*යින් හෝරාව*(1.) ආසන්න වන විට, හදීසි වර්ෂාවක් ඇතිවෙන්නට පටන් ගත්තේ ය. චෙන් යැං විවේක ගැනීමේ ශාලාව සොදා පිරිසිදු කළේ ය,මුහුණ පිසදාගත් ඔහු පිටත බැලඋවිට දකින්නට ලැබුණේ හිම කැටවලින් සැරසීගත වර්ෂාවක් පතිත වන්නට ආසන්න බවය.
“මුළුතැන්ගෙයි ළිප දල්වන්න.” චෙන් යැං ඔහුගේ දෙපසටම අණ කරන්නට විය. “සෙම්ප්‍රතිශ්‍යාව වෙනුවෙන් ලබාදෙන ඖෂධ උණුසුම්ව තිබෙද්දිම පිළිගන්වන්න, ඊට පස්සෙ ඉඟුරු සූපය සූදානම් කරන්න. දෙවන තරුණ ස්වාමියාගෙයි විනිසුරුවරයගෙයි ඇදුම් උණුසුම් ව තැබුවා ද? ඒවා ඉක්මනින් ඔවුන්ට යවන්න. අද වහිනවා විතරක් නෙමෙයි හිමත් වැටෙනවා, ඒවගේම පොළව ලිස්සනවා. ඔබ සේවය කරද්දී ප්‍රවේශම් වෙන්න; වැටෙන්න එපා, එහෙම නොවුනොත් එයින් නින්දා වෙන්නේ ඔබටමයි.”
දිනය උදාවන්නට ප්‍රථම, මළුවෙහි සේවය කරමින් සිටි සේවක සේවිකාවෝ ඒ වන විටත් සිය වැඩ කටයුතු අරඹා තිබුණි. චෙන් යැං හිරවරණයක් ද අතැතිව මුළුතැන්ගෙන් ගෙය දෙසට පියමැන්නේ උදෑසන ආහාරය පරික්ෂා කර බලන්නටය. ඔහුව දුටු අරක්කැමියා වහා සිය සේවකයෙකු ලවා ආහාර පෙට්ටි රුගෙන ආවේ ය.
“මට ආරංචි වුනා ඊයේ රාත්‍රියේ විනිසුරුතඅමා අසනීප වුණා කියලා. ඉතිං, මම අද උදෑසන මතස්‍ය සුප් පිඵියෙල කළා, සැහැල්ලු අතුරු ආහාර වේලකුත් එක්ක. ඒවගේම මම සහල් කැඳත් *ඇඹරූ රෝලුත්*(2.) පිළියෙල කළා.” අරක්කැමියා පෞද්ගලිකවමබචෙන් යැං වෙතට ආහාර පෙට්ටි ලබා දුන්නේ ය. “මේ උදෑසන ආහාරවේල ඔය මහත්වරුන් ට. ඔබලා හැමෝම ඊයේ රාත්‍රිය පහන්වනතුරුම මුර කළා නේද. ශීතල මගහරවාගන්න උණුසුම් දෙයක් පානය කරන්න.”
ආහාර පෙට්ටි අතට ගන්නා අතරවාරයේ චෙන් යැං සිනහසෙන්නට විය, “හොඳයි. එහෙනම් ඔබ *ෂාඔජ්‍යු මත්පැන්* හදන්න ඇති නේද ගූ ජින් වෙනුවෙන්. මම ඔබට ටම් වෙනුවෙන් ස්තූතියි කරන්න ඕනේ! ස්වාමියාගේඩඋදෑසන ආහාරය ප්‍රමාධයකින් තොරව පිළිගන්වන්න අයෙක්ට පවරන්න. මම ඔහු වෙනුවෙන් බලා ඉන්න මුලින්ම යන්නම්.”
අරක්කැමියා ඔහුව පිටත් කර යැවූ සේම සේවකයාට අවශ්‍ය වූයේ තමාගේ මාර්ගයේ දිගටම ගමන්කරන්නට ය. චෙන් යැං දෙවැන්නා පහතට හරවා හිරවරණය ඉහළට ඔසවාගෙන ඉක්මනින් මළුවට පිටත්වූයේ ය.
ඔවඅන් වැනි ආරක්ෂකයන්ගේ තුන් ආහාර වේල කිසිවෙකුටත් ස්පර්ශ කරන්නට නොහැකි විය. ඔවුන්ට එය ස්පර්ශ කරන්නට අවසර තිබුණේ ලබා දෙනවා නම් පමණකි. මෙය ලිබෙයි හි නැවත සකස් කරන ලද දැඩි හා වේගවත් නීතියක් විය.
චෙන් යැං මළුවට පැමිණ අනෙක් මිනිසුන් තිදෙනා ද කැඳවාගත්තේ ය. ඔවුන් ආහාර පෙට්ටිය විවෘත කර ඔවුන්ගේ ආහාර ගැනීම වෙනුවෙන් එක්ව සිට ගත්හ.
තැම්බූ බනිස් ගෙඩිය සපා කෑ ඩිං ටාඕ නිවස දෙස බැලුවේ ය “ස්වාමියා අවදිවුනා” ඔහු පැවසුවේ ය.
ගු ජින් පැවසුවේ ය. “අශ්ව කරත්තය සූදානම්ද? ඔහුට අද ටිකක් පරක්කු වෙයි වගේ."
චෙන් යැං හිස වනමින් පැවසුවේ ය. “අද වර්ෂාවක් පතිත වේවි කියලා මම හිතුවේ නැහැ. මාළිගයට ගිහින් නම අත්සන් කරන්න බලාගෙන ඉන්නකොටත් ස්වාමියාට තෙමෙන්නට සිද්ධවේවි. ගෞරවනීය විනිසුරුතුමාගේ සෙම්ප්‍රතිශ්‍යාව සෑහෙන කාලයකට සුව වෙන්නේ නැහැ. ඔහු නිවාඩුවක් ගත කරන්න අදහස් කරන්නේ නැද්ද? ”
ඔහු විමසුවේ කාගෙන් ද?
ගූ ජින් සහ දිං තාඕ එකිනෙකා දෙස බලාගත් හ, ඉන්පසු එක්වරම ච්‍යාඕ ත්‍යැන්යා , නොමිලේ ආහාර වේලක් ගන්න ආ පුද්ගලයා දෙස බැලුවේ ය.
ච්‍යාඕ ත්‍යැන්යා සහල් කැඳ භාජනය එක් නටටම ගාල දමන්නට වූ අතර එක් ඇගිල්ලක් ඔසවන්නට විය. ඔහු කතා කරන්නට පෙර , අනෙක් තිදෙනා එක හඬින් පවසන්නට විය, “ගිලිනවා!”
ඔහු එය ගිල දමා පවසන්නට විය,
ඔහු දවසක්වත් නිවාඩු ගන්න එඩිතර වෙන්නේ නැහැ. මගේ ස්වාමියා තවමත් අලුතින් පත් වූ නිලධාරියෙකු විදිහට ත සැලකෙනවා. ඔහුට ඉහළින් සිටින ජ්‍යෙෂ්ඨයා තවමත් හොඳින් සිටින කොට ඔහු මුලින්ම නිවාඩුවක් ගන්න නිර්භීත වෙන්නේ කොහොමද? ඔහුට සේනාධිනායකයාට වඩා කාර්යබහුල වෙන්න බැහැ, නේද?”
දිං තාඕ පවසන්නට විය, “ඔබ අධිරාජ්‍ය ආරක්ෂකයෝ ඇත්තටම කිසිම කමකට නැහැ. අසනීපයක් හැදුනත් ජ්‍යෙෂ්ඨත්වය ගැන කතා කරනවා!”
ච්‍යාඕ ත්‍යැන්යා පවසන්නට විය, “ඒකට කරන්න දෙයක් නැහැ. හැම කෙනෙක්ම ඇහැ ගහගෙන ඉන්නේ.”
පුද්ගලයන් හතරදෙනාම ආහාර ගෙන කතා කරමින් සිටින අතරවාරයේ එහා පස ද්වාරය විවර විය. සේවිකාවන් ඇතුල් වී පිටව ගියේ බන්දේසි දෑතෙහි තබාගෙනය.
ශෙන් ස'චුආන් මුළු රාත්‍රිය පුරාවටම ෂ්‍යාඕ චීයේ ගේ වැළඳ ගැනීමෙන් පසු දහඩියෙන් නෑවි සිටියේ ය. ඔහුගේ බෙල්ලේ කුෂ්ඨ පහව ගොස් තිබුණේ නැත.
ෂ්‍යාඕ චීයේ දැනටමත් ඔහුගේ ඇඳුම් ඇඳගෙන සිටියේය. ශෙන් ස'චුඇන්ට තවමත් එතරම් සුවයක් නොතිබුණ බව දුටු ඔහු ශෙන් ස'චුඇන්ගේ නළලතට ඇඟිලි තබා පවසන්නට විය. “ඖෂධ බඳුන මේසය උඩ තියෙනවා. එය උණුසුම් ව තියෙන අතරේ පානය කරන්න. ”
ශෙන් ස'චුආන් තම පාවහන් පැළදගෙන ඖෂධ පානය කළේ තම වස්ත්‍ර හැඳගැනීමට පෙරය. ඔවුන් දෙදෙනාම කණ්නාඩිය ඉදිරිපිට පිටුපසට වී සිටියේ සම් සහ වස්ත්‍ර ගැටෙන ඝෝෂාකාරී හඬ මැදය.
ශෙන් ස'චුආන් තම ඉණ පටිය තද කරගනිමින් ජනේලය විවෘත කර අහස දෙස බැලුවේය. “මේ වැස්ස එන්නේ ඇත්තටම නරක වෙලාවක” ඔහු කීවේය.
“ඊයේ රෑ කිසිම චලනයක් තිබුණේ නැහැ. අද මහජන ඉඩම් ගැන අහන්න ප්‍රමාද වැඩියි.”
ෂ්‍යාඕ චීයේ අසලට පැමිණුනේ ය. ඔහු වෙනුවෙන් ඔටුන්න පළඳන්නට උත්සාහ කළ , ඔහු පිටුපසින් සිටි සේවිකාවට ඔහු වෙත ළඟා වෙන්නට නොහැකි වූ නිසා ශෙන් ස'චුආන් එය ගන්නට අත දිගු කළේය. ෂ්‍යාඕ චීයේ ජනේලය දෙසට හැරුණු අකරේ, ශෙන් ස'චුආන් ඔහු වෙනුවෙන් එය පළඳවාලූයේ ය. ඔවුන් දෙදෙනාම එකිනෙකා දෙස බලා සිටියහ.
“දුඟදයි.” ෂ්‍යාඕ චීයේ පැවසුවේ ය
“ඔබ තවත් ළඟට ආවොත්,” ශෙන් ස'චුආන් පවසන්නට විය, “ඒ දුඟද තවත් වැඩි වේවි.”
දෙපස සිටි සේවිකාවෝ හිස පහතට හරවාගත්තෝ ය, ඔවුහු ඔබ්දයක් හෝ පිට නොකළෝ ය.
ච්‍යාඕ ත්‍යැන්යා ඒ වන විටත් ඔවුන් පිටතට යන්නට පෙර හිරවරණය ඔසවාගෙන සිටියේ ය. ශෙන් ස'චුආන් පඩිපෙළ බැස ගියේය. තන්තයි හූ කඩිමුඩියේ එනු දුටු ඔහුට තවමත් මිදුලෙන් පිටතට ගොස් තිබුණේ නැත. ශෙන් ස'චුආන් දුටු විට තනතායි හූ ට එතරම් හොඳ බවක් නොතිබුණද, ක්ෂණික ය පඩිපෙළ නගින්නට ට පෙර ඔහු තවමත් ඔහුට ආචාර විදික්‍රම දක්වා ඔහුට ආචාර කළේය.
"ලාඕහු!" චෙන් යැං ඔහුට ආචාර කළේය. " කුමක් ද කාරණය?"
ෂ්‍යාඕ චීයේ ඒ වන විටත් පිටතට පැමිණ තිබුණි. ෂ්‍යාඕ චීයේ තන්තයි හූ දෙස බලා කිසිවක් නොපැවසුවද ගූ ජින් ඔහු වෙනුවෙන් ඔහුගේ සළුව අතට ගත්තේය.
තන්තයි හූ එක දණහිසක් මත දණ ගසා හදිසි ස්වරයෙන් වාර්තා කළේය. “ආණ්ඩුකාරධිපති සෙනෙවිතුමා සෙනෙවිතුමනි ! දොංලොං වීදියේ මුර සංචිතය ඖහුආ මණ්ඩපය කඩා වැටී ඇති බව ටික වෙලාවකට කලින් දැනුම් දුන්නා!
ශෙන් ස'චුආන් තම මාර්ගයේ නතර වී තන්තයි හූ දිගටම පවසන යන තෙක් බලා සිටියේය.
තන්තයි හූ තම මුහුණේ වූ වර්ෂා ජලය පිසදමා පවසන්නට විය “ ෂී වංශයේ දෙවන තරුණ ස්වාමියා මතා කඩා වැටුනා නම් ප්‍රශ්නයක් වෙන්නේ නැහැ. ඒත් කවුද දන්නේ අධිරාජ්‍යයාත් ඇතුලේ ඉඳිවි කියලා!”
ෂ්‍යාඕ චීයේ ගේ බැල්ම සීතල විය. ඔහු හිස ඔසවන විට වර්ෂාව සහ හිම තව තවත් තදින් ඇද හැලෙන්නට විය.
# ◈ ◈ ◈
ශෙන් ස'චුආන් කාර්යාලයෙන් පිටතට ගියේ දිගු පියවරයන් තබමිනි. ග' චිංචිං පඩිපෙළ පාමුල සිටගෙන සිටියේ ය. ශෙන් ස'චුආන් තමාගේ ඉණ පළඳනාව පැළදගත්තේ ය, ඔහු පැවසුවේ ය, “මට විස්තර පවසන්න.”
ඔහු පසුපසින් අධිරාජ්‍ය ආරක්ෂකයින් මළුවෙන් පිටතට වේගයෙන් ගමන් කළහ. ඔහුගේ තලය මත අත තබාගත්, ග' චිංචිං රහසින් මුමුණන්නට වූයේ ය, “අධිරාජ්‍යයා හොර රහසේ පිටව ගිහින්. අද උදෑසන ගොඩනැගිල්ල කඩා වැටෙද්දී මේ බව කිසිවකු දැන සිටියේ නැ. ඒ සේවිකාවන් හාරා පිටතට ගනිද්දී, අෂ්ඨ මහා පුහුණු අංශවල අයට ඉක්මනින් ම ෂී හොංෂුආන්ව දකින්න ලැබී තිබුණා . මාලිගාවේ උදෑසන උසාවි සැසිවාරය ආරම්භ වෙන්න නියමිත වේලාව ආවම නපුංසකයා තිරය ඔසවද්දී උතුමාණන් අතුරුදහන් වේවි කියලා අපේක්ෂා කළේ නැහැ? ඔවුන්ට ඔහුව සොයාගන්න බැරිවුණා. මුලින්ම , ඔවුන් සයිවෙයි මාලිගයට ගියා අධිරාජ්‍ය උපභාර්යාව මූ එක්ක සිටිනවද කියලා බලන්න, නමුත් අධිරාජ්‍ය උපභාර්යා මූටත් කිසිම අදහසක් තිබුණේ නැහැ. අවුල් වියවුල් ඇති වුනේ ඊට පස්සෙයි.
“අභ්‍යන්තර මාලිගාවේ සෑම තරාතිරමකම මුර සංචාර තියෙනවා. ඔහුට උදව්වක් තියෙන්න ඔිනේ; නැතිනම් ඔහුට මිංලී ශාලාවෙන් හෝල් පිටතට බහින්නවත් හැකි වෙන්නේ නැහැ.”
"ඒක තමයි අමුතුම දේ." ග' චිංචිං කටහඬ තවත් පහත් කළේය. “මගේ ප්‍රශ්න කිරීම්වලදී, ඊයේ රාත්‍රියේ කිසිවෙක් ඇතුළටවත් පිටතටත් නොපැමිණි බව මුරකරුවන් පවසනවා මට ඇසුනා.”
ශෙන් ස'චුආන් ගේ වත නොවෙනස්ව පැවතියේ ඔහු අෂ්ඨ මහා පුහුණු සේනාංකයන් පසුකර යන ආකාරය දෙස බලා සිටි බැවිනි. ඔහු මුළු මාර්ගයම වේගවත්ව ඇවිද ගියේ වර්ෂාව ද නොතකා ය; මේ මොහොතේ කිසිවකු තම හිරවරණ ඔසවා ගන්නට එඩිතර වූයේ නැත. සෑම නිලධාරියෙකුගේම මුහුණු මත අඳුරු වලාකුළු පැතිරී තිබුණි, ඒ ඔවුන්ගේ අඳුරු වතෙන් පිළිපිඹු කළේ ඔවුන්ට දෙමව්පියන් මිය ගොස් ඇතිවාක් ලෙසටය.
# ◈ ◈ ◈
හායි ලියැංයී සහ ෂ්‍යාඕ චීයේ කඩා වැටී තිබුණ ගොඩනැගිල්ල ඉදිරිපිට සිටගෙන සිටිය හ. ඖහුආ මණ්ඩපය කඩාවැටීම නිසා එය සමඟ සමීපව තිබූ ගොඩනැගිලි වලින් අඩක් ගිලා බැස තිබුණි. මේ වර්ෂාවෙන් මුළු දොංලොං වීදියම ස්වර්ගය තරම් උසට නැඟෙන්නට සලස්වමින් කාණුවේ දිය පහර බොහෝ වේලාවක් පිටාර ගලා තිබුණි. සෑම කෙනෙකුටම ජලය හරහා ගමන් කරන්නට සිදුව තිබුණි.
කාර්ය අමාත්‍යංශයේ අමාත්‍යවරයා, පැන් ෂියන්ජිඒ, පැන් වංශයේ ප්‍රධානියා වූ අතර එය අෂ්ඨ මහා වංශ වලින් එකක් ද විය. ඔහු ෂියන්දේ පාලන සමයේ සිට පැන් රූගුයි සමඟ එකම වාසගම බෙදා ගත්තද, පැන් රූගුයි සැබවින්ම ඔවුන් හා සමාන තරාතිරමක නොසිටියේය. පැන් ෂියන්ජිඒු හායි ලියැංයී ගේ වයසේම පසුවූ අතර, ඔහු මේ තනතුර දැරූ කාලය තුළ කිසි විටෙක විශාල වරදක් කරන්නට එඩිතර වූයේ නැත. තමා කිසි දිනෙක මහ ලේකම් කාර්යාලයට නොඑන බව දන්නා ඔහු තව දින කිහිපයකින් සාමකාමීව විශ්‍රාම ගැනීමේ බලාපොරොත්තුවෙන් නිතරම කල්පනාකාරීව හා සන්සුන් ව කටයුතු කළේ විශේෂයෙන්ම තම පුත්‍රයා ඒ වන විටත් ආදායම් අමාත්‍යාංශයේ උප ඇමැතිවරයා වූ බැවිනි. ඔහු අවදි වන විට අහස කඩා වැටෙන බව දැන සිටියේ නම් ඔහු කුමන අයුරකින් හෝ නින්දට යන්නට එඩිතර නොවනු ඇත!
පැන් ෂියන්ජිඒ ට තම දෙපා වලින් නොසැලී හිඳිමට පවා නොහැකි විය.
, ඔහු කෙතරම් කනස්සල්ලට පත්ව සිටියේ ද යත් ඔහුගේ දෑත් වෙව්ලන්නට විණි. ඔහු දිගින් දිගටම පවසන්නට විය, “ඉක්මන් කරන්න. ඉක්මනින් හාරන්න. උතුමාණන් තවමත් ඇතුළේ ඉන්නේ!”
වර්ෂා ජලය හායි ලියැංයී ගේ මුහුණ මතට පහර දුන්නේ ඔහුගේ භාව පුකාශනයද හේදි යන පරිද්දෙනි. ලී ජ්‍යැංහෙන් ක්‍රීඩා කිරීම වෙනුවෙන් මේ තරම් විකාරබසහගත දෙයක් සිදුකරනු ඇතැයි ඔහු කිසි විටෙක අපේක්ෂා කළේ නැත! කිහිපවතාවක්ම , හේ වැසි ජලය පිසදා හැරියේ ය, එය පෙනුනේ ඔහු කඳුළු පිසදමනවාක් මෙනි. ඔහු ෂ්‍යාඕ චීයේ ට පැවසුවේ ය, “හාරන්න… මුලින්ම අධිරාජ්‍යයා ව බේරගන්න!”
ෂ්‍යාඕ චීයේ තම සළුව ගලවා දමා තත්වය පිළිබඳ සොයා බලන්නට ජලය හරහා බැසයන්නට විය. අෂ්ඨ මහා වංශ සදහා වත්මනෙහි අණ දුන්නේ හන් චෙං ගේ බාල සොහොයුරු හන් ජින් ය. හන් ජින් තම දෙපා වස්ත්‍ර නමා හකුලා සිය සිව වස්ත්‍රයේ වාටිය ඔසවමින් ෂ්‍යාඕ චීයේ පසුපස බැස ඉදිරියට යන්නට විය.
“ආණ්ඩුකාරධිපති සෙනෙවිතුමා සෙනෙවිතුමනි.” වර්ෂාව මධ්‍යයේ ම හන් ජින් කෑගසන්නට වූයේ ය “පතුළ දැනටමත් සිදුරු වෙලා. අපි හාරන්න බැහැ !”
පහළ ප්‍රදේශය හිස් වූවා පමණක් නොව, එය කටාරම් සහ භාජනවලින් ද පිරී තිබුණි. එහෙත් කිසිවකු ඒ ගැන හඬ නැගීමට එඩිතර වූයේ නැත. ගොඩනැගිල්ල කඩා වැටෙන විට මේ භාජන කඩා වැටී තිබුණි. ලී ජ්‍යැංහෙන් ව තලා වැළලී තිබුණහොත්, ඔහු සැබවින්ම මියයනු ඇත! දජෞ ඉතිහාසයේ පළමු අධිරාජ්‍යයා, ඔහු හමුවීමක් සඳහා හොර රහසේ පිටතට ගොස් සිටියදි ගොඩනැගිල්ලකට යටවී මිය යනු ලැබුවේ ය - එය ලියන්නට නිර්භීත වෙන්නේ කුමන ඉතිහාසඥයාද? මෙතරම් මානසික අවපීඩනයෙන් පෙළෙන දෙයක් අත්විඳ තිබුණේ නැත.
“ඊයේ අධිරාජ්‍යයා විවේක ගත්තේ ඉහළ ස්ථානයක.” ශෙන් ස'චුආන් තම අසිපත ඉවත් කර ජලයට බටුයෙ ය. ඔහු පැවසුවේ ය, “ඒ තැන ගැඹුරු නැහැ.”
“මට බිය එතැන තවදුරටත් කඩා වැටේවිද කියලයි.” ෂ්‍යාඕ චීයේ තම සිරුර ඉහළට එසැවූයේ ය. “වැඩ අමාත්‍යංශයේ මිනිස්සුන්ව කැදවන්න.”
සෙන් යූ තමනිගේ මාර්ගයට අවසානයේ පැමිණ තිබුණේ ය. ශෙන් ස'චුආන් ඔහුව දකින විටම ඔහු හායි ලියැංයී ට ක්ෂණික ව පැවසුවේ ය, “වැඩිහිටියාණෙනි, අද පොදු කාණු පද්ධතිය හාරා දමන්න ඕනේ. මේ වර්ෂාව නැවතුණේ නැත්තං, අපිට ජලයට බහින්න නොහැකි වේවි.”
“ඒ වගේම එය කයිලින් ඟඟට ආසන්නයි.” සෙන් යූ පැවසුවේ ය. “මම කලින් එතැන ගිහින් බැලුවේ ය. ඒ අසළ තිබුණ හැම ගොඩනැගිල්ලක්ම ගිලා බැහැලා කඬා වැටිලා. පතිලේ තිබෙන අත්තිවාරම හුඟක් පැරණියි වගේම ජරාවෙලා! වේල්ලේ තියෙන ගඩොල් පිළිසකර කරලා කොයිතරම් කාලයක් ගත වෙලාද? ජලය තවත් ඉහළට පිරුණොත්, චූදු වලින් අඬක්ම ගං වතුරෙන් යටවී යාවි! මේ අවුරුදු ගණනාවටම වැඩ අමාත්‍යංශයේ අය මොනවද කළේ?! පැන් ෂියන්ජිඒ , තමුන් වැඩකට නැති බූරුවා! තමුන්ට මම මේ ගැන කොයිතරම් වතාවක් පැවසුවා ද, හහ්?!”
පැන් ෂියන්ජිඒ සිය දණහිස් මත වැටුණේ “තඩ්” හඩත් සමඟිනි. ඔහුගේ කෙස් දැනටමත් සුදු පැහැව තිබුණි. ඔහු විලාප දෙන්නට විය, “මම මොනවා කරන්න ද?! ඔබට මේ වෙනුවෙන් මට දොස් පවරන්න පුළුවන් ද? ආදායම් අමාත්‍යාංශයේ හැමෝම බලගතු නිලධාරීන්. මීට වසර අටසියයකට කලින් මම මේක ඔවුන්ට සඳහන් කරලා තියෙනවා. ඔවුන් මුදල් වෙන් කරලා ශ්‍රම බලය මාරු කරන්නේ නැත්තං මම මොනවා කරන්න ද?! සෙන් ෂුන්යී, මම මොනවා කරන්න ද?!" ඔහු හඬා වැලපෙමින් හුස්ම හිර කරගනිමින් කතා කර ගත නොහැකිව සිටියේ ය. හිස බදාගනිමින් බිම වැතිර ඔහු කෑගැසුවේ ය, “මේකට අපිට ජීවිතෙන් වන්දි ගෙවන්න වෙයි!”
“ඔබ වත්මන් අධිරාජ්‍ය අධිකරණයේ ජ්‍යෙෂ්ඨයෙක්. ඔබ තමන්වම අපකීර්තියට පත් කරගන්න එක නවත්වන්න! ” හායි ලියැංයී එකපාරටම ඔහුව කපා දමා බෙරිහන් දුන්නේ ය. “අධිරාජ්‍යයා ගේ ඉරණම සමබරවයි; ඔහු මැරිලාද ජිවත් වෙලාද කියලා අපි දන්නේ නැහැ. දැන් හදීසි තත්වයක්. ඔබට වගකීමෙන් මිදුන එකට දොස් පැවරීමට අවශ්‍ය නම්, අඩුම තරමින් මුලින්ම ඔහුව බේරා ගන්නා තෙක් බලා ඉන්න! රාජකීය හමුදාවේ වත්මන් ආරක්ෂකයන්ගෙන් මිනිසුන් අටසියයක් යොදවලා මහජන අගල් වහා වසා දමන්න වැඩ අමාත්‍යාංශය වහාම කටයුතු කරන්න. රෙගුලාසි කඩකරලා අනවසරයෙන් ඉඩම් අල්ලාගෙන සිටින සියලුම නිවාස කඩා දමන්න. ආදායම් අමාත්‍යාංශය සම්බන්ධයෙන් , රාජ්‍ය භාණ්ඩාගාර මුදල් ප්‍රමාදයකින් තොරව එකතු කරලා ආධාර සහන බෙදා හැරීම කේන්ද්‍රගත කීරීම වෙනුවෙන් ජාඕ සූයි පන්සලට නිවාස කඩා වැටී විපතට පත් වූවන් එක්රැස් කරන්න. අෂ්ඨ මහා පුහුණු අංශ ප්‍රධාන නගර දොරටු මුර සංචාරයේ වොදවන්න. සියලුම ඇතුළත් වීම් සහ පිටවීම් රාජ්‍යතාන්ත්‍රික සටහන් සහ නිල ලේඛන සමඟ තබන්න. අපි දැන් ඉන්නේ තීරණාත්මක සන්ධිස්ථානයක. තත්ත්වය ස්ථාවර කරන්න සියලු දෙනා එකාවන්ව කටයුතු කරාවි කියලා මම අපේක්ෂා කරනවා. ඔබේ සන්සුන් භාවය නැති කරගන්න එපා! ”
ඒ සමගම, හායි ලියැංයී එකිවරටම ශෙන් දෙස බැලුවේ ය.
“අභ්‍යන්තර මාලිගාව ආරක්‍ෂා කරන්න අධිරාජ්‍ය ආරක්‍ෂකයන් යොදවන්න. මේ තත්වයෙන් ප්‍රයෝජන ගන්න වෙනත් පුද්ගලයින්ට කරදර ඇති කරන්න ඔබ ඉඩ නොදෙන්නක් ඕනේ. කැරලිකායෙක් හිටියොත්, මාගේ අණ විදිහට ඔවුන් එ් ස්ථානයේ ම මරා දැමීම ක්‍රියාත්මක කරන්න!”
මේ අධික වර්ෂාව තුළ නොසන්සුන් වෙන්නට පටන් ගත් අය, මරණීය චේතනාවෙන් පිරී ඇති මේ අනුප්‍රාප්තික නියෝග යටතේ ක්ෂණිකව සන්සුන් වූහ. හායි ලියැංයී පියවර කිහිපයක් ඇවිද ගොස් වර්ෂාව මධ්‍යයේ ම වූෂා හිස්වැස්ම ඉවතා කළේ ය.
"අධිරාජ්‍යයා ස්වර්ගයේ පුත්‍රයා විදිහට සළකනවා." වර්ෂා ජලය පහළට ලිස්සා ගොස් ඔහුගේ මුහුණෙන් පහතට ගලා ගියේ ය , හායි ලියැංයී අවසාන වශයෙන් පවසන්නට විය, “අපේ දජෞ රාජ්‍යය සියවසක් බලයේ ඉන්නවා. එය තවමත් එහි අභාවයට යන කාලය පැමිණ නැහැ. ”
# ◈ ◈ ◈
ලී ජ්‍යැංහෙන් කැඩී ගිය ලී බරාද යට සිරවී සිටියේ හිස මුණාන් අතට හැරෙන පරිදි ය.. ගෙ මතට වැටුණු ශිතල ජල බිදු ඔහුව ගැස්සෙමින් අවදි කරවන්නට සමත් විය. හුස්ම ගන්නට අපහසු බව ඔහුට සොයාගන්නට ලැබුණේ ය. ඔහඅගේ ළය තදින් තෙරපී තිබුණු අතර, ඔහුගේ ඉළ ඇට දරුණු ලෙස වේදනා දෙන්නටද විය.
ලී ජ්‍යැංහෙන් කහිමින් බැරෑඬි හඬකින් කෑ ගසන්නට විය, “මා-මාව බේරගන්න—”
ඒ ශබ්දය ගොරෝසු සහ බල රහිත වූ අතර, වර්ෂාව තුළ අසන්නට නොහැකි තරම් හඬ රහිත විය.
ලී ජ්‍යැංහෙන් තම බැල්ම වෙනතකට හරවද්දී දුටඅවේ තමා අසල සිටි නළඟන දැනටමත් ශිතල වන්නට පටන්ගෙන ඇති බවයි. ඇගේ අලංකෘත මාංශය ඉරී ගොස් බිතු අතර පාවි ගොස් තිබුණි. ඇගේ හිසකෙස් ද රුධිරයෙන් නැහැවී රතුපැහැ ගොස්ව තිබුණි. ලී ජ්‍යැංහෙන් වෙව්ලන්නට පටන් ගත්තේ ය ; තමා පෙරදින රාත්‍රියේ අත්පුඩි ගසමින් නටමින් සිටි සුන්දර ලලනාව මැය බව ඔහුට තවදුරටත් හඳුනාගත නොහැකි විය.
"මාව බේරගන්න."
ලී ජ්‍යැංහෙන් හිස පහතට හරවාගෙන ඔහුගේ සියලු වීරයයන් යොදාගනිමින් පවසන්නට විය.
"මාව බේරගන්න."
ජලය උගුරේ හිරවෙන ශබ්දයක් සමඟ අයෙකුගේ කාශයක් ඔහුට පහළින් ඇසුණේ ය. ෂී හොංෂුආන් ගේ සිරුරෙන් අඩක් ජලයෙන් තෙත් වී තිබුණි. ඔහු සිට පිටුපසින් අර්ධව වැතිරී සිටි අතර , භාජන ඔහු මතට කෙළින්ම කඩා වැටී, ඔහුගේ ලේ වැගිරෙන පිටුපස දරුණු ලෙස විකෘති කළේ ය. ඔහු වාතය ගැනීම හුස්ම හෙළුවේ ය, “අධිරාජ්‍යයාණෙනි, ඔවුන් කැඳවීම නවත්වන්න. කිසිවෙකුටවත් ඔබව ඇසෙන්නේ නැහැ. ”
ලී ලජ්‍යැංහෙන් තම වැලමිටෙන් කැඩුණු ලී කැබලි තල්ලු කරන විට ඔහු අසලම සිටියේය, නමුත් ඒ සියල්ල නිෂ්ඵල විය. ඔහුගේ එක් සපත්තුවක් ගැලවී ගොස් තිබූ අතර, ඔහුගේ මුහුණ සුදුමැලි වෙන්නට තරම් සීතල ව ගොස් තිබුණේ ය. ඔහු පැවසුවේ ය, "අනිවාර්‍යෙන්ම කවුරුහරි මාව බේරගන්න එ්වි..."
“ඇත්තටම.” ෂී හොංෂුආන් නිහඬව සිනහසෙමින් පවසන්නට විය. “ඔබ ඉතිං ස්වර්ගයේ පුත්‍රයා නේ.”
ලී ජ්‍යැංහෙන් අසන්නට විය, “තමුන් මොනවටද සිනහවෙන්නේ?”
ෂී හොංෂුආන් ඔහුගේ දෙතොල් ගසා වැලි සහිත මඩ පිටතට දමන්නට විය. ඔහු පැවසුවේ ය, “මම මේ හිනාවුනේ දෛවය කියන දේට... පුනරුත්පත්තියේ චක්‍රය මත මිනිසුන්ගේ ජීවන චක්‍රය දිවෙන ආකාරය අමුතුයි කියලා ඔබට පෙනෙන්නේ නැද්ද?”
ලී ජ්‍යැංහෙන් ඔහුගේ දැස් පියන් එසවූවද ඔහුය කිසිවක් නොපෙනුණේ ය. ඔහු අඳුරු ලෙස පැවසුවේ ය, “නැහැ… මෙතැන එහෙම චක්‍රයක් නැහැ…”
“ඔබතුමාට උපතදුන් යූ වංශයේ මව…” ෂී හොංෂුආන් තමාගේ සිරුර පසෙකට හරවාගත්තේ අපහසුවෙනි. “… මියගියෙත් මේ විදිහටම ගිලී ගිහින්.”
ජලය ඉහිරී ගියේ ය.
අපිරිසිදු, අවපැහැ ජලය ඔහුගේ ගෙලෙන් ඉවතට ගලගා ගොස් වෙනත් තැනකට විසිරී ගියේය. මේ මිනිත්තුවේදී ලි ජියන්හෙං ගිලි ගියේ ය..
ගිලී ගියා.
අපහසුකාරී ලෙස, ලී ජ්‍යැංහෙන් එම ක්ෂණික හා අමිහිරි ළමා මතකයන් සිහිපත් කළේය. ඔහු නැවත වරක් ඒ අපිරිසිදු වර්ණවත් මාංශ වැදලි දෙස බැලුවේය, නමුත් ඔහුට පෙනුනේ ඒ ඔහුගේ මව ආකාරයෙන් ය.
ඒ ගැහැණිය බාල්දියකට තෙරපී තිබුණ අතර ඇගේ නියපොතු ලෙයින් පල්පයක් වන තෙක් බිම වැතිර සිටියේය. ඇගේ මුහුණට වතුර ඉසින විට, ලී ජියැන්හෙං ඇගේ බිහිසුණු සුදු පැහැ ගෙලත් සහ අතුත් දකින්නට ලැබුණේ ය.
ගිලි ගිහින්!
ලී ජ්‍යැංහෙන් ගේ දෑස් අගින් කඳුළු ගලා ගියේය. ඔහු වියරුවෙන් දෑතින් දෑස් වසාගෙන වෛරයෙන් යුතුව කෑගැසුවේ ය, “කට වහගන්න! තමුන් කටවහගනිං!”
ෂී හොංෂුආන් නිහඬ විය.
නමුත් ලී ජ්‍යැංහෙන් ට තවදුරටත් මේ සිරුරට සමීපව සිටීමට අවශ්‍ය නොවීය. “ඇය ගැන සඳහන් කරන්න එපා! මම අධිරාජ්‍ය සිංහාසනයේ උත්තරීතර පාලකයා! මගේ-"
ලී ජ්‍යැංහෙන් තම දෑගිලි වල හිදැස් හරහා ඔහුගේ මුහුණ දෙස රෞද්‍ර ලෙස බැලුවේ ය. ඔහු වේගයෙන් හුස්ම ගත්තේ ය.
"මගේ මව වත්මන් වැන්දඹු අධිරාජිනිය විතරයි!"
_________________________________________
අරුත් පැහැදිලි කිරීම
1. යින් හෝරාව - උදෑසන තුන සහ පහ අතර කාලය.
2. චීනයේ ඔතන ලද රෝල් - සුදු සහ කහ වර්ණයෙන් යුක්තය.
3. 烧酒 ෂාඕජ්‍යු - බයිජ්‍යු ලෙසද හදුන්වයි. බඩඉරිඟු වලින් පෙරාගත් යුෂ වලින් සාදන අතර තං රාජ්‍යවංශ වලදි වඩාත් ජනප්‍රිය විය.
♥️♥️♥️
ReplyDelete