හිම වැටෙන්නට පටන්ගෙන දින තුනක් හෝ හතරක් ගතව තිබුණි. හමුදා පුහුණු පිටියට යාහටත් මැලි වෙන තරමට ෂ්‍යාඕ චීයේ අලස බවින් පසු විය. ඔහු මෑතකදී ලොංයෞ හි වෙළෙන්දන් කිහිප දෙනෙකු සමඟ ගනුදෙන කළ අතර ඇති අතර යොංචුආන් වරායෙන් ආනයනය කරන ලද මුතු සහ හේජෞ වල වැඩුණු සූරියකාන්ත ඇට වැනි වටිනා භාණ්ඩ මිලදී ගත් අතර, ඒවා සියල්ලම විශිෂ්ට භාණ්ඩයන් විය.
ලී ජ්‍යැංහෙන් දැන් වඩාත් වුවමනාවෙන් වැඩකටයුතු සිදු කරන්නට පටන්ගෙන තිබුණි. කාලගුණය කෙතරම් ශීතල වූවද, ඔහු සුපුරුදු පරිදි උසාවි සැසිවාරවලට සහභාගී වී දිනපතා උපදෙස් ලබාදෙන ලෙස හායි ලියැංයී ගෙන් ඉල්ලා සිටියේය. ෂ්‍යාඕ චීයේ ඔහුගේ කාර්යයන් නොසලකා හරිනු දුටු විට, ඔහු ඔහුට වචනයකින් දෙකකින් අවවාද කරනු ඇත. සැබෑ ලෙසම ඔහුගේ සිත වෙනස් වී ඇති බවක් පෙනෙන්නට තිබුණි.
ෂ්‍යාඕ චීයේ ඔහුගේ වෙනස දැකීමෙන් සතුටු විය. ඔහු ෆෙං කන්දෙන් මුවන් දෙදෙනෙකු දඩයම් කර මාලිගාවට ඉදිරිපත් කළේය. අවසන් වරට බූරුවෙකු පුළුස්සා දැමීමෙන් බියට පත් ලී ජ්‍යැංහෙන් වන සතුන් අතේ දුරින් තබාගෙන සිටි අතර ඒ වෙනුවට මුවන් හායි ලියැංයීට ලබා දුන්නේය.
බිලි පූජාව (1) සහ නිලධාරීන්ගේ භෝජන සංග්‍රහය ප්‍රධාන සිදුවීම් වූ වසර අවසන් වීමට ආසන්න විය. රාජකීය මාලිගයේ අමාත්‍යාංශ හයක් සහ යාමෙන් විසිහතරක් ඔවුන්ගේ බෙල්ල දක්වාම කාර්යයන්වල ගැලී වැඩකරමින් සිටියහ. උත්සව අධ්‍යක්ෂක මණ්ඩලයට ශ්‍රම ශක්තියක් නොතිබූ අතර, ඔවුන්ට ග්‍රහණය කර ගැනීමට නොහැකි වූ බොහෝ කාරණා තිබූ නිසා ඔවුන්ට තවමත් ලී ජ්‍යැංහෙන් ගෙන් විමසීමට සිදු විය. ලී ජ්‍යැංහෙන් මෙම කාරණා සම්බන්ධයෙන් ද ව්‍යාකූල වූ අතර, ඒ නිසා ඔහුට සෑම අවස්ථාවකදීම ඒ පිඵිබඳව තීරණය කිරීමට හායි ලියැංයී ට සහ චාරිත්‍ර අමාත්‍යාංශයට කරදර කිරීමට සිදු විය.
එයින් චූදු හී කාර්යබහුලත්වය ආරම්භ විය. ලී ජ්‍යැංහෙන් ට ෂ්‍යාඕ චීයේ කිසිවක් නොකරන බව දකින්නට ලැබුණේ වීනම් , ඔහු ඔහුට වැදගත් රාජකාරියක් පැවරු අතර අෂ්ඨ මහා පුහුණු අංඔවල ලේඛනය පිරික්සීම ඔහුට භාර විය. මේ ආකාරයට , චුදු හි මුර සංචාර සහ ආරක්ෂක අංශ සම්පූර්ණයෙන්ම ෂ්‍යාඕ චීයේ යටතට පත් විය.
ෂ්‍යාඕ චීයේ ට එය ප්‍රතික්ෂේප කිරීමට හැකියාවක් නොවුණි, ඒ නිසා ඔහුට කාර්යබහුල වීම හැර වෙනත් විකල්පයක් නොතිබුණි.
ශෙන් ස'චුආන් ෂ්‍යාඕ චීයේ ව අනුගමනය කළේ ඔහු කළබල වූ විට පමණි. එහි ප්‍රතිපලයක් වශයෙන්, ඔහු රාජකීය හමුදාවට "පැනීම" වළක්වාලීය නොහැක්කක් බවට පත් විය.
එක් දිනයක තන්තායි හූ රාජකාරි නිමවා යන විට සිය අසිපත් තල ඉවත් කර නොතිබුණි. ඔහු නැවත කාර්යාලයට පැමිණි විට , එහි පිටත ශෙන් ස'චුආන් සිටගෙන සිටිනවා දකින්නට ලැබුණි. ඔහු තමාගේ මිදී ගිය, සීරුම් ලද මුහුණ අතුල්ලමින් ඔහුව පසුකර ගියේ ය.
ශෙන් ස'චුආන් ඔහුගේ හිස හරවා තන්තායි හූ ද්වේශ සහගත ලෙස තමාව පසුකර යන අයුරු දුටුවේ ය.
“අටවන ශෙන්?” තන්තායි හූ සිය ගමන නවත්වා ඔහුට ශීතල ලෙස පැවසුවේ ය.. “ශෙන් වෙයි කියන්නේ ඔබේ මහළු පුද්ගලයා, නිවැරැදි නේද?”
ශෙන් ස'චුආන් ඇසුවේ ය, “ඔබ අහන්නේ මගේ වයසක පුද්ගලයා ගැනද නැත්තං මම ගැනද?”
“අනිවාරෙන්ම, මම සෙව්වේ ඔබව තමයි. ඔෙන් වෙයි දැනටමත් නින්දා සහගත විදිහට අළු වෙලා ගිහින් අවසන්.” තන්තායි හූ ශෙන් ස'චුආන් වටා ඇවිදිමින් පවමන්නට විය, “ඔබ චූදු වල ගෙවන දවස් තවමත් සුවපහසුයි. මේ වත දිහා බලන්න. දොලොං වීදියේ ආචාරශීලී අය සමඟ සැසඳන්න පවා හැකියි. ආහාර සහ මත්පැනු සඳහා ඇල්මක් ඇති කරවන තරම් සුරූපි අයෙක්"
ඔහුගේ ස්වරය ඇසූ ශෙන් ස'චුආන් ඔහු පැමිණියේ හොඳ චේතනාවකින් නොවන බව දැන සිටියේය. චෙන් යැං ඔහු අසලින් හිටියද කිසිවක් නොකීවා සේම , මළුවෙහි අධිරාජ්‍ය හමුදා භටයෝ සියල්ලම සිද්ධිය නැරඹීමට ඔවුන්ගේ ගෙල දිගුකරමින් සිටින්නට විය.
තන්තායි හූ පවසාගෙන යන්නට විය, “අහංකාර පිටුපස සහ සිහින් විලෝ ගසක් මෙන් වූ ඉඟ. රෝස පැහැ සකුරා මල් මෙන් වඋ දොකොපුල් සහ සිඟාල ඇස්. ෂියන්යුන් වලව්වේනම් , ඔබ පළමු පන්තියේ ඉහළම ආචාරශීලී අයෙක් විදිහට සළකාවි. යහපත් ජීවිතයක් ගත කිරීම වෙනුවට ඔබ අපේ ආණ්ඩුකාරධිපති සෙනෙවිතුමා සෙනෙවිතුමා එක්ක හැමතැනම දුවමින් කල්ගත කරන්නේ ඇයි? ”
තන්තයි හූ ස්ථීරව සිටගෙන ශෙන් ස'චුආන් දෙස තියුණු ලෙස බලාගෙන සිටියේ ය. ඔහු තවදුරටත් කියන්නට විය. “මීට වසර පහකට කලින් ශෙන් වෙයි ලිබෙයි සන්නද්ධ අශ්වාරෝහක අශ්විරෝහකයන්ගේ කුර ලෙවකෑම නිසා ෂොංබෞ ප්‍රාන්ත හය බ්‍යැන්ෂා සේනාංක දොළහට යටත් වෙල පොළවට පස් නොවී බේරුනේ. දැන් ඔබත් ඔබේ වයසක පුද්ගලයගෙන් ඉගෙන ගන්නවා. අපේ ආණ්ඩුකාරධිපති සෙනෙවිතුමා සෙනෙවිතුමා ගේ කොයි කොටසද ලෙවකන්න යන්නේ? ගණිකා මඩම්වල ගණිකාවන් හැමෝම සයනයේ තිර පහත් කළ පසු යම් විදිහක දක්ෂතා ඇති විශිෂ්ටයෝ වෙනවා. සටන් කළ සියලු මිනිසුන් සමඟ අද එකට ඉන්න තරම් ඔබට තියෙන දක්ෂතාව මොකක්ද? ”
ශෙන් ස'චුආන් සිනාමුසු මුහුණින් පැවසන්නට විය, "මම සුදුසු නැත්තං, උප හමුදාපතිවරයා මගේ ඉණ අවසරපත අවලංගු කරලා මාව කාර්යාලයෙන් එළවා නොඳමන්නේ ඇයි?"
"ඇයි මම එච්චර ශ්‍රමයක් නාස්ති කරන්නේ?" තන්තායි හූ පැවසුවේ ය, “ඔබ අපේ අධිරාජ්‍ය හමුදාවේ දොරකඩ සිටින සුනකයා. අපෙන් ලැබෙන පයින් පහරක් පවා ඔබට ගෞරවයක් වෙන්න ඕනේ. ආණ්ඩුකාරධිපති සෙනෙවිතුමා සෙනෙවිතුමා නිසා මම ඔබට වචන කිහිපයක් කියන්නම්. ඔබ වෙනත් පුද්ගලයෙකුගේ 'දෙයක්' බවට පත් වෙලා නිසා, ඔබට ඒඩවගේ වීම ගැන හැගීමක් තියෙන්න ඕනේ."
“මම පැළඳ ඉන්නේ අධිරාජ්‍ය ආරක්ෂකයන්ගේ ඉණ සංකේතය ස්වර්ග පුත්‍රයාගේ අණකිරීම්. ඒ කියන්නේ මම මෙතන ඉන්නේ නිල කටයුත්තකට. ඒක වෙනත් කෙනෙකුගේ 'දෙයක්' වෙන්නේ නොහොමද?" ශෙන් ස'චුආන් පැවසීය. “මම අධිරාජ්‍ය හමුදාවේ සුනකයෙක් නම්, ඔබ සියලු දෙනාමතු ඊට වෙනස් වෙන්නේ නැහැ. අපි හැමෝම චූදු වල සිටින අධිරාජ්‍ය අධිකරණයෙන් වැටුපක් ලබන පිරිමියෝ. යම් අවබෝධයක් හරි තිබෙනවා නම්, සියලු දෙනාම එක සිතින් සුහඳව කටයුතු කරන්න ඕනේ නේද?"
තන්තායි හූගේ ව්‍යාඝ්‍රයකුගේ වැනි දෑස් විසල් වී ඔහු තම අසිපත් ද්විත්වය ඔසවාගෙන දුම් දමමින් සිටියේ ය, “ඔබත් අපි වගේමද? අගෞරවනීය ශෙන් බල්ලා! ඒ කාලේ මම ජොංදූ හි දෙන්ෂෞ පාබල හමුදාවේ ජ්‍යෙෂ්ඨ බලඇණි අණදෙන නිලධාරියා වෙලා හිටියා." ඔහු එකපාරටම පියවරක් ඉදිරියට තැබුවේ වෛරයෙන් වෙව්ලමිනි.
“ඒ කාලේ චාෂි ගංගාව පැරදුනාම මගේ වැඩිමල් සහෝදරයෝ හිටියේ චාෂි සොරොව්වේ එකේ! එය මොනවගේ දසුනක් ද කියලා ඔබ දන්නවාද? මිනිසුන් තලපයක් වෙන තරම් පණපිටින් ඉදිද්දි ඊතල වලින් පීඩා වින්දා! මිනිසුන් හතළිස් දහසක් සොරොව්ව තුළම මිහිදන් වුණා! මිනිසුන් හතළිස් දහසක්!”
ශෙන් ස'චුආන් ගේ ප්‍රකාශය නොවෙනස්ව පැවතුනි.
තන්තායි හූ පැවසුවේ ය, “මගේ මහලු මිනිසා සහ මව සිටියේ දෙංජෞ වලයි. බ්‍යැන්ෂ්‍යා අශ්වාරෝහක හමුදාව ප්‍රහාර එල්ල කරමින් පැමිණියා, එතකොට ඒ ශෙන් වෙයි කියන ද්‍රෝහියා පලා ගියේ, මගේ දෙමාපියන් වගේම දෙන්ජෞ වල සිටි මහලු, දුර්වල, කාන්තාවන් සහ දරුවන් බ්‍යැන්ෂා අශ්වාරෝහක හමුදාවට හසුවෙන්න දමලයි! ඔවුන් නගර එකින් එක සමූලඝාතනය කළා. මගේ බාල සහෝදරිය දූෂණය කර නගර දොරටුව අසලදී මරා දැමීමට පෙර බියන්ෂා අශ්වාරෝහක හමුදාව විසින් ඇයව ලී දෙකක් ඇදගෙන ගොස් තිබුණා! නමුත් ඔබ අවශ්‍යතා ගැන කරදර විය යුතු නැති තරම් නොසැලකිලිමත් ජීවිතයක් ගත කරනවා! අනිත් අයට ඔබට රමණය කරන්න පිටුපස දිගුකරන්න , එවිට ඔබ වැරදිකරු වන ඕනෑම පාපයකට සමාව දෙන්න පුළුවන්! ”
සීතල සුළඟක් වටපිටාව හරහා හමා ගියේය. තත්වය තවත් දරුණු වන බව දුටු චෙන් යැංට ඔහුව නැවැත්වීමට අවශ්‍ය වූ නමුත් ඒ වන විටත් ප්‍රමාද වැඩිය.
තන්තායි හූ , ශෙන් ස'චුආන් ගේ කරපටියෙන් ඔසවා, කෝපයෙන් පවසන්නට වුයේ ය, “මම අද ඔබට කකා කරන කොට ආපසු කතා කරන්න ඔබ කොතරම් නිර්භීතද? ඔබ සැවොම සුඛෝපභෝගී ජීවිතයකට පුරුදු වී සිටින තරුණ ස්වාමිවරු. එ් සටනේදී කී දෙනෙක් මිය ගියාද කියලා ඔබ හරියටම දන්නේ කොහොමද? අද වගේම එදත් ජොංබෞ හි කුසගින්නෙන් මිය ගිය ගණන් කළ නොහැකි තරම් මිනිසුන් සිටින බව ඔබ දන්නවද?! චූදු වල ජීවත් වීම කොහොමද?, හහ්? ඔබ හොඳින් නිදාගන්නවා, හොඳින් ජීවත් වෙනවා, සෑම විටම ඔබට වෙනුවට පව් දුරු කරන මිනිසුන් එකා පිට එකා වැටෙනවා. එතකොට ජොංබෞ වල මියගිය මිනිස්සු ගැන මොකද කියන්නේ? ඔවුන්ගේ මරණවලට වගකිව යුත්තේ කවුද?! ”
ශෙන් ස'චුඇනි හූගේ හස්තයකින් අල්ලාගෙන හදිසියේම ඔහුව බිමට ඇද දැමුවේය. එය කෙතරම් කම්පන සහගත ක්‍රියාවක්ද යත් අවට සිටි සියල්ලෝම එක හඬින් පසුබැස ගියහ.
ශෙන් ස'චුආන් හිම මිටක් දෑතට ගෙන අතුල්ලමින් තන්තායි හූ දෙස බැලුවේ ය, “කවුද? ඔබේම අයගෙන් විමසන්න. බ්‍යැන්ෂා අශ්වාරෝහක හමුදාවට අපේ භූමියට ඇතුළු වෙන්න සම්පූර්ණ මාසයක් ගත වුනා චාෂි ගං ඉවුර දිගේ ඔවුන් දෙංජෞ වලට ගියා. ශෙන් වෙයි සටනින් පසුබසින විට, ශක්තිමත් , ධෛර්ය සම්පන්න මිනිසුන් ට ඔහුගේ ගෙල සිඳලාගෙන හරි හමුදාව අරගෙන යන්න තිබුණා නේ."
ශෙන් ස'චුආන් නැගී සිටියේය.
“ඔබ මට නින්දා කළත් , මට වෛර කළත් එය මගේ නාසයේ සමට වත් දැනෙන්නේ නැහැ. මේ ලෝකය ඉල්ලන්නේ රුධිරයේ ණය විදිහට ගෙවන්න කියලයි. මාව මරා දැමීම මේ අනුව සලකන්නේ ස්වර්ගය වෙනුවෙන් යුක්තිය ක්‍රියාත්මක කිරීම සහ මහජන කෝපය සමනය කිරීමක් විදිහටයි." ඔහු තන්තයි හූට කෙළ ගසා ද්වේෂ සහගත ලෙස සිනාසුණේය. “මොන විකාරයක් ද?. නගර සමූල ඝාතනය කළේ බ්‍යැන්ෂා අශ්වාරෝහක හමුදාව. ඒ හතළිස් දහසක් සොල්දාදුවන් මැරුවේත් ඔවුන්මයි. ඔබට ඕනේ මාව , ශෙන් ස'චුඇන්ව ව්‍යාකූල කරන්න, ඊට පස්සේ මුලින්ම ඔබේ පශ්චාත් භාගය කෙළින් කරගෙන, බ්‍යැන්ෂා සේනාංකය පිරිසිදු කරන්නයි. මගේ ජීවිතය පහත් වෙන්න පුළුවන්, මගේ මරණය ගැන පසුතැවිය යුතු නැහැ. නමුත් මගේ මරණයෙන් බ්‍යැන්ෂා සේනාංකයෙන් කළ සංහාරයට සාධාරණයක් වෙනවද? ”
තන්තායි හූ පවසන්නට විට, “ඔබ වරදින් නිදහස් වෙන්න උත්සාහ කරන්න එපා! බ්‍යැන්ෂා අශ්වාරෝහක හමුදාවට ප්‍රදේශයට ඇතුළු වීමට ඉඩ දුන්නේ ඔබේ වයසක පුද්ගලයා නෙමෙයි ද?! ”
"එහෙනම් මාව මරන්න." ශෙන් ස'චුආන් තම ගෙල සිඳලා ගැනීමට මෙන් ඇඟිල්ලක් එසැවීය. “කරුණාකරලා ඉක්මනින් මාව මරලා දාන්න. මාව මරලා දාන්න! එතකොට ශෙන් ද්‍රෝහියාගේ රුධිර බැම්ම බිඳිලා යාවි!"
තන්තායි හූ ක්ෂණික ව නැගිට , ඔහුගේ අසිපත් තල ද්විත්වය අමෝරාගෙන , ශෙන් ස'චුආන් වෙතට පහර එල්ල කරන්නට විය.
තිගැස්මක් සමඟ අවධිවුණු දිං තාඕ , දොර උළුවසිසෙන් එබී බලද්දී එම සිදුවීම දකින්නට ලැබුණේ ය. අනතුරු අඟවමින් , ඔහු විලාප තැබුවේ ය, “ලාඕහු (2) ඔහුට හිරිහැර කරන්න එපා! මම ඔහු ගැන පරික්ෂා කරන්න ඕනේ!”
තන්තායි හූ සවන්දීමෙන් ඔබ්බට ගොස් තිබුණි. ඔහු සිය අසිපත් තල ද්විත්ය පිටතට ගෙන එය වා තලය හරහා ඉවතට වීසි කළේ ය.දිං තාඕ අඩි තඅනක උසකට නැග්ගේ ය, නමුත් ඉක්මනින් ම ගූ ජින් ඔහුගේ පිටුපස කොළරයෙන් අල්ලාගෙන ඔහුව එහි යෑමෙන් වළකාලූයේ ය.
“ලාඕහු ගේ පවුලම ජොංබෞ වලදි මිය ගියා.” ගූ ජින් පැවසුවේ ය. “ඔබට බැහැ ශෙන් ස'චුඇන්ට ඔහුගෙන් ගැලවෙන්න දෙන්න.”
දිං තාඕ පවසන්නට විය , “ඒත් වැරදිකරු ශෙන් වෙයි නෙමෙයි ද? ඒකට ශෙන් ස'චුඇන්ගේ ඇති සම්බන්ධය මොකක් ද?!”
ගු ජින් ද මොහොතකට පසුබට වූ නමුත් ඔහු සංවාදය දිගටම පවත්වන්න වෙහෙස නොවුයේ ය.
තන්තායි හූ ගේ තලය ශෙන් ස'චුආන් ගේ මුහුණට පෙර වාතය කපා දැමූ අතර, ශෙන් ස'චුආන් ඔහුගේ තලය අල්ලාගෙන සිටි මැණික් කටුව අනෙක්පස හැරවීමට එහා පසට හැරුණේ ය. තන්තයි හූගේ අත හිරිවැටුණු අතර ඔහු තම තලය ඉවතට විසි කළේය.
ඒ අවස්ථාවේදීම කාර්යාලයේ තිරය එසැවී තිබුණේ ය. යුධ අමාත්‍යාංශයේ උප අමාත්‍ය යැං යොංජී තලය එය තමා දෙසට වේගයෙන් එන දෙස විශාල වූ දෙනෙතින් බපා සිටියේ ය.
චෙන් යැං ක්ෂණයෙන් අත එසවූයේ එය අල්ලා ගැනීමේ උත්සාහයකිනි. නමුත් ෂ්‍යාඕ චීයේ වේගවත් වනු ඇතැයි අපේක්ෂා කළේ කවුද? ඔහුගේ කොපුවේ පැද්දීමකින් එම තලය හිම මතට කිඳා බැස්වූවේ ය.
වානේ තලය කෙතරම් ප්‍රචණ්ඩකාරී ලෙස කිඳා බැස්සේ ද යත්, එය අධිරාජ්‍ය හමුදා මුළු අංගනයම කම්පනයට පත් කළේය. ඔවුන් එක හඬින්, “ආණ්ඩුකාරධිපති සෙනෙවිතුමා සෙනෙවිතුමණි, කරුණාකරලා අපේ වරදට සමාව දෙන්න!”
ඒවා නොසලකා හරිමින්, ෂ්‍යාඕ චීයේ සිය තලය පිටුපසට කර ගත්තේ ය, යැං යොංජී සඳහා තිරය එසවීමට ඔහු එත එසැවීය. සමාව අයැදීමේ සිනහවකින් ඔහු පැවසුවේ, “මගේ යටත් නිලධාරීන්ව පාලනය කරගන්න මම අසමත් වුනා, ඒ නිසා මම උප ප්‍රධානි යැංට අනතුරු ඇඟවීමක් කරනවා.”
යැං යොංජී ප්‍රමාද වීමට නිර්භීත වන්නේ කෙසේද? දෙතුන් වතාවක්ම අපහසුවෙන් හිස වැනූ ඔහු ඉක්මනින් මළුවෙන් බැස තම අශ්ව කරත්තයට නැඟී කිසිවකු තමාව දකින්නට පෙරම ලිස්සා ගියේය.
ෂ්‍යාඕ චීයේ ඔහු දෙස බලා හිදීම අවසන් කළ පසු, දණින් වැටී සිටින මිනිසුන්ගෙන් යුතු වූ බිම් ප්‍රදේශය දෙස බලන්නට නැවත හැරුණේ ය.
තමා වැරදි බව දැනගත් චෙන් යැං, “ ආණ්ඩුකාරධිපති සෙනෙවිතුමා සෙනෙවිතුමනි , මගේ අධීක්‍ෂණය ගැන නොසැලකිලිමත්ව කටයුතු කළේ මේ යටත් නිලධාරියාය්” ඔහු ඉක්මනින් පැවසුවේ ය...
"ඔබ සෑහෙන වෙලාවක් සිද්ධිය දකින්න ඇතං." ෂ්‍යාඕ චීයේ පවසන වි මෙං ඔහුගේ උරහිස මතට පියඹා ආවේ ය. ඔහු සුදු මස් ටිකක් ගෙන රාජාලියාට කැව්වේ ය, “ෂාඕ හුයි නම් එහෙම දෙයක් කරන්නේ නැහැ” ඔහු පැවසුවේ ය.
චෙන් යැංගේ මුහුණ සුදුමැලි විය.
චෙන් යැං ඔහුගේ ආරක්ෂක ප්‍රධානියා සහ ඔහුගේ විශ්වාසවන්ත සහායකයා වූ නිසා ෂියාඕ චියේ චෙන් යැංට තරවටු කළේ නැත. මිනිසුන්ගේ සෝදිසියෙන් සිටින ඇස් යටතේ ඔහුට චෙන් යැංට කම්මුල් පහරක් දීමට නොහැකි විය, මන්ද එය ඔහුගේ අධිරාජ්‍ය හමුදා සහෝදර සහෝදරයන් අතර ඔහුට තිබූ ස්ථාවරය අහිමි කරවන අතර ඔවුන් ඉදිරියේ හිස ඔසවන්නට ඔහුට නොහැකි වනු ඇත. නමුත් ඔහුගේ මේ වදන් චෙන් යැංගේ හදවත ගැඹුරින්ම කපා දැමුවේ ය.
චෙන් යැං සහ ෂාඕ හුයි යන දෙදෙනාම ෂ්‍යාඕ ෆංෂූ විසින්ම තෝරා ගන්නා ලද හොඳ පසුබිමක් සහිත පුද්ගලයන් වූහ. ෂාඕ හුයි සන්සුන් හා ස්ථාවර වූ අතර, ෂ්‍යාඕ ජීමිං ගේ අණ යටතේ ඔහු අනුගමනය කරන විට ඔහුගේ දක්ෂ හමුදා ක්‍රියාවන් ගණන් කළ නොහැකි විය. ඔහු නියෝජ්‍ය ජෙනරාල්වරයෙකු වූ අතර ඔහු චූදු වෙත පැමිණි විට අප්‍රසාදය දැක්වීමට ස්වල්ප දෙනෙක් පමණක් නිර්භීත විය. එමෙන්ම, චෙන් යැං වසර පහකට පෙර ෂ්‍යාඕ චීයේ අනුගමනය කරන තෙක් ලීබෙයි හි කුමර මාළිගයේ හි රැඳී සිටියේය. ඔහු විචක්ෂණශීලී වූ අතර, ඔහු ෂාඕ හුයිට වඩා පහත් යැයි අන් අය පැවසීමට බොහෝ බිය විය. මේ එකම වංශයේ සහෝදරයන් අතර තරඟයක් විය.
අද ෂ්‍යාඕ චීයේ ගේ වචන ඔහුව අවදි කළා පමණක් නොව, ඔහුව අතිශයින් ලැජ්ජාවට පත් කළේය.
"අවුරුදු පහකට කලින් මම උප ප්‍රධානියා ලෙස වැඩ භාර ගන්නා විට, අධිරාජ්‍ය හමුදාවේ මියල්ලෝම හමුදා විනය සහ නීතිරීතිවලට එතරම් සැලකිල්ලක් නොදක්වන සහ ආණ්ඩුකාරධිපති සෙනෙවිතුමා සෙනෙවිතුමාට අවමන් කළ කසල ගොඩවල් බව ඔවුන් පැවසුවා." ෂ්‍යාඕ චීයේ මෙං ව අතගැන්නට විය,
“මට මේ වගේ සොල්දාදුවන්ට නායකත්වය දෙන්න බැහැ. ඔබට අධිරාජ්‍ය හමුදාවේ රැඳී සිටීමට අවශ්‍ය නම්, එක්කෝ ඔබ මුදල් ලබාගෙන නීතිරීතිවලට අවනත වන්න, නැතහොත් ඔබ දැන් ම අවශ්‍ය දේවල් අරගෙන පිටවෙන්න.”
ඔහු කෝපයෙන් කී විට තන්තයි හූගේ ළය ගැහෙන්නට විය, “ ආණ්ඩුකාරධිපති සෙනෙවිතුමා සෙනෙවිතුමා කිව්වා වගේ අපි හැමෝම අතීතයේ ඔබට ඇහුම්කන් දුන්නා. නමුත් ඔහු මොනවද කරන්නේ? ඔහු සොල්දාදුවෙක් ලෙස හැඳින්විය හැකිද? මම උප හමුදාපති ලෙස පත් කරලා තියෙනවා සහ මම ඔහුට වඩා ශ්‍රේණි කිහිපයක් ඉහළයි. මම ඔහුට දේශන පැවැත්වීම වරදක්ද? මට මේ රැකියාවෙන් පෝෂණය වෙන්න පුළුවන්, නමුත් තමන්ගේ පශ්චාත් භාගය විකුණන එකෙක් ළඟ මම නැමෙන්නෙ නැහැ!”
“ඔහුගේ ඉණෙහි එල්ලා ඇති ඉණ සංකේතය අධිරාජ්‍ය ආරක්ෂකයින්ගේ. දැන් ඔහු මුරකරුවෙකු ලෙස රැකියාවේ යෙදෙනවා. ඔහුට උපදෙස් දෙන්න කලින් ඔබට මගේ ස්ථානයේ අසුන්ගත හැකි නම්, ඔබ දක්ෂ බව ඔප්පු වේවි. " ෂ්‍යාඕ චීයේ ඔහු දෙස බැලීමට ඔහුගේ දෑස් පහත් කළේය. "ඔබ හිතන්නේ ඔබ වැරදි නෑ කියලද?"
තන්තායි හු ඔහුගේ හිස කෙළින් කර, "ඒක හරි!"
"එහෙනම් මොකටද හිටගෙන අපහාස විදින්නේ?" ෂ්‍යාඕ චීයේ පැවසුවේ ය. "පිටවෙන්න."
තන්තායි හූ එක්වරම අවිශ්වාසයෙන් හිස එසවීය. "මේ පුද්ගලයට, ආණ්ඩුකාරධිපති සෙනෙවිතුමා සෙනෙවිතුමා ට ඕන මාව තනතුරෙන් අයින් කරන්න ද?!"
“අධිරාජ්‍ය හමුදාව තුළ පුද්ගලික තරහවල් තියෙන්න බැහැ. ඒ නිසා ඔට්ටු සෙල්ලම් වලට උත්සාහ කරන්න එපා. මම මේක කවුරුවත් වෙනුවෙන් කරන්නේ නැහැ. ” ෂ්‍යාඕ චීයේ ඔහුගේ කටහඬ පහත් කළේය. “අධිරාජ්‍ය හමුදාවේ අවසාන ප්‍රකාශය ගැනීමේ අයිතිය මට තියෙනවා. ඔබට ඔබේම තීරණ ගන්න පුළුවන් නිසා, ඇයි මට ආණ්ඩුකාරධිපති සෙනෙවිතුමා සෙනෙවිතුමා කියලා කතා කරන්නේ? මේ සන්නාහය ඉවත් කරලා ටම් වානේ අසිපත් කල ඉවත් කරන්න , එවිට ඔබට ගෙවිය යුතු ඕනෑම රුධිරමය ණයක් වෙනුවෙන් ආපසු ගෙවන්න කියලා ඉල්ලන්න ඔබට නිදහස තියෙනවා. ඔබට පියවර තුනක් ඇතුළත ඔහුව පහත් කරන්න පුළුවන් නම්, මම, ෂ්‍යාඕ ස'අන්, වහාම ඔබ වෙත ඇවිත් මගේ වරද පිළිගන්නම්. නමුත් ඔබ මේ සන්නාහය පැළඳ අධිරාජ්‍ය හමුදාවේ අවසරපත ඔබේ ඉනෙහි එල්ලා ගත්තම, ඔබට කළ හැකි මට කීකරු වීම පමණයි. මෙතන ඉන්න ඔබලා හැමෝම අද හොඳ නාටකයක් බැලුවා. ඔබේ මහත් වු චිත්තප්‍රිතියට ඔබ මගේ ගෞරවය සම්පූර්ණයෙන්ම පාගා දැමුවා. ඔබට කොන්දක් තියෙනවා. ඔබ ඇත්තටම තරම් නිර්භීතයි. ඉතින් අපට හමුදා විනය ගැන කතා කරන්න තියෙන්නේ මොනවද ? ඒ වෙනුවට ඔබලා හැමෝම කඳුකරයේ රජවරු වීම (3) වඩාත් සතුටට කරුණක් නෙමෙයි ද?!”
සියල්ලෝම හිස පහත් කරගත් අතර තවත් වදනක් හෝ කතා කිරීමට එඩිතර වූයේ නැත. මෙං මාංශ අනුභව කර අවසන් කර හිස ඔසවා ඔවුන් දෙස බලා සිටියේය.
ෂ්‍යාඕ චීයේ පැවසුවේ ය, “ඔබ සාමාන්‍යයෙන් මම දැඩි අයෙක් බව පවසන්න කැමති නැද්ද? එහෙනම් අද මම ඒක හරියටම කරන්නම්. මම තන්තායි හූගේ ඉණ අවසරපත අවලංගු කරලා ඔහුව දොරෙන් පිටතට යවනවා!
අධිරාජ්‍ය හමුදාව එක හඬින්, "උපරාජයාණෙනි, කරුණාකරලා සන්සුන් වෙන්න!"
තන්තායි හූ ඔහුගේ වරද පිළිගන්නේ නැත. ඔහු වෙව්ලන හස්තයකින් රාජකාරි අවසරපත ඇදගෙන මෙසේ කීවේය, “ආණ්ඩුකාරධිපති සෙනෙවිතුමා සෙනෙවිතුමා සමඟ සිටින සහෝදරයෙක් විදිහට , මට මේ වසර පහ තුළ උතුමාණන්ගේ කරුණාව ලැබුණා, මම ආණ්ඩුකාරධිපති සෙනෙවිතුමා සෙනෙවිතුමා වෙනුවෙන් මගේ ජීවිතය පවා දෙන්න කැමතියි! නමුත් අද මා වැරදිකරු වෙලා තියෙන්නේ මොනවා නිසා ද? ආණ්ඩුකාරධිපති සෙනෙවිතුමා සෙනෙවිතුමා ට අවශ්‍ය වෙලා තියෙනවා ලස්සන පුද්ගලයෙක් නිසා මගේ හිත බිඳලා මාව මගේ තනතුරෙන් අයින් කරන්න. හොඳයි! මම, තන්තායි හූ, පරාජය පිළිගන්නවා!"
ඒ සමඟම, ඔහු තම ඉණ අවසර පතත් සහ හිස්වැස්මත් එක්ව බිම තබා තුන් වතාවක් - තඩ් -- හඬින් නැමී ෂ්‍යාඕ චියේට ආචාර කළේ ය. . ඉන්පසු ඔහු නැඟිට ඔහුගේ සන්නාහය ගලවා දැමුවේය. ඔහුගේ අභ්‍යන්තර ඇඳුම පමණක් ඇඳගෙන, (4.) සිටි ඔහු ශෙන් ස'චුආන් දෙස බැලුවේය.
“ඔබ සේවය කරන අයව පොළඹවාගෙන ඔබට කොපමණ කාලයක් ජීවත් වෙන්න පුළුවන් ද කියලා මම බලාගෙන ඉන්නවා! ඒත් ඔබට පරනලා දුවන්න නොහැකි වේව්!"
තන්තායි හූ දෑස් පිසදමා වටපිටාවේ සිටි සියල්ලන්ටම තම හස්තය ඔසවා ආචාර කළේ ය.
"මගේ සහෝදරවරුනි, අපි නැවත හමුවෙමු!"
ඉන්පසු ඔහු පියවරක් ඉදිරියට තබා සැබෑ ලෙසම පිටත්ව යන්නට විය.
අරුත් පැහැදිලි කිරීම.
(1.) දෙවිවරුන්ට හෝ මුතුන් මිත්තන්ට පුද පූජා පැවැත්වීම
(2.) ලාඕහු - වැඩිමල් හූ
(3.) ශිඛර රජු ( කොල්ලකරුවන්ට සමාන පදයකි )
(4.) පුරාණ කාලයේ දි ඔවුන්ගේ පිටත ඇදුමට අමතරව අභ්‍යන්තරයෙන් හැදි ඇඳුම මෙයයි. ඔවුන් සාමාන්‍යයෙන් සැතපෙන්නේ මෙම ඇදුම සමගිනි.
පෙර පරිච්ජේදය | සියළුම පරිච්ජේද | පසු පරිච්ජේදය
Comments
Post a Comment