හරිද වැරදිද (¡කොටස ) |හයවෙනි පරිච්ඡේදය

 (පෝර්ශ් දේ ජාවු )

මා ඉදිරියේ ඇති ලේඛනය කියවීමට පෙර නැවත වරක් මම ඒ දෙස බැලුවෙමි.මා අසල වූ මහලු මිනිසා පෙර සේම සන්සුන්ව සිටි අතර කින් මා දෙස බලා සෝෆාව මත වාඩිවි සිටියේය.මේසය මත වූ මල් පෝච්චියෙන් ඔහුට දමා ගැසීමේ ආසාව තරයේ දැනෙද්දි මා ඔහුව නොදැක්කා සේ නොසලකා හැරීමට දැඩිව උත්සාහ කලෙමි.

 

මේ අවස්ථාවේදී  අති විශිෂ්ඨ පෞරුශයක් හිමි මහලු මිනිසාගේ වදන් හමුවේ මගේ සිතෙ වු ස්තාවරය අභිබවා ඔහුගේ යෝජනාව පිලිගැනීමට මට සිදුවිය.මට දැන් තේරෙන්නෙ මොහු සාමාන්‍ය පුද්ගලයෙකු නොව අති දක්ෂ ව්‍යාපාරිකයෙකු බවයි.

මිස්ටර් කෝර්න්, සරලවම කින්ගේ තත්තා ඉතා දක්ෂ ලෙස මාව පෙළඹවීය.නමුත් බලාපොරොත්තු රහිතව මම නැවතත් පෙරසේම එහි රැදී සිටියෙමි. 

 සෑම අගලක් පාහේම අධි සුඛෝපභෝගීව නිමවා ඇති නිවසේ මෙතෙකැයි කියා ගනනය කල නොහැකි තරම් ආරක්ෂක නිලදාරීන් පිරිසක් අස්සක් මුල්ලක් නෑර සේවයේ යෙදී සිටිති.මට පේන විදියට කැසිනෝ හිමිකරයෙකු හෝ ජාත්‍යන්තර ව්‍යාපාරිකයෙකු වීම මහත් භාග්‍යයකි.

 

"ඔයා කැමති නම්, මෙතන අත්සන් කරන්න පුළුවන්ද."

රක්ෂණ කඩදාසියේ තිබුණේ මා මියගියහොත් මුදල් ලබාගන්නෙ කවුද යන්න වූ අතර පලමු පිටුව කියවීමෙන් පමණක් මට ක්ලාන්තය සෑදීමට මෙන් හිස බමන්නට විය.මෙතරම් දැඩි විවිදාකාර නීති රීති පවතින විට මා කල යුත්තේ කුමක්ද යන්න තවමත් සිතාගත නොහැක.

* අවි පරීක්ෂණය

*අවම ලෙස වසරක් රාජකාරි කල යුතු අතර මගදි කොන්ත්‍රාත්තුව බිද දැමුවහොත් බාට් මිලියන දෙකක දඩයකට යටත් විය යුතුය.

*මසකට දින දෙකක් නිවාඩු ලබාගත හැකි අතර වැඩ කාලය සතියේ දින පහ වේ.

මට දින තෝරගන්න පුළුවන්.ඒත් මේක මට ප්‍රශ්නයක් 

"වැඩ දවස් ගත්තම...මම තාම ඉගෙනගන්න නිසා මට අඩුව පිරිමහන්න අමාරු වෙයි"

මම පෑනෙන් රවුම් කරමින් මිමුණුව්වෙ එකග විය නොහැකි හේතුවක් බව සිතමිනි.

"ඒක ප්‍රශ්නයක් නෑ.ඔයාට රෑ වැඩමුරය කරන්න පුළුවන් "

 "මට වෙලාව තෝරගන්නත් පුලුවන්ද? "

මම පුදුමෙන් ඇසුවෙමි.

"මෙහෙ සතියෙ දවස් හත පුරාම පැය 24ම ආරක්ෂකයො ඉන්නවා. රාත්‍රී වාඩ මුරය හවස හයේ ඉදන් පසුදා උදේ 6 වනතුරුත් දහවල් මුරය උදෑසන හය සිට සවස 6 විදියට වැඩ කරන්න පුළුවන් "

 

මිස්ටර් කෝර්න් මට පැහැදිලි කලේය.මේක විකාරයක් ! මම ආරක්ෂකයෙකුද නැතිනම් කාර්ය මණඩල සේවකයෙකුද ? මට වැඩ මුරය මාරු කල හැකි නමුත් කින් නිදාගෙන සිටින විට පවා විමසිල්ලෙන් සිටිය යුතුය.කවරෙකු හෝ පැමිණ ඔහු මරා දැමුවහොත් ?

මෙය ඕනවට වඩා වැඩියි වගේ.

 

"නමුත් මම රාත්‍රී වැඩමුරය කරලා දවල්ට ඉගෙනගන්න දේවල් කරාම මම නිදාගන්නෙ ? "

මම අවංකකම ඇසුවෙ මම අයන් මෑන් නොවන අතර සෞඛ්‍ය සම්පන්නව සිටීමට නින්ද අවශ්‍ය සාමාන්‍ය මිනිසෙකු වන නිසාවෙනි.

 "කෙනෙක් නිදහසට හේතු කියනව වගේ "

කින් තරහින් කෑගැසුවෙය.

 "ඔයාට ඒක කරන්න පුළුවන්... .නමුත් කරන්න බැරි නම් මට කියන්න"

 "ඔයාට විශ්වාසයිද  ඒක කරන්න බෑ කියලා? 

 කින් මට කිව්වා ඔයා රාත්‍රී සමාජශාලාවක වැඩ කරා කියලා?"

"මම රෑ අට සිට පාන්දර දෙක දක්වා විතරයි.සමාජ ශාලාව වසා නිවසට ගොස් වෙවේක ගන්න අතර පසුදා උදෑසන පන්ති සදහා සහභාගි වෙනවා.ඇරත් මම ජේඩ්ගෙ සමාජශාලවෙ රාජකාරි කරෙ බ්‍රහස්පතින්දා සිට ඉරිදා දක්වා දින වල විතරයි .ඉතිරි දින වල විවේක ගන්න අතර අද්‍යාපන කටයුතු වල නිරත වෙනවා "

"කවදද පන්ති තියෙන්නේ "

"සදුදා ,අගහරුවාදා, බදදා, බ්‍රහස්පතින්දා  සහ සිකුරාදා සවස පන්ති...සතියෙ දින පහම කාර්යබහුලයි"

 

මම විනීත ලෙස පැවසුවේ වයසක නමුත් උද්යෝගිමත් මිනිසා ඉදිරියෙ යම් සැහැල්ලුවක් දැනෙන නිසාවෙනි.මම පැවසුවෙ මගේ සත්‍ය කාල සටහනයි.එය වැඩ වලින් පිරී ඇති අතර මට විවේකයක් ඇත්තේ සති අන්තයේ පමණකි.මේ අතර සදුදා සිට බදාදා දක්වා උදෑසන සිට සවස් වන තුරුම මම බොහො කාර්‍යබහුල වේ.

 "එහෙනම් බ්‍රහස්පතින්දා සිට ඉරිදා දක්වා වැඩ කරන්න..."

 "තාත්තේ.....!"  

කිං තම පියා දෙස බලමින් පහත් හඩින් පැවසුවේය.

"ඇයි තාත්තා එයාට ඕන විදියට තෝරගන්න තරම් නිදහසක් දෙන්නෙ ?"

ඔහුගේ රෞද්‍ර දෑස් මා දෙසට යොමුව තිබුණද මට කල හැක්කෙ නොදැක්කා සේ වෙනතක් බැලීමයි.

 

"ඉස්සෙල්ලම අහගන්න...ඔයා සෙනසුරාදා සහ ඉරිදා උදේ දහයෙ සිට මද්‍යම රාත්‍රී වන තුරු රාජකාරි කල යුතු අතර ඒක ඔයාගෙ අනෙක් වැඩ දවස්වල හුවමාරුවක් විදියට හිතාගන්න "

 මම තවමත් සිතින් කාලය ගනනය කරමින් සිටියේ රාත්‍රි වැඩමුරය මට වඩා වාසිදායකද යන්නයි.මන්ද එය කින් අපතයා රාත්‍රියේදි ගමන් යොදානොගන්නා නිසා එය දහවලට වඩා වඩාත් සුවපහසු විය හැකි බවයි.

 "තවම හිතනවද ?"

"ආරක්ෂකයෙක් විදියට මම කරන්න ඕන රාජකාරි මොනවාද?"

මම කල යුත්තේ කුමක්ද යන්න මට තවමත් චිත්තරූපයක් මවා ගත නොහැකි අතර එය ඔහුගේ රෞද්‍ර මුහුන පසුපස යන සෙවනැල්ලක් සේ විය හැකිය.ඔහුට සමීපවන්නන් ගැන අවදානයෙන්  සෑම විටම ඔහු පසුපස යා යුතුද ?

"ඔයාට කරන්න තියෙන්නෙ කින් සමග ඔහු යන සෑම තැනකටම යෑම සහ නිවසේදී ඔහුගේ වැඩකටයුතු පහසු කරගැනීම සදහා සහයවීම "

 ලේකම් එලෙස කීවද ඔහුගේ හඩ එතරම් අත්භූත ලෙස පෙනුනෙ ඇයි දැයි ගැටලුවකි.

 "පහසුකම් සලසන්න ..?

"ඒ කිව්වෙ මෙහෙමයි.උදාහරණයක් විදියට අපෙ සමාගමේ ලියකියවිලි පරීක්ෂා කරන්න, කින් කෑමට හෝ බීමට කැමති දේවල් ගැන සොයා බලා සැපයීම සහ ඔහුගෙ ඇදුම් සූදානම් කිරීම වගේම පාඩම් කටයුතු වලට සහය වීම වගේ දේවල්."

"මටත් පාඩම් වැඩ තියෙනවා .ඒත් පොඩ්ඩක් ඉන්න....මේ වැඩ මගේ වයසට ඕනවටත් වඩා වැඩියි "

මම මටම තනියෙන් කියවන්න ගත්තෙ ඔහු කියු සියල්ල හදිසියෙම සිහිවීමත් සමගයි.කින් පසුපස ආරක්ෂකයෙකු සේ ගමන් කිරීම ඕනෑවටත් වඩා මාව අපහසුතාවයට පත් කරන අතර ඔහු අවසානෙට පැවසූ දේවල්...මේ මිනිස්සුන්ට පිස්සුද...

 "ඒකද බොඩි ගාඩ්ලා කරන්නේ  ?

ඒක ටිකක් ඕනවට වැඩි වගෙ නැද්ද ?"  

 

මට සිතූ දේ පැවසුවද එයින් වූයේ කින් තුල සමච්චල් සිනහවක් නැගීම සහ ලේකම් මා දෙස බැලූයේ නුසුදුසු යමක් කියූ අයෙකු දෙස බලන්නාක් සේයි.

"පේනවා නේද තාත්තෙ ? මේ අවජාතකයා දැනටමත් මගෙ ඔලුවට නගින්න එන්නෙ "

කින් කෑගසමින් පියා දෙස බැලුවේය.

 

  "අනේ ශෝක්.. කාටහරි තමුන් එක්ක ඉන්න ඕන වෙලා වගේ. "

මම එකපාරටම කිව් අතර කින් බැරෑරුම් ලෙස මා දෙස බැලීය.මම ඔහු ගැන නොසිතා පෑන මේසය මත තබා දෑත් බැද ගෙන,...

 " මගෙ ඔලුව කැක්කුමයි  "

මිස්ටර් කෝර්න් ගැඹුරින් හුස්ම ගත්තේය.

"මම එහෙම කිව්වෙ ඔයා ආරක්ෂකයනෙ ප්‍රධානියා වෙන්න ඕන කිව්ව නිසා.ඉතිං ඒ නිසා ඔයා හැමවෙලේම කින් ලගින් ඉදන් එයාගෙ වැඩ වලට උදව් කරන්න ඕන."

ෂිට් ! මම කල්පනා කරන්නෙ මේ මාෆියා කියන්නෙ මොකද්ද ?අබ්බගාතයෙක්ද ?ඇයි මම හැමදේම එයා වෙනුවෙන් ලෑස්ති කරන්න ඕන සහ ඒ දේවල් ම්ගෙන් බලාපොරොත්තු වෙන්නෙ.

"ඇත්තටම ඒක එච්චර අමාරු නෑ.ප්‍රධානම රාජකාරිය තමයි කින්ව ආරක්ෂා කරන එක.නිත් දේවල් ඔයට විවේකයක් තියෙන විදියට කරන්න පුළුවන් "

"විවේකය තියෙන විදියට කරන්න පුළුවන් ?"

මේ ගැන තරමක් පසුබට හැගීමක් ඇතිවන්නට වූ අතර ආරක්ෂකයෙක් යැයි පවසා වෙනත් යමක් ලෙස මා බාවිතා කිරීමට යනවාදෝ කියා සැකයක් සිතේ මතුවන්නට විය.

එම කාමරයේ වාතාවරණය ආතති සහගත එකක් වූ අතර කින් අවජාතකයා හැර අනෙකුත් සියල්ලම මා දෙස් බලා සිටින්නට විය.ඔහුගෙ අවදානය වෙනතකට බව මවා පාමින් බිත්තිය දෙස ඔහු බලා සිටියේය.

"ආහ් මෙන්න...ගෙදර ඔප්පුවයි උකස් ලියකියවිලි "

 මම ඒ දෙස බලා සිටිනු දුටු ලේකම්වරයා මේසය මත වූ ලිපිගොනුව මා අතට ලබා දුන්නේය.

 

"ඔයා මේ යෝජනා හැම එකටම කැමති නම් මිස්ටර්  කෝර්න් මේක අවලංගු කරනවා.ඔප්පුව අයෙ ඔයාටම දෙනව "

 

මට ඒවා පිලිගන්නට වූ අතර මෙ සියල්ල ඉතා ආකර්ෂණීය විය.මම ලිපිගොනුව දෙස බලා නැවතත් කොන්ත්‍රාත්තුව අත තබා සිටි ආරක්ශකයා දෙස බැලුවෙමි.මම සුසුමක් හෙලා පෑන ගෙන සෙමෙන් එහි වූ ඉර මත අත්සන තැබුවෙමි.

මම දත්මිටි කමින් නිහඩවම යාච්ඤා කලේ මම ගත් තීරණය නිවැරදි එකක් වන ලෙස සිතමිනි.

 පසුව මම බැලුවේ එකිනෙකා දෙස බලමින් සිනසෙන මිස්ටර්  කෝර්න් සහ ඔහුගේ ලේකම් දෙසයි.

 මිස්ටර් කෝර්න් සියලු ලිපි වලට අත්සන්  මුද්දර අලවා නැවතත් මා වෙත නිවසේ හිමිකම පැවරූ අතර හදිසියෙම මගෙ මනසට පැන නැගුනේ මම දැන් ගිවිසුම නොසලකා හැරියහොත් ඔහු මාව මරා දමාවිදෝ කියා දෙගිඩියාවකුයි.ඒ අතර මිස්ටර්  කෝර්න් මා අත්සන් කල ලිපිය ගෙන හොදින් පරීක්ෂා කරන්නට විය.

 "phachara කියන්නෙ දියමන්ති වලට නෙද ?  හොද නමක් වගේම හොද දේහ ලක්ෂණ "

කුන් කෝර්න් ලිපිගොනු දෙස බලා සිට මා දෙස හැරෙමින් කීවේය.

"ඔයා සාස්තර කියනවද?"