නට විය.  ෂ්‍යාඕ චියේගේ මාපටැඟිලි මුද්ද ශෙන් ස'චුඇන්ගේ මැණික් කටුව මත තදවී තිබුණි, ඔහුගේ ග්‍රහණය නිසා ඒ වන විටත් රත් පැහැ ගැන්වී තිබුණි.

 

 ෂ්‍යාඕ චීයේ පවසන්නට විය , "ඒ නිසා-"

 

ශෙන් ස'චුආන්  සිය හිස ඔසවා ෂ්‍යාඕ චීයේ ගේ දෙතොල සිපගන්නට විය. ඒ මෘදු දෙතොලඟ ශීතල උපහාසාත්මක බවක් ද ගැබ්වි තිබුණි.

 

“නොදැමුණු හැගීම් වල අතරමං වෙන්න ඕනෙද?” ඔහු මුමුණද්දී ශෙන් ස'චුඇන්ගේ දෑස්වල හැඟීම් ඇවිලී යන්නට විය, “ඒ තරම් නිර්භීත ද? මාව ඉරා දමන්න උත්සහ කරන්න, ස'අන්. මම ගණං ගන්නේ නැහැ.”

 

මෙය අනෝන්‍ය ලෙසම පිළිකුල් සහගත විය.

 

 ෂ්‍යාඕ චීයේ ගේ සීමාව වූ තුවාල ලද හුය "ත්වැං" හඬක් සමඟ කැඩී ගිය අතර, ඒ වන විටත් සෙළැවෙන චිත්තවේගයන් රැළි ඝෝෂාවක් මෙන් ගලා එන්නට විය.  මෙම උපහාසය සහ පෙළඹවීම මධ්‍යයේ, ඔහු කෲර ලෙස ශෙන් ස'චුආන්  ව පහත් කර ඔහුව සපාකන්නක් මෙන් ආපසු සිප ගන්නට පටන් ගත්තේ ය.

 රාගය මරණීය චේතනාවෙන් බැඳී තිබෙන්නේ ය.  වෛරය අනුකම්පාවෙන් පැටලෙනු ඇත්තේ ය.  නිසැක ලෙසම ඔවුන් අතර වඩාත් පිළිකුල් සහගත සහ අනුකම්පා සහගත තැනැත්තා කවුද?

 ෂ්‍යාඕ චීයේ ශෙන් ස’චුආන් ව සිපගත් විට ඔවුන්ගේ ජීහ්වයන් පැටලෙන්නට වූ අතර , ශෙන් ස'චුආන්  ඔහුට ප්‍රතිචාර දැක්වීමට හැකි සෑම දෙයක්ම සිදුකළේ ය.  ආශාව අසාමාන්‍ය මිනිසුන් දෙදෙනකු පුළුස්සා දමද්දී ඔවුන්ගේ දෙතොල් සහ දත් අතර ලෙවකන සංවේදීසහගත ශබ්දයන් ඇති වෙන්නට විය.

 ෂ්‍යාඕ චීයේ  හදිසියේම ශෙන් ස'චුආන්  ගේ මැණික් කටුව මත වූ ඔහුගේ ග්‍රහණය මුදා හැර ඔහුගේ පිටුපසට ආධාර කරගත්තේ ය, ඔවුන් එකිනෙකාට සමීපව, එකිනෙකාගේ හම ස්පර්ශ වන සේ තද කරගෙන සිටියහ.

 මෙය අන්‍යෝන්‍ය පිළිකුලක් විය.

 තමන්ගේම වූ අපිරිසිදු පැල්ලමෙන් අනෙක් පාර්ශවය කිලිටි කිරීම.  වෛරයට වෙන් කළ නොහැකි බැඳීමක් බවට පත් වෙන්නට ඉඩ දීම.  රාත්‍රියේදී තමන්ගේ කෑගැසීම් ඇසෙන එකම පුද්ගලයා ඔහු නිසා මෙලෙස ජීවත් වීම ම මහත් වේදනාවක් වන්නේ ය.  එසේනම් එක්ව එකිනෙකාගේ ලෙයින් පෙගෙන තුරු ඉරා නොදමන්නේ ඇයි?  මේ අභ්‍යන්තර සමීප භාවය ඔවුන්ට විශ්වාසය තැබිය හැකි සැනසිලි සහගත යමක් බවට පරිවර්තනය වෙන්නට ඉඩ දෙන්න.

 මේ ජීවිතය මේ වන විටත් නිසැක ලෙසම අපිරිසුදු වී අවසන් ය!

අරුත් පැහැදිලි කිරීම

1.) හොංමෙන් සංග්‍රහය - කිසිවෙකු මරා දැමීම අරමුණු කරගෙන ව්‍යාජ ලෙස සැලසුම් කරන භෝජන සංග්‍රහය

 

උදා - සීසර් රජුව ඔහුගේ සමීපතමයන් විසින් ඝාතනය කිරීම.

(එහෙනම් ඔබත් බෲටස් , එහෙනම් සීසර් මැරුණා වේ)

පෙර පරිච්ජේදය |  සියළුම පරිච්ජේද | පසු පරිච්ජේදය