ලී ජ්‍යන්හෙං තම වැදූ මව පිළිබඳ කිසිවෙකු හා කතිකා කර නොතිබිනි , කිමද යත් එය ඔහුගේ දුර්වල ස්ථානය වන බැවිණි. ඔහුව වැදූ යුඒ වංශයේ මවට රාජකීය උපභාර්‍ය තනතුර නොතිබුණේ ඇය මාලිගාවේ සේවිකාවක ව සිටීම හේතුවෙනි. නිළ වාර්තා වල ඇගේ නම සදහන් වූයේ යුඒ යන කෙටි නාමයෙන් පමණකි. එමෙන්ම එය ඈ පිළිබඳ තිබූ එකම තොරතුරද එය පමණකි
ලී ජ්‍යැංහෙන් තවමත් ළදරුව්යේ පසුවෙමින් පොරෝනය තුළගුලිව හිදිද්දී ෂියන්දේ අධිරාජ්‍යයාගේ මව ලූ ආර්යාව ඔහුව නැවතත් ඇගේ මාළිගයට රුගෙන ආවා සේම ඈ ඔහුට කවා පොවා පෝෂණය ද කළා ය. පහුගිය අධ්‍යාපනයත් කුසලතාවලත් ඌනතා මට හේතුව වූයේ ඔහු පාසල් යන අවධියේදී කිසිවකුත් හේ පිළිබඳව මතක් වූයේවත් සොයා බැලුවේවත් නොමැති හෙයිනි. පසු කාලීනව, ඔහු තමාගේ කාලයෙන් වැඩි කාලයක් නපුංසකයන් සමග ක්‍රීඩා කළේ ය.
ඔහුට රාජකීය උපභාර්යා මවක් සිටියේ නැත , පාලිකාවක් පමණකි.
ඈ ෂියන්දේ අධිරාජ්‍යයාගේ පෞද්ගලික සේවයාගේ ආදරවන්තිය වී සිටියා ය. ඇය අහංකාරියක වූ අතර, ඈ ලී ජ්‍යංහෙන්ට කෲර ලෙස සැලකුවා ය. සෑම දිනකම , ඈ ඔහුව හොඳින් නිසිලෙස පෙනෙන සේ පැළදවූයේ නමුදු ඔහු බොහෝ විට රාත්‍රි කාලයන්වලදි නිදි වර්ජිතව කුසලින්නේ සිට තිබුණි. ලී ජ්‍යංහෙන් මේ පිළිබඳව තම වැඩිමහල් සොහොයුරාට පැවසු විය, ෂියන්දේ අධිරාජ්‍යයා ඔහුගේ පෞද්ගලික අතවැසියා හට පහර දුන්නේ ය. ඉන් පසු ඒ සේවකයා විසින් පෙරලා පැමිණ ඒ පාලිකාවට පහර දෙනු ලැබුණි. පසු දින සිට, පාලිකාව ලී ජ්‍යංහෙන්ට ශිතල උරහිසක් දුන් අතර ඈ ඔහුට ශෘතල ආහාර ලබා දුන්නා ය. ඇය කිසිදින ඔහුට පහර නොදුන්නද ඈට තියුණු ජීහ්වයක් තිබුණ අතර ලී ජ්‍යැන්හෙං නැවතත් ඒ පිළිබඳව කිසිවෙකුත් හා කතා කරන්නට තරම් එඩිතරද නොවුණේ ය. ඔහු නිසි ලෙස කතා කරන්නට පෙර අවධියෙ සිටම, හේ එ් වනවිටත් නොහොබිනා අසභ්‍ය වචන රාශියක් දැන සිටියේය.
ඔහුගේ වැදූ මව මාළිගාවේ පහත් ගණිකාවක් වග පාලිනාව ඔහුට පවසා තිබුණේ ය. අවීනීත පෙම් සබදතාවක පුථිපලයක් නිසා ඇයගේ වූ රහසිගත ගැබ් ගැනීම වසන් කිරීම සඳහා මාළිගාවේ හිරපු ආර්යාව ඇගේ නිවස්නයේ ඇයව නැවත සුවවන තෙක් තබාගෙන සිටි බවත් ඔහුට දැනගන්නට ලැබුණි. මේ නැවත සුව වනතුරු යන වඳන නිසාවෙන් ඇයි නිවසින් කිසි දානක පිටතට නොගියා සේම මාරාන්තිකව රෝගාතුර වූ තැනැත්තියක ද වූවා ය. නමුත් ඇගේ පුත්‍රයා දැනගන්නට අවස්ථාවක් ලබා ගැනීමේ ආශාව ඇය අතහැර සිටියේ නැත.
ලී ජ්‍යංහෙන්ට පස් අවුරුද්දක් සපිරෙද්දී , ගුආන්චෙන් අධිරාජ්‍යයා ලූ ආර්යාවගේ මාළිගයට පැමිණියේ ෂියන්දේ අධිරාජ්‍යයාගේ හා ලී ජ්‍යැන්යුන් ගේ අධ්‍යයන මට්ටම පරික්ෂා කරන්නට ය. ඔවුන් කතිකා කරමින් හිදිද්දී , අන් අය සමගින් ක්‍රීඩා කරමින් සිටි ලී ජ්‍යන්හෙං ව ගුආන්චෙන් අධිරාජ්‍යයාට දකින්නට ලැබුණි, හේ ඔහුව අසලට කැඳවාගත්තේ ය. ඔහු තම පියාව මණ ගැසුණු ප්‍රථම අවස්ථාව ද එය විය.
ගුආන්චෙන් අධිරාජ්‍යයා ඔහුගෙන් ලිවීම පිළිබඳ විමසන්නට විය.
ලී ජ්‍යංහෙන් තම හස්තයේ රැහැයියාව කද නොට ගුලි කරගනිමින් හිදි අතර ගුආන්චෙන් අධිරාජ්‍යයා දෙස එක එල්ලේ බලන්නට ඔහු නිර්භීත නොවුණේ ය. ඔහුට නිසි ලෙස කතා කරන්නටද හැකියාවක් තිඉුණේ නැත ,
ඔහු බොහෝ විට ගොත ගැසූ අතර තමාගෙන් අසන ලද්දේ මොනවාදැයි ඔහුට අවබෝධයක් තිබුණේ ද නැත.
ගුආන්චෙන් අධිරාජ්‍යයා ඔහුව අධමයෙකු ලෙස දුටුවේය. ලී ජ්‍යංහෙන්ට ඒ වන විටත් වයස අවුරුදු පහකි, නමුත් ඔහුට තවමත් තමාව හදුන්වාදෙන්නට නොහැකි විය, ඔහු සතුව එතරම් ප්‍රියමනාප පෙනුමක් ද තිබුණේ නැත, ලැජ්ජාශීලී බවක් පමණක් ඔහුගෙන් දිස්විය. ඔහුට රාජකීය වංශිකයෙකුගේ ප්‍රතිභාවක් නොතිබුණි.
ලී ජ්‍යංහෙන්ට නිසැකවම ගුආන්චෙන් අධිරාජ්‍යයා හා කතා කරන්න ට අවශ්‍ය වූවද ඔහු බියට පත්ව සිටියේ ය. ඔහුට මේ සිටින්නේ තමාගේ පියා බව නොහැගුණු අතර ඔහුගේ දීර්ඝ ප්‍රශ්න කිරීම් හමුවේ ඔහු හඩා වැටෙන්නට පටන් ගත්තේ ය. මෙයින් ගුආන්චෙන් අධිරාජ්‍යයා ඔහුව සම්පුර්ණයෙන් පිළිකුල් කර දැමුවේ ය. එය ඔහු තම පියා, ගුආන්චෙන් අධිරාජ්‍යයා දුටු පළමු හා අවසාන වතාවද විය.
ගුආන්චෙන් අධිරාජ්‍යයා පිටව ගිය පසු ලී ජ්‍යන්හෙං දුටුවේ තමා නොදැනුවම ඒ රුහැයියා මිරිකා මරා දමා තිබුණ බවය.
ලී ජ්‍යන්යන් සිතුවේ කම බාල සහෝදරයා පලනට නැති අයෙකු ලෙසය. ඔහුගේ සෞඛ්‍ය තත්වය හොඳ මට්ටමක තිබුණද ඔහු ඔටුන්න හිමි නුමරුට පසු ඔහුට වඩාත්ම පක්ෂපාති වූ පුද්ගලයාද විය. ඔහු ලී ජ්‍යන්හෙං ට අනුකම්පා කළේ ය. ඉතිං ඔහු ගුආන්චෙන් අධිරාජ්‍යයා හමුවේ ඔහුට තමා හා සිප්හලට යන්නට ඉඩ දෙන මෙන් බැගෑපත් වී අයැද සිටින්නටද විය.
ලී ජ්‍යන්හෙං ඔහුගේ සහෝදරයන්ව දැන හඳුනා ගත් නමුත් ඔවුන් සියල්ලෝම සුඛෝපභෝගී ඇකයන් තුරුළේ ජීවත් වූහ. ඔවුන් ඔහුගේ සහෝදරයන් නොවන බව ඔහුට සෙමින් අවබෝධ විය.ඔවුන් ඔහුට සමච්චල් කළහ, ඔවුන් පෙරාතු ලේඛන සහ යෝග්‍යතා ගැන කතා කළහ, ඔවුන් ඔහුට තම පිරිසට වැද වැටී ආචාර කරන්නට ඉඩ සැලැස්වූයේ ය. ලී ජ්‍යන්හෙං ට එය නොවැටහුණු අකර තම සහෝදරයන් දුටු පමණින් ඔහු වැද වැටි ආචාර කළේ ය , නමුත් ඔවුන් ඔහුට ඉගැන්වූ එකම මෙය පමණක් විය. ඔහු එසේ කළ විට, ඔහුට උදව් කිරීමට එක නපුංසකයෙක් හෝ මාලිගාවේ සේවිකාවක් හෝ ඉදිරිපත් වූයේ නැත.
ඔටුන්න හිමි කුමාරයා සහ ලී ජ්‍යන්යුන් ළඟ සිටින විට සියල්ලෝම ඥාති සහෝදරයන් මෙන් සහෝදර සෙනෙහස මවාපෑවෝ ය. ලී ජ්‍යන්හෙං ඒ පිළිබඳ වදනක් හෝ පැවසුවේ ද නැත, අතෙක් අතට ඔහුව පවසන්නට අයෙක් හිටියේ ද නැත. ඔහු ටිකෙන් ටික නියමිත වෙලාවට ඉගෙනීමට යාම නවතා දැමුවේ ය. ඔහු ලී ජ්‍යන්යුන් සමග නරි කුීඩාව කරන්න ට පටන් ගත්තේ ය. අසනීපයක් මවාපාමින් නිදාගෙන සිටියේය - ඔහුට උදව් කළ හැකි යමක් වූනද ඔහු නොපැමිණෙනු ඇත, ලී ජ්‍යන්හෙං උගන්වා නිවැරදි කළ නොහැකි අතරමං වූ අයෙක් බව ලී ජ්‍යන්යුන් හට හැඟී ගියේය. පසුව ඔහු ද එය අත්හැර දැමුවේ ය.
ලී ජ්‍යැන්හෙං නපුංසකයෙකු පසුපස කුඩා කුහරයක් හරහා ගිය කාලයක් තිබුණි, ඔහු ඒ අතරින් මිරිකෙමින් ගමන් කළේ ය., නපුංසකයෝ ඔහුට විහිළු කරන්නට උත්සහ කළද තම මුව වසා ගත්තෝ ය, ඔවුන් ඔහුට රාජකීය මුළුතැන්ගෙයින් රසකැවිලි ලබා දුන්නේ ය, ඔහු කෑම සොයන බලු පැටියෙකු මෙන් විය. ඒ උණු
රසකැවිලි කිහිපයෙන් ඔහුගේ වලිගය සොලවන්නට ඔහු පෙළඹුණේ ය. ඒ කුඩා කුහරය තුලදී ඔහු මින් පෙර කිසි දිනෙක ආහාරයට ගෙන නැති ආහාර රාශියක් ලැබුණේ ය, එසේම ඔහු තම මව දුටුවේ ඒ කුඩා කුහරය තුළින්ම ය.
ලී ජ්‍යන්හෙං යුඒ ආර්යාව හදුනාගත්තේ නැත.
නපුංසකයා ලී ජ්‍යන්හෙං පොළඹවාලූයේ ය, යුඒට දුර්වල අවලස්සන එකියකැයි පැවසුවේ ය. ඉතිං ලී ජ්‍යන්හෙං ද ඇයට එලෙසම පැවසුවේ ය. යුඒ ආර්යාව බිත්තියට හේත්තු වී , හඬාවැටුනේ ඔහුව දුටු මොහොතේ ය. ලී ජ්‍යන්හෙං සිතුවේ මේ කාන්තාව මානසික රෝගයකින් පෙළෙන අයෙක් ලෙසයි. ඔහු ඔහු දෙස බැලුවේ බියත් සන්තාපයත් මුසු බැල්මකින් යුතුවය. එය ඔහුට හඬන්න ඕනැ කරවූයේ ය.
ආපසුගිය පසු , ඔහුට නැවත වරක් පාලිකාව බැන වැදුනා ය. ඒ ලී ජ්‍යන්හෙං මුත්‍රා කරන්න ට මධ්‍යම රාත්‍රියේ පිටතට ගිය විට. පාලිකාව තමාව කුපිත කරන්න ට උත්සහ කළ නපුංසකයා සමඟ රහසිගත හමුවක් පවත්වන බව ඔහුට ඇසිණි. ඔහු මුත්‍රා කිරීමෙන් පසු අහම්බෙන් මුත්‍රා බඳුනට පයින් පහර දීම නිසා ඔහුව ඒ දෙදෙනා අතට හසුවිය.
ලී ජ්‍යන්හෙං ඔවුන් ගැන කියනු ඇතැයි ඈ බිය වූවා ය., එදින රාත්‍රියෙන් පසු ඇය ඔහුට රසකැවිලි බොහොමයක් ලබා දුන් අතර නැවත කිසි දිනෙක ඔහුට බැණ වැදුනේ නැත, ඒ වෙනුවට ඇය ඔහුට සැලකුවේ ඔහුව ඇගේ දෑතින් අල්ලාගෙන දවස පුරා ඔහුව පොළඹවා ගැනීමට ආශාවෙන් සිටින්නාක් මෙනි. බොහෝ රසකැවිලි වර්ග, ඒවායින් එකක් සේද-කැදලි කොටියාගේ ඇස් රසකැවිලි ලෙස හැඳින්විණි, සෑම දිනකම එයින් ස්වල්පයක් පමණක් තිබුණි, එය ලී ජ්‍යන්හෙං ට අනුභව කරන්න ට නොහැකි විය; ඒ වෙනුවට, ඔහු සෑම දිනකම ලී ජියන්යුන් පසුපස ගොස් එය ලබා දුන්නේය. නමුත් එම වසරේ සිට ලි ජියන්යූන්ගේ සෞඛ්‍ය තත්වය නරක අතට හැරෙන්නට පටන් ගත් අතර ඔහුට පන්තිවලට යාමට පවා නොහැකි විය.
ලූ ආර්යාව මාලිගාවේ ආහාර පාන පරීක්‍ෂා කළ නමුත් ඇයගේ පරීක්‍ෂණයෙන් කිසිවක් හෙළි වූයේ නැත. සෑම රාත්‍රියකම ඇය ලී ජියන්යුන් ඉදිරියේ හඬා වැටුණාය. අධිරාජ්‍ය වෛද්‍යවරු පැමිණ ගිය නමුත් ලී ජ්‍යැන්යුන් කිසිදා සුව වූයේ නැත.
පාලිකාව ලී ජ්‍යන්හෙං ට රසකැවිලි ලබා දීම නැවැත්තුවා ය. ලී ජ්‍යන්හෙං ඔහුගේ රසකැවිලි ඉල්ලා හඬා වැටුණේ ය, ඉතින් පාලිකාව ඔහුට පැවසුවේ ඔහුව විසින් වද හිංසාවට ලක්කළ නැගෙනහිර මිදුලේ දුර්වල ආබාධිත පුද්ගලයා ඔහුට නැවත රසකැවිලි අනුභව කිරීම තහනම් කරන්නට අවශ්‍ය වූ බවය. ලී ජ්‍යන්හෙං සේද කැදලි කොටියාගේ ඇස් ගැන සිතමින් සිටි අතර, ඒ නිසාම ඔහු එම රෝගී කාන්තාවට වෛර කළේය. පැලිකාව ද පැවසුවේ ලී ජ්‍යන්හෙං ට නැවත රසකැවිලි කන්නට අවශ්‍ය නම්, ඔහු ලූ ආර්යාවට පැමිණිලි කර පෙර රසකැවිලි ලබා දුන්නේ ඇය බව පැවසිය යුතු බවයි.
ලී ජ්‍යන්හෙං ලූ ආර්යාවට පැවසීමට එඩිතර නොවූ නිසා ඔහු ලී ජ්‍යන්යුන් ට රහසින් කීවේය. ලී ජ්‍යන්යුන් ඔහු යහන මත වැතිර සිටින තැන සිට ඔහු දෙස බැලූ අතර, තම වැඩිමහල් සහෝදරයා තම පියාට සමාන බව ලී ජ්‍යන්හෙං හට හැඟුනේ ඒ මොහොතේය.
ලී ජ්‍යන්හෙං රාත්‍රියේ අවදි විය, පාලිකාව ඔහුව පිටතට ගෙන ගියේය, එහිදී ඔහුට ප්‍රධාන ශාලාවෙන් පිපිරෙන ශබ්දයක් ඇසුණි, ඔහු එල්ලෙන තිරය පිටුපස සිටි අකර, ඔහු මිනිස් රූප බොඳ වී යනු දුටුවේය, ලී ජ්‍යන්යුන් යහන මත වැතිර සිටියේය ඔහු වටා උඩ කබායක් සහිත වස්ත්‍රය ඔහු මතට වැටී තිබුණි.
ලී ජ්‍යන්හෙං ඉවතට පළා ගියේ ය.
ඒ රෝගී කාන්තාව අඩ නිරුවතින්, හිස පැද්දෙන බාල්දියට තද කර, නැවත නැවතත්, ඇගේ හිස එයට දමාගනිමින්, හුස්ම හිර ගනිමින්, කහිමින් වතුර පිට කළ අතර, ඇගේ නාසයට සහ මුවට සිරවන තෙක් නැවතත් ඇ ජලයේ හිස ගිල්වා ගත්තා ය, ඇගේ නියපොතු ලේ වැගිරෙන තලපයක් වී තිබුණි.
ලී ජ්‍යන්යුන් ලී ජ්‍යන්හෙං ව අල්ලාගෙන සිටියද කිසිත් කීවේ නැත. එම දසුන ලී ජ්‍යන්හෙං බියට පත් කළ අතර ඔහු ලී ජ්‍යන්යුන් දෙස බොහෝ වාරයක් ආපසු හැරී බැලුවේය.නමුත් ලී ජ්‍යන්යුන් ගේ මුහුණේ කිසිදු සිනහවක් නොතිබූ නිසා ලී ජ්‍යන්හෙංටද සිනහ වීමට තරම් ධෛර්යයක් නොවී ය.
කාන්තාව බාල්දියට තද කරන විට ඝෝෂාකාරී හඬක් නැඟිණි.ඇය වේදනාවෙන් බාල්දිය මත නිය තැබුවාය, ඇගේ කෙට්ටු ඇඟිලි ලී කැබලිවලට හාරමින්, නියපොතු වල සිදුරු ඇති කරන්නට විය.
ලී ජ්‍යන්හෙං ඇය දෙස බැලීය. නමුත් ඔහුට ඇයගේ මුහුණ පැහැදිලිව මතක නැත. එහෙත් එම ගොරහැඩි හඬ ඔහුගේ මතකයේ රැදී තිබුණි.පාලිකාව උස නිරෝගී කාන්තාවක් වූවාය. ලී ජ්‍යන්හෙං ඇයට කැමති නොවීය. ලී ජ්‍යන්හෙං තමාගේ අනාගතයේ දි තෝරාගනු ලබන කැනැත්තිය සියුමැලි කාන්තාවක් වනු ඇත.
ලී ජ්‍යන්හෙං ජලයට කැමති නැත; ඔහු එය අපිරිසිදු බව සොයා ගත්තේය.
එදින රාත්‍රියෙන් පසු පාලිකාව ඔහුට වඩාත් හොඳින් සැලකුවාය. ලී ජියන්යුන් ඔහුටද හොඳින් සැලකුවේය. කිසිවකු ඔහුගේ අධ්‍යයනය ගැන සඳහන් නොකළ අතර ලී ජ්‍යන්යුන් ඔහුව අක්ෂර වින්‍යාසය පුහුණු කිරීමට තබා නොගත්තේය. ලී ජ්‍යැන්යුන් ඔහු සමඟ සෙල්ලම් කරන්න ට නපුංසකයන් පවා පැවරීය. ලී ජ්‍යන්හෙං සම්පූර්ණයෙන්ම නිදහස් විය. ඔහු නින්දට වැටෙන තුරු මුළු දවසම ක්‍රීඩා කළේය. ඔහු නව යොවුන් වියට පැමිණ වෙනම නිවසකට යාමට සිදු වූ විට, ලී ජ්‍යන්යුන් ඔහුගේ නිවසට රූමත් කාන්තාවන් විශාල ප්‍රමාණයක් යැව්වේය. වරක් තමාගේ රසය සහ රූමත් කාන්තාවන්ගේ විනෝදාස්වාදය තේරුම් ගත් ලී ජ්‍යන්හෙං පාලනයෙන් තොර අයෙක් බවට පත් විය.
වසර ගණනාවක් ගත වන තුරු ඒ රෝගී කාන්තාව යුඒ ආර්යාව බව ඔහුට සොයා ගන්නට ලැබුණේ නැත.
❖❖❖
“මගේ මව වත්මන් වැන්දඹු අධිරාජිණිය විතරයි!”
ලී ජ්‍යන්හෙං ගේ දෑගිලි වෙව්ලුවේ ය. ඔහු එය ෂී හොංෂුආන් ට පවසන බවක් පෙනුනද , ඒ මොහොතේදීම , එය තමාටම නැවත නැවතත් මුමුණාගත්තේ අධම පුද්ගලයෙකු විලසිනි.
ෂී හොංෂුආන් දෙතොල් දෙපසට කර සිනහවක් පෑ අතර ලී ජ්‍යන්හෙං පවසන දෙයට සවන් දුන්නේ ය. ඔහුට තම සිනහව වළක්වාගත නොහැකි විය. , “අධිරාජ්‍යයාණෙනි, හැම අයෙක්ම මේ ගැන සිතනවා, වැන්දඹු අධිරාජිණිය මනා ගෞරවක් දැක්විය යුතුයි තමයි. ඒවගේම දැන් , වැන්දඹු අධිරාජිණියට… ඇගේ......” ඔහු වේදනාවෙන් හුස්මක්ඇද ගනිමින් පවසන්නට විය, “… පුත්‍රයෙක් ගේ අඩුවක් තියෙනවා!”
ඔහු ගැඹුරු හුස්මක් ගනිද්දී ලී ජ්‍යැහෙන් ගේ ළයට පිහියෙන් අනින්නාක් සේ දැනුනේ ය. ඔහු අවිනිශ්චිත ලෙස තම ඇඟිලිවලින් කඳුළු පිස දමා පවසන්නට විය, "මම... මම දන්නවා!"
“මම හිතන්නේ නැහැ ඔබ ඒ
ගැන දන්නවා කියලා.” ෂී හොංෂුආන් පැවසුවේ ය.
ලී ජ්‍යන්හෙං පවසන්නට විය. "කවුද තමුන්ට මට මේ විදියට ගරුසරුවක් නැතිව කතා කරන්න අවසර දුන්නේ?"
“ මරණ මංචකයේ ඉන්න පුද්ලයෙක් යමක් පවසන්නේ තමන්ගේ හදවතින්මයි.” ෂී හොංෂුආන් ගේ මුවින් රුධිරය ගලා යන්නට විය. ඔහු තවත් පවසන්නට පෙර දෙතුන් වතාවක් ඉවතට කෙල ගැසුවේ ය, “අද ඔබටවත් මටවත් පිටතට යන්න නොහැකි වුනොත්, මෙතැන තව දුැටවත් පාලකයෙක්වත් ආමාත්‍යවරයෙක් වත් නැති වේවි; අපි ජලයෙන් යට වූ ගුලය නොමැරී ඉන්න දගලන මීයෝ විතරයි! ඔබ මොනවගේ අධිරාජ්‍යයෙක් ද? පෙරදි දෙවන ෂ්‍යාඕ ඔබව මකර සිංහාසනය මතට ඔසවා තැබුවා, ඔබ ඔබේ මුතුන්මිත්තන් ට වගේ ඔහුටත් කෘතගුණ සළකනවා! ඔබට අමතක ද? මුල ඉදලම ඔබයි ඔහුගේ ස්වාමියා. ඔබව බේරාගැනීම වෙනුවෙන් තමන්ගේ ජීවිතය අනතුරට ලක් කර ගැනීම තමයි ඔහු කරන්න ඕනේ! මෙතන මොනවගේ නීතියකද තියෙන්නේ දෙමව්පියන් තමන්ගේ පුත්‍රයන්ට වගේම මුණුපුරන්ටත් සළකන්න ඕනේ කියලා? ෂ්‍යාඕ වංශයේ හැම පිරිමියෙකුම දැන් ඒ තරම් කීර්තියක් සහ බලයක් භුක්ති විඳින්නේ ලීබෙයි සන්නද්ධ අශ්වාරෝහක සේනාංකය නිසයි. මේ වගේ හාස්‍යජනක දෙයක් දශක කිහිපයකට පෙර ගුආන්චෙන් අධිරාජ්‍යයා හිස මත තබාගෙන සිටීම කිසිසේත්ම නොඇසූ දෙයක් වේවි! ඔබ දෙස බලන කොට මම සැබවින්ම කනස්සල්ලට පත්වෙනවා! ඒවගේ අධිරාජ්‍යයෙකු වීම දැනෙන්නේ කොහොමද? මම රාජකීය වෙළෙන්දෙකු ලෙස ලුණු ලේවාය වටේ කලවම් කරමින් සිටි කාලය තුළ මම සතුටින් සිටි තරම්වත් ඔබට නොලැබෙනවා ඇති. ඔබ මේ තනතුරේ රැඳී ඉඳලත් මෙවැනි සුළු අපහාස විඳීමට යනවා නම්, ඔබ මා එක්ක දියේ ගිලී මිය යන එක හොඳයි."
මෙතරම් විශාල දෙයක් කතා කිරීමෙන් දුකට ඔහු වේදනාවෙන් ඇඹරී හුස්මක් ගන්නට මොහොතක් ගත කළේය. ලී ජ්‍යැන්හෙං හඬට සවන් දුන් ඔහු එක්වරම හඬා වැලපෙන්නට විය.
“උතුමාණෙනි…” ෂී හොංෂුආන් නිසැකවම ඔහුගේ හැගීම් හෙළිදරව් කරන්නට විය, “මටග් මව චින්ජෞ වල කාන්තාවක්. ඇය ඉපදුනේ පහත කුලයක. ඇයට මගේ පියාගේ හිත දිනා ගන්න හැකිවුනේ ඇගේ මවගේ වැඩිහිටියා වැඩිහිටි යාඕ ඇයට යම් යම් වැඩ පවරා එයින් යම් මුදලක් ලබා ගත් නිසයි. බලන්න මම දිහා. මම නීත්‍යානුකූල උපතක් ලද දෙවැන්නා වුනත්, මම සාමාන්‍ය පිරිමියෙක් වගේ ජීවත් වුනත් මට ආපහු නිවසට යන්න වෙන්නේ සුනකයෙක් වගේ. ඇයි ඔබ හිතන්නේ මම ෂූ මුහුදේ ඉදලා ආ නිසා , මම අවුරුදු අටේ ඉදන් මෙතැන දරුණු සුළගටත් රළ පහරටත් හසුවුණ පළියට හිස නමන්න ඕනේ කියලද? මේ හැම දෙයක්ම සිදුවුණේ මගේ දෙමව්පියෝ මගේ වැඩිමල් සහෝදරයට පක්ෂාගුාහී වෙලා පවුලේ තිබුණ මහානර්ෂ ධනයත් සම්පතත් ලබා දුන්න නිසයි! පස්සෙ,මට මුහුදෙදි කරදර වලට මුහුණ පාන්න සිද්ධවුනා. මගේ ව්‍යාපාරය කඩා වැටීම නිසා, මට චින්ජෞ වල සුවය ලැබෙනතෙක් අවුරුදු භාගයක් ම රැදී ඉන්න සිද්ධවුනා.බලන්න මම කොයිතරම් තරබාරුද කියලා. ඒ මම මගේ ජීවිතය බේරගන්න බොහොම පහත් විදිහට පෝෂණය ලැබුණ නිසයි. අප්‍රසන්නයි , එහෙම නේද? හාහා! ඒත් මම තුවාල ලබන්න කළින්,මමත් චින්ජෞ වල කඩවසම් තරුණයෙක් වෙලා හිටියා. මම පිටත් වෙන්න කළින්, මට මම ආදරය කරන කාන්තාව මුණගැහුනා. මම මුහුදට යන්න කලින් ඇයව විවාහා ගිවිසගත්තා. ඒත් මම ආපසු පැමිණෙනකොට, ඈ වෙනකෙක්ව විවාහ කරගෙන සිටියා—ඇය මගේ නෑණන්ඩිය වුණා. ෂී ගූ'අන් කියන්නේ කොයිතරම් හොඳ සහෝදරයෙක් ද. මම ඇයව මුණ ගැහුණෙඅහම්බයෙන් කියලා දැනගත්ත මගේ සඥෝදරයා ඇයව මම වෙනුවෙන් බලා ගත්තා. මේ වගේ අපූරු වැඩිමල් සහෝදරයෙක් කෙනෙක් මට වෙන කොහෙන්ද? මම ඔහුට ස්තුතිවන්ත වෙනවා. මගේ මුළු ජීවිතයෙන්ම!"
ෂී හොංෂුආන් මේ තෙත් සහ පටු බිම්කඩෙහි සිට කතා කරද්දී හඬන්නටත් සිනහවෙන්නටත් පටන් ගත්තේ ය.
"මගේ මුළු ජීවිත කාලය පුරාම මම ඔහුට ස්තූතිවන්ත වෙනවා! මේ ලෝකයේ අනුකම්පා නොකරන්නේ කාටද මහරජතුමනි, ඔබ මට අනුකම්පා කරන නිසා අධිරාජ්‍ය අධිකරණයේ සහ සාමාන්‍ය වැසියන්ගේ බලය අල්ලාගෙන සිටින මහ ලේකම් වෙන්න දෙන්න ඔබ කැමතිද? ඔබ දෙවැනි ෂ්‍යාඕටත් අනුකම්පා කරනවද?, ඔහුට ටික කලකට චූදුවල අතිමහත් ජනප්‍රිය ආණ්ඩුකාරධිපති සෙනෙවිතුමා සෙනෙවිතුමා වෙන්න ඉඩ දෙන්න, නමුත් ඔබට අනුකම්පා කරන්නේ කවුද?දෙවන ෂ්‍යාඕ ඔබට සැබවින්ම අවංක නම්, ඔහු ෂ්‍යාඕ ජීමිං ට ඔබ ඉදිරියේ ඒවගේ වචන පවසන්න ඉඩ දෙයිද? අවට සිටින මිනිසුන්ට හිරිහැර කරන්න ඔහුගේ බලය අනිසි ලෙස භාවිතා කරාවිද?! එහෙම නම්, ශෙන් වෙයි තමන්ගේ වැඩිහිටියා වුන අටවැනි ශෙන් දෙස නැවත බලන්න. රාජකීය බන්ධනාගාරය එතරම් විනෝදජනක ස්ථානයක්ද? ඔහු අවුරුදු පහළොවේදී ජි ලෙයිගේ අතට පත්වුණා. දරුණු විදිහට කසයෙන් තළලා ලෙලි ගසලා තිබුණත් ඔහු සම්පුර්ණ නිරයම තමන් මතට ගත්තා. ඔහු දැන් එතැනින් පිටතට ඇවිත් සිටිනවා, නමුත් ඔහු දිහා බලන්න, ඔහු පැහැදිලිවම අවතාරයක් වෙලා, ලෝකයේ හැම අයෙක්ම අනුකම්පා සහගත ය. ඔබ ඔවුන් හැම කෙනෙකුටම අනුකම්පා කරනවා නම්, ඔබ අධිරාජ්‍යයෙක් වෙන්නේ කොහොමද?, කියමනක් තියෙනවා , හැම මනුෂ්‍යයෙක්ම තමන් වෙනුවෙන් තමන්ගේ යක්ෂයා පසුපසට තබා ගන්නවා - පුද්ගලයෙක් මුලින්ම තම තමන්ගේ අවශ්‍යතා ගැන සොයා බලන්න ඕනේ. තමන්ගේ මව ගැන පහත් විදිහට කතා කරන ඝෝෂාකාරී මිනිසුන්ට ඇහුම්කන් දෙන්න එපා. ඔබේ වාසගම ලී, මගේ ෂී.අපට ඒ ඇති! මිනිසුන් ඉපදිලා තියෙන්නේ උසස් පහත් කියා වෙන්කර හදුනගන්නයි. , පහත් අය සහ වංශිකයෝ! කිසිවෙක් පාලකයෙක් විදිහට ඉපදෙන්නේ නැතිබව හඟවන අතිශෝක්තිජනක පැනයන් මෝඩයන්ට හදපු දේවල් ටිකක් විතරයි. කවුරුවත් නීති රීති වලට යටත් නොවෙනවා නම් කොහොමද රාජ්‍යයක් පවතින්නේ? ඔබේ නම ලී ජ්‍යැන්හෙං , ඒ නිසා ඔබ ඔහුට වඩා , ෂ්‍යාඕ චීයේට වඩා උසස් ලෙස ඉපදිලා තියෙනවා! ෂ්‍යාඕ වංශය දුෂ්ට චේතනාවන් ඇති කර ගන්න එඩිතර වුනත් ඔබ බිය වෙන්නේ මොකට ද? ඔබ තමයි ලෝකයේ හැම සාමාන්‍ය වැසියෙක්ගෙම හදවත් සහ මනස් ඇති තැනැත්තා. ඔවුන්ගේ උපක්‍රම මොනවා වුනත්, ඔවුන් හැමෝම ද්‍රෝහියෝ වගේම කැරලිකරුවෝ විතරයි! ඔබ ඔබේ දෑත් ඔසවලා කතා කලත් මේ ලෝකයේ ඔබට අකීකරු වෙන්න නිර්භීත වෙන්නේ කවුද? ස්වර්ගයේ පුත්‍රයා යැයි පවසන්නේ මේකටයි!"
*ස්වර්ගයේ පුත්‍රයා යැයි පවසන්නේ මේකට!*
ලී ජ්‍යන්හෙං ට මෙම වදන් කෙතරම් උද්වේගකර සහ ප්‍රබෝධමත් බව පෙනුනේද යත්, එය ඔහුගේ සිහිකල්පනාවට බදුන් විය. මේ තෙත් සහ අපිරිසිදු ගුහාවේ ඇති වළ තුළදී පළමු වතාවට, ඔහු කවුදැයි ඔහුට වැටහුණි, යම් අවස්ථාවක දී, ඒ වන විටත් කඳුළු ඔහුගේ හදවත දිගේ ගලා ගියේය. ඔහු අතීතයේ සිදු වූ සියල්ල ගැන නැවත නැවතත් සිතුවේ තමා නිෂ්ඵල ලෙස ජීවත් වූ බව වටහා ගනිමිනි.
මේ අවස්ථාව ගිලිහී යාමට ඉඩ නොතැබූ, ෂී හොංෂුආන් දැඩි ලෙස දැඩි හඬින් දිගටම පවසන්නට විය, “ඔවුන් ඔබට සිනාසෙන්නේ නූගත් සහ බියගුලු වීම නිසාද? මේ ලෝකයේ මරණයට බිය නොවන්නේ කවුද?! ඔවුන්ට අවශ්‍ය ඕනෑම දෙයක් පැවසන්න පුළුවන් ඔවුන්ගේ ගෙද මතට අසිපතක් එල්ල නොවෙන තාක්. එහෙත් එහෙම සිදුවුනොත් දහදෙනෙකුගෙන් නවදෙනෙකුම තමන්ගෙම ඇදුම්වල මුතුා කරගනිවි. ඔබ අධිරාජ්‍යයා මිස ශිල්පියෙක් නොවේ!ඉගෙනීම සම්බන්ධ කාරණා සම්බන්ධයෙන් රාජකීය විද්‍යාලයේ සිසුන් නිතැතින්ම පිළිතුරු සපයාවි. රජයේ කටයුතු සම්බන්ධයෙන් ගත්තම , මහ ලේකම් කාර්යාලය තියෙන්නෙ ඒ වෙනුවෙන් නෙමෙයි ද? ඔබට අවශ්‍ය කාරණා ගැන සිතා බලලා ඔබට උපදෙස් දෙන්න නොවේද? ඔබ අධිරාජ්‍යයා! ඔබයි අධිරාජ්‍යයා!"
"මම අධිරාජ්‍යයා..." ලී ජ්‍යන්හෙං වෙව්ලමින් පැවසුවේ ය "ඔබ හරි. මම අධිරාජ්‍යයා තමයි" යැයි පුනරුච්චාරණය කරද්දී උණුසුම් මෙන්ම සීතලද දැනෙන්නට විය.
ෂී හොංෂුආන් සියුම් ලෙස මේ මොහොත අල්ලා ගත්තේය. ඔහු බොහෝ දුරට එහි සිටින බව දුටු ඔහු සැනසුම් සුසුමක් හෙලුවේය.
ඖහුආ මණ්ඩපය අමනාප කරගන්නට නිර්භීත කිසිවෙක් නොසිටියේ ය!ගොඩනැගිල්ල කඩා වැටී ජලයෙන් යටවීමත් සමඟ සියලු සාක්ෂි සේදී යනු ඇත. මූලික පරීක්ෂණයක් සිදු නොකොටම , චෝදනාව ෂී හොංෂුආන්ගේ හිස මතට සම්පූර්ණයෙන්ම පතිතවනු ඇත. ඔහු ලී ජ්‍යන්හෙං ග්‍රහණය කර නොගත්තේ නම් , පසුව ඔහු මෙතැනින් ඉවත් වූ පසු ප්‍රධාන අධීක්ෂණ කාර්යාංශයේ දෝෂාභියෝගය පමණක් ඔහුව පහතට කරන්නට ප්‍රමාණවත් වනු ඇත. ආදායම් අමාත්‍යාංශයේ ඇගයීම් කාර්යාංශයට අලුතින් පත් කළ ලේකම්වරයාට සමුදෙන්නට ඔහුට හැකි වනු ඇත. මේ සිද්ධිය නිසා හායි ලියැංයී ඔහුට මරණ දඩුවම නියම කරනු නොඅනුමානය.
මේ අපිරිසිදු ජලය මත, ෂී හොංෂුආන් සිය දෑත් පරිස්සමින් සිසාරා පරික්ෂා කළේය. ඔහුට මිය යන්නට අවශ්‍ය නොවීය, ඔහුට පිටුවහල් වෙන්නට ද අවශ්‍ය නොවීය, ඔහුට ෂී ගූ ග'අන් පන්නා දමා ඉහළට නැගීමද පහසු නොවීය. මේ තනතුරට යන මාර්ගය මෙන්ම ලී ජ්‍යැන්හෙං වැනි දුර්ලභ "හොඳ ස්වාමියෙක්" හමුවෙන්නට නම්, ඔහු ජීවත් විය යුතුය.
ඉක්මන් කරන්න.
ලේ ගැලීමෙන් සුදුමැලි වූ දෙතොල් සමඟින්, ෂී හොංෂුආන් නිහඬව තමාටම කියා ගත්තේය.
ෂුඒ ෂ්‍යුජුඕ, හායි ලියැංයී , ශෙන් ස'චුඇන්, සහ ෂ්‍යාඕ චීයේ වූවද කම් නැත... ඒ කවුරු වූවද හැකි ඉක්මනින් ඔහුව මෙතැනින් ඉවත් කරගන්න. ලී ජ්‍යන්හෙං මෙවැනි තැනය මිය යා යුතු නැත. ඔහු මෙතැන මියැදුනහොත් අතීතයේ කළ කී දැ නිෂ්පල වී යනු ඇත.
ෂී හොංෂුආන් දෑස් පියාගන්නට සැරසෙද්දී එකවරම ඔවුන්ට ඉහලින් මහා ඝෝෂාවක් නැගෙන්නට විය. ඉන්පසුවෙන්ම කඩාවැටුණු බිත්ති සුන්බුන් ඝෝෂාකාරී ලෙස බිමට ඇද වැටුනි.අධික වර්ෂාව මධ්‍යයේ විවිධ කටහඬවල් මුසු වෙද්දී දුගඳ හමන ජලයද ගලා ආවේය.
ෂී හොංෂුආන් ප්‍රීතියෙන් හඩන්නට විය. ලී ජ්‍යන්හෙං ව ඔසවනු ඔහුට ඇසුනි.එවිට අධිරාජ්‍ය හමුදාව එකවරම කෑගැසීම් මධ්‍යයේ ඒ ස්කන්ධයෙන් යුතුවූ ඔහුව බිමට ඇද දැමූවේ ය.
දුගඳ හමන ජලය ඒ වන විටත් ෂී හොංෂුආන්ගේ ඉණ දක්වා ඉහළ ගොස් තිබුණි. ඔහු දෑත් ඔසවා කෑගසන්නට විය, "බේරගන්න , බේරගන්න-"
ඉහළ සිට ෂ්‍යාඕ චීයේ ෂී හොංෂුආන් දෙස බැලනුනට විය. දැඩි වර්ෂාව ඔහුව සෝදා දමමින් තිබුණි, එහෙන්ම ෂී හොංෂුආන් ට තමා ශීතල ව යන බවක් හැගෙන්නට විය ෂී හොංෂුආන්ගේ ළය මට්ටම එන තෙක්ම ජලය ගලා ආවද, ඔහුව පිටතට ඇදගැනීමට ෂ්‍යාඕ චීයේ ට අදහසක් ඇති බව පෙනෙන්නට තිබුණේ නැත.
"ෂ්‍යාඕ'එර්..." ෂී හොංෂුආන් වෛරයෙන් ඔහුගේ වචන උච්චාරණය කළේය , ජලය වේගයෙන් ඔහුගේ හිස මතින් පිරී ගියේය , ඔහු අපිරිසිදු ජලයෙන් හුස්ම හිර කර දිවි ගලවා ගැනීම සඳහා ඔහුට හැකි සෑම දෙයක්ම අරගල කළේය.
ෂී හොංෂුආන් ඉහළට ඇදගෙන යද්දී , ඔහුගේ මුළු මුවම අපද්‍රව්‍යවලින් පිරී යන තෙක් ම ඔහ ජලයෙන් යටවී සිටියේය. ෂ්‍යාඕ චීයේ ඔහුව ඔසවන විට, ඔහු තම ඇඟිලි තදින් ෂ්‍යාඕ චීයේ ගේ දෑත්වලට සූරා දැමුවේ ය , ඔහු ගෙල දිගුකරමින් හුස්ම ගන්නා ආකාරය කණගාටුදායක දසුනක් වුයේ ය. ඔහු හුස්මක් ඉහළට ඇද ගත්තේ ය. " උඹ අම්මට ****න්"
ෂ්‍යාඕ චීයේ ඔහුය පහතට ඔබන්නට හස්තය තද කළේ ය, ෂී හොංෂුආන් මුව හා වාසය මඩෙහි ගිලි යන තෙක්ම ගිලි ගියේ ය. මෙය ඔහුගේ හුස්ම හිදී ගොස් ඔහුගේ ශක්තිය අඩු කරන්නට සමත් වුණද ඔහු මහත් වෙහෙසක් දරන්නට විය, නමුත් ඔහුට ෂ්‍යාඕ චීයේ ගේ යකඉ වැඩි ශක්තිමත් දෑත් මදකුදු සොලවන්නට නොහැකි විය.
ෂ්‍යාඕ චීයේ ට ඝාතනය කිරීමේ චේතනාව තිබුන ද, ඔහුට ඔහුව සැබෑ ලෙසම ඔහුගේ මරණය දක්වා රඳවා ගන්නට නොහැකි විය. පසුපස සිටි අය තවමත් සම්පූර්ණයෙන් ඉවත් වී නොතිබූ අතර, ලී ජ්‍යන්හෙං ව පිටතට ගන්නා විට අවදියෙන් සහ සන්සුන්ව සිටියේ ය.
ෂ්‍යාඕ චීයේ ඔහුගේ කරපටිය පිටුපසින් ඔසවා ඔහුගේ හිස පහත් කර වෛරී සහගත ලෙස පැවසුවේ ය, “ ආයෙත් ඒක කියපං බලන්න."
අරුත් පැහැදිලි කිරීම.
අතිශෝක්තිජනක පැනයන් : රජෙක්, ආදිපාදවරයෙක් , සේනාධිපතිවරයෙක් , ඇමතිවරයෙක් වෙන්නට උපන් අයෙක් වේද? රජවරුන්ට හා ප්‍රභූවරුන්ට උපතින්ම උසස් තත්වයක් ලැබේද? (= සෑම මනුෂ්‍යයෙකුම , කුමන අයුරින් උපත ලැබුවත් , ඇය හෝ ඔහුට ශ්‍රේෂ්ඨයෙකු විය හැක්කේ තමාගේ කැපවීමෙන් පමණකි.)
( කමෙන්ට් දාගෙන යන අයට ආදරෙයි පැලෙන්න.)
♥️♥️♥️
ReplyDelete